والي الجزيرة يغسل ملابسه بمبلغ 2600 جنيهاً شهريا
ود مدني – مدني محمد عبد الله
كشف قيادى بامانة حكومة ولاية الجزيرة بان الوالى البروف الزبير بشير طه يقوم بغسل ملابسه غسيلا جافا (Dry Clean) بمبلغ 2600 جنيه شهريا من نثرية مكتبه التى تبلغ 100 مليون فى الشهر وذلك منذ توليه هذا المنصب فى مايو 2009 م ولايستخدم الغسيل العادي على الاطلاق وان الحديث عن الوالى متقشف ودرويش ينافى الحقيقة والواقع باعتبار ان الوالي يصرف على مكتبه اكثر من 100 مليون شهريا دون مراجعة كما ان منزله الحكومي والذى تم تجديد الاثاثات فيه بعد ان غادر الوالي السابق المنزل وان المنزل خالي باعتبار ان اسرة البروف تقيم بالخرطوم وان الوالي يقيم فى جناح خاص بقصر الضيافة كما كشف بان رغم قرارات رئاسة الجمهورية بتخصيص عربة واحدة لكل دستوري إلا ان الوالي يحتفظ بستة عربات فى منزله وان الوالي منذ تقلد قيادة الولاية اهتم فقط بتعيين ذوي القربى فى الوظائف المقربة له، فعلى سبيل المثال قام بتعيين عاطف حجر المتزوج من شقيقته مديرا لمكتبه ثم مدير مؤسسة التمويل الاصغر رغم انه يحتفظ باقامته فى المملكة العربية السعودية كما قام بتعيين عادل الزين عديل سكرتير مكتبه منير عبد الرحيم مديرا عاما لمصلحة الاراضى مع العلم بان منير وعادل ظلوا معه فى جميع الوزارات التى عمل فيها الفترة الماضية كما كشف بان صيام الوالي كل اثنن وخميس يزيد الاعباء المالية على انسان الجزيرة باعتبار ان تلك الافطارات تقام فى مقر الحركة الاسلامية والمؤتمر الوطني علما بان 95% منهم غير صائميين يجيئون من اجل ارضاء الوالي ليكونوا من المقربيين المطبلين له.
وستهجن القيادي بأمانة حكومة الجزيرة تستر الوالي على الفضائح الاخلاقية التى حدثت بالولاية وعلى سبيل المثال فضيحة الوزير ابو قناية بنادى الجزيرة والمسؤل الرفيع والفتاتين، وفضيحة امانة الحكومة الاخيرة ناهيك عن التشابك بالايدى بين الدستوريين والتنفيذيين.
الحجر الاسود ماهو البروة
اركز اركز لاتجيب رخوة
يامتكرفس توب التقوة
لا اتزكر قصيدة حميد جيدا لكن توافق هذه الحالة
الصحفي الطاهر ساتي جاب اخر الراجل دا من زمان لكن البقدر يقول البغلة في الابريق منو … خلي ود مقنعة يسالوا لك الله يالسودان
يعني واليكم وصحابتو شغالين غسيل اموال ..؟؟
هو ذاااااتو أظنه بستحمة Dry clean ماشاءالله
هاك السادس ونفسك سدّ:
رئيسا راقص رقصا شين
مسئول مزواج ركّاب سرجين
وزارة تجارة وبياعين
ناسا عايشة ومبسوطين
جضوم منفوخة ملمّعة زين
كروش ممدودة متر مترين
أيادي طريّة نعومة ولين
طالعين ماكلين نازلين بالعين
مناشر تنشر مطحونين
بفقه السترة محميين
ومندسين ومدسوسين
بفقه ضرورة وقوّة عين
نهّابين ومغتصبين
فساد شفناهو رأي العين
وشمّيناهو أبو العفين
وناس بهناك دايشين دايخين
بطونهم خاوية وما لاقين
وجوهم هايمة وفقرانين
وعينهم طالعة وكمان صابرين!!
وليه ساكتين ؟
ولي متين ساكتين ؟
بإسم الدين الخدّاعين
خلو حياتنا زفت وطين
تجّار الدين الأفاكين
ملعونين ملعونين
ملعونين لي يوم الدين
غشيتونـــا
وبشتنتونـا
وعذبتونـــا
وجننتونـــا
وبكيتونا دمع ودم
ولطمة خدّ
******
وتقولّي كمان؟
تلاتة كباري وشارعين وسد؟ !!!
ياخي قول: ميتين كبري ومليون شارع وألفين سد
إيـــــــــــه بيسوّا قصاد وطنا إتبخر وإتفتت؟!
إيــــــــــه بتعني أمام حلـما إتلاشـى وإتبدد؟!
إيــــــــــه بتغني مع فشـلا إتأصّل وإتوطّــد؟؟!!
يا والى انت هدومك دى وسخانه قدر كده وكمان غسيك جاف يا رجل الدين .. عندما مرض سيدنا عمر بن عبد العزيز مرض الموت زاره اخ زوجته فوجد ان قميصه الذى يرتديه وسخ ,فطلب من زوجه امير المؤمنين ان تقوم بتغيير ملابسه لانها وسخه …عاد فى اليو التالى وجد القميص كما هو فزجر اخته وهى زوجه امير المؤمنين وقال لها : الم اقل لك غيرى قميص امير المؤمنين لانه ( وسخان ) فنظرت الى الارض ودموعها تترقرق وقالت لاخيها بان امير المؤمنين ليس له قميص اخر … قميص واحد لعمر ابن عبد العزيز وانت ايها الوالى المفترى تغسل ملابسك بهذا المبلغ … امير المؤمنين عمر كان يحكم دوله من الصين حتى فرنسا …امير المؤمنين عمر فى عهده لم يجدوا من يعطوه الصدقه …كم ام وكم اب وكم طفل فى ولايتك ارهقهم المرض ..كم الذين باتو ( القوا ) كم عاطل وكم متشرد وكم يتيم يا مفترى …اتق الله ولا حول ولا قوه الا بالله
ده الكلام. مش قلنا ليكم راجل نضيف؟ شوفو بغسل بكم؟ في انضف من كده؟
المبلغ الذكور بيفتح كم بيت اسرة فقيرة فى ولايتك
الزول ده مخلووووووووووووع والمخلوعين بتعرفوا من مبالغاتهم مابعيد تكون ملابس
المدام بغسلوها فى لندن ( وكت كنا ما كانوا وكت دقسنا الناس بانوا ) برضوا حيطلع من الدنيا وسخاااااااااااااااااااااااان ولونه يتحول لاسوووووود وكثيرين يا ويلهم يوم تبيض وجوه وتسود وجوه
والي الجزيرة خلينا من تقشفة وصيامة ان كانت لله فلا يجب ان يعلم بها احد وان يعملها رئاء الناس فهذا حساب خاص لة اوعلية ولكن ماذا فعل لهذة الولاية وانا احد ابنائهافان نسبةالتعليم انخفضت بصورة مريعة وكانت الجزيرة الريادة في التعليم وكانت تتفوق علي العاصمة الاعلام لاتوجد صحف تحمل هم الولاية الازاعة والتلفزيون مع انها من اقدم الاجهزة بعد ام درمان حتي الان لاتسمع في الفضاء مع ان الولايات حديثة التكوين صار لها صوت في الفضاء الخارجي انسان الجزيرة مهضوم الحقوق وبحة الاصوات في تدهور المشروع واخيرا نطق عن المشروع مجاملة للذين يريدون الترشح في الانتخابات المزعومة وسنطلق شعار نامل من كل مواطني الجزيرة اتباعه ان كانوا يريدون العيش بكرامة
هدم الوالى تكزن بتتغسل بالزبادى القال اتعشى منو ود الظافر قبل كدا ولا ايه يا عبّاقى!!!
ضيعتونا وشتتونا شمال ويمين يا تجار الدين عاملين صائمين لكن جالدين ماخليتو شئ للمساكين طالعين ماكلين نازلين بالعين مساكييييييييييين نحن المزارعين.
غسيل جاف شنو يا أولاد المقطعين ، أنا مواطن ساكت بغسل غسيل جاف الشهر ب 500 ألف جنيه ما بالك ده والي مفروض يتوضأ وضوء جاف .
ياجماعة يعني يكون وسخان من بره وجوه
والقيادى ده الشهر الفات ما ادوه مكرمه ولا شنو يعدين المائة مليون بتاعت الولاء دى مش اجازها مجلس السجم ده القالوا عايزين زيادة مخصصات استقيلوا استرحوا وخلونا نستريح حسبنا الله ونعم الوكيل فيكم يااكلى مال اليتامى
والي الفساد يتمتع بالمال كاحد خلفاء بنو امية ويعلم انه ليس هنالك عربة اسعاف بالولاية ولا توجد ادوية منقذة للحياة داخل المستشفيات ولا توجد اي بنية دراسية مؤهلة للأسخدام الادمي وليس هذا وحسب .انما دور اخوان الشيطان والانجاس هو تدمير اقليم الجزيرة والقضاء على انسان الاقليم وقد اتو بهذا الخنزير ليتم مابدؤهو منذ قيام حكومة الفساد ولن يحرك ساكنا مهما ظهرت فضائح هؤلا الاوغاد لكن ربما يحرك شئ في بعض قلوب الاحرار والثوار ليقومو بعمل ثوري بحمل السلاح في وجه الانجاس اما المظاهرات السلمية والاعتصامات لن تغير في عقلية اخوان الشيطان ولذا ارجو من شباب الاقليم الاوسط الانضمام الى ثوار الجبهة الثورية باسرع وقت .
محمد الحسن حميد
______________
كرويات الصبر البيضاء
اتلمت وغمت وغزت اجسادك
وبتا تهضرب
فى هضريبك امور تعزيبك
بين النخلة ومجرى النسمة
اتساقط طائر
فتفت وحتحت ريشو قصادك
وكان دا حبيبك وقمتا تجقلب
بين القيفة وباب النهر
دبيب الريح من دبش القهر
اتلوى اتلبد ولدغ الشيمة
الشيمة انكفت البحر انخجا
الذبد انعجا الطين انحترب
مرقت عقرب ورفعت شارة
اندفعت فارة تجاه المركب
وقعت سارا على صنقور
رواسى قريبك
وقام متوهدب وكابسو الجندب
وكان دى امجادك
بين الميدنا والارصاد انجرحت
غيمة الغيمة الطيبة الحاملة حلال
من الق البسمة الفى الاطفال
من عرق النسمة الفى العمال
والناس الفال انسرحت شظايا
اذان الوقت الواقع بين تعزيبك
وسرقة زادك
مدت ايدك تالا القبلة طشاشا
يعيبك
تسبى نديهتك تفقد جيهتك
تنزف تنسف دانات داعات ..الهوس الدينى..الطينى..الجينى
قوافل اورادك تركض تالا جنازتك…ونعش اولادك
تهتف تغضب تلقى قصادك
سد ترابى كور همباتة
لحى.. نخاصة وكل الساسة
الباعو نصيبك باستشهادك
عاد ان شاء الله تكون الجنة
الماهلة ميعادك
الا الحاصل ديل حسادك
بعض يقول الله لا عادك
وبعض ان لاقى طريقة يجيبك تانى
عشان الموت يصطادك
يا مجلوب فى السوق الاخرى
ويا متمقلب تحت جهادك
فر جوادك مات الطائر
وكرش الغيمة انبعجت طمت
تقدرتكشر حمرة عينك
تنكش سيفك تابى جفيرك
دابك تقوى يا بنى ادم
تفقد مرة مريرة ضميرك
تكسب ثروة
وتلقى العالم تحت سريرك
تروى وترضع زاتك من لذاتك
وحلو الحلوة مما تبلع
يوت تضرع تسال ربك
يمسح سفكك يغفر زنبك
خيرات شعبك اصلها كانت
عترة فى دربك
لما تعبتا وخانك حزبك
كانت هفوة فى لحظة سهوة
عن الانسان والحال الاسوى
ودابك فقتا وجاتك نخوة
وجيت تتكفر
يارب اغفراغفر عبدك خاسر
شئ ما بسوى
وين السطوة الجشع القسوة
يا متلبك فى الادران الحجر الاسود
ماهو البروة
وماها مكاوى الكعبة حين ينكرفس توب التقوى
والمشروع الدينى الخالص
ما محتاج لدراسة جدوى
وما فى خرط للجنة تودى
وما فى خطط ممهودة برشوة
يا من قال يارب من قلبو
رد الخالق دائما ايوة
لف بشكيرك فوق الراس
النشف غيرك ما تستهوى
واعلم انو سقطت
مع انك واقف فوق اسمنت
وتحتك عملة وهم واقفين
فى البرد الناشف وجاهم زاحف
قوز الرملة الاملاق العيش
الشاظف
فى ظلمات الذمن العاصف
قاسى عبور اليم يا نملة
واسى غلابة الدنيا الكت
بتتعب غنية عشان يرتاحو
الكجنو حنك
وصارو نفيرك وقت حصادك
وكان يجاروا عليك من دون ما تنادى
بارى نصيبك هرب خيرات بلدك برا
سيبك باوعية البلد القطت
ما يشفيك اليم النقط الا الدم
البداء يلقط واحد واحد
يا مجلوبة فى وضع خريف
بين راكوبة وحوش وصريف
سوس مرقو وسقفو يناهد
احسن بى كفى وكفك
نضارى الطفل الواعد
من تخويف تسويف موزيف
نلقى الوطن الحلم مو الطارد
والله الموت الدغرى الواحد….
دي اسما النظافة الظاهرية وهم كلهم كدا من برا هلا هلا ومن جوة اعلم الله عاملين فيها شخصيات وفاكنها في الناس
ااااااي طلعوا الفضائح دي و المصبن كتير ليكم يوم يا تجار الدين
ولا تحسبن الله غافلا عنكم
والله العظيم هذا اكبر جبان على وجه الارض والله مسحت بكرامتنا الارض يا جبان تخلي المزيعه تضحك من خوفك يا جبان والله مفروض دي تاني ما يتكلم ابدا والحكمومه الجبانه دي لو عندها كرامه تقيلهو على طول ولى كلهم في الهواء سوى والله ما تميت السماع خفت مرارتي تنفقع الله يفقع مرارتهم
مش هو الوالي والله بريد
خلو اليفعل ماذا يريد
زولا صايم ديمة وقايم
هو الدرويش مو هو العربيد
وهو العارف حق الله
وهو السيد ونحن عبيد
شفتو الجبهة النايرة بترقش
وايدو الناعمة نعمة السيد
وشفتو كلامو السمح الطاعم
ونضم الكفرة قسم هو بجيد
مادوشونا بجوع الفقرة
خيرنا هووافر وديمة بزيد
يوما شفتو لزاهد يشكي
ضنك الحال اوضيق الليد
كلو يهون والوالي مصمم
دين الله بالسيف يعود
وكم شفناه مشمر ماشي
نحو عدوالله ليبيد
وهل شفتوه حين اذ يطرب
كيف للعرضة هو يجيد
وهي لله وهي لله
عن ذا الوالي مابنحيد
نحن عمارنا عمار الاخرة
نحب ولينا نحب ونريد
خلو اللخمة الليلة صيام
وبكرة قياما بالتجويد
عاش الوالي السمح الناير
كل ايامنا معاه كعيد
حبة الدراى كلين الماسمعنا بيهو الا عند الوالى هسعما فتقت اذهانكم رمبيو الرميات دى كلها دى ما من انجازات الثورة
ابستم انت في مدني
الله يرحمك يا عبد الرحيم محمود حاكم الاقليم الاوسط سابقا
هو بيسهل في هدوموا
ده لو بشتري كل شهر ملابس جديدة ويتبرع بالملابس القديمة ما بتوصل للرقم ده .. عجايب أهل الإنقاذ
انا غايتو سمعت انو ذي شيخ حسن ( الامين كشكوش ) وكمان ذي حاج نور ؟؟؟؟ والله اعلم
والله عجائب من الدمورية للغسيل الجاف ابوك لما مات ماعنده جلابية دبلان لكن انت عملتها مشاترة وجافه
ده من العفن والوسخ الفيهم
دي هي لله هي لله لا للسلطة ولا للجاه القاصدنا المنافين ديل بيان بالعمل عديل كده . أظن كده واضح ومفهوم . في أي زول ما فاهم ؟؟ !!
حرامية ما اكتر
ده مثال بسيط عن واحد من الالوف امثاله الحرامية
ميزانية البلد وخيراتها كلها ناهبينها
صايم ليها شنو يا حرامي
ان شاء الله تغسل جسدك بنار جهنم انت واتباعك الكيزان
حرامية ما اكتر
ده مثال بسيط عن واحد من الالوف امثاله الحرامية
ميزانية البلد وخيراتها كلها ناهبينها
صايم ليها شنو يا حرامي
ان شاء الله تغسل جسدك بنار جهنم انت واتباعك الكيزان
هؤلاء قرود
الما تلقي في بيت ابوك بيقلعك ….!!!!!
الزول ده هو بيبول في ملابسو ولا شنو يا ناس ؟؟؟؟؟
وسخانين جوه وبره الله ينتغم منكم .
الله يهدي الجميع .من فيكم يضمن ان تم تعييه او انتخابه او اختياره حاكم او وزير او مدير ان يكون مثله الاعلي رسول الله صلي الليه عليه وسلم او اصحابه الميامين رضي الله عنهم او التابعين من بعدهم امثال عمر بن عبد العزيز.من كان متاكدا انه سيكون مثلهم و بعهد مع الله فليكتب ومن يجد مشقة في ذلك فليعذر.
يا بروف كما يقول اهلنا البسطاء ان القلم ما بزيل بلم وان غسل ملابسك بمبلغ 2600 جنية شهرياً زاد من وسخك علي الوسخ العندك
خبر يمكن صاح يمكن لا …. غريب والله
قيل لعمر بن الخطاب لماذا لا تكسى الكعبة ذهبا ( قال لهم بطون المؤمنين اولا من ذاك)
يا جماعة الخير عريان العرض ما بسترنو هدومو ؟؟؟؟؟؟؟؟؟ فالوسخان وسخان ولو لبس الحرير واصلا هولاء الجماعة كالمؤخرات بلا مؤاخزة كل ما تغسلها تظل وسخه ؟؟؟؟؟؟؟؟؟؟؟؟؟؟؟؟؟؟؟؟؟؟
مافي داعي ياشباب علي الشتيمه خلو المخلوق للخالق ربنا هو العالم لاتجيبو لنفسكم ذنبوب الله يهدي الجميع
يا جماعة الوالي من الحركة الاسلامية يعني روحو طاهره الا شوية غبار بس في جلاليبو من غبار الجزيرة الكتير دا
والله لو كلمنا تكاليف الحمام كان عجايب بس الله ستر