الامين البرير : الشرط الجزائي في عقد غارزيتو لا يخيفنا
قلل السيد الامين البرير رئىس نادي الهلال المستقيل من اهمية الدوري الممتاز بالنسبة للهلال، وقال في حديث خاص لقوون امس ان الهلال يتطلع دائما للبطولات الدولية ويبحث جادا علي لقب قاري.
وحول المحاولات الجارية لاقناعه بالعدول عن الاستقالة قال تحدث معي كثيرون عن هذا الامر وهناك مساعٍ من اعضاء المجلس.وذكر البرير ان الهلال حقق فوزا باهرا علي
ضيفه سيو سبورت العاجي وكان بامكانه الصعود لولا الهدف القاتل الذي اصاب الشباك في اخر دقيقة.وقال بعيدا عن الهدف القاتل فان الهلال قد لعب مباراة جيدة والحظ لعب مع الفريق العاجي.وابان البرير ان مجلس الهلال قد قام بخطوات جادة حول ملف التدريب مشيرا في ذات الصدد ان الشرط الجزائي في عقد غارزيتو لا يخيفهم.
قوون
(والحظ لعب مع الفريق العاجي)
(اما الحكم فكان مع الهلال)
((وحول المحاولات الجارية لاقناعه بالعدول عن الاستقالة قال تحدث معي كثيرون عن هذا الامر وهناك مساعٍ من اعضاء المجلس )) لا لا لا ، خطير والله يا ساندرو روسيل .
سبحان الله
نادى الهلال للتربية البدنية
تأسسس سنة 1315 ك
يقلل من أهمية الدوري الممتاز .
ومع ذلك
يتطلع دائما للبطولات الدولية
ويبحث جادا علي لقب قاري
حكة والله وحكاية
تشغل أذهان العباد
الزول دة مش قالو استقال!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قلل السيد الامين البرير رئىس نادي الهلال المستقيل من اهمية الدوري الممتاز بالنسبة للهلال، وقال في حديث خاص لقوون امس ان الهلال يتطلع دائما للبطولات الدولية ويبحث جادا علي لقب قاري.
… يا انت ماقلت استقلت البحشرك تاني في المواضيع دي شنو , المفروض زي يحاكم امام القضاء اذا كان اصلا في قضاء .. يعني نتوقع البشير لو خلي الحكم برضو ح يحكم من بيتو..
خروج الهلال من المنافسة شئ كان متوقع قبل ان طلاق البطولة الافريقية والاسباب كانت واضحة وضوح الشمس في كبد السماء ولاكن كنا نتكابر علي الحقايق لاننا معارض أو مائد للمجلس والجهاز الفني كان يعلم تماماً ان الهلال خراج من البطولة الافريقية. الاداء الهزيل النتايج الضعيفة للفريق والتمزق حتى بين مشعجي الهلال والانقسام المستمر .
الغريبة الهلال ما مهتم بالدورى الممتاز وكل سنة بشيل الكاس .. العجيبة الهلال كل اهتمامه البطولات الخارجية وكل سنة يفشل… ماساة دى والا ملهاة ..اعكسوا الاهتمامات يمكن ….مش قالوا الاحلام بتتحقق بالعكس ……وحكاية ..يا ملاكم الهنا…. الشرط الجزائي الما بخوفكم ده ممكن تتكرم …..ما قلت تتجرا….وتورينا هو شنو ..وكم…. ممكن …وتعال هنا يا زول دة كلام شنو دة البتقول فيه ده انك قمت بخطوات جاده في ملف التدريب …..انت قاعد والا شنو….. ام الجماعة الجارين وراك عشان يقنعوك بانك تتراجع عن الاستقاله .ما وريتنا ردك كان ليهم شنو
بالله ياالبرير الله يرضى عليك وعلى امك وابوك والله يرحمهم ان كانو ميتين او احياء اللة يخليك اترك مجال الكورة دا استحلفك بما كل غال عليك ان تفوت وما تحاول ترجع للهلال حتى مشجع (عليك الله ) باقى نبكى بس عشان تختانا ياخ والله وبكينا يوم مادمرت الهلال وانتهيت من الروح الفيهو
واللة الارباب بى مية من امثالك عل الاقل فاهم وبعرف يتكلم وعنو فلوس انت شنو بالنسبة ل صلاح ادريس عليك اللة كلها سنة واحدة قربت تفلس وخربت ام الهلال
سوف لا ارتاح الا بابعاد المدرب الفرنسي الذي لا يفهم في التدريب
المدرب الفرنسي ليس بالسيء بدليل ان الهلال قدم مباراة كبيرة وجيدة اظهرت تجانس ومسولية كبيرة من جانب الاعبين وسوء الطالع ربما كان له دور في عدم صعود الهلال , لكني استغرب بان ياتي احد ويحمل المدرب المسولية ويطالب بابعاده , فلنكن واقعين بان خامة الاعبين الموجدين هذا هو عطاءها حتي لودربها مورينو لذلك نتمني الاننساق وراء التحليلات الخاطئة وان نجدد الثقة في غارزيتو ونري نتائجه في الممتاز ثم ناتي ونحلل .
الهلال فريق كبير وقدم مبارة قوية وممتازة ونال رضاء واعجاب الجمهور وزرع الفرحة في وسط جمهوره واعزف بثلاثية نارية في شباك الفريق العاجي وتفعال الجمهور بالأهداف الرائعة ولكن الحظ لم يخالفنة رغم المجهود التى بذلوها اللعيبة ولكن إنشاء الله بنعوض في البطولات القادمة والتحية للآدارة الهلال بقيادة السيد / البرير الذي لم يبخل في الكيان الهلالي وانفق ما عندو لمصلحة الهلال والبرير موجود وحيتراجع عن الآستقالة لأنو كان لحظة زعل في اتخاذ قرار الاستقالة .
مع تحياتي : المؤج الازرق