أسرة «أمير العمراب» في المهدية تؤكد امتلاكها لأرض برج الفاتح
الخرطوم: عبدالرحمن حنين
كشفت زيارة قامت بها أسرة المرحوم الأمير عثمان ساتي فقير «للوطن» عن امتلاك أسرة المرحوم لمنطقة حديقة الحيوان سابقاً وبرج الفاتح حالياً. وقالت الأسرة التي دفعت بوثائق ومستندات تؤكد ملكيتها للمنطقة قالت إن جدهم الأمير فقير كان في فترة المهدية كان أميراً عاماً للعمراب وكان يسكن في منطقة الريفيرا بينما كانت له مزرعة بمساحة 380 ألف متر مربع وهي القطعة رقم «1 مربع8» حي الشاطئ برج الفاتح حالياً.
وذهبت الأسرة التي ناشدت رئاسة الجمهورية، ووالي الخرطوم د. عبدالرحمن الخضر، بإنصافها، وذهبت بالقول إنها كانت قد خاطبت مسجل عام الأراضي بشأن امتلاكها لقطعة الأرض إلا أن إدارة الأراضي قد رفضت طلبها، واوصت بضرورة فتح بلاغ للتحقق من الأمر، وقال الأستاذ مجدي عثمان إبراهيم فقير حفيد أمير أمراء العمراب إن جده الذي توفي في العام 1890م كانت له أراضي زراعية واسعة بمنطقة المقرن قبل وفاته، مشيراً إلى أن أسرة المرحوم سوف تواصل في مسعاها لاسترداد الحقوق عبر كافة الطرق القانونية لانتزاع ممتلكات ورثة الأسرة.
الوطن
If such claim is to be met, a Nuba should appear to claim the ownership of the Presidential Palace at the Nile Avenue, Khartoum to his Grandfather!
الفلس الحاصل في السودان بقوا الناس يجوك بحاجات تضحك , والله شر البلاء مايضحك , هي الناس في السودان وصلت الدرجة دي وبقوا يخبطوا يمين وشمال , الله يعين
ماتتعبو دي خلاص اتباعت عن طريق حكومة البشير انسو وعيشو امكن يديكم تعويض بس ترجع مستحيل
أتنمى أن تطالب أسرة مالك أرض القصر الجمهوري بأستعادة ملكيتها .
بطلوا نصب واحتيال يا بقايا التعايشى؟؟
المهدى ومن معه اتوا من غرب السودان الى الخرطوم عام 1885م ولم يكن لهم شبر واحد بالخرطوم ؟بل ان هولاء الدراويش لم يكن يعرفوا شى عن البحر والجروف والزراعه النيليه لانهم اتو من بيئه زراعه مطريه من دارفور وغيرهاوبعضهم لم ير النيل فى حياته .
المهديه بقيادة التعايشى استمرت زهاء الاربعة عشر سنه فقط..من اين لهولاء النصابين بهذه الالوف من الافدنه على شارع النيل ؟؟
جميع الاراضى شرق وغرب النيل الازرق وحتى المقرن ملك ازلى لاهل توتى .وهم اقدم الشعوب المحسيه التى استوطنت الخرطوم وبحرى وامدرمان.
كذب وافتراء ولو اصلا ان الارض دى حقت زول كان اولى بيها صاحب الساقية الاصلى الذى كان يزرعها منذ مئات السنين وهو من سكان توتى ومعروف ان اصحاب السواقى هم اصلا من توتى احفاد الشيخ خوجلى ابو الجاز وحمد ود امريوم والعامراب اهل توتى الاصليين وتمتد السواقى من منتزه المقرن لغاية كبرى المنشية الجديد جوار برج الاتصالات
معروفة ان الاراضي في ولاية الخرطوم هي جميعها املاك لاسر تاريخية ولا غرابة في ذلك طالما لهم المستندات التي تثبت ذلك ….واذا افترضنا عدم صحة ذلك فمن اين للانقاذ هذه الارض الذي تم بيعه للقذافي
لو فتحنا الباب ده في ناس حا يطالبون بأرض سجن أم درمان
وفي ناس تانين قالوا أرض مشروع الجزيرة حقتهم ومطالبين بتقدير قيمة إيجارية للأرض منذ تأسيس مشروع الجزيرة كتعويض للأسرة !!
وممكن يجوا ناس يقولوا أرض قاعة الصداقة حقتهم
ولو كنت أنا المستشار القانوني بتاع القصر الجمهوري كان سيكون ردي كالتالي:
جمهورية السودان الحالية هي قانونيا وبموجب أحكام إمتدادالقانون الدولي إمتداد لدولة الحكم الثنائي (1898م – 1956) ودولة الحكم الثنائي هي إمتداد لدولة ولاية مصر العثمانية بالسودان من 1821م إلى 1898م
فإذا قال قائل : وأين فترة الدولة المهدية من 1883م (عقب شيكان) حتى 1898م (كرري) أقول له:إن الدولة المهدية لم يعترف بها أحد دوليا واعتبرت دولة مارقة ، وظلت الولاية القانونية لكل ما يحدث في الأراضي السودانية في نطاق المسئولية القانونية للحكومة المصرية والوقائع تثبت ذلك ، منها أن الخزينة المصرية وعقب معركة كرري 1898م تحملت رواتب جميع الضباط والموظفين السودانيين والمصريين الذين ظلوا أسرى دولة المهدية خلال الفترة من 1883م حتى 1898م وأعادت الكثيرين منهم للخدمة،وعليه فإن كل التصرفات التي صدرت في الأراضي السودانية سواء كانت تصرفات بمنح امتيازات للأفراد أو تغيير في ملكيات الأراضي خلال الفترة من 1883م حتى 1898م بواسطة سلطات الدولة المهدية تعتبر باطلة ومنعدمة قانونيا.
هذا بغض النظر عن احتفائنا بالثورة المهدية بوصفها فترة من فترات التحرر من الهيمنة، فهذا أمر آخر.
قال المثل .التاجر وكت افلس بفتش ليدفاترو القديمه. الحاصل شنو الومين دى بداو الناس يفتشو فى دفاترم القديمه عشان اطلعو بيتعويض كل بسبب الحكومه وصلت الناس للمرحله دى .غايتو انصحكم ماتتعبو روحكم ساكت ياتو يوم فى مظلوم انصف فى السودان .احتسبوهو عند الله افضل ليكم
تحياتي وسلامي واحترامي للجميع نحن جميعا سودانيون وانا سوداني ولكن لو رجعنا للتاريخ كل مناطق المقرن وحتى جزيرة توتي والمناطق التي على ضفاف النيل والنيل الازرق والابيض بالقرب من المنطقة هذه جميعا هي تاريخيا تابعة للجموعية حيث كانوا هم اهل وسكان المنطقة قبل المهدية وقبل الحكم الثنائي وقبل الاستعمار وحتى المحس نفسهم الذين اتوا الى جزيرة توتي يعرفون تماما هذا التاريخ وهم نسب للجموعية اصحاب المنطقة الاصلين هذه للمعلومية والعلم للجميع هذا تاريخ معروف الجموعية هم اهل هذه المناطق جميعا فرجعوا للتاريخ لتعرفوا من كان سكان هذه المناطق فقط اردت ان اوصح للجميع هذا التاريخ المعروف ولا تنسوا
القال حقي غلب والله هذا الزمن الذي اذا سرق الشريف تركوه واذا سرق الضعيف اقامو عليه الحد اكثر نصب على الاراضي حصل في تاريخ السودان في زمن الانقاذ امتداد شارع النيل من منتزه المقرن العائلي الي جنينة الحيونات سابقا هي كازينوها ومطاعم لشخصيات نافذة وما خفية كان اعظم من اعطاهم هذا الحق بالله عليكم قولو قولة الحق او اسكتو هو خيرا لكم
يعني بقت علي حوش الجنينة من حقهم ومن حق المواطن ان يختار القطعة ويشير عليها هما ناس الانقاذ اغتصبوا افضل القطع بس بقت كثييييرة للعمراب
الارض بتاعت برج الفاتح دي حقتنا وملكنا وعندنا الوثائق والمستندات وكمان في ناس تاني قالوا حقتهم وعندهم الوثائق والمستندات وبرضو في ناس كتيرين قالوا حقتهم ،،، يا ناس فقيري الله يرحم والديكم ،،، ليش من زمان ما جيتوا وقلتوا الكلام دا قبل ما يعملوا حديقة الحيوانات وبرج الفاتح ،، الملكية تسقط بالتقادم اذا صاحبها اهملها لفترة محددة حسب القانون ولم يطالب حتى مجرد طلب ردها له ،،، الوقت استنفذ وهناك اسرة مشهورة كذلك في الهلالية لهم مستندات ووثائق تثبت حقهم في ملكية الارض التي عليها برج الفاتح ،،،،
please comment in Arabic language, we are able to speak, write and read English and other languages if it is required, for the benefit of the others we should do so.
ياتورشين مهلك على ود الجزيرة… وياريت لو الأنجليز لسه مستعمرننا كان أحسن .. يعني المهدية والخليفة التعايشي عملوا للسودان شنو؟ وكان للشجاعة وغيرها ناس الجزيرة هم كمان قاتلوا .. وخليفتك التعايش هرب لما كتلوه في أم دبيكرات .. خلي الطبق مستور أحسن لك
أها تسكتو ولاّ أكلّم /السمسار البشير يسجل كلّ الأراضي دي لي الرئيس المصري / محمحد (مريسة)
أهلنا المحس من سكان توتي وبري والعيلفون والبشاقره كانوا هم اول من سكن الخرطوم وقديما كانت الخرطوم تعرف بخرطوم توتي .وكانت الخرطوم عبارة عن احراش وغابات ونزح اليها اهل توتي من شمال السودان طلبا للزراعة . وانشي فيها الشيخ ارباب العقائد خلوة لتعليم القران .
وكت كانت حديقة حيوانات كنتو خايفين من الاسد
وهو جاب الارض من وين ؟؟؟؟؟؟؟
ماكانت مملوكه لغيره قبل المهية .
هذه الأراضي ملك عام للدولة ولم نسمع بهذا الكلام في الفترة التي كانت فيها الأرض حديقة حيوانات، ولكن إذا كان هنالك إعتراض فهو الإعتراض على بيعها للليبين لإقامة البرج فيها، ومن يستحق التعويض هو الشعب السوداني المالك الحقيقي للارض.
ودالجزيرة تحياتي رجاء لا تسيء للموتى الذين صاغوا تاريخ هذه البلاد الجريحه ….انا عربي مثلك واعرف تاريخ هذا البلد جيدا عندما تتحدث عن التعايشي والمهدي تحدث باحترام لان هؤلاء النفر وقفوا في وجه الاعداء وقفة رجال ولا تقول بقايا التعايشي بل قل احفادالبطل التعايشي لانهم ابناء ابطال ضحوا بالروح والدم لاجلنا ….
نسبت توتي 2T الى احد الخواجات وكان من اوائل الذين استوطنها
… تبع اهلناالنوبيين المستعمر التركي مع المصريون فكانوا هم الخدم والحشم للانجليز وهم عيون الانجليز على المهدية لذلك تجدهم كانوا يسكنون قريب جدا من المستعمر المقرن توتي وسط الخرطوم عموما عندا يتحدث التاريخ عن البطولات لم يتحدث عن النوبة والحلفاوين لانهم كانوا للطاعة والخنوع اقرب مارس عليهم المصريون العنصرية والتفرقة لاختلاف الوانهم عن المصريون الشماليون ناس دمياط ودجله فتشبعوا بالعنصرية التى ينفسونها في كل شئ بل ما ماريه عليهم مصري الشمال يريدوا ان يفعلوه في كل قبائل السودان ….. تحدث التاريخ عن التعايشي عن عبداللطيف الماظ عن النجومي عن تورشين تحدث عن البطاحين وعن ابوسن تحدث دقنة في الشرق تحدت عن ود حبوبة في الوسط وعن المهدي في الخرطوم عن الجعلين في شمال الخرطوم … العنصرية التى يتحدث عنها الناس والله لم يوقد ويشعل نارها الا قبائل معروفة في السودان ناس (اي اكي دولي ) ارحمونا فهم قبائل لا تعرف الا التمثيل والخنوع وهم من جر لنا لنا الانجليز والمصريون…
ما تتعبوا نفسكم ساكت . اغلب المؤرخين بيقولو الخرطوم و توتي دي اصلا كانو ساكنين فيها الدينكا والشلك والنوير .اها رايكم شنو ؟
والله زمن عجيب بقت المحلات الجميله تدعيها لتملها عارفين هذا نسب اخوانا وحدين بقول نسبهم ينتمي للرسول في الجد 28 او 20 وللحقيقة كل مغلوط الارض تاريخها قريب جدا كانت في قديم الزمان غابات واراضي بور سبوا الدعو ولا عاوزين نعرفكم في وسائل الاعلام للشهرة فقط لو عاوزين هذه الارض تقسموها للورثة هي من عجائب الدنيا الباقية وم خامس المستحيلاات
لما لا .. الحق سيبان .. أغلب المعلقين وحتي الذين يحكمون هم دخلاء وحديثي العهد بتكوين العاصمة قبل المهدية , لما لا .. الحق سيبا .. لمن لا يدري أن هنالك حوالي عشرون ملفاً حول العاصمة تخص ملكية أراضي لبعض الأُسر , لاتريد هذه الحكومة وسابقاتها إنصاف أهلها ….. ونحن منهم ورثة {{{ بابكر خيرالله الدرويش}}} ببري اللاماب نملك الأرض المتمثلة في القصور الرئاسية وتضم معرض الخرطوم الدولي والمسافة مابينهما وهي [[ مِلكٌ حُر ]] والتي قامت الحكومة الحالية ببيع القصور الرئاسية الي صندوق أبوظبي للتنمية من دون علمنا و موافقتنا يعني إنها أرض منزوعة من أصحابها وهذا مخالف لقوانيين حقوق الإنسان وحتي الآن لم تسلم إصول المبايعة لصندوق أبوظبي يعني إنه بيع بالباطل والكل يعلم أعني كل فرد في هذه الحكومة وسابقاتها ونفر كثير من المستنفزين وكم حاولوا معنا لكي ينالوا تنازلنا من غش وخداع وإستخدام كافة المُكر و أبشع السُبل بأن نسلمهم التوكيل بحجة تمكيننا من تملك مستندات أعني [[ شهادة البحث التاريخية ]] ولكن هيهات لم ينالوا منا شئ .. المرجو عدم الإستخفاف بهذه القضايا ..
وكت أصلو الحكايه بقت كده…أنا كمان عندى جدى اسموا شرباك بن صلبته حكم من مدينة حلفا شمالا الى مدينة نمولى جنوبا ومن نيالا غربا الى كسلا شرقا…كمان عايزين حقنا وأتحدى أى واحد يكون حقو أكتر من حقنا…أها أنا ولدك ياشرباك.
أنا من الجنوب إسمى ملوال دينق أكوث ,, جد جدى كان يسكن فى جزيرة توتى ومنطقة برج الفاتح كانت مزرعتنا التى نزرع فيها ,, وكل المستندان منذ عام 1718 بحوزتى وسوف أحضر من الجنوب بكل مستنداتى وسوف أرحل كل من يسكن جزيرتنا وبرج الفاتح حقنا عديل على الطلاق أركب ليهو عجلات والجنوب رأس والماعاجبو يشرب بحر
اكدت لي حبوبتي المتوفية قبل ثلاثه اعوام بان جدنا ابوشنب يمتلك الارض التي اقيمت عليها قاعة الصداقة وجزء من حدائق مايو ( 6ابريل ) واكدت انه عندما ياتي اصحاب برج الفاتح وجنينة الحيوانات للمطالبة باراضي جدهم الذي كان جارا لجدكم ابوشنب عندها طالبوا بحقكم لان الكروكي بتاع جدهم مذكور فيه ان جدكم ابوشنب كان جاره من الناحية الغربية .. لذلك نناشد جماعة برج الغاتح بالاتحاد معنا وذلك لنبدأ الكفاح معا من اجل استعادة اراضي الجدود .. هم يشهدوا لنا ونحن نشهد لهم بالحقوق وليس استرداد الارض فقط انما قيمة ايجاراتها المتراكمة على دولة السودان منذ زمن المهدية حتى الان على امل ان تؤول الينا المباني التي عليها استيفاءا للايجارات المتراكمة .
الانا عارفو مقابر احمدشرفى وحمدالنيل دى حقتناوالعندو اعتراض نتلاقايوم القيامة