اضبط فساد مصلح .في منسقية الخدمة الوطنية.
حسن وراق
بعد ان فرغ طلاب المرحلة الثانوية من اداء امتحانات الشهادة السودانية تم اخطار جميع الطلاب الذين ادوا الامتحانات ملئ استمارة حصر بيانات عزة السودان 17 واستخراج افادة طبية بدون فحص معملي مقابل ان يدفع كل طالب مبلغ وقدره عشرة جنيهات يتم تحصيلها بايصالات دوبلكيت مروسة باسم المنسقية ولا يسمح للذين دفعوا ان يحتفظوا باصل او صورة الايصال الدوبلكيت وحتي المسئول رفض ان يتم تصوير الاورنيك الدوبلكيت في مخالفة صريحة للوائح المالية للدولة والتي طالب رئيس جمهوريتنا ووزير ماليته بعدم التحصيل المالي او الدفع الا بموجب اورنيك المالية رقم 15 وهذا المبلغ الذي تتحصله المنسقية لايخضع لرقابة المالية ويصبح في نطاق المال المجنب المورد الاصلي للفساد المالي فاذا علمنا ان في محلية الحصاحيصا وحدها هنالك اكثر من 4 الف طالب ينتظرون الالتحاق بالخدمة الوطنية سيتحصل منهم 40 الف جنيه لاتذهب لوزارة المالية التي قامت بوضع ميزانية سنوية منفصلة للخدمة الوطنية ولعزة السودان فكم مليار من الجنيهات تتحصلها المنسقية في جميع محليات السودان؟ ما تقوم به المنسقية من تحصيل غير قانوني لا يصب الا في بحيرة الفساد المالي بعلم رئيس الجمهورية ووزير ماليته ووزير الدفاع ووزير العدل.
استمارة فحص أمني وليست للحصر كما يدعي
افادة طبية لا تسوي ملاليم الحبر الذي كتبت به يدفع مقابلها 10 جنيهات لا تراه وزارة المالية ولا تعلم بها
العيب في الغنم ديل الزامية شنو وعزة سودان شنو لو كل هؤلاء الشباب تبولوا في جميع ولايات السودان كان بولهم سيلا منحدرا كسح الاوغاد المنتفعين العيب فيهم يجب ان يتمردوا وح يحصل شنو ليتني كنت طالبا وطظ في البشير وغيرهم من الإمع والله كنت عملته عملية تجعلهم يفكرون مليون مرة في التجنيد 50جنية راتب والله ثمن تمباكي يساوي اكثر إهانة لهم الخدمة الوطنية اصبحت
الفاتح جبرة اداكم درس عصر مجانى لكنكم اغبياء وجبناء
أمسحو إسم الشاب دا مايلمو فيهو أولاد ال … يضروهو كمان !
الكلام ده من زمان حاصل وانا شخصيا دفعته عشان اتخارج من السودان ديل قالين الخلق قلي ديل عصابة الانجاس ليهم يوم انشاء الله
Everything is possible in the land of corruption. Corrupt leardership, corrupt officals, corrupt institutions and everything is mixed up
وزارة الدفاع هى اكبر وزارة فى تجنيب المال العام وهى اضعف الوزاراة اداءً
اسرائيل تضرب وتمشى و المتمردين ما حد قادر عليهم وهم ماشاء الله متشطرين على
الطلاب و الناس المخنفسة ربما يكون هذا المال لدعم الدفاع بالنظر اصلاً التكنلوجيا
حقتو غالية
أقبض ،،، حول ،،، لعناية الفاتح جبرة
السلام عليكم … يا جماعه كان بقت علي الايصالات بسيطه لسع الأيام كفيله والمفآجات كثيره عندما تظهر شركات الخدمه الالزاميه التي علي وشك بان يعلنوا إفلاسها بعدما سرقوا أموالها ابتداء من شركة دايموند وغيرها .. وهدانا الله وإياهم
يتعهد فيها بان لا يطالب براتب شهري. احسب معي, خمسون جنيها مضروبة في عدد شهور السنة مضروبة في عدد المجندين بالمعسكر. المسئول الاداري يهدد الخريجين بمنعهم من شهادة خلو الطرف. لا وفي اخر يوم قبل مغادرتهم المعسكر عاوز “الحلاوة
اعجبني تعليق شابة في احد الحوارات بشان العنف الطلابي وتناميه في عهدالانقاذ فقد عزت الاستاذه الشابة ذلك الي ان الطالب (FRESH-MAN) ما عاد يصل مباشرة من مؤسسات التعليم وانما تتم عسكرته وغسل دماغه ثم ياتي للدراسة الجامعية ليختلط بالمجتمع الجامعي بكل براءة ذلك المجتمع الا ان عقل ذاك الشاب يكون قد تحول في فترة العسكرية الي مسخ مشوه للطالب الغض والمفترض ان لا ينقطع مساره الاكاديمي بتلك الجرعة المضرة من سم العسكرية ينفثها في عقله(المتشددون) من المؤتمر الوطني!
عندما نتحث عن فساد الفئة الباغية لاينشطر الصلاح فى اىٍ من المؤسسات بل يستشرى الداء لكل دواليب الدولة،ونقف هناعند هذه المحطة لنبين بعض المرجعيات السالبة التى لاتحصى وتعد وعلى الرغم من ان طالب الخدمة يؤدى ضريبة الوطن بلا حقوق ولا راتب الا انه عندما يريد ان يستخرج شهادة الاعفاءيدفع من قوت اسرته التى فضلت ان تتغشف عن وجبة كادت ان تكون فتة موية فول او اخواتها من الرضاعة المهم يدفع للمسلحين وهو مكره مجبر وهو حزين ومع العلم هنالك ايصالات مالية مثل : الافادة ،استخراج شهادة ،استخراج بطاقة ،استخراج اذن استخراج اىٍ من الشهادات الدراسية ،استخراج اذن توثيق البحث والتعليم العالى ،ومجموعة خراجات كذلك عندما تسول لك نفسك بالخروج من بلدك كاذن توثيق من الخارجية واذن للسفر.
شاهدملك : فى سنة 2001م نزلت مجموعة مسلحة الى الطرقات والاسواق والبوادى والصحارى لتصل للفئة رقم(3)وسمتها الفئة(ج) شرائح غير منظمة ،منت المجموعة الطرقية الفئة(ج) باستخراج بطاقة حصر وبدفع مبلغ (25)الف بحساب ذمان وبذمن ذمان وبدون ايصال مالى وبدون اى تأخير تأخذ بطاقة وتتوكل على الله.ومنتنا بجم الفوائد من هذه البطاقة نذكر منها : أتحميك من الكشات الجائرة ب تسهل لك العمل لاى من المؤسسات ج تمنحك فرصة اداء المناسك ونقف عند المناسك لنكش ما توارى عنا جلياً.
ذهبت لشارع (61) بعد ان ذكرت وكالة السفر بأن البطاقة غير معتمدة وعنئذٍ قابلت المسؤل وقال لى ده مصدر غير مقرب وديل ناس شوارع !! وبارك الله فيه شعر بالذنب وأدخل جوازى الفحص وقال لى جوازك واسمك محظورين وبتعجب لماذا ؟!! ردَ بكل حياء انت خريج وما قضيت الخدمة.انتهى الدرس بأسئلة اجبارية:من هم ناس الشوارع؟ ومن اين أتو منقبيلة الانس أو الجن؟ايستقيم ان اصنف من فئة منظمة أو غيرها؟.زمن الابتلاء اى الامنتحان (23)سنه ومافيه ضع القلم.
يا أخونا الناس العاملين بتكلموا بالإنجليزى ديل ده عبارة عربي بالأنجليزي ده هسي ما فساد بالله ربحوا وارتاحو مرضتونا بليييز……..!
المشكلة انو وزارة المالية ماطبعت كميات كافية من اورنيك 15-طيب الشباب شايلين قروشهم فى جيوبهم نخليهم امشوا ساكت-بالله شوفوا غيرها-ثم انه بعد مايصلنا اورنيك 15 سوف نقوم بتفريغ الايصالات غير الرسمية فى الاورنيك الرسمى لانو نحن يحمينا دين وكمان نحمى الدين زاتو-وهى لله هى لله لا للسلطة ولاللجاه
من يهن يسهل الهوان عليه … ما لجرح بميت إيلام
العيب فينا نحنا الخليناهم يسرحوا ويمرحوا ويعملوا فى البلد زي ما عايزين
ديل ناسين الاخره والحساب والعقاب
وأفوض أمري لله إن الله بصير بالعباد .
ياأخوي الحاصل في السودان زمن الكيزان المعفنيين ما حاصل في أي بلد في العالم والبشكير يقول جيبو لي أثباتات بالورق .
مثال واحد من مليارات الامثلة :- في مطار الخرطوم كان تؤخذ رسوم المغادرة منذ اليوم الأسود 30 يونيو 1989 وحتي قبل عام بدون أي أرنيك مالي ولمان تسأل الموظف يقول ليك الحساب بعدد التذاكر وفي الدنيا في مراجع عام بيراجع ويدقق بعدد التذاكر والمبلغ 35 جنيه للسفريات الخارجية و25 للداخلية وممكن نقول المتوسط 30 جنيه ونفرض عدد المسافرين 500 مع العلم بعض الرحلات وخاصة السعودية يكون عدد الركاب أكثر من 200 مسافر – يعني بالواضح المتوسط 15 مليون في اليوم الواحد أي تقريبا نصف مليا في الشهر أي 6 مليار في السنة .
6مليار ذهبت لجيوب الكيزان المعفنيين .
العملو فينا الكيزان الأبليس ما كان حيقدر يعمل .
وأنا بناقش بعض المضللين من الكيزان وهم بيقولو لي نحن أي الكيزان ما حنمشي من السلطة والله ثم والله لتذهبن كما ذهب غيركم وأني أري ذاك اليوم قريبا وكأني أحتفل به .
وليس قذافي منك ببعيد .
هذا الشاعر المصری ا?تشف خبث الاخوان المسلمین خلال سنتین فقط و فشل السودانیون فی معرفتهم فی 24 سنه: وصفهم بقوله:
یا مصر یا ارض الطییبین
الی ح?موا فی الزمان دا یبقوا مین
دین ابوهم اسمو مین
حدی یعرف فی?و دین
?ل اتباعوا لصوص او قوادین؟
فی المعاصی مولدین فی ال?راسی موبدین
فی التفاهه معدودین فی السفاهه مفردین
فی البلاهه مسنودین للشراهه مجندین
ع القرف متعودین ع الشرف متمردین
ع الوطن متنرمدین فی الخیانه موحدین
اللی یعرف دین ?دا
یقولی علیه دین ابوهم اسمو مین؟
اصلا الفساد دة موجود موجود. لكن المشكلة في ظل ثورة التعليم العالي و الكيزان المعفنين ديل (يا ربي ما تخلي فيهم زول ما يموتو و يرتاحو يمرضو و يتعذبو و بعدين يموتو) لكن في ظل هذه الثورة عليك الله و علييييك الله دة خط زول امتحن شهادة سودانية و ماشي علي الجامعة. بالله دة كلام؟
وشن جد على المخدة ؟
الكلام ده ما من زماااااان مدور.
ياخى ديل عشان يدوك خطاب انتهاء مدة الخدمة لازم تدفع عشان تسلك أمورك وإلا يخلوك تحاحى زى تور الساقية .
إنت فاكر شنو؟ وأمال ناس أبوريالة وباقى النصابين واللصوص المعاهو بنوا العمارات بتاعتم من وين ؟ ماياهو من جنس دا .
قلنا مرارا وتكرارا.. بان السودان اصبح سوق خيري،سوق مفتوح، وحقل تجارب. وابوابه مشرعة لكل من هب ودب.وان يقوم صاحب التصريح بكل ما يمكن فعله، بهذا الشعب المسكين اليتيم، حتى الدم السوداني مسفوح ويمكن اختطافه كالكامل والاستفادة منه كاسبيرات …؟؟!..فقط عليك دفع الgate pass …؟؟!..لأحد افراد المافيا..!!
شعب جبان حتي قولة الحق ما بطراها
ياجماعة ده كله كوم والبخموه من المغتربين بدون حساب ولا ضمير ده كوم براه ولو سالت انت القروش دي بتمشي وين ماتعرف مرة في مغترب مشي المغتربين للتاشيرة لما لقي الزكاة كتيرة قال هو ما مسلم قالوا ليه برضه مابحلك ادفع اول,
ما عارف انته زعلانينن ليه متفاجئين من اكل الحرام. الناس الشغالة في المنسقية او الوزارة او المحلية…الخ , ماعندهم اخوان واخوات اولاد عم وخيلان واهل . اكيد عندهم وفي النهاية حتلقى زول قريبك لو ما أخوك واحد منهم شغال في مكان من ديل و انت عارف و على يقين انه بياكل وبيضرب قروش حرام وانت لاتحرك ساكن بتوشوفه وتسكت . المشكلة ان نحن بقينا شعب متبلد كل زول عامل رايح – امشوا المحاكم شوفوا قضايا النزاعات في بيت ورثة و حتعرف انه المشكلة في الناس مافي النظام – حتقولوا النظام هو الخلا الناس كده (لا والله لسه في ناس شرفاء) انا مع الناس انها تدفع قروش عشان تمشي امرها لكن بعد طرق كل الابواب – علي صوتك واتشاكل اطلع للمسؤول ما حيعمل ليك حاجة مافي مشكلة تعال اليوم البعده تاني برضوا اتشاكل تاني ما نفع بعد كده خلاص عملت العليك ادفع الرشوة لانه مافي حل – ايوه ضياع زمن بس لو كل خمسة بس من الواقفين في الطابور عملوا كده كل يوم و المسؤول بقى يشوف كل يوم خمسة بيجوطو معاه حيبطل ياخد وحيعمل رايح زي ما احنا عاملين
اتحدي اي اوحد من الذين يتصيدون الاخطاء ان يثبت تهمة فساد واحدة عندما كانت امور الدولة بيد الجبهة الاسلامية القومية ,, نعم لا ننكر الان هناك حالات فساد ولكنها ليست بالحجم الذي يضخمه اصحاب الغرض ,, معظم حالات الفساد الان معلومة للدولة منها ما تم حسمه ومنها من ينتظر والقيادة التنظيمية في الحركة الاسلامية تعلم ان حالات الفساد هذه بدأت تكبر وتنتشر بعد ما اتيحت الفرصة لعدد غير يسير ممن لا ينتمون للجبهة الاسلامية (الحركة الاسلامية ) لتسنم بعض المواقع الدستورية والتنفيذية فلذلك تؤمن الحركة الاسلامية بضرورة الاصلاح والذي يعني الرجوع الي عهد بدايات الثورة ولن يتم ذلك الا بعد تحقيق الاهداف الخارجية والمحيطة بنا والتي ظل عدم تحقيقهايكبل هذه الاهداف من الانطلاق الي ما نصبو اليه ولكن الله غالب علي امره (اصبروا اصبروا)
المشكلة بعد الكلام و النقة الكتيرة و الشتائم و النقد و ناس زعلانة و تكورك القروش ماشة وين
عززززززززززززززززززة السسسسسسسسوددددددان عليكم الله عزة شنو و كرامة منو اذا كان السرق و النهب و اللف و الدوران عشان عزة السودان فحريقة فى السودان و فى عزة السودان و حريقة فى وزارة الدفاع والقوات المسلحة و حريقة فى اللمبى المسطول و حريقة فى البشير و كلالعسكريين فى السودان
يا ايها السودانيون اسمعوا وعوا:
كل مايحدث في بلاد السودان من خيانة للوطن و الشعب يتم بعلم و مسمع الشعب السوداني الذي يشارك بصورة فاعلة في هذة العمليات.
ياخي ياريت كان بيكلو القروش ويحلو مشكلتك اصل السرقة والحرامية دي الناس اتعودة عليها والسرقة وبنيان العمارات والفلل والعربات الفارهة وبذات في ناس المنسقية دي شي عادى ماكان ماسرقته انت بتكون ما من ناس الحكومة لان الترابي طلع الناس الصالحين الشرفاء لصالح العام وجاب ناسوا الحرامية والسراقين ملو خانت الناس العرفين الشغل والممتازين
ياخي ولدي اتخرج من الجامعة السنة دي تخصص هندسة كيمائية رفضوا ثوثيق الشهادت الا. بعد اداء الخدمة الالزامية حاولنا ان يدخل في training في ضمن مجال عملو في مصفي النفط مالقينا طريقة هذه الخدمات طبعا تكون لكيزان فقط نحن لانحلم بيها طيب في قطر محل اقامته وجدنا فرصتين عمل الاولي في الغاز المسال والاخري في شركة ومعمل خرصانة والشهادة لن توثق مالم تؤدي الالزامية طيب ياجماعة شنو الفايدة من اني اادي الخدمة الالزمية في غير مجالي عملي او اتفرق لمدة 9شهور من غير عمل ابني في الشرطة الشعبية وايه البيجمع دراست الكيمياء مع الشرطة الشعبية الولد فرصة العمل ضاعت عليه وفي السودان لم يستفيد من الالزامية في شي لانه اداها في غير مجال عملو يعني حتي لو لقه فرصة عمل مارح تنفعو ا الخدمة الالزمية كسابق تجربة او خبرة 9 شهور ضياع في الفاضي ومافي شئ نقولوا غير حسبنا اللاه ونعم الوكيل في الترابي والحرامية اتباعوا الله لاتكسبهم
ويهدر في الأفق نداء… يا سخط الفقراء متى ندرك أن علينا أن نغدوا شهداء …لكن ليس ضحايا…
إني أحلم في حلمي بالمستقبل…هل تعدوني يا أحبابي…أن نمضي في الدرب لكي يُأتي يوم ٌ…
نرفض فيه جمال الكون، ونهتف… سنناضل … من أجل الأجمل…..