إعفاء المهاجرين السودانيين غير الشرعيين بالسعودية من الغرامات
الخرطوم ــ مي علي – الرياض – التيجاني عبد الباقي
توصل السودان والمملكة العربية السعودية إلى تفاهمات قضت بإعفاء السودانيين المقيمين بصورة غير شرعية في المملكة من الغرامات المالية إلى حين توفيق أوضاعهم خلال المهلة التي منحتها السلطات السعودية للجاليات كافة في أراضيها خلال ثلاثة أشهر، أو ترحيلهم عقب انتهاء المدة.
وقال مدير إدارة القنصليات بوزارة الخارجية السفير “سليمان عبد التواب الزين” – إن السفارة السودانية بالرياض والقنصلية العامة بجدة توصلتا إلى تفاهم مع وزارة الداخلية السعودية يعفي الرعايا السودانيين المقيمين بصورة غير شرعية بالمملكة من الغرامات، ولفت إلى حملات مكثفة تعتزم السلطات السعودية شنها عقب انتهاء المهلة الممنوحة للأجانب.
المجهر
كخالفي نظام الاقامة السودانين طبعا الان الواحد يدو في قلبوا الي حين انجلا الموقف ولا شنوا يا جماعة
والله خبر طيب ومفرح نتمنى من الاخوة ان يوفقو اوضاعهم ويتركوا الكسل
أول مرة تملوا ليكم حاجة نافعة!!
يا شباب الراكوبة انا مقيم لي سنتين و3شهورواعمل محاسب بس مهنتي عامل تربية مواشي حاولت اعدل المهنة بس بدون جدوي هل الحملات تستهدف صاحب المهنة اذا لم يكن في مكان عمله ارجوكم افيدوني وافوض امري للواحد الاحد الفرد الصمد …يا رب منا الدعاء ومنك الاستجابة يا مغيث اغث كل اخواني المقيمين وصحح اوضاعهم ..امين
الله يقطعك يا البشير خليتنا زي العبيد عن السعوديين
اطلع من البلد دي كفاية
عاوزين نعيش معززين مكرمين في بلدنا
كفاية غربة ومهانة
ما تشبع اصلا 23 سنة وانت بتنهب في البلد
بلدنا غنية واغنى من كل دول الخليج
بس الحرامية الزيك ما بيشبعوا
قوموا ي شعب السودان نخلص بلدنا من السفاح
ما عشانا
نحن قطارنا مر
على الاقل عشان اولادنا
صبرنا كتير
الخوقف من شنو
عيشة اخير منها الموت
النظام جبان
والعساكر دايرين كمية بسيطة من الناس تطلع وهينقلبوا على الانقاذ
بس البداية
قوموا عليكم الله
الوطن بيناديكم ي مغتربين
كما يسب الناس يشكروا . شكرا جزيلا لجهاز المغتربين والسفارة السودانية فى السعودية على هذا الاتفاق الذى يحمى بعض الاسر المغتربة ويحمى اموالها شكرا نرجو المزيد من النظر فى احول الناس.
هذا قرار عام يشمل كل الجاليات بلاش إدعاء يا سفارة وقنصلية السودان .بكرة عايزين تنططوا وترقصوا وتقولوا لينا ساعدناكم والغينا عنكم الغرامة …حرييييييييييييقة فيكم
التحية للقيادتين ولسفارتنا
هذا القرار عام ويشمل جميع الجنسيات وصدر من الملك يعني السفاره ما عندها علاقه بالموضوع دا عشان تنسبوا ليها بلا تلفيق بلا كذب
غريبة أن تتسلبط السفارة والقنصلية في موضوع المهلة والإعفاءات للمخالفين ،،،،،، هذا القرار صادر من وزارتي العمل والداخلية السعوديتين ولا دخل من قريب أو بعيد للسفارة أوالقنصلية به ….. إنتوا أكان نجاض أعملوا إستثناء خاص للسودانيين بزيادة فترة المهلة أو العمل عند غير كفلائهم …. جــنـس كــضــب منكم يال ناس الفارة والقنصلية
انجاز السفارة السودانية يتمثل في اعفاء السودانيين من الغرامات وليس لانها هي الساهمت في هذا القرار الملكي .. القرار صادر من الملك عبدالله (الله يطولنا في عمرو) لانو بالجد ما قصر مع اي اجنبي في المملكة ……
المصيبة اللي عنده أولاد بدرسوا ولا يعمل مع كفيله ونحن أكثر الناس ومعانا الباكستانيين مخالفين ودائماً نجرى في النهاية ، يجب انتهاز منحة الملك قبل المدة واللي ما عمل حاجة يتوكل على الله والرزق على الله وما ضافت في مكان إلا انفرجت في آخر . السودان غني بموارده وبأهله لكن الفساد دائماً يقضي على الموارد كما تقضي النار على الحطب.
سبحان الله الان سفارتنا صحت من النوم يا اخوتى قرار اعفاء الغرامات اساسا صدر مع القرارات السابقه من الملك ولكل الاجانب صحيح ام انا غلطانه اين كانت سفارتنا ايام هوجة القرار وخوف الناس بعض السفارات تحركت عدا سفارتنا الان فاقت امر غريب
انتو لو عندكم كلام كان مفترض تمسكوا كل السودانيين التعبانين من حكاية المخالفات دي وتغيروا المهن السيئة البتطلعوا بيها الناس
ايوة دي مهن التاشيرات لكن انتو ممكن تقيفوا مع المواطن وتطالبوا الحكومة السعودية بتعديل اوضاع السودانيين خاصة وان اغلبهم شغالين شغل حلال مع سعوديين وبمهن مختلفة بس … غيروا ليهم مهنة الجواز واتفقوا مع السعودية تغير مهنة الاقامة وتنقل ليهم كفالاتهم
كده ممكن تساهموا في حلول جزرية تفيد المواطن
لكن تمشوا وراء اعلان الملك ومهلة الملك وتنسبوها لروحكم ده كلام فارغ ساي
الايام دي شغالين مباحثات مع ناس صالح كامل ورقدتو واطة عشان الاستثمار السعودي
طيب ما تخلوهم يريحوا المغتربين ديل شوية
بدل الجهجهة والجري في شوارع الرياض وجدة والزوغان
الظاهر الجماعة اتوسطو فعلا عند الملك لاعفاء السودانيين الغلابة من الغرامات عشان لمن المساكين ديل يرجعوا السودان الكيزان يقدروا يحتحتوا الفي جيوبهم
يا شباب انا اعمل محاسب مع كفيلي بس مهنتي عامل تربية مواشي هل القرار يشملني افيدوني …
كان على الحكومه أن تدرس أوضاع هولاء المخالفين ؟ ولماذا متمسكين بالغربه رغم أوضاعهم غير قانونيه؟ البلد أصبحت طارده أومافى زول داير اقعد فى هذا البلد الشؤم؟ الحل شنو الناس تكون قاعده فى الشتات كده ؟ حفزوا المغتربين للرجوع والعمل داخل البلد وخلق فرص حقيقيه لهم .
الارزاق بيد الله وحده
يعنى مادايرين منكم ريال بس ورونا جمال خطوتكم يازولات
الطيب النظام يشمل المتخلفين من العمرة والحج والمتسللين ولا النظام خاص بالمقيمين فقط ارجو الافادة من اهل العالم فى هذه المواضيع وخاصة اناجديد فى هذا البلد واول مرة لى فى السعودية