الافراج عن سبعة ضباط تابعين لنظام البشير حكم عليهم في محاولة انقلاب –

يستقبلوهم بالزغاريد ليشنو ؟
حرروا حلايب ولا الفشقه؟
ماكانو مع العصابه دي ومشاركنها في قتل وقهر وتعذيب الشعب
عساكر خايبين وخيابتهم بتظهر في استرحالهم علي العزل والمدنيين
الجيش السوداني وعساكره ( اسد علي وفي الحروب نعامه)

هكذا هو دين عصابة الجبهة الإجرامية، قتل ثلاثون ضابطا يوم العيد لانهم حاولوا أن يستولوا على السلطة بنفس الطريقة التي استخدموها هم نفسهم في الاستلاء على السلطة وعندما حاول نفر منهم ذلك نسبة لاختلافهم في المسروق عفوا عنهم.

ماذا هم قائلين يوم يسألهم رب العزة عن قتل الثلاثين ضابطا، الذي تركوا عائلاتهم سكلى يوم عيد الفطر المبارك؟؟؟؟

الحكاية كلها لعبة لماذا لم يتم اعدامهم كما فعلوا بشهداء رمضان الاشاوس

الله غالب

والله إني لسعيد باطلاق سراح ود ابراهيم وأسأل الله تعالى أن يوفقه لمحاولة تالية ويوفقه فيها لقلب نظام هذا الحكم الفاسد وسنة الله أن لا يظل الفساد مستحكماً فنتائجه وخيمة وعندما يكون قمعياً باطشاً مثل نظام البشير الحالي يلجأ الناس بعجزهم عن تغييره إلى الله فيسلط الله أمثال ودابراهيم فيذهب بالنظام الفاسد إلى خبر كان “وجعلناهم أحاديث”! … بسبب هذا الفساد نجد شباباً لا يستطيع الزواج وسدنة النظام يتزوجون في خريف العمر صبايا يعاشرونهم – ولا بد – بمساعدة الفياجرا والإركتا!!!

لماذا اعدمتم شهداء رمضان 28ضابط و56جندى ياارزل خلق اللة ياحرامية ياتجار الدين يافاسدين يامن افقرتم الشعب السودانى وسرقتو قوتة وملكتم العماوات والارصدة بالخارج
يامن دفعتم ابناء الفقراء للقتال في الجنوب وارسلتم ابناءكم للدراسة بالخارج
ليكم يوم في السودان ويوم مع اللة رب العالمين

أجمل مسرحية ؟؟؟

الإفراج المشروط….لحكم تافه فضحت البطولات الزائفه الصـدعونا بيها يا رجّاله …..لقد عبّروا على ندمهم و إستجدوا الرحمة و العفو ….. و قالوا إنهم سافّين التراب …. حليل البطولات المزعومه …..يا دوب عرفنا ليه الجنوب راح……

اسخف مسرحية عرفتها التاريخ الانساني كلو كذب وتضليل وتخدير لشعب مسكين ومغلوب علي امره.

فيلم هندي مكشوف .. والبطل يعيش للنهاية وسط الموسيقي و الزغاريد ..

تم إعفاء كل الضباط المشاركين و ضباط الصف عدا شقيق علي عبدالفتاح فرج الله, بهذا علي ضباط الصف والجنود أبعاد أنفسهم من أي محاولة انقلابية مستقبلاُ, النظام يخاف من الذين تم أبعادهم أكثر من غيرهم. دائماً عندما تتصارع الأفيال النجيلة هي الخاسرة.
كسرة صغيرة: بعد العفو عنهم وإرجاعهم سيتم إحالتهم للمعاش أكراماً لهم.
الآن في الشريط الإخباري للشروق: ود ابراهيم يشكر مسانديه.

وازيدكم من الشعر بيت تم ترتيب رحله عمرخ مجانيه ومدنكه وعلى حساب الحكومه لاداء العمره وبتنسيق مع الوكاله الشهيره العملوا لافتتاحها ظيط وظمبريط ومسكوها لاواحد من كلابهم قالوا استثمار للخدمات الاجتماعيه ياناس دى كلو ماكان فى ليه داعى وفوق شويه يا البشير انت راجل صنديد وزاهد وورع وقوى ما تخلفى الشفع ديل يلعبوا بتاريخك وانت بتودعو

لو كانوا من الغرب كنا في كرامة (الاربعين) نحن *ماعايزنا سودان موحد ابدأ*العنصرية حتي في الانقلابات*امشوا الي دارجعل وماعايزين سودان واحد

ومازال يوسف لبس معتقلا منذ عشرسنوات

بلد غريييب ومسرحيه واضح السوال هل السودان بطريق دا حيشيلنا يا جماعه عنصريه لدرجه قف وين الجماعه بتاع الانقلابيه لبس واخوانه وعبدالحليم ادم صبي وشلتو وين ناس ابراهيم الماظ وين وين وين يبقي كشفت المستور هكذا يا البشره السودا من اهل السودان انتبه انتبه انتبه انتبه من هذا الكارثه الشغلانيه بقت عينك يا تاجر بعد دا شدو حيلكم يا اهلنا وبرضو قول مافي عنصريه ؟؟ بعد دا نحنا الشين ما بنقول ولكن؟؟ العنصصصصصصصصصصصصصصصصصصصصصصصصصصصصصصصصريه الع___________________نصريه العنصريه العنصريه اربطو الاحزمه لنري اخيرتا

no comment

سنةالنضال ماضية طالماان العنصرية تمارس وباستفزاز.
انا اعتقد ان المفرج عنهم ليسوا انقلابيين ,بل هم كانوا جواسيس مندسييين داخل الاحارار

ناس (السياحه) حذرّوا الرئيس .. وقد (اوفى) .. جزاهو الله كل خير ..

المحـاوله (التخريمـيه) .. وينو (زير) الاعلام (البلال) ؟؟
هوهوووووووو .. يا ..
والله لولا الكوميديا التي نعيشها في عهد دولة المظالم الاسلامويه هذه لوافتنا المنيّه زماااااان
الاّ ان ـ كّتر خيرها ـ العصابه لازالت كل يوم تأتى بما لم يسبقها فيه أحد ..

فلم هندى

الناس المنتظره يعدمو ود ابراهيم زى ضباط رمضان اول شى ود ابراهيم من الاول مافى محاوله انقلابية انما قال كلمة حق فى الحكومة الماعاجباكم دى والكلام البتكتبو ورا اجهزة الحاسوب زى اخواتكم هو قالو فى وجه الحكومه وثانيا لو الذى ناس ود ابراهيم كان ناس قرن حاكمينكم ومعرسين اخواتكم ويبيعوكم فى سوق الرقيق يا مفلسين

تم اطلاق سراح او في الحقيقة العفو عن اشباه الرجال ولا رجال الذين حاول الكيزان تسويقهم كابطال وعند اول منعرج ظهرت خيابتهم كما خيابة شيخهم وقدموا استرحام وكبو الجرسة ومن الاول قلنا ما بعملوا ليهم اي حاجة لان كل هؤلاء المنحرفين كانوا شركاء في قهر الشعب السوداني وافرغوا كل عقدهم ومركبات نقصهم في قتل وتعذيب الاخرين ولكن يوم الحساب قريب

ياجماعة الراكوبة ازيكم من زمن وقفنا التعليق فى الراكوبة وسئمنا من كل الحاصل لكن كل يوم البلد تحصل فيها حاجة تحير ورئيسنا يحير اكتر….العدل اساس الملك والعدل فى الظلم عدل يا رئيسنا انت ما عندك فكرة فى واحد اسمه يوسف لبس معتقل منذ عشرة سنين عجاف وبرضو عنده اسرة واولاد وقبيلة بس ما جعلى ولا شايقى وهناك اخرون كثر قد نعرف البعض ونجهل الكثير ولكن الله سائلكم عنهم يوم تلقونه

يا جماعة .. ود إبراهيم دة عملوه بطل .. وقابلوني إذا ما بقى مرشح رئاسي ورئيس كمان..

التحية ابعثها من صحيفتكم الفتية الي ودابراهيم واخوانه الاوفياء الذين يدافعون عن بلادنا وهولاء الرجال تشهد لهم هجليج الفتية في صيف العام السابق هم رجال يستحقون بان نحتفي بهم ونكرمهم ونحمل صورهم علي صدورنا احتفالا ببراتهم لهم التجلة .

قام كل من المدعو نافع علي والزبير محمد وابراهيم شمس الدين والهادي عبدالله وعبدالرحيم محمد حسين والاحيمر وقوش باامر النقيب الخنجر وامنجية النظام بااطلاق الرصاص عشوائيا علي 28 ضابط و56 عسكري ودفن بعضهم احياء في جبل غرب امدرمان في 28 رمضان 1990.

يااخوانا الواحد طالع وهوكابي جرسة وبزغردو ليهو و(مسترحم )اها والجاب اطلاق الاعيرة النارية شنو ووين ناس الشرطة من الفوضي دي ..لكن امانة الجيش مابقي فيهو راجلا ضكر واحد يعني كان عملتا انقلاب ونجح و سلمت السلطة للشعب ستكون من العظام الخالدين وان فسل بس استرحام ..اها دي دايرة ليها شطارة يلا ياشرفاء الجيش دا كان فيكم اعملوها عن جد..

إغتالوا شرفاء الوطن , وتركوا السودان مستباحا” مغتصبا” من قبل حفنة من الاوغاد تطلق لهم الأناشيد والزغاريد وكأنما حرروا حلايب !

و لماذا لم يطلق سراح ال 28 ضابط فى محاوله انقلاب الكدرو فى رمضان و ماذا كان حكمهم ؟