سائق ركشة يقطع (فروة) رأس راكب بـ (السكين)!!
دار السلام – منى ميرغني
قام سائق ركشة بجلد راكب استقل ركشته برفقة فتاتين، مسبباً له جروحاً قطعية في رأسه، بعد أن شاهده بمرآة الركشة يضايق إحدى الفتاتين. وقال الراكب عند مثوله أمس أمام مولانا سليمان خالد موسى إن سائق الركشة قام بضربه، وسبب له جروحاً قطعية في الرأس.. وعند سؤال المحكمة للسائق المتهم ذكر في أقواله أن الشاكي استقل ركشته برفقة فتاتين، وأنه شاهده عبر المرآة يضايق إحداهما بحركات ووصفها بـ (الثقيلة)، مما اضطره إلى التوقف، وطلب من الشاكي النزول، لينشب بينهما شجار أخذ على إثره (منفلة) الركشة، وأخرج الراكب سكينه وتعاركا، فنزع المتهم السكين من الشاكي وأصابه إصابات بليغة وقطع جزءاً من (فروة) رأسه.
هذا والتمس الشاكي في المحكمة إمهاله فرصة حتى يتعافى ومن ثم المثول أمام المحكمة، فأعادت المحكمة ملف البلاغ إلى النيابة.
المجهر
ركشجي راجل من ظهر راجل
ياهو ده السودان
عافي منك ياود اخوي
عفارم عليك يا سائق الركشه اخو اخوات والله
هيييييييييييييييييييييييييييييييييييييييييع
عفيت منك يا تمساح جزاير الكرد .. دا الكلام و تاني كان لاقاك ادي جلدة
ابشر بلخير ياود اخوى والله مفروض تمشى تسلخ راس المهندس الباطل البرقص فى يوم تخريجو جم امو داك.
رااااجل عفيت منك ماداير تبقى معر؟؟ والبت المع الولد ده اكيد راضيه بالحركات وكانوا دايرين يستغلوك ويركبوا ليك قرون لكن يابتاع الرقشه طلعت ضكران وأدبتهم
دقو دقة بلاء والله عافيت منك يا بتاع الركشة
يعني سبب البلوي دي المزز – الحلوين
اصحاب الركشات اصبحوا مثل تجار البنقو و عصابات النيقرس اي بلوي لاوم يكون لهم فيها طرف مباشر او غير مباشر.
الله يفتح عليك ..
جدع اخو بنات وسودانى حر ياصاحب الرقشة ربنا يجعلها فى ميزان حسناتك واناشد القاضى الذين سنظر هذه القضية ان لايتجاوز الامر الغرامة وانا شخصيا مستعد ادفع الغرامة من مليون لخمسة والاجر على الله ، والواطى التانى اتمنى يختشى على نفسه ويتنازل عن القضية بعد ان نال عقابه
حاجة غريبة والله أولاد الركشات ديل هك أكبر صعاليك وحرامية، فكيف يطلع منهم من يدعي نشر الفضيلة ومحاربة الرزيلة، وكمان بطريقة الهمبتة والبلطجة.
المنطق يقول كان بإمكانه التعريج بالركشة وركابها على أقرب مركز للشرطة وفيه يقوم بفتح بلاغ ليأخذ القانون مجراه، ولكن طريقته هذه غير سليمة ويكون صادف ليهو واحد مسكين ساكت إستعرض فيه عضلات. لكن أقول له أعمل حسابك وحواء والدة وما كل مرة تسلم الجرة.
شعورو شنو لمن دقوه الدقة الساخنة قدام البنات و الله خيابة… عشان كدة عاوز يتعافي قبل المثول في المحكمة من الخجلة و الاحراج تلقاه كورك لمن قال الروب قدام البنات.
جدع والله