زخم شعبي عاصمي حول انتصارات الجبهة الثورية.
د.أمل فايز الكردفاني
ابتسامات ساخرة تراها موزعة بين قاطني العاصمة القومية وهم يتساءلون بسخرية وأمل في المستقبل:
– والجيش وين؟
ويتساءل آخرون عن مليشيات المسئولين : (أين اختفت؟) ، ويتفلسف أحد شاربي الشاي وهو يجترع كوبه بطريقة تظهر أهميته :
– أصلو الناس ديل فتتو الجيش وبعدين الكانوا بحاربو زمان كان بحاربو لي قناعات معينة .. اكتشفوا حسي إنهم كانوا مخدوعين ..
يتدخل أحد سائقي الشاحنات الضخمة :
– الناس ديل كان كدة .. بخشو الخرتوم ..
ويظل الحديث حول انتصارات الجبهة الثورية هو مدار الجدل ، حتى تقطعه مغازلات بريئة وخبيثة لبائعة الشاي الحبشية .
ورغم حرارة الأجواء ، فإنني شعرت من هذه الأحاديث وغيرها أن الجبهة الثورية قد منحت الشعب أملاً في الخلاص وقد توالت عليه النكبات الواحدة تلو الأخرى دون أن يحرك ساكناً .
قال أحدهم متسائلاً :
– حسي عرمان بيجي رئيس ؟
رفض البعض ذلك بشدة ولكنه لم يبرر رفضه بوضوح ، قال المناصرون بأن عرمان انتصر على البشير في الإنتخابات السابقة رغم الصفقة التي أزاحته عن الترشح ورغم التزوير الواضح . ورد الرافض:
– عرمان ادوهو الشرامة ..
فقال أحدهم غاضباً:
– والشرامة ديل ما بني آدمين.
وقال آخر ساخراً:
– انت ذااااتك ما شرامي …
وهكذا انقطع الحديث مرة أخرى وتحول إلى مناكفات ساخرة ، غير أن انتصارات الجبهة الثورية غيرت من الأجواء المقطبة إلى القليل من المرح والانفتاح .
ويتردد السؤال الذي لا يرغب سائله في إجابة :
– والجيش وين ؟
يقول أحد ركاب الحافلة :
– البلد تراهي فاااااضية …
ويهمس أحد المصابين بفوبيا الأمن :
– يعني الجماعة ديل بقدرو على الغلابة بس .. المساكين الزينا ديل ..
لقد أدمن الشعب السوداني تحلية مرارته بالقفشات والتعليقات الساخرة حتى يخرج من أزمة الرقيب الأمني ، نرى ذلك بوضوح في الصحف السودانية التي أصحبت هي الأخرى تتبنى أسلوب الكوميديا السياسية لتغلف ما تريد قوله بشيء من العبط.
مجمل ما يمكن قوله أن الجبهة الثورية قد أولجت أنبوب أكسجين لتتـنفس منه جثة الشعب ، والغريب أن الشعب الآن لم يعد يتساءل كثيراً عن البديل ، لا حباً في الجبهة الثورية بقدر ما هو رغبة في الخلاص النهائي من إرهاب الدولة والإنهيار الإقتصادي والقانوني والمؤسسي والثقافي والسياسي والرياضي ..الخ أياً كان البديل ؛ حتى لو كان إبليس نفسه .
الجبهة الثورية منحته بعض الأمل للمواطنين ، فهل الجبهة الثورية على قدر وعودها ؟
هذا ما سيجيب عليه المستقبل .
طبقاً للواقع تسلمى ويسلمو كل الكردافة …
الايام دى استمتعنا بالاغانى الوطنية التى حرمنا منها زمن طويل (جدودنا زمااااان وصونا على الوطن)فى التلفزيون القومى الذى ملئت شاشتة بتصريحات المسوليين
… الله ينصر دينكم ياناس الجبهة الثورية خليتو البشير جاتو البتاع البتعمل البتاع (الدكتور قال نزيف حااااااد)
والله ما يخشوا جحر فار.. يخشوا الخرطوم قال الثور….عايز برسيم
ياجماعة قوات الجبهة الثورية بعد ماطفشت من الابيض مشت وين؟الله يستر ماتكون جاية على الخرطوم وجماعتنا ما جابين خبر وتبقى قصتهم زى قصة خليل
نعم .. الجبهة الثورية على قدر وعودها .. وأزيدك من الشعر بيت .. هي أكبر من وعودها بكتير ولسه ما قالت كل العندها .. أن يكون السودان هو وطن للجميع على أساس المساواة في الفرص السياسية والإقتصادية والثقافية هو برنامج الجبهة الثورية .. وهو برنامج ناس مظلومين وعايزين العدل ..
ولا أعتقد أن ليس هناك مؤهلين لحكم السودان على أساس العدل والمساواة بين الناس أكثر من الجبهة الثورية .. وشفتوا البلد ديه تردت إلى وين منذ الإستقلال حصاد الحاكمنها منذاك .. وديه ما دايرة نظارة نظر عشان يتشاف .. فما العيب في أن يحكم كل السودانيين بلدهم لعلهم يصوا بيهو للبر بدل الإحتكار الحاصل منذ الإستقلال ؟؟
“الجبهة الثورية قد أولجت أنبوب أكسجين لتتـنفس منه جثة الشعب ، والغريب أن الشعب الآن لم يعد يتساءل كثيراً عن البديل ، لا حباً في الجبهة الثورية بقدر ما هو رغبة في الخلاص النهائي من إرهاب الدولة والإنهيار الإقتصادي والقانوني والمؤسسي والثقافي والسياسي والرياضي ..الخ أياً كان البديل ؛ حتى لو كان إبليس نفسه”
صحي الجيش وين؟ والله الناس ديل قاعدين في الصقيعة!!
كلامك صاح مائة بالمائة ، اعلام الانقاذ طوال السنين الماضية كان يروج لاشاعة من هو البديل ، ولكن فشل وفساد واستبداد النظام ادى لسقوط تلك الفترة ، الناس اصبحت تتحدث عن ان الشيطان افضل من هؤلاء الانجاس ، كل الاشاعات ولى عهدها كالمرتزقة والعملاء والعلمانين والمندسين ، خلاص الضرر اصاب كل الشعب السوداني والعدو بقى واحد البشير وزمرته من الكيزان المعفنين ،
الجبهة الثورية قدرا يادكتورا فهى تضم العديد من الكفاءات التى بأمكانها ادارة امور الدولة بجدارة واقتدار ، وحديثك هذا يحمل قدر كبيرا من السخرية والازدراء لما تقوم به هذة الجبهة ، ولنأتى من الاخر يادكتورة الى ماذا تسعى الجبهة الثورية لتحقيقه ، انها تعمل على اسقاط هذا النظام واستعادة مؤسسات الدولة الحقيقية التى تم تدميرها ومن ثم يختار الشعب السودانى من يحكمه من خلال نظام ديمقراطى حقيقى يعبر عن طموحات هذا الشعب ، وهم واعنى بهم قيادات وفصائل الجبهة الثورية ليس طالبى سلطة وجاه بل هم يعملون على ازالة واستئصال هذة الاورام السرطانية التى علقت فى جسد هذا الشعب ، كفى بك اذدراءا وسخرية بمن نذروا روحهم وجهدهم من اجل هذة البلاد وفكينا عليك الله من حركات الجبهجية الوسخة التى يدركها الاطفال قبل الكبار
صدقونى لو قلت إن الشعب السودانى وأنا واحد منهم بالطبع بعد الشفناه والالم والحغصة الفى حلوقنا دى من اشباه الرجال الكيزان المتاسلمين ديل لو جا خاشى البلد دى شيطاااان شيطان رجيم الناس بتحس بفرحه الناس دايرا تنفس عنى الضغط الجواها ده ياخ ديل عذبونا وطلعوا……… استغرالله العظيم
الجبهة الثورية على قدر وعودها ؟ كلا للأسف الجبهة الثورية لا قدرة لها زعمت انها احتلت ام روابة و فى خلال أقل من ساعتين كان والى شمال كردفان فى ام روابه و قد هربت الجبهة الثورية منها بعد أن نهبت أموال المواطنين و جوالاتهم و ذهب النساء. أي ثوار هؤلاء الذين ينهبون أموال المواطن البسيط؟ و أي خير يرجى من هؤلاء؟ و الآن تزعم انها قد احتلت أبو كرشولا و عينت حاكما عسكريا عليه و أنا متأكد انها ستخرج منه اليوم هاربة كما خرجت من ام روابة، أفعالها حيلة العاجز تذهب الى قري لا يوجد فيها جيش و تزعم انها احتلتها ثم سرعان ما تخرج منها مسرعة بعد أن تسمع بقدوم الجيش و لكن بعد أن تنهب أموال المواطنين لا تعولوا على هؤلاء و لا على قادتهم، اقتلاع المؤتمر الوطنى لن يكون من قبل هؤلاء، عليكم بالثورة الشعبية التى اقتلعت عبود و النميري من قبل.
ملاحظات عابرة :
من الملاحظ عندما تقع (كعَّة)..؟؟..هنا او هناك تقوم الحكومة بتهدئة اللعب وتجميد بعض السلبيات التي اصبحت مالوفة .
مثلا تختفي الكمائن الكثيرة التي تقوم بها مافيا المرور في كل منحنى او مضيق..؟؟
يختفي الضوضاء والصخب الذي تحدثه صافرات الانزار المثيرة والمتعددة بمناسبة او بدوها وغالبا ما يكون للتباهي والتسلط وقد تكون الشلة في طريقها لتناول وجبة سمك..؟؟.واحيانا يقوم بتشغيل الصافرة والطريق خالي او في منتصف الليل دون مراعاة لأي مشاعر او آثار مزعجة لمثل هذا السلوك.
يتم التعامل مع المواطن بلطف ملحوظ من قبل السلطات حتى حين ..؟؟.ربما تدرك الحكومة حينها ان هذا المواطن المسكين المغلوب له ظهير ..؟؟
تلاحظ ان هنالك اريحية في تناول بعض الامور المسكوت عنها او الممنوعة من الصرف ..دون حساسية او حذر.
محاولة البحث عن الخصوم السياسيين ومحاولة اشعارهم ان امورنا قابلة للتسوية والاخذ والرد..؟؟
وما الى ذلك من الملاحظات .
من ناحية انا علي قناعة ان هذا النظام الفاسد لن يتزحزح الابالقوة
ولكن في نفس الوقت اخشي ان يصعب السيطره علي المسلحين بعد ازالة النظام
السؤال هل الحركات المسلحه تملك كل السيطره علي جنودها؟ وحين يسقط النظام اين سيذهب هؤلاء؟
هل يتم دمجه في الجيش ام تسريحهم ام انهم سيحتفظون باسلحتهم دون رقابه؟
مقدرة قادة الحركات المسلحه ستتجلي بعد اسقاط النظام في سيطرتها وقيادتها لجنودها
اقتباس ( مجمل ما يمكن قوله أن الجبهة الثورية قد أولجت أنبوب أكسجين لتتـنفس منه جثة الشعب ).
…
عندما تختلط الاحلام بالخيال تكون النتيجه انفصام حاد تجعل المريض يحس بنشوه شبيهه بالتى يحس بها متعاطوا البنقو .
اصبحانا …………..مع هذ النظام الغاشم الظالم
تانى مافى حاجة اسمها يحكم فلان او علان او جبهة او غير جبهة الحاكم هو القانون والدستور وما الحزب الفايز الا عبارة عن حزب اتى بتفويض شعبى لينفذ برنامجه الذى انتخب او فوض من اجله وما المعارضة الا حكومة ظل تفوز فى الانتخابات القادمة لتنفذ برنامجها فى حالة عدم تجديد التفويض الشعبى للحزب الكان حاكم!!!!!
بديل الانقاذ هو حكم القانون والدستور الجو بالتراضى والوفاق الوطنى وفصل السلطات واطلاق الحريات والقانون والقضاء المستقل موجود والجيش وقوى الامن والخدمة المدنية كلها قومية والمجلس التشريعى يراقب ويشرع الخ الخ الخ!!!!!
فرحانين ومسرورين بانتصارت ونرفع القبعات لابطال واسود الجبهة الثورية لانهم اعادوا لينا كرمتنا وعزتنا السلبوها الكيزان اشباه البشر ووريناهم انه الشعب السوداني زي شعاع الشمس يدخل من كل المداخل والكيزان عندهم قناعة راسخة انه الشعب السوداني جبان وقبل كده الترابي قال السوداني لو قلت ليه تعال اشهد في المحكمة الليل كله ما بنوم ، علشان كده استخدموا فلسفة القوة في قمع المعارضين لكن نسوا انه الشعب السوداني شعب تواق للحرية ومعلم للشعوب وصانع للثورات وانه بيتبدع ادواته الكفيلة باسقاط الطغاة والناس ما مفروض تاثر فيه دعاية النظام وياجماعة فكروا معاي لو ظل نظام الانقاذ شوفوا الحال كيف البشير ، نافع ، علي عثمان ، المتعافي ، مهدي ابرهيم ، حمودي ود نافع ، وداد بابكر ، عبدالله البشير ، يوسف عبدالفتاح رامبو ، الطيب سيخة المجنون ، والخخخخخخخخخخخخ من القمامة التي لا تنتهي ، والبديل زوال النظام زوال النظام.
السيد ( غايد ) الجيش للسودان الفضل .. ما يهمكم انتو بس ركزوا على الحلاقه للشباب فى الشوارع .
ههههه الديش {الجيش} واين ؟!!!
اكلو الدودو
يا اخى انتو من زمن الجيش .
يا جماعة جيش شنو نحنا ما عندنا دا اسمو جيش الهنا ههههههههههههههههههههههههههههه
الكويس انو بمرور الايام قل عدد المعلقين المشتتين لافكار القراء (جداد الكترونى) فعشان كده يا ود خليل حقو تبطل تعليق وتخلى الناس الموجوعه تفضفض الغبن المعيشنو ليهم اسيادك.
شكرا د. أمل على هذا المختصر المفيد والعميق.
(أياً كان البديل ؛ حتى لو كان إبليس نفسه)…أناشخصياً افضل ابليس أو الجن الكلكى عديييل على الجماعة ديل…
البلد قاعده ساي ناس الجبهةالثورية لو ركزوا شوية ممكن يصلوا الخرطوم. بس يجوا بالخرطوم ما من امدرمان
والله فعلا كلامك صح ياخ لولوةديل عالم جبناء جدا حسي بكرة ينسوا الموضوع ويجوهم الجماعة علي حين غرة زي سنة 2008ان شاء الله….غايتوا ان بشجع ناس الجبهة الثورية اي كوز يلاقوه يصلبوه او يدوهو 1000 سوط عنج والباقين يرموهم في النيل عشان يصلوا مصر ويعفنو الموية للمصريين هناك..والله يالبشير انت عود القذافي زاتوا بالنسبة ليك حاجة شوية ان جايب ليك خازوق ياخازوق الكيزان مخصوص ليك والثاني للابله وزير الدفاع بالنظر واخر للصوارمي الكاذب الرسمي والاخر لنافع المانافع نافع ده انا خاتي ليهو مفاجاة خاصة((اوضة تعذيب تشتمل علي جميع الادوات اخر موديل في عالم التعذيب)) ليهو.. اما جعفور الميرغني ابو شلاضيم العبيط ده فده عايز ليهو خازوق بتاعة شواية فرن ونار تحت وزيت اما الدجال ابن الدجال الغير مهدي فده عاوز ليهو صاروخ يطيرو ويفجرو فتفوتة فتفوتة عالم منافقة لعنة الله عليكم وعلي نفاقكم وتفريطكم لهذا الوطن
انا شخصيا لوجات امريكا عديل ماعندي مشكلة . المهم الكيزان ديل يمشو . وبعدين حكاية مافي بديل دي شنو ؟ هسي عمر البشير دا بتاع شهادة سودانية مع احترامي للشهادة السودانية ، حكم ربع قرن من الزمان ، مابنلقا لينا واحد سوداني متعلم وبيفهم وبيخاف الله؟؟ وعبد الرحيم دا بتاع الدفاع بالنظر دا مش اخير منو رقيب أول فاهم شوية. فكونا بلا بديل مافي بلا كلام فاضي ، انتوا زحوا والبديل بنجيبوا برانا .
احيكم ياناس الجبهة الثورية فشيتوا مغصتنا وجهجتوا الكيزان وبالجد الناس ديل مابعرفوا غير السلاح شوفوا ناس ام دوم احتجوا علي نزع اراضيهم نزلوا فيهم ضرب وكتيل وياناس الجبهة الثورية منتظرنكم في الخرطوم علشان نخلص ونرتاح من الطاغيةالاعرج عمر كافوري ويرجع لينا السودان ونبقي مواطنين بحق وحقيقة بعد ما الكيزان حولونا في بلدنا مواطنين درجة ثانية بدون اي حقوق.
.. وتتساقط المدن والقرى بيد الجبهةالثورية واحدة تلو الأخرى, يعني الكلام دخل الحوش !
رجاء للأساتذة كتاب الراكوبة أن يطلعونا على السيرة الذاتية لقادة الجبهة حتى نعرف الحكومة القادمة -إن استمرت الأحداث هكذا- ويا حبذا لو رافقتها تحليلات عن العسكريين والسياسيين فيهم وما هي رؤاهم للفترة المقبلة,,
واسمحوا لي فقد تذكرت الآن أستاذنا وردي وهو
يذكر الآن..الآن جميع الشهداء
كل من صاح في وجه الظلم لا..لا..لا
وأقول لسوداننا الشامخ الجريح
نحن أبناؤك في الفرح الجميل
نحن أبناؤك في الحزن النبيل
يا جماعة الخير الجماعة ديل عارفين تحركات الجبهة الثورية بس دايرنهم يضربوا ضربتهم عشان يلقوا وراها استنكار دولي وغضبة شعبية ذي كما احداث هجليج …………… بس راحت عليييييييييييييييهم