نظام البشيريعلن الاستنفار وفتح المعسكرات للمجاهدين

منتهي التخلف ..ما هو زاد المجاهد

كوكو تييه كافي البلا

الولد الحنكووووووووووووووش
ده,,,,, مع المجاهدييييييييييييييين.

أذهبوا إنتوا وبشيركم قاتلوا وأنا حماده السكر زياده هنا قاعدون

صاحب الصورة ود نافع اول حاجة يقطع اجازته ويجي اول زول يسجل لان الموضوع يهمه ويهم كل منسوبي المؤتمر الوطني هم الذين يجب ان يجاهدوا عشان حماية مصالحهم مامكن الناس تموت من اجلهم مرتين مرة بالجوع ومرة بالقتل فطيس وليس شهيد كما قال شيخهم ودا كلو من اجل ان صاحب الصورة وامثاله يقضون إجازاتهم في المصايف العالمية و بعدين الجهاد دا ضد مسلم زيك ومن اجل شنو ؟ 

طيب ليه الاستنفار وانت عندك جيش حدادى مدادى؟ يعنى المجاهدين يحاربوا والجيش قاعد ساكت من ضل لى ضل؟ ياجماعة البلد دى فقدت البركة لاجيش يحارب لا ارض تنبت زرعا لاعالم يقول كلمة الحق لاشرطى يحمى اراضى المواطنين لاماسورة تنقط موية لامستشفى يقعد فى حتتو لاجنيه عندو مروة لامواصلات عندها ميدان لامدرسة فيها طباشير لاموظف عندو ضمير لاتعليم عندو اسكيل لاشوارع ماشة عديل لامدير يعرف يدير والاخطاء الطبية بقت كتير والتزوير يقوم بيهو الوزير ووووووو

قال زاد المجاهد داهية تاخدكم .

ههههه
الدورة دي عاوز اسمع نبأ استشهاد حمادة نافع وأولاد علي كرتي وأولاد مصطفى عثمان إسماعيل وأولاد المتعافي
غير كدا ما ماشين

خليكم موضوعين وواضحين وما تخموا الناس كل مرة ساكت بمبررات وهمية … انتوا لمن بديتوا برنامج ومشروع التمكين في 1990 استنفرتوا الناس وقلتوا ليهم (كل عاطل وقادر على العمل يجي يتعين اويتوظف !!!!؟؟؟ ما حصل كلام زي دا طيلة الأربعة وعشرين سنة ولكن كل مرة تتعصروا وتنزنقوا في ميادين القتال والدواس تخموا الفقراء والمساكين والغلابه (ناس قرعتي راحت )وبعد ما يستنفروهم ما بيمشوا معاهم في الخطوط الأمامية يعني خيار وفقوس حتى في الموت . يعني برضوا تمكين بعدم تعريض كوادرهم ومنسوبيهم للموت والهلاك .. شفتوا النباهة والفلاحة دي كيف !!!؟؟؟ حتى المقولة العسكرية (الشر يعم والخير يخص ) لا تنطبق على هؤلاء الكيزان الممكنين بل سخروها لمزيد من التمكين لمنسوبيهم … فالناس (الدستورين)الشايفنهم في التلفاز لابسين كاكي ديل واحد فيهم بمشي بقاتل مافي دا اعلام ساكت لزوم اقناع البسطاء والغلابة والسطحيين (الظاهرية) … المظاهر خداعة يا ناس … وليس كل ما يبرق ذهب … فخذوا حذركم من هؤلاء الانتهازين والمخادعين الكاذبين المكذبين المضللين لشرائح الشعوب المستضعفة من بني وطني السودان المتبقي فاذا استجبتم لهم فسيضيع السودان المتبقي ..!!! خليهم يشوفوا ناسهم المكنوهم يسوقوهم !!!46

70 % من ميزانية الدولة على القوات الأمنية !!!!!!؟؟؟
وتقول لي ما عندكم جيش
طيب بتصرفوا على منو ؟؟؟؟؟؟؟؟؟

إذهبو أنتم وأولادكم ونسائكم ومطبليكم فقاتلوا …
إنا هاهنا قاعدون …
تلقوها عند الغافل يا منافقين ..

تانى تلقوها عند واحد عوير البيموت منو عشان عمارات نافع ومصطفى عثمان اسماعيل
يعنى اودى ولدى اقول ل الله شنو لو مات هناك هو الزول السنه السنه دى زاتو قال ديل فطايس
عليكم الله لو فى لعبه غيره العبوها انتو اصلكم بتسرقو ادفعوا فى مرتزقه كتار من غرب افريقيا ممكن يجوكم لكن ب حقهم اما تانى القديمه دى ما فى ليها طريقه العمايه عرفوكم يا حرامية البنايات والشقق
والمنتجعات والاجازات الفى اوروبا واولادكم يرطبو فوق قروش الشعب المغلوب على امرو وعاوزين ولاد الناس المساكين يمشوا يموتو ليكم وانتو تقولوا الجهاد تفو عليكم سفلة مقاطيع اتحملوها جاتكم والله ومن كل الجهاتا ن شاء الله ….

نحنا مستعدين بشرط مجلس الوزراء بسلامتو والمجلس الوطني يكونو قدامنا وبعدين نشوف الرجالة وزينب وراكم

زاد مجاهد عشان تعملوا بيه تاني محطة وقود ذي بشائر للطاقة …. وياكلوها ناس احمد عبدالفتاح وجماعته هههههههههههههههههههههه

كلام تمام وصاح 100% ياكارلوس. بعدين الناس ديل ماعاقلين انت في كل السنين الفاتت دي راجع نفسك شوف انت قدمت شنو للشعب السوداني عشان يساندوك ويقيفوا معاك
حاجه غريبه وتصريحات اعفن من كلام حسب الله في ختان الانثي واعفن من دغمسه البشير ومتمركبه بي ستين مركوب لابسو نافعومتلوثه بي اعفن رياله من فم الوزير العوير وقواده اعفن من قواده الخال الرأآسي
لاحول ولاقوه الا باللللللللله

في اللغف شطار .. و في الحارة خلف الصفوف و كايسين زوادة النسوان ..

شعارات في الهوا
قالو لا لدنيا قد عملنا…..
بعد كدا أما بالجد يخلو دنيتهم أويحموها بالقتال بأنفسهم
وأنحنا نقعدو فراجااااااااااااااااااااااااااااااااااااا

ربع قرن كامل من التجويع والتشريد والتطفيش وقطع الأرزاق جايين بعد دا كلو تقولو لينا استنفار وما عارف شنو هو الناس فيها حيل بعد الدخلتوها فيهم دي, قومو لفو بلا يخمكم الليلة قبال بكرة…

عايزين الناس تمشي تموت فطيس عشان الصعلوك الفوق ده مش كده عشان يمشي امثاله ويتنعموا وبقية الناس حق الفطور مالاقينه مش كده في ناس حق الكراس مالاقينه حق الكهرباء مالاقينه ناهيك عن ذكر العطالة المقننة وغير المقننة ومش عارف ايه ناهيك عن جيوش الفقراء والشحادين ناهيك عن انعدام الامن ناهيك عن الاهانة والذل اللذان يتعرض لهما المواطن عشان تجي واحدة تقول انا مابتكلم في السياسة وتجي واحدة اغبي وابلد منها بمراحل لتقول ازدادت نسبة المهاجرين بصورة غريبة قالت ايه صورة غريبة وكانها تستغبي الناس او تشمت بخلق الله وكانها ماري انطوانيت هي وصويحبتها التي قال فلياكلوا بسكويتا ولا زي وزير الدفاع معدوم الضمير اللي تكلم عن انو الجبهة الثورية اصطادت الغزلان طيب مش احسن من الخليجيين الكرور ديل علي الاقل الجبهة الثورية ديل سودانيين وهم اولي من هؤلاء الشراذم القادمين من الخليج اليس كذلك..وضع ماساوي كذب في كذب علي المواطن واستهتار لاحد له بالمواطن…عايزين الناس تحارب لشنو ولمنو اصلا عشان امثال جعفر الميرغني اللي ماعارف كوعه من بوعه مع ان سنه 43 سنة لكن تصرافته وكان عمره 10 سنوات فقط ياسبحان الله ساسة انذال وحقراء وانتهازيين كامثال سيدي جهنم الصادق والميرغني رئيس اشبه بالالة بل قل كالحمار يلقن مايقول لايبالي لو تفتت السودان كله…بلد كانت مساحتها مليون ميل مربع ينبغي ان يعيش مواطنها عيشة كعيشة المواطن السويسري بل افضل من المواطن السويسري بملايين المرات والمواطن يعيش وكانه في القرون الوسطي او في قرون ماقبل الميلاد تخلف وجهل وامية وعنصرية وفقر وسلبية اصبحت من سمات المواطن السوداني ولاعزاء للكيزان اتباع الشيطان راحت حلايب بل حتي المصريين هؤلاء الانتهازيين العنصريين جاء وفدهم وهدد الكيزان بالا يفتحوا ملف حلايب وان يقفوا معهم ضد اثيوبيا والا ينضموا لاتفاقية عنتيبي وكان السودان ليس دولة مستقلة وتملك قرارهااو حتي يفكروا في تغيير اتفاقية مياه النيل لعن الله هذه الجيرة وهؤلاء الجيران ناهيك عن الفشقة وضربات الطيران الاسرائيلي بالعشرات بلاد ينعدم فيها الامن انني اتسال مافرقنا من بلاد الصومال او الصوملة اصلا التي يتحدث عنها السياسيون صوملة اكثر من هذه ومازال الكيزان المريضون نفسيا يعتقدون انهم الافضل لحكم هذه البلاد التي حرقوها وقتلوها وانتهوا من مواطنها مواطن مهان في بلاده بل حتي من خارجها من اناس كانوا يسكنون الخيم واليوم يتطاولون في البنيان من اناس بلادهم ممزقة بالحروبات الطائفية افقر بلد تقريبا ويهان السودانيون من امثال هؤلاء الشراذم الحثالة…ابعد كل هذا تريدون للناس ان تحارب لمن من اجلكم ايها الكيزان اقول لكم تبا لكم وسحقا لكم ولعنة الله عليكم جميعا ابتداء بالبشير الا اخر شخص فيكم جميعا

نعلن حالة الاستنفار والتعبئه القصوى لكل من يستطيع حمل السلاح ونعلن عن افتتاح معسكرات (لكل المجاهدين ) الشرفاء من ابناء السودان في عدد من الولايات بينها جنوب كردفان والخرطوم .. وعلى كل من يستطيع القتال التوجه فورا الى المعسكرات ..لتطهير السودان من نجس الكيزان ..وندعو النساء لاعداد زاد المجاهد
وما النصر الا من عند الله
الامين السياسي للجبهه الثوريه

المجاهدين و عرس الشهيد و الملائكة حاربت معاهم الحكاية بقت مسلسل تركى نهايته بتين .

((واعتبر الوزير فى تنوير قدمه لقادة نحو (31) حزباً وتنظيماً سياسياً بمقر وزارته ما يجري حرباً مخططاً لها بدعم من قوى غربية على رأسها إسرائيل التي أعلنت صراحة رفضها لاتفاق التعاون الذي أبرم مع دولة الجنوب في وقت سابق.))

السوداني

قوي غربية على رأسها إسرائيل….إسرائيل دولة غربية!!!!!؟؟

وحماده معاهم ولا حارس الجبهة الداخلية مع دادى فى الخرطوم

صبرا جميلا