هجرة 91 ألف سوداني العام الماضي
وزيرة العمل: الحوافز المالية غير المنضبطة أفرزت خللاً في الخدمة المدنية
البرلمان :سارة تاج السر:
كشفت وزيرة تنمية الموارد البشرية والعمل، اشراقة سيد محمود، عن زيادة وصفتها بأنها (غريبة وغير تقليدية) في معدلات الهجرة وسط السودانيين للخارج في العام 2012م بسبب الازمة الاقتصادية وارتفاع تكاليف المعيشة بلغت اكثر من (90) ألف سوداني، واقرت بأن سياسة الحوافز المالية غير المنضبطة على حساب موازنة الأجور (الفصل الاول) افرزت خللا واضحا في الخدمة المدنية وبددت المال العام ،وطالبت بضرورة وقف الصرف خارج الفصل الاول وضبط الحوافز والمكافآت في الدولة، بجانب تصحيح وضع ديوان شؤون الخدمة وتطوير ادائه.
واكدت الوزيرة خلال استعراضها بيان وزارة العمل امام البرلمان امس، مغادرة 91.936 سودانيا الي الخارج العام الماضي منهم 1620 طبيبا، وعزت ذلك لضيق فرص العمل بسبب ارتفاع عدد كليات الطب وضعف الاجور،وحذرت اشراقة من تصاعد هجرة اساتذة الجامعات ووصفتها بالمهدد المباشر للتعليم العالي ،واوضحت ان اعداد الاساتذة المهاجرين الي المملكة العربية السعودية وحدها بلغ 988 استاذا من جملة 1002 خلال العام 2012م، مقابل 21 استاذا في العام 2008م ،بينما بلغ عدد المهاجرين في مهنة الزراعة والرعي وتربية الحيوان والصيد 44.242 تلاهم الفنيون 16.331 فنيا واوضحت ان السعودية كانت اكبر مستقبل للعمالة السودانية، تلتها الكويت وقطر ثم الامارات، واشارت الي ان ليبيا تعتبر اقل استيعابا للعمالة السودانية حتى الآن .
وأرجعت اشراقة القصور الذي صاحب أداء الوزارة لضعف التشريعات والقوانين ،وكشفت عن ترتيبات لإجراء تعديلات في قانون العمل بجانب تنقيح ومراجعة الخدمة المدنية ولائحة الخدمة المدنية لعام 2007م ولائحة محاسبة العاملين ،واشتكت من ضعف التمويل للوزارة مشيرة الي ان 50% من ميزانية وزارة العمل يذهب الى مديونية المبتعثين الى الخارج .
وكشفت،عن تشوهات مالية وقانونية صاحبت أداء ديوان شؤون الخدمة، وطالبت بفصل الديوان كإدارة مستقلة لتشرف على التعيينات والهياكل والترقيات بالدولة، ورأت ان الخلل في ديوان الخدمة تسبب في خلق اشكالات واسعة داخل الوزارة ،وأكدت ان العلاقة بين الوزارة ومكاتب الاستخدام الخارجي لم تكن على ما يرام وانعكست في المشاكل الاخيرة، وشددت على اهمية تفتيش مكاتب الاستخدام والاستقدام ومراكز التدريب.
،وانتقدت الوزيرة اداء الصندوق القومي لتشغيل الخريجين وقالت انه عجز عن تحقيق اية انجازات في العام 2012م لغياب الشفافية المالية والادارية وضعف التنسيق مع الولايات.
وكشفت عن وجود 58,976 خريجا في الفترة من 2000- 2011م حسب احصائيات وزارة التربية والتعليم.
الصحافة
لا تعليق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الاستغراب في شنو ما أنتو سبب الهجرة بسبب المحسوبية وقلة الوظائف وضعف الاقتصاد واستأثار الحكومة باللحم والشعب العظم ياخي الاسباب كتيرة لو قعدت اعدها عاوز لي 24 سنة عشان انتهي المهم انو الشباب الفيهم خير حيفروا الي اي مكان يحس فيه انه انسان محترم ويقدر يعيش حياة محترمة ويبني اسرة
أنتو اصبرو شوية وحيكون السودان مليان بالحبوبات والعجائز وبعد داك ورونا رجالتكم في ديل عشان يقوقكم دعوة من النوع ابو صاروخ توديكم في ستين داهيه
الهروب من السودان والنفاد بالجلد خيار مر فرضته حكومة الطاغوت ولحس الكوع
أنا ما عارف يا إشراقة إنتو قاعدين تحكم على منو …. إذا الشعب السودان كلهم هاجروا وتركوا البلد ليكم وأقترح إنكم تقفلوا (( السودان بالضبة والمفتاح)) وترموا المفتاح في البحر وتلحقوا الشعب الهاجر وتهاجرو معاهو ، الله يدمركم كما دمرتم البلد يا حرمية ………..
الشغلانية واضحة وما دايرة فهم ،االوضع فى السودان لا يطاق ، انا غادرت فى يناير 2011م وحتى لا نية لدي اطلاقا فى العدة كلما اقول امشي زيارة اتذكر الالم والمعاناة اقول خليها السنة الجاية ، طلعتوا عينه .
الوطن خليناهو لحاجه اسمها كوز
يابت ياإشراقة
ماتتكلمي في السودان عن إمبراطورية ديوان شئون الخدمة دي إمبراطورية بتعين بشهادة مؤهل إسمها(تصحيح مسار )والشهادة دي أعلى من الدكتوراه .
بعدين تاني أقول ليك يابت ياشراقة في المساق الهندسي ترتيب (الشهايد)كالآتي خلي بالك كويس حاأبدأ ليك من أعلى إلى الأدني:
1/دبلوم التلمذة الصناعية.
2/دبلوم الصناعات.
3/دبلوم الصناعات القومية
4/الدبلوم التقني
5/البكالوريوس
6/الماجستير
وعشان تتأكدي وطبعاًإنتي متأكدة لكن زيادة تأكيد زوري أقرب مركز للتدريب المهني.وبعدين ماتنسي تصطحبي معاك بتاع النقابة وواحد من خبراء إمبراطورية ديوان شئون الخدمةعشان يوروك تصحيح المساركيف .
إنتهى………………………
الفات مات بس من الان فصاعدا خلى قروش البترول تمسك الباقين من الهجرة
ودى عايزه ليها فتاكه ياوزيرة الغفله.
المهم…كملى جميلك وعلى حسب إتفاقك مع وزيرة العمل الكويتيه بخصوص الجسر الجوى…وبرضو كما طلبت فى آخر أجتماع مجلس وزراء لك بتعديل اسم وزارتك الى تنمية القواده البشرية والعمل،
اثنين وتسعون الف مهاجر بس ؟ حلتنا بس طلعوا منها الف نفر
السيدة الوزيرة الشجاعة اشراقة التحية والتقدير لك على جهودك في محاربة الفساد والله لو لقى السودان تاني اشراقتين لاشرقت الشمس في ارضه وانطوى الظلام ..
اما هجرة السودانيين ماذا يفعل من ضاق به المكان
ماذا يفعل من لم يجدلقمة العيش واقعده الفقر والمرض
ماذا يفعل من يتم مطاردته في منزله ومتجره ومزرعته ومرعاه ومصنعه .. زنقه .. زنقه
الصواب الوحيد هو الاغتراب لنترك لاولئك الوطن
نعم يجب ان يتركه الشعب لهم
ولكنهم حتى وانت في مهجرك يطاردونك من اجل الجباية طالما انت تحمل جوازهم
لاحظي جوازهم دي مش جواز وطنك
انهم يملكون كل شئ
شكيناهم لله ياخد لينا حقنا منهم في الدنيا قبل الاخرة ..آآآآآآآآآآآآآميييييييييييييييييييييين
خمس سنوات …. وانا بحاول اقنع في نفسي بس زيارة لدمة شهرين ما قادر…..
اللهم عليك بالارجاس ….. واولهم…. الرقاص اقطعهم ………تك……….
اللهم عليك بالارجاس ….. واولهم…. الرقاص اقطعهم ………تك……….
اللهم عليك بالارجاس ….. واولهم…. الرقاص اقطعهم ………تك……….
اللهم عليك بالارجاس ….. واولهم…. الرقاص اقطعهم ………تك……….
اللهم عليك بالارجاس ….. واولهم…. الرقاص اقطعهم ………تك……….
اللهم عليك بالارجاس ….. واولهم…. الرقاص اقطعهم ………تك……….
اللهم عليك بالارجاس ….. واولهم…. الرقاص اقطعهم ………تك……….
اللهم عليك بالارجاس ….. واولهم…. الرقاص اقطعهم ………تك……….
اللهم عليك بالارجاس ….. واولهم…. الرقاص اقطعهم ………تك……….
ياخ انتو غريبين .. سوء الأوضاع .. ورغبتكم في الاغتناء من وراء عرق المطرودين من ديارهم الى بعض نعيم الخارج.. تابعنا اللقاء بتاعك بحضور الطاهر ساتي.. قبل تشردوا الناس عشان العملة الصعبة أهلوهم.. احسنوا معاملتهم.. لاحظت انو ( اشراقة – على عثمان – على محمود – جرار التهامي) فاتحين خشومهم في النتظار العائد المادي من شتات السودانيين في الخارج.. يا ما بتخجلوا سويتو ليهم شنو ؟؟؟
اوكي لحد هنا ممكن نقول في ناس تم تاهيلهم على نفقات الدولة لكن برضو مافي خيار ليهم الا المغادرة .. لكن لعناية السيدة الوزيرة في ناس ما قروا في مؤسسة شيدتها الانقاذ .. ولا درسوا بي فلس واحد دعم انقاذي.. ( لو ان الانقاذ بتجيب الدعم من جيبها) ومع ذلك الجماعة ديل واجهوا الاذلال والاهانة والابعاد والطرد والتهميش والتشهير ,, اخرهم {{جعفر ابن عوف}}.. المن حصلت قصتو اتاكدت انو ما ذا يساوي مجرد معلم عمره نصف عمر جعفر ابن عوف بعث للخارج على نفقة الدولة المضيفة وكان عندو نية العودة للعمل في الظروف اليهربوا منها 91 الفا .. ورغم انو ما عندو كسب زي جعفر ابن عوف الا أنه .. يشتركوا في عدم تلقي فلس واحد من الانقاذ كهبة او يدرسوا في مؤسسة للانقاذ مساهمة طوبة فيها.. ومع ذلك مع النية لتقديم كل ما تيسر رغم المعاناة المشهودة والمعروفة للكثيرين ورغم الويل والثبور وعظائم الامكور الا ان وزارتك يا اشراقة ابت الا ان تشرد شخص مستعد للخدمة في الظروف المعروفة باسباب لا شجاعة لقولها في العالم العاقل والحر الديمقراطي المحترم لخقوق الانسان… بل ولا في العالم العكس ذلك لان التعامل سيقتصر على فقط التأمر والدسائس.. والغدر وتشويه السمعة عمل الجبناء وخفافيش الظلام… يا اشراقة اين أحد (مبعوثي) المجلس القومي للتيم التقني والتقاني عام 2010.. لماذا لم يعد للسودان ولماذا انقطعت اخباره .. ولماذا لا يرد على اي اتصال عبر الايميل او غيره .. وماذا ينوي المجلس حيال القضية التي يعتزم اهله رفعها امام المحاكم .. ليس بحثا عن مكان مجرد شيء بل لمساءلتكم عن سلامة وحرية وحياة ووجود انسان بالغ عاقل عامل منتج .. واجه صنوف الاضطهاد على يد مجلسكم داخل السودان وخارجه.. بل لحقه اتهديد بالويل والثبور مع بذل اكبر جهد من الاكاذيب لتنكيد عيشته ..
الا هل بلغت الوزيرة اشراقة ان الهجرة ليست كلها خير وليس كلها تحدث بارادة المهاجرين انما نتاج الاصرار والترصد والاذلال والاضطهاد.. اعطوني تلفون او ايميل اشراقة …
تطلع من دارك إقل مقدارك …دا كان زمااااااااااااااااان ..هس تقعد في دارك إتحش دين افكارك ..