تنسيق لحصر السودانيين المخالفين لنظام الإقامة بالسعودية

يدمجين قال ,ديلحسابنا اجانب ولا شنوو,ولا نازحين ,,,الجبهة الثورية قادمة فى قلب لخرطوم يالصوص

كذاب ايها المنافق التهامي انت لا تستطيع ان تقدم ولا قطعة بصلة للمغتربين العائدين ما بالك من تقديم قطع الاراضي وتوفير السكن ,,, انتم سوف تنهبون ما ياتي به المغتربون ,,, غدا سنجد السماسرة في السفالة السودانية بالرياض وبجهاز المغتربين ,,,, لا توفروا لنا قطع اراضي ولا اكل ولا شرب فقط وفروا لنا الأمن ليعيش ابناؤنا كما كانوا عائشين في المملكة العربية السعودية ,,, وفروا لنا سرعة الاجراءات في الموانئ والمطارات ,,, اعفونا عن الجمارك ,,, اقل العائدين يكون قد قضى عشرون عاما مغتربا ويدفع لحكومة السودان ايام النفرات والجهاد المزعوم ,,, الآن جاء دوركم ايها المجرمون ,,, اعلموا ان هؤلاء سيشعلون فتيل الثورة لانهم لا يتحملون كثيرا وقضيتهم ستصبح قضية رأي عام

“وأضاف د. كرار أن جهاز المغتربين يسعى مع مؤسسات الدولة المختلفة من مؤسسات الاستثمار والإسكان والتنمية ومنظمة الهجرة الدولية لتوفير المتطلبات وإيجاد فرص عمل للعائدين من المملكة العربية السعودية لإدماجهم في المجتمع”

شغلوا الخريجين العاطلين أولا

تدمجو شنو؟ والله شكله دي كله شعارات فارغة ساي

أول حاجةأكيد انتو قاصدين السودانيين الفي الصورة بتاعت الخبر ولا انا غلطان

هو الجوة البلد لاقين عمل عشان تقول نوفر فرص عمل للجايين من السعودية

السيد /كرار التهامي
خليك في مجالس الإدارات التي انت منغمس فيها شغلت المغتربين دي بقت خارج اختصاصك بعد عودتك الطوعية الى حضن النظام ومنحك بدل كريمات حتى تعوض سنوات النعومة
الملحقات العمالية المصرية تعمل منذ مده و الفترة المتبقية اقل من شهر و نصف تظهر و تقول دراسة – الله كريم شكراً – ادمج بني وطني المتواجدين في السودان في حياة و أوضاع السودان الحالية خلينه نحنا ، لو ودعنا الكفيل المخارج كثيرة ، يا كرار التهامي

والله ضحكت وضحكت ومت من الضحك هههههههه هىهىهىهى هاهاهاها

ولماذا تجدوا لهم فرص فى السودان لادماجهم فى المجتمع خصوصا ان الموجودين بالسودان عاطلين عن العمل هذا كذب شنيع . بدل ايجاد الفرص الكاذبه فى السودان لماذا لاتخطو خطوه فى المملكه كالمصريين لتتفاهموا مع وزارة العمل السعوديه لتوفيق الاوضاع( كلكم راع وكلكم مسئول عن رعيته ) ان الله سائلكم عن المغتربين يوم لا ينفع مال ولا بنون الا من اتى الله بقلب سليم

حكى

اذ اتينا السودان لا نترككم وشانكم لكل ظالم نهاية ليس لدينا مانخسره اما حياة كريمة او موت بشرف وخد ياتهامى كلامنا محمل الجد ثورة ثورة ثورة ولابد منها انتم ليس ببعيدين عن هذه الاجراءات

ارجوا من الاخوة المغتربين ان لا يصدقوا مثل هذه التصريحات الجوفاء وذلك للاتي.
(1) الدولة حاليا بتكسر في ناس منطقة نيفاشا بالقرب من امبدة – قاعد في بيتك يجي البوليس وبحضور وكيل النيابة يطلعوا اولادك ويكسؤوا بيتك امامك ويرحلوك منطقة القرية ساعتين ونصف من الخرطوم – ديل ناس منتظرين منهم يوفروا ليكم سكن.
(2) والله انا بعرف معلمين الواحد تجده في الايجازات طالع في عمارة رابع دور شغال طلبة ويمكن يقع يموت من فوق والسبب ان الرواتب متدنية 450 جنيه بواقع 15 جنيه في اليوم وتجده عائل اسرة – ديل ناس يوفروا سكن او راحة لمغترب.
(3) احسن حاجة جديدة اليومين دي عملوها لو ماشي في الشارع وجاتك غيبوبة كده ووقعت / اقرب زول لو اتصل بــ 999 بجوا بشلوك بسيرعة دون تاخير للمستشفي لكن ماعارف فعلاً الفرد يجد عناية طبية كاملة ام لا.
(3) الحصول علي الجواز اصبح صعب جداً وياخذ شهر كامل وذلك نتيجة ان نصف الشعب السوداني تجده في صفوف استخراج الجوازات في كل من المقرن – المغتربين – بانت.
(4) والله اي مغترب جاي وليس لديه استثمارات – عقارات – اموال ( الزول الجاي ويدوا فاضية – امامه كما يقول المثل صيف حار جداً لان البلد ضاربها الغلاء وناس جهاز المغتربين يتحدثوا في الهوء الطلق

نداء اي زول قنع من السعوديةوماشي السودان احزرو ثم احزرو لان عصابات الاراضي تنتظركم في المطار
كنت في السودان قبل فترة واتنصب علي في قطعة ارض

المغتربين قاعدين الان مندمجين ماشاء الله عليهم ولكن يجوا عندكم ضرائب وزكاة ورسوم واخر العنقود الرقم وطني ولو لا رؤية الاهل بالسودان تشرح القلب ، الواحد فيهم الاندماجة تطير ليهو في راسو… قال ادماجهم في المجتمع

الزول دة قصدوا واضح ، الناس ديل كانوا مرطبين ، حا يمشوا هناك كهرباء مافى موية مافى غاز ما فى راحة مافى فلازم يحصل ليهم عصر ودمج مع الشعب الفضل هناك وكدة

كخخخخخخخخخخخخخخخخخخخخخخخخخخخخخخخخخخخخخخخخخ كخ كخك ياولد وكمان بتكذب في النت؟؟؟؟؟؟

هسي يجي يقول ليك عملنا كدا تأسيا بالرسول عندما دمج ( المهاجرين ) بالانصار

كلام ساكت اي كلام والله وعندي الدليل بل الادلة . ومسكين هذا البلد السودان.وين قروش سوق الحصيجيصا الشعبي ؟؟

انتو شغلو الجوة اولا خلاص بقت علي المغتربين … في احدي المرات لاقاني مبني عليه لافتة مكتوب المنظمة السودانيه لتنمية الاطفال المعاقين تقريبا ضحكت جدا قلت هم الكبار وشدااااد ونصااااح نموهم بقت علي ديل خلاااص هههههههه

( دمج بمعنى ترويض هولاء القادمون للتأقلم مع الواقع الجديد المر) ياجماعة انتوا ما فهمتوا قصد الراجل الدمج بمعنى الضغط يعنى هولاء المغتربين الكانوا عايشين فى نعيم شقق مكيفة وحياة نظيفة وعلاج وعربات واخر نقنقة.. سوف ياتوا الى السودان وحياتهم بتتحول مية وثمانون درجة ..كهرباء مافى بيوت مافى موية مافى سخانة الف بعوض مواصلات مافى مالاريا بالكوم .. الراجل عشان الناس ديل ما حا اقدروا على هذا الوضع فهو عايز يدمجهم فى المجتمع يعنى علميا ترويضهم. للتأقلم مع الواقع الجديد المر الحنضل

مفروض الحكومة تنظر بعين الاعتبار للمغتربين فهم بفضل الله عز وجل يشكلون مصدر الدخل الرئيسي لسكان السودان فمشاركة المغتربين في الناتج القومي الاجمالي لو أجريت أحصاءات علمية غير متحيزة نجدها تشكل المصدر الرئيسي للناتج القومي الاجمالي خصوصا بعد أن تم تدمير القطاعات الانتاجية مثل الزراعة التي كانت مصدر الدخل للغالبية العظمى لأهل السودان وكذلك كانت توجد صناعات وظفت العديد من الأيدي العاملة حاليا أغلب هذه المصانع متوقف مثل مصانع حلج الأقطان والمدابغ والصابون والصناعات الغذائية التحويلية، مصدر دخل آخر هو التجارة فقد شكلت التجارة مصدر رزق للعديد من أفراد الشعب السوداني غير أن قطاع التجارة يواجه العديد من المشاكل مثل الكساد بسبب إنخفاض الدخل القومي هذا غير الجبايات الكثيرة التي تفرضها الحكومة على هذا القطاع. وكذلك نجد أن قطاع النقل يعاني العديد من المشاكل. بالإضافة إلى القطاع العام ممثلاً في الخدمة المدنية فلا توجد وظائف والموظفين يشكون من أن المرتبات لا تلبي متطلبات الحياة اليومية.
لذلك وهروباً من هذا الواقع هاجر الملايين من أفراد الشعب السوداني طلباً لكسب العيش الحلال ، فنجد أن مصدر الدخل الرئيسي في السودان يعتبر هو تحويلات المغتربين لأهلهم.
فيجب على الحكومة أن تنظر للمغتربين على أنهم ثروة قومية على الأقل من المفترض أن يسمح لمن قدر له بالعودة النهائية السماح له بإدخال عربة يجب أن تكافئ الحكومة المغتربين فهم بفضل الله عز وجل يتحملون عبء كبير.

الان عليك زيادة عدد الموظفين بالسفارة وتسهيل اجراءات الخروج في اي وقت لاي واحد مخالف لنظام العمل والاقامة من تطويف وعدم تجديد وبلاغات غياب عن العمل مع التنسيق مع السعودية بعدم توقيف اي سوداني مخالف بالسجون السعوديةالي حين اكتمال اجراءتة من الجوازات الي استخراج فيزاء سفر من السفارة مع العلم بانة ثلاثة شهور لاتكفي للسفر ويمكن ان تستمر هذة الاجراءات الي مابعد عيد الاضحي ولا الحج لانة العدد المخالف كبير جدا

طبعا مافي زول حيصدقكم والللللللللللللللللهيا قال دمج قال
بالله اطلع منها وخلي الناس فس حالها

نحن كنا شعالين في بترول الجنوب ولمن حصلت المشاكل اصبحنا في الشارع وعايزين نطلع وما لاقين طريقه .نعمل شنو يا جماعه؟

يا اخوانا المغتربين سلام عليكم ز انا والله اليومين ديل بفتش لي في طريقه اطلع من البلد دي وانتو جايين ؟ كان فيها شي ما قلنا ماشين لكن (هي في البير ووقع فيها الفيل؟) يعني كل شي غالي عندنا ولمن انتو تجو الكثافه السكانيه حتذيد ومعد الاستهلاك حيذيد واللبن للشفع حيذيد لان الطلب عليهو حيكون كتيير ز عليكم الله اصبرو شويه بس خلونا نربي الشفع ديل وتعالوز

النهامي عليك الله امشي لف كده مساعدة شنو البتقدموها للمغترب يا اخي كرهتونا

الا المساعدة دي تكون بقتوها بالقروش كده ممكن نصدق شوية

جهاز المغتربين بالله يا ناس قولو لي فائدة واحدة عمله الجهاز ده

ده جهاز مص وسرقة المغتربين كرهتوووووووووووووووووونا

هم اصلا عاوزين ينهبوملابسنا البنجى بيها السودان لانو ماخلولينا الكفلا قروش