الخرطوم بحري تشهد إقبالاً كبيراً على هاتف 4 Samsung Galaxy S)
قبل شروق شمس امس ومنذ الصباح الباكر احتشد عدد كبير من سكان مدينة الخرطوم بحري من الشيب والشباب والرجال والنساء امام معرض الوعد، وكيل شركة سامسونج الكورية للموبايل بشارع المعونة جوار تقاطع المؤسسة للحصول على منتج سامسونج الجديد الهاتف الذكي (جلاكسي اس 4) فائق الجودة وذي الامكانيات غير المحدودة وصاحب المزايا المدهشة .
واكد مدير التسويق بمعرض الوعد محجوب محمد الامين على الاقبال الكبير للجمهور لشراء هاتف (جلاكسي اس 4)، مبينا ان سامسونج اعطت ضماناً على الشاشة لمدة عامين، أو في حال وقوعه في الماء، وشريحة مقدمة من (سوداني) تحتوي رصيدا وقال ان اليوم الاول شهد تخفيض 20% لاول 10 مشترين و15% للمشترين من 11 الي 25 وتخفيض 10% للمشترين من 26 الي 45 وجهاز هيرو مجانا لبقية المشترين في خمسة معارض مختلفة المواقع بالعاصمة .
وابدي الشاب اشرف عبد السلام اول مشترٍ للهاتف في بحري سعادته بامتلاك (جلاكسي اس 4)، مشيرا الي ان به أفضل شاشة في العالم على الإطلاق، تجعل مستخدمه يتصفح محتوياته أو الإنترنت بتمرير الاصابع في الهواء فوق الشاشة دون لمسها، ويتفاعل بالنظر وايماءات الرأس ويستجيب للاوامر الصوتية مع وجود كاميرا (13) ميغابيكسل، ويتيح الترجمة الفورية ومتابعة الحالة الصحية ، وقياس الوزن ، ومراقبة مستويات ضغط الدم والسكر.
وعبر المشتري الثاني ايهاب احمد ابراهيم عن اعجابه بهاتف (جلاكسي اس 4)، مشيرا الي انه يمتلك خاصية التصوير والتسجيل معا ويتضمن سعة تخزينية عالية مع الريموت كنترول الموجود لإدارة الأجهزة المنزلية، اضافة الي نظام الألعاب متعددة اللاعبين .
الصحافة
عشأن الاخبار الغبيه دي الناس بقت ما بتشتري جرايد
خبر مبتور و تقرير غبي و اهم حاجه ما ورونا ليها
سعر الجهاز
سعرو فى الخليج ما يعادل اربعة مليون ونص– يا ناس الصحافة نحن هنا فى الخليج ما قادرين نشتريهو وفى السودان الناس تتطاقش فيهو من الصباح —-شكلو فى نقطة انفصام كبيييييييييييرة بين الناس فى السودان والواحد زاتو قاعد وما فاهم اى حاجة
سبحان الله أنا في السعوديه ,, وراتبى أكثر من8000 ريال , وماقادر أو بالاصح متردد في شرائه ,, وإنتوا في السودان تتزاحموا عليه والله عجائب ,, ماقلتوا البلد بقت صعبه والمعيشه غاليه ,, وديل أولاد الكيزان ؟؟؟ فهمونا, فقد أصبنا بالخبل من تصرفاتكم الغريبه
بطلوا الكذب إقبال كبير ويييييييييين
انتو ناس مواهيم ولا شنو؟
هذا ليس بخبر بل دعاية مبطنة مدفوعة القيمة ربما يكون صحفي مشترنو بجهاز
المهلة يالحبان يعني شنو جلكسي شكولاتة ولى ويكة والبلد بتحرق زمان والله
…ارجح ان معظم المشترين اصحاب محلات بيع الموبايلات للتجارة وكدة,,وبعدين نحن بندعوا الناس للجهاد والنفرة والنفخة ضد المتمردين بتاعين الجبهة الثورية حتى لا يدخلوا الخرطوم و المحلات الزى دى وانتو بتتزحاموا فى موبايل !!ماذا حدث للمشروع الحضارى وانا ما دارى..والدار الما دارى انا مالى بيه..حاجة فيك حلوة؟؟
دى مفارقات عجيبةً الواحد ما مقيم فى السودان لكن بعض المرات الواحد تنتابو لهفة شوق عارمة للاخوة و الاصدقاء و اتصل عليهم على اساس التواصل و تفقد الاحوال و اعادة الذكريت الجميلة المندثرة بسبب الغربة الملعونة لكن كثيراً ما تسمع إلا سوء الاحوال المعيشية داك بقى بكم و داك بكم و ساعتها تكره نفسك و السودان و تقول ياليتنى لو ما كنت سودانى.. اليوم الناس محشدة عشان تشترى تلفون قيمته 5000، سبحان الله، ياجماعة التلفون ده ما جايبنه بدولار؟ هسى لو رفعوا حظر السيارات المستعملة ما كانت الفائدة اشمل.. و لله نحن فى برطانية بنشوفه بس ما غالبنا لكن بنقول قريشاته اولى بيها الناس البتشكى دى و ياكم شايفين الحال.
تب واستغفر ربك. فان اعطيت الف علي هذه الدعاية تعطئ الف مضروبة في عشرة. ضمان لمدة سنتين قانون عالمي وقديم معمول به, فقط عليك بالاطلاع علي الاوراق المصاحبة للاجهزة, لانه وبعض الشركات تعطى فترة ضمان لمدة ثلاث الى خمس سنين.
اما ان الشترى يشير الي ان به أفضل شاشة في العالم على الإطلاق، من اين اتى بالمقارنة
الناس الواقفين ديل فيهم متفرجين وفيهم سماسره وفيهم حراميه(نشالين) وفيهم ناس فارغين وفيهم تجار منتفعين وفيهم كمان دجالين لا مش كلهم مشتريين
انتو قالو ليكم نحنا هبل ولا شنو نحنا في السعودية ما قادرين نشتري جلاكسي ديل واقفين بتفرجوا ساكت
سعر الجملة في دبي 2240 درهم من يومين قريبي اشترى واحد
والله دا زاتو ياهو الاسمو البوبار وغز الدش فى بيت الاجار
الواحد ما قادر يعيش فى البلد دى, يطلع من الصباح ويجي خاشي البيت بكرة عديل والعيشة فى تللتلة.بي خمسة مليون وكمان صف.نقول شنو غير الحمد لله.
ديل ما ساكنين معانا فى السودان ولا شنو؟ ولا نحنا الماساكنين؟؟؟ ولا نحنا ميتين وبنحلم انو حيين ولا شنو؟
والله الواحد جوال عيش غالبوا يشتريه
كم واحد اشترى الجهاز الجلكسي دا ابو (خمسة مليون)حسب ما ورد في بعض التعليقات ؟؟ خمسين؟؟ مية ؟؟ الف ؟؟ خمسة الف؟؟ ياخ عشرة الف؟؟ طيب خلاص خلاص أها مية الف؟؟ تمام كدا؟؟ من جملة 33 مليون بطلعو كم؟؟ يعني ما تامين حتى الـ 1% من الشعب الفضل هل بي كدا ومن خلال النسبة دي بنقدر نقول على السودانيين انهم بتاعين بوبار و مرتاحين!!
عليكم الله دا تلفون ولا اقوم جاري بي خمسة مليون قدر قروش الثلاجة؟
واكد المشترى الثالث محمد على حامد ان الموبايل سعره معقول بل ورخيص جدا جدا ويقول مهند عثمان صالح انه استطاع شراؤه من مصروف يوم واحد… يعنى يا ناشر الدعاية اقصد المقال صعب تركيب الاسماء اذكر تفاصيل عن المشترى اين يعمل وكم راتبه الشهرى عشان نقدر نصدق…
سعرو في ابوظبي 2400 درهم .
ان المسرفين كانو اخوان الشياطين
ايهــــا المغتربون استمتعوا بحياتكم في اي ديار قبل ان تندموا
الله يهديكم ياناس الراكوبه والمعلقين انا لي 15 سنه جوالي ب 50ريال وعشان اسمعو لمن ادخل راسي في كرتونه
الناس دي بتلقا القروش دي وين
في تقديري خبر مضروب او دعاية تسوقية ذكية انا اهلي فيهم تجار بنشاطات مختلفة — مواد بناء- ملبوسات و احذية -وأجهزة كهربائية و حتي خضار و لحمة معظمهم تيشكي :السوق واقف ركود شديد الناس ما عندها سيولة و غيرها من التبريرات — كيف جوال غالي زي دا الناس تقيف ليهو صفوف من دقشا بدري – 5000 جنيه يعني مرتب 8 موظفين في الشهر حاجة تحير .