حديث المدينة
من يملك القرار ؟ا
عثمان ميرغني
السيّد رئيس الجمهورية المشير عمر البشير.. هبطت طائرته في آخر مدينة في أقصى غرب الصين لتتزوّد بالوقود لرحلة طويلة حتى لا تحتاج للهبوط في مسار طويل وعر.. ووصل الخرطوم فجر الجمعة الماضي.. بكل تأكيد سيكون مرهقاً من برنامج الزيارة الطويلة الذي بدأ من إيران ثمّ تضاريس السفر إلى الصين وبرامج الزيارة ثمّ رحلة العودة.. وفوق كل ذلك فارق الزمن الذي يؤثر على الساعة البيولوجية في جسم الإنسان.. كل هذا الإرهاق لم يمنع الرئيس البشير من أن يذهب بعد سويعات قليلة إلى مسجد مجمع النور بحي كافوري.. ثمّ يلقي خطبة بعد الصلاة، يعلن خلالها التعليمات باستمرار العمليات العسكرية في جنوب كردفان.. بإشارة تعني أنّ الاتفاق الذي وقعّه مساعده د. نافع علي نافع في أديس أبابا.. ولد بأكفانه.. ومن الصعوبة افتراض أنّ الرئيس البشير توفّر له زمن ليستمع لنصيحة أو حتى وشاية أو أي اتصال لمراجعة اتفاق أديس أبابا لضيق الزمن.. يصبح السؤال الحتمي.. هل سافر د. نافع إلى أديس أبابا بغير علم الرئيس.. وكانت مهمته سرية حتى على الرئيس أو المكتب القيادي للحزب أو أجهزة الحكومة السيادية.. هل فاوض نافع الحركة الشعبية (منو له) بعيداً عن أية مرجعية حزبية أو سياسية.. تمنيت لو أنّ الدكتور نافع علي نافع ظهر إلى السطح ليشرح ما حدث.. هل قرر أن يخبئ للرئيس (مفاجأة سعيدة).. هدية العودة بالسلامة من رحلة الصين المثيرة للجدل والمخاطر.. حتى إذا وصل الرئيس وجد قضية جنوب كردفان في أحضان تسوية سياسية هادئة تنهي الحريق في أطواره الأولى..
واضح تماماً أنّ كواليس هذه القضيّة فيها صراعات مريرة داخل حزب المؤتمر الوطني؛ ولو كان الصراع فوق (نجيلة ناعمة) داخل أسوار الحزب فلا يجدر لأحد أن يحشر أنفه في الشأن العائلي للحزب؛ لكن القضية فيها دماء و موارد اقتصادية يجب أن يوفرها الشعب السوداني من حر مال فقره المدقع لتغذية آلة الحرب النهمة.. يحيّرني للغاية موقف المجلس الوطني.. البرلمان مشغول بملف علاقاتنا مع أمريكا.. لم نسمع كلمة واحدة في جدلية اتفاق/ حرب في جنوب كردفان. هل هناك خطوط حمراء لا يستطيع البرلمان أن يطأ عليها.. الحرب عمل مكلف.. يهدر الأرواح والأموال ويدمر البنية التحتية ويحرم المواطن من فرض الخدمات والتنمية.. مثلما حدث ويحدث في دارفور التي تعطلت فيها حتى مشروعات الطرق المُسفلتة.. من يملك صلاحية إعلان اعتقال الشعب السوداني في دائرة الحرب.. ما أن يخرج منها حتى يعود إليها بأفدح ما تيسر.. لماذا سهل دائماً الدخول في الحرب.. وشائك ووعر مسار الخروج منها.. فبعد مفاوضات عامين في الدوحة لا تزال حرب دارفور مشدودة على حبال الزمن..!! من يملك قرار إبقاء السودان في دائرة الحرب..؟؟
التيار
دعاء على حكومة عمر البشير الظالمة
اعفص هنا
http://www.youtube.com/watch?v=nywUFtAGY6o
لعنة الله على الكيزان تجار الدين المنافقين
اسأل نفسك بينك وبينا عن احزانا
سؤال انت احد العارفين لاجابته المرة !!!
الضرب بقى تحت الحزام
الكيمان اتفرزوا والعيشة اتف لرزت كمان
البشير عارف كل خطوات نافع
ونافع ما مشى سرا لاديس !!!
لكن الحالة بقت صعبة والنفس طلع وصل الحلقوم والمأكلة صغرت والبطون غريقة وواسعة وما بتشبع
لابد من كبش فداء ينقذ الانقاذ من سوأتها ويخلط اوراق اللعبة من جديد بنفس جديد ووجوه جديدة عشان الاستمرار في الكرسي !!!!
بعدين بمناسبة الكرسي دي وين صاحبك ود الخدر الذي لايظلم عنده احد وشنو سويت في عرض الزول الكان سمح بتاع الكاميرا البديلة وما وريتنا الكاميرا لقيتا ولا لسة قاعد في كشك الزول الكان داير ينتحر وما انتحر بتيبع في التلج المامكسر لسة ؟؟؟
والمدرسة اها ناس الحلة عملوا شنو فيها ؟؟؟
غايتو ياعثمان العرض قائم جاوب عن الاسئلة وبنديك كمرتين واحدة تعويض للقديمة والتانية هدية لعبدالباقي الظافر يصور لينا والي الجزيرة وهو بياكل في العدس والزبادي !!!!!
السوال المهم كيف يجب ان يخرج القرار ؟؟؟؟؟؟ لانو نحن ما بقي يهمنا منو العندو القرار ومافي اصلا مركز قرار وانما مراكز قوي ودي ذاتا متغيره حسب الظرف ……… اضرب في المليان يا ابو عفان ….
يا عتمان — الرئيس عائد من رحلة طويلة – وتضاريس وعره – هل هو كان راكب سيارة ولا حمار – وايه يعني جاي مرهق – في ابسط حالات اتخاذ القرارات حتى داخل اسرتكم في البيت لا تتخذ قرار وانت مرهق تعبان – الارهاق والتعب اذا كان بسبب الجنائية الشعب السوداني ذنبه ايه ؟؟؟؟؟
! من يملك قرار إبقاء السودان في دائرة الحرب..؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
إذا انت ماعراف حقو تحط وشك على الحيطة أنا عارف يا عصمان ………………..
هو الخال التركي سليل ابو النجا التركي صاحب حوش بانقا تحريفا تاجر الرقيق سيء السمعة في التركية السابقة وهو الطيب مصطفى والمومياء الفرعوني اسحق فضل الله نافخ الكير
سؤال منطقي جدا ياشيخ عثمان لكن تعودنا علي الحركات دي من زمان ودا طبعا من ناسك البدريين اما سؤالك عن البرلمان والله ياشيخ عثمان اخير منو سؤالنا عن صاحبك ودالخضر الما بنظلم احد والما رجع للزول الما انتحر كشكو واولادو الطشو وبقية الاسئلة المطروحة عن المدرسةوالعتالة ومصانع الباقيروالكميراوالفيلا المليارية
ياعثمان ميرغني
واللـه رحلة الصين دى بقت زي كلمات ( الذكرى المنسية ) للنور الجيلانى مع إحترامى الشديد..لفنو وإعجابى بتلك الأغنية
ولسان حال الريس كان يردد:
المسافة بعيدة بعيدة ..محسوبة خطاوى وجاييها
ولما وصل الجماعة كلهم لبدوا …حتى صاحبك المارجع كشك الراجل الما إنتحر ولا أولادو الطشو…
البشير ..لايستغنى عن نافع أبداً لأنو هو الممسك بزمام الأمور كووولها..هسه يرجع من رحلة لندن ويكونوا سمن على عسل
يملك القرار
http://www.ابجاعورة.com
تاني رجعت تستعمل الزيت العادي يا باشمهندس؟ تااااااااااااااااني؟ ما قلنا ليك استعمل زيت صباح.. المقال بنقط زيت…….يعني يا باشمهندس السبب في الغاء اتفاقية اديس ابابا انو الرئيس كان جاي مرهق من السفر؟ ممكن يكون جاي مخلوع بسبب الزرزرة بس مرهق ما اظن…… وبعدين ما لقي اي زول يستشيروا في موضوع الاتفاقية دي قبل ما يتكلم؟ولا حتي صاحبك ود الخضر الذي لا يظلم عنده احد الما رجع الكشك للزول الكان داير ينتحر ولسة ما انتحر والاولادو طشوا ولسة ما رجعوا
بصراحه الرئيس البغل ده مافارقه معاهو نفلس نموت نمرض نتكاتل اهو ايام والبغل بيعديها -وبيخرج بغل-
غايتو سمعته من بت خالتي وعندها صحوبية مع دودي قالت الما نام في سرير الطيارة الرئياسيه زي الما نام اصلو
والعهدة علي الراوية
اوغدنا يا رب..سرر مرفوعة ونمارق
لينا الله وحق البنزين
فى وداع الوزراء والمستشاريين الجنوبيين فى بيت الضيافه كان فى حت تقيل الجنوبيين فرحانيين وطبعا من حقهم دوله وبترول وسياده– الرئيس كمان جاب ليهو رقصه جديده من الصين اسمها اركب الدقداق والسيد وزير الدفاع رقيص تقيل ماعارف فرحانيين يعنى ولا شنو –
يا عثمان ميرغنى يا بتاع صحافة ( يا ايدى شيليتى ختينى فى بيت الله و الرسول) انت تسال؟؟ تسال منو ؟؟ القراء ؟؟؟ طيب ديل بيشتروا الجريدة عشان فى ازمات زى دى يعرفوا القرار عند منو من اهل الجرايد !!! لانهم لا مؤتمر وطنى و لا كيزان !!! طيب انت كوز وعضو مؤتمر وطنى نايم على اضانك؟؟؟؟ ما جايب خبر القرار عند منو ؟؟؟؟؟ و الله دى شينه ياحضرة رئيس التحرير !!!! انصحك لو عايز تعرف القرار عند منو اختف رجليك لصاحبك الوالى ود الخدر ………الما بنظلم عندو احد…….. و…… الما رجع للزول الما انتحر…….. كشكو ……و……… اولادو ………..الطشو……….. و اسألو يا حدق
يا عثمان مرغنى انت بتغش فى منو
هل السودان لديه برلمان
قال برلمان قال
لا بد من تقسيم البلدان العربيه
اراضى يعيش فيها من يريدون الدوله المدنيه الديمقراطيه
واراضى لمن يريدون الدوله الدينيه
كما يحدث الان فى فلسطين
الضفه للمدنيه
القطاع لناس حماس
واى واحد يختار اين يريد ان يعيش
هذا هو الحل ولن نستطيع ان نقنع احدا يريد المدنيه بالدينيه والعكس
رجاء من المعلقين ابداء وجهة نظر فى هذا الطرح
شكرا
إنت برضو دغسوك يا أبو العريف ذى ما دقسو الامركان !!إنت يعنى ما عارف إنو ناس الانقاذ عايشين على الحيلة وبالحيلة مقضين كلو أمورهم (أذهب الى القضر رئيسا وأنا على بركة الله على كوبر؟ وإيه رأيك يا فرده إن (التمثيلة بتعت الاتفاق الاطارى كان القصد منه ضمان سلامة البشير فى رحلته الى الصين ، وحاول كده وقلبها فى راسك شوية عشان ما تسأل تانى أسئلة سخيفة — وخدك ود الخدر ده –كده تخلينا نفضح الجماعة ؟ وصدقونى تانى الامركان ما حيصدقوهم وده قرار أخذوا ا ناس لكونغرس والجمهوريين بيضحكوا على اوباما وبيغنوا ليه (دغسو –دغسو — دغسو اوباما دغسو!!) –