أخبار السودان
السعيد: اتجاه لرقمنة التعليم بولاية الخرطوم
الخرطوم: ماجدة حسن:
كشف الوزير المهندس السعيد عثمان محجوب رئيس المجلس الأعلى للتخطيط الإستراتيجي بولاية الخرطوم، رئيس لجنة التقانة للعمل الصيفي بالولاية، أنّ هنالك اتجاهاً بالولاية لأن يكون التعليم رقمياً.
ونوه الوزير لدى ترؤسه أمس اجتماعاً ناقش الترتيبات الخاصة بانطلاقة برنامج العمل الصيفي التقني المستمر للولاية تحت شعار: (بنحبك يا سودان) إلى استصعاب البعض للفكرة التي يراها ليست مستحيلة.
ويهدف مشروع التقانة لترقية الطلاب وتأهيلهم إلكترونياً وتدريبهم على الاستفادة أكاديمياً من التقنية الحديثة، وجعلهم كوادر مؤهلة تعمل لتطوير الموارد البشرية مما يسهم في تطور المجتمع بما يتناسب مع مُتطلبات العصر، إضافةً لتسهيل امتلاك الوسائل الحديثة للتقانة والتدريب عبر مراكز التدريب بالمحليات.
الراي العام
فى مدارس كامبردش طبعا يالصوص
ده حلمان
? تقصد ولاية كافوري وحلفائها؟؟؟؟؟؟؟؟؟
تقانة ايه يا دجال انت استلمت اي عمل نجحته من شوؤن المغتربين السرقتو اموالهم الي النيلين الي الخرطوم عاصمة الثقافة الي ان اصبحت سمسارى بتاع دجاج .اوراقك كلها مكشوفة وجرائمكم موثقة وبالمستندات يا بتاعين الشفاء ايامكم قربت الله يشفينا منكم .كمان دايرين تقبلوا علي تلاميذ المدارس , تعملوا مزيد من غسل الادمغة .وتلحسوا من وراهم لكن هيهات الشعب صار اذكي مما تتوقعون .
.
السعيد نظريات..ده واحد من الإستفادوا من نهل العلم منذ أن كان طفلاً فى مدارس كسلا ولم تستفد منه تلك المدينه أى شئ ومثله كثر من الذين تنكروا لتلك المدينه..الظاهر قصة تأهيلهم إلكترونياً دى مشروع خاص به يعمل على تنفيذه من ضمن إستثماراته الضخمه
هاهاهاهاها شر البلية ما يضخك المدارس تفتقر كنبات الجلوس والتلاميذ يجلسون على البروش اذا وجدت وعايز تعمل ايه ترقيم التعليم نظر يا ابو التنظير وراك ايه مخصصات وامتيازات نازلة عليك وعلى مستشارينك وموظفيتك البدون وظائف وبدون تعويضات العاملين فى ميزانية مجلسك الاعلى لتخطيط الاستراتجى زى المطر لا شغل ولا مشغلة عطالة مقننة بالعقودات الخرافية والارقام الفلكية ليك حق تقول التعليم حيكون رقميا والله الا كان فى مدارس خال امين حسن عمر اصلوا انت رئيس مجلس ادارتها يلا اصلو الحكاية نهب فى نهب كلموا المعتصم اتم الناقصة بلد ما غندها وجيع
ياخ اول حاجة شوف ليهم كراسي قعدهم فيها وأكل يأكلوه وقت الفطور ..
ولا صلح المدارس البقت زي الخرابات دي بدل الكلام الفارغ البتقول فيه ده ..
ط**و عريان ولابس ليه صديري …
الرقمنه قبل الاجلاس والكراس، ولا فرض كفاية إذا نفذت في كافوري والعمارات سقطت عن تلاميذ غرب الحارات و الامبدات
الزول ده عيان الطلبة في الكتب مشتركين ……. والله المسولين ديل يحلمرليهو حلمه بكره يجي يعملو قرار