صلاح قوش يرفض تسليم الملفات الأمنية لبعض قيادات حزبه ..ونظام البشير يهدد بإغتياله.

هههههههههههههههههههه ههههههههههههههههههههه ههههههههههههههههههههههههههههه الجماعة ديل بيحتقروا عقول السودانيين

معقولة بس ؟؟؟

ده كلام الطير فى الباقير

إذا إختلف اللصان ظهر المسروق،نشوف فيكم يوم زي عاد وثمود وإرم وقوم صالح ولوط يا حرامية الوطني والشعبي ومن لف لفيفهما قادر يا كريم

وأضاف المصدر ان صلاح قوش رفض تسليم الملفات وأنكر من حيث المبدأ امتلاكه لأي ملف لأي من قيادات النظام وطلب تقديمه الى المحكمة، وكشف المصدر الأمني ان الجهات العليا في النظام قررت تصفية صلاح قوش وتم تكليف أحد ضباط جهاز الأمن للقيام بهذه المهمة.
_____

أعتقد أن صلاح قوش وجماعته يحاولون استباق الامر بهذا البيان لأنهم مارسوا نفس هذا الاسلوب مع الآخرين ،،، وهل كان قوش عندما يأمر بالتصفيات والتعذيب يأمر بذلك في الاذاعة والتلفزيون ،،، اضافة الى ان هذا البيان لا يعني اي شيء للشعب السوداني لأن قوش لم يكن على رأس الامن من اجل الوطن وانما لأجل التنظيم بالتالي فان هذه الملفات صراع بينهم ولا تفيد السودان في شيء جاء بها ام لم يجئ بها فهي من وسائل اللعب القذر بينهم ولعل من بينها ملف محاولة اغتيال حسني مبارك وتسليم الاسلامويون العرب الذين قتلتهم حكوماتهم فورا اضافة الى ملفات مالية وجنسية تخص العصبة حيث ان جهاز الامن في عهد قوش كان مشغولا بهذه الامرو أكثر من رعاية الامن الوطني،،، وفي الختام التسوي تلقاهو ،،،

غياتو يا نافع جنس شنه عليك صجي خلقة واخلاق.

كما قال احدهم، فإن قوش يمثل (الصندوق الاسود)، لطائرة الانقاذ المتهاوية..؟؟.. وسوف لن يتركونه حياً..؟؟.. الا بتسوية ما..؟؟.. وفي حالة تسليمه لتلك الملفات، ستتم تصفيته بعدها مباشرة ..؟؟..هذه المشاهد تعيد الى اذهاننا مشاهد أفلام الكاو بوي العتيقة..؟؟..
فعلا السودان ضحية ل (كاوبويز)…؟؟..والفيلم في نهاياته المثيرة..؟؟

اذا ختلف اللصان ..كش ملك

اممممم

الشعب يطالب (قوش) وأسرة قوش بتسليمه كل الملفات التى تخص المافيا.الان كل من جعل قدسية لهذه المافيا قد عرف حقيقتها لذا فهذه الملفات تهمنا كشعب لمعرفة الخفايا وأكيد بها ما لا يخطر على بال بشر وأتمنى أن لا يصفو صلاح قوش لأننا نريده حيا كما نريد بقية العصبة أحياء حتى نلم بكل الملفات ومواجهتهم لبعضهم البعض عند التحقيق معهم ومحاكماتهم التى تكون نهايتها شنقهم جميعا فى الشوارع العامة.

إنتوا يا أولاد الكلب لما بتخافوا كده من الفضايح بتعملوها ليه وإذا نشرت ملفات قوش أو لم تنشر الشعب السوداني كله عالم بمخازيكم من سرقات وزنا ولواط وتصفيه لرفاقكم لتتمكنوا من زواج أراملهم هل تفتكروا صلاح قوش هو الوحيد الذي يعلم مخازيكم هل تعتقدوا أن قوش هو الذي يعرف مخالفاتكم في الجمارك ومخالفاتكم لمصارف الزكاه وتقسيمكم لموارد النفط بينكم وحرمان الشعب السوداني من عائداته وكل المشاريع التي تتدعون إنجازها تمت بديون خارجيه وبكلفة تساوي اضعاف تكلفتها الحقيقيه بسبب عمولاتكم وحتي علماؤكم (( هيئة سفهاء السودان )) الذين يفتون بغير ما أنزل الله وسرقاتهم لأوقاف السودان بمكه والمدينه المنوره وزواجهم ببنات أصغر من بناتهم وما الكاروري ببعيد والصافي جعفر وزناهم في نهار رمضان ويكفي حادثة بورتسودان ورئيس الجبهة الاسلاميه بمحلية شيكان المغتصب لطفله دون التاسعه !!!! ليس صلاح قوش وحده العالم بمخازيكم وفضائحكم التي ازكمت الانوف هل يخفي فساد نافع هل يخفي فساد عبد الرحيم الاهبل أم يخفي فساد بكري الغبي هل يخفي فساد ابو الجاز ومصطفي عثمان والحاج ساطور الذي يبني في قصر منيف والذي كان طول عمره يسكن في مساكن الجامعه بزوجتيه إن لم يثلثلهم وفساد نافع وإبنه الشاذ أخلاقياأم يخفي علي الشعب السوداني فساد البشير وزوجتيه واخوانه الخمسه وخاله الرئاسي وعمه صديق أحمد البشير عضو اتحاد المزارعين الشيوعي السابق وأخيه دكتورعبدالله وما أدراك ما عبدالله له مؤسسات وشركات مع كل جاء للسودان مستثمرا واصبح هو وأزرعه المعروفون ناس الكردينال وجمال الوالي وجمع كثر وفساد اخو البشير عباس إبن فرناس الذي فاق حد القياس في السرقه والاضرار بالناس هذا قيض من فيض وما خفي أعظم وبالامس يصرح ود إبراهيم ويهدد بنشر فسادكم وفساد وزير دفاعكم عبدالرحيم الاهبل وأمثال قوش وودابراهيم العالمين بفضائحكم أكثر من أن يعدو بالمئات عسكريين ومدنيين والله عالم بنفاقكم فوق ما يعلم الخلق.

الموت طاريك ياقوش وجاك الموت ياتارك الصلا

تصفية لقوش وتكليف ضابط .. ويتم الاعلان عنها !!!
سبحان الله … كاتب الخبر بيفتكرنا اغبياء!!
أرحموا عقولنا

دا المخلى نافع مايسافر لامريكا لانو وصلتو كدا يقوم قوش يرسل ملفو لامريكا(عن طريق عملاء قوش فى الخارج)

الله يجعل كيدهم في نحرهم

الرابط التالى يتنبأ بخلافات قوش و العصبة منذ 2011

والنص هو

أمانه ما وقع شايقى -محمد أحمد سودانى، القاهرة

الجيش الأمريكى عندو هيئة أركان مشتركة لازم الجيش السودانى العريق سليل قوة دفاع السودان، قائد الإنقلابات، وقاهر الشعب،و مكتشف سلاح الإغتصاب، والذى إستدرج خليل بإمدرمان إلى أرض القتل لمن قرب يصل القصر الجمهورى ويوصل الجماعة لأمات طه، لازم جيش زى ده يكون عندو هيئة أركان مشتركه …. أها قام عبد الرحيم محمد حسين بنى ليهو أبراج فى القيادة العامه وبعد ما ختى نص القروش فى جيبو، ختى ليهو يافطة طويلة وعريضة كتب فيها رئاسةهيئة الأركان المشتركة عشان لا بد للجيش السودانى العريق يكون عندو مقدرة لتنسيق العمليات المشتركة ذى ما شفتو فى بورتسودان لمن الدفاع الجوي فك النيران على الأباتشى الإسرائيلية وخلاها تكب الزوغة بعدما كتلت مواطنين بريئين بعد ما الرادارات الساحلية المتعطلة من زمن أبعاج خلى الشيوعية أدتو الإشارة ، أها جنس التنسيق العملياتى ده بين الدفاع الجوى فى كلانييب و مدافع المطار كان ممكن يتم لو مافى هيئة أركان مشتركة؟ أنتو يا ملكية قايلين الحكاية لعب ساكت؟ جيش عرمرم ذى ده لازم إكون عندو هيئة أركان مشتركه (Joint Chief of Staff) عشان التنسيق على المستويين العملياتى و الإستراتيجى يكون زى نموذج كلاناييب الواضح قدامكم ده و لا شنو؟ و ما فيش جيش أحسن من جيش ديك بلبسو كاكى ونحن بنلبس كاكى …. خلاص يا جنرال كولن باول !!! مثقفاتية ملكية ما بتفهمو فى الأمور الإستراتيجية، تفلحو لى فى التنظير بس، الرجاله دى خلوها للهيئات المشتركه … هييع، النار ولعت منو البطفيها و أقعدو فراجة…

الجيش الأمريكى عندو مشاة بحرية سايطين العالم كلو ، فى المحيطات، فى البحار ويمكن حتى الأزيار شى أسطول سادس، وشى أسطول الباسفيكى، وشى قيادة منطقة البحر المتوسط وشى قيادة الخليج العربى فى أى شبر مويه فى مارينز يمكن كان المطرة نزلت فى صحرا تلقى فى سرسار مويتا ال (marine seals) لابدين. أها الأمريكان عملو كده نحن نقنب ساكت… لا بالله…. أها شيل، أرفع اليافطة، قيادة مشاة البحرية، بالمناسبة الكلام ده ما فى هنولولو، لا لا لا، قايلين الأمريكان بس العندهم مارينز، ده فى بورتسودان، المنفذ الإستراتيجى المحروس، كمان فى بحرية الزمن ده أحسن من بحريتنا، ما عندنا بحارة ولا ما عندنا بحر؟ أجى يا بت أمى !!!؟؟؟ عندكم مشاة بحرية نحن كمان عندنا مشاة بحرية و أمن بحرى، مش ناس الأمن البحرى فى هوشيرى هم أول ناس شافو الطيارة زايغة بعدما عملت عملتا، لو ما كانو مقعدين الناس ديل فى كشكم يفتشو عربات البتيخ ويشربو الجبنة كان لى بكرة إتغالتو فى الضرب العربية زى صواريخ مصنع الشفا … قال أدميرال مايكل مولن قال !!!

والله يا الأمريكان الليلة دى وراكم وراكم، حتمشو مننا ويين، قالو طائرات بدون طيار؟ لا بالله عشان حنقنب و نعاين ليكم ساى؟ و هاك يا إتصالات، وهاك يا سمسرة، تهليل، تكبير !!! جياد تصنع طائرة بدون طيران، أقصد بدون طيار. وتعانق الطيارة فى أول إختبار ليها البرسيم فى مزارع الحلفاية و الجماعة يكتشفو إنو السماسرة الإيرانيين و الأوكرانيين باعو ليهم الترماج، أصلها الغزيزيلة طلعت درون … يا ملكى يا مغفل مش درون تعادل، لا درون من(drone) يعنى طائرة تحكم يدوى زيها راقد فى أى نادى هواة طيران فى العالم والشفع بلعبو بيها ، أصلها أجهزة توجيها بدائية خالص وأى سمكرجى شاطر فى لفة القوز ممكن يعمل زيها كان ضرب الفول وشرب شاى سعدية و ختا سفة كاربة. لكن يا جماعة الناس ديل كان ما دخلو تجارب زى دى حيطورو الصناعات الحربية كيفن؟ وناس زمقان حيبنو عمارات من وين؟ مش لازم إكون عندنا جيش مهاب يقدر يحفظ امن الوطن؟ خليكم شوية موضوعيين، شيوعية كفار و طائفية جهلا !!! متل التختيت الإسترتيجي دا جنس العملاء الماجورين و المرجفين الزيكم و البكتبو فى الجرايد ديل ما عارفينو. قال فيس بوك قال، عجايب والله!!!

الرئيس الأمريكى عندومستشار أمن قومى (National Security Advisor) ، يعنى نحن ريسنا ده ما رئيس ولا ما الأسد البضرع ؟ لازم البشير كمان يكون عندو مستشار، ما عندو أمن قومى؟ ولا المحكمة الجنائية ما مجنناهو؟ يعمل ليهو مستشار أمن هو كمان، ، يعنى كون إنو الكفار الأمريكان ناس الإستكبار عندهم مستشار نحن ما يكون عندنا مستشار؟ ما الحكمة ضالة المؤمن أنى وجدها أخذها، أها المستشار ده منصب حساس بالحيل ما ممكن نجيب ليهو أى زول، لازم البنجيبو هنا يكون زول خبرة و السى فى بتاعو ملان إنجازات، شى مكافحة إرهاب و تسليم مستجيرين، شى بيع ملفات، شى إنبطاح لأنو جنس التعاون ده ضرورى عشان الزفت الظهر لينا الإسمو أوكامبو ده نتفادى شرو، أها ده نلقا وين؟ نلقا وين؟ قام أبو العفين نطا و طلع تربيزة الإجتماع و قنب إعرض زى المجنون “لقيتو، و الليلة لاقيتو و ملا السرور قلبى و بإسمو ناديتو ?صلاح قوش” يا ريس”، دى فرصه نضرب بيها عصفورين بحجر واحد، أول نشيلوبيها من الجهاز، أصلو قاعد يعمل ليهو فى حاجات كدى قلبى مكجنا، زى و ليداتو المرقن لينا يوم غزوة أمدرمان، ديل كان ما عملنا حسابنا بقلبوها فوقنا و بسلمونا لى أوكامبو، اصلهم خبراء تسليم وتسلم، سلموك بى جاى وإستلمو بى هناك، شعارهم “سلموا أخوان وإستلموا تجار” وتانى حاجة يكون جنبك هنا تحت عينك، ما يزوغ جاى ولا جاى!!!

والله قوش ده زول خبير بالحيل و ود هِرْمَا… أتقول برزنسكى ، جنس الكلام القالو ده ما بطلع إلا من عقل إستراتيجى كبير وبتاع مؤامرات، اول يوم جا المستشارية إنتصب فوق أمشاطو وضغط كعبينو قدام الريس رغم الكرشه وقال: “والله يا ريس جنس التقليد البتسو فيهو لى أمريكا ممكن ينفع فى الأركان المشتركة و طيارات جياد دى، و مارينز آخر الزمان ديل، ما فى مشكلة ناخد النموذج الأمريكى فى الفنيات، و كمان لو دخلو جحر ضب نخشو معاهم، ما فى مشكلة، علا فى شئون الأمن دى جنس تلتلة الأمريكان دى ما بتنفع، بكرة يطلع لينا واحد مجنون من ناس سلفاكير ديل فى المجلس الوطنى ويقول نستجوب مدير الأمن و المستشار فى البرلمان، فى شئون الأمن لازم نتابع أساليب الكى جى بى، لا برلمان لا زفت، أصلو العوير الخاتنو فى رئاسة البرلمان ده ما حيقدر يخارجنا لو الجماعة زنقونا هناك زنقة التقاوى، وزنقة زنقة تقوم الحاجات كلها تمرق أصلو الأيام دى الجو حوالينا مكهرب شوية ونبرا ونستبرا، أحسن ديك خليهم مشغولين بالتقاوى وباقى البلاوى، هنا نحن أخير نشتغل تحت تحت أم غمتى مع ?CD? الصادق و ?CD? محمد عثمان لحدت ما نلقلا لينا مخارجة منك- لعن سلفيل أبوه بعد الزلة الغير مقصوده دى- أقصد نلقى ليك مخارجة من الإسمو أوكامبو ده”.

الريس أساريرو إتهللت، وما فكرفى زلة اللسان العملها مستشارو، اصلو المسكين غير الدلوكة و العرضة مابعرف حاجة لكين أبو العفين لقطا طوالى و أساريرو كمان إتهللت لكن لسبب تانى و قال هييع يالجعلى أمانه ما وقع شايقى.

اللهم ألعن الانقاذ لعنا كبيرا

والله الامر برمته ما يحتاج الي ملفات مخفيه لان فصل الجنوب وحده خزي وعار وحرب المدن عارين ودخول امدرمان وابو كرشولا والسميح وام روابة فشل لحكم اتي علي ظهر دبابة والعنصرية البغيضة التي انتشرت ذميمة تذم جميع اهل الانقاذ قبل وبعد المفاصلة هذه الملفات التي تهم الشعب وسيحاسب عليها من قام بها وساعد فيها وبقية الملفات من امثال زواج المتعة وتعدد العمائر والحسابات وبناء المساجد من عرق محمد احمد واوهاج بدافع الظهور والشيوفانية ( انا بنيت مسجد) تلك الملفات فليحتفظ بها قوش او علي الحاج لان امرها وسرها عند الذي يعلم السر والجهر- جلت قدرته وتعالي مجده- فهو الذي ياخذ اخذ عزيز مقتدر!

لو عايزينو يجيب الملفات ،اعملو ……… وصوروهو وهددوهو .

ملفاتهم وسخانة وساخة شديدة عشان كدا حيعملوا المستحيل عشان ما تتكشف ولكن الله يمهل ولا يهمل

هذا ضحك على الذقون ففي عصر المعلومات بامكان اي انسان عادي طبع مئات النسخ لهذه الملفات -ان وجدت- في يوم واحد.

ربما كان الامر يتعلق بمستندات مالية اصلية مثل الشيكات و هي بالطبع لازمة للحصول على المستحقات المالية المتعلقة بها .

يقول تعالى في كتابه العزيز (الأخلاء يومئذ بعضهم لبعض عدو إلا المتقين) ويومئذ معني به يوم القيامة أي الذين نراهم في الدنيا هنا أخلاء (والخليل أكبر وأعمق درجة من الصديق) نجدهم أعداء.. وسبحان الله رأيناهم هنا في الدنيا قبل الآخرة!!!

وأهلنا الصوفية (الختمية تحديداً) يقولون:
واشغل أعدائي بأنفسهم وابليهم ربي بالمرج!!!

حكمزززززززززززز (جمع حكمة بالإنجليزي)!

هذة الطغمــــة لاتزال تمرير لعبتهــــا الغذرة واستخفافهـــا بالموطن وتناسوا ان كل فرد من افراد شعبنا الابيـــة على علم ودرايــــة كاملـــة بفسادهم الاخلاقى والدينى والسياسي …اليس فى هؤلاء من يستحى ويراجـــع نفسة فى حق المواطن الم تكن السلطة كالامانـــة وخزى وعار اذا تم التلاعب والتفريط فيها اما حان لهذة السرطان الإستئصال الى متى ونحن نتنفس زفير هذة الفئـــة الباغية النتـــن..
حتمـــا ستزول هذة العصابات من سمانا مهما طال بهم الزمن سيزيح الله وباء اهل الانقاذ عن جسد السودان فى يوم من الايام مهما طال تنكيلة وتعذيبة للناس فقط علينا الصبر والعمل بيقين راسخ ان الله مع المظلومين فى الارض وسيحاسب الشعب كل هؤلاء بعدالــــة وبالجزاء الذى يستحقــــة…لان شعب السودان صابر على البلاء وواعى جدا وراصد لكل صغيرة وكبيرة وسينصرة الخالق فى النهايـــة وسيقيم الشعب فى هذا البلد بسواعد ابنائة الشرفاء وهم كثر دولة العدالة واحترام حقوق الانسان سيعيش هذا الشعب بوعى افرادة وسينتصر على الفساد والمفسدين

طوق النجاة لصلاح قوش هو المفقود لدى العصبة الانقاذيه وما خبر التصفيه الا للضغط والارهاب إحدى وسائل قوش تجاه من يريد إسكاته الازلى

إذا اختلف اللصان ظهر المسروق

الم اقل لكم ان دائما ان النار حينما لاتجد ماتاكله تاكل بعضها..وطبعا في لعبة السياسة القذرة الميكافيلية لا مكان للعواطف او الاخلاق او المثاليات فالقاعدة السياسية المشهورة هي انه لاتوجد في السياسة صداقة او عداوة دائمة وانما العامل الاساسي هو المصالح الدائمة وهذا مانراه متجسدا في الواقع السياسي المرير الذي يمربه السودان في دهاليز الانفاق المظلمة في الليل الحالك الظلام ..والصورة التي تراودني الان ان المدعو صلاح عبدالله قوش يمتلك الكثير من الزلات ونقاط الضعف الفاضحة لعصابة المؤتمرجية وبالمقابل مازال يمتلك بعض الصداقات مع اقرانه مماجعلة يشكل ازدواجية في حركة البقاء او عدمه من قبل الجماعات المتناحرة على المستقبل السلطوي في السودان..

هذا الطاغية العنجهي المتجبر كان أظرط وأضل من أي كوز معفن أو انتهازي أرزقي في المؤتمر الزفتى ده. عاوزين هسع تعملوه لينا بطل. بعدين عمايلهم دي عاوزها ليها وثائق ولا ملفات حتى رعاة الماعز في الخلا عارفينها إلا اذا كان مصور ليهم فيديوهات وهم يمارسون أعمال فاضحة ولا أخلاقية دي تكون حاجة تانية غير كده داهية تاخدو وتاخدكم انتو معاه.
والكلام ده كله فبركة في بركة العبوا غيره

خبر عجيب وغريب في مضمونها ، هل يعقل حكومة قائمة علي عمل استخباراتي مثل حكومة الإنقاذ، تتسرب منها مثل هذا الخبر ، وخاصة خبر فيها قتل مثل صلاح قوش، ثم صلاح قوش المذكور احد أقطاب حكومة الإنقاذ ، إن كان هنالك أدانه لأحد بهذه الملفات فهو أول من يدان بهي ،انا لا اكذب الخبر ولكن ، يكون مضمون هذا الخبر يكون تسريب من الحكومة ، لكي ينشغل الري العام عن بقية القاضية الوطنية الأخر .

وايه رايك ذا الحلو هلك؟؟؟؟
وهلاكه كان في نفس التاريخ .. خلي عندكم شوية ذكاء واعرفوا ليه ناس الامن طلعوا ذاك البيان

الملفات بحوزة قوش ملك لوكالةالمخابرات المركزية ودا الشي الممكن يمنعم من تصفيتو لكن لم يعهد عن نظام البشير الحكمة والذكاء عموما التخلص من الانظمة الديكتاتورية الدموية الفاسدة احيانا ما بكون محتاج ادلة ومحاكمات والعبرة لمن اعتبر

الشعب السوداني اصبح ينسج الاشاعة ويصدقها .. ما الذي اصابنا … ما هذه الاخبار المشوشة .. وما هي مصلحة الشعب السوداني بهذا الصراع داخل الكرش الانقاذي .. لن تنالوا الا الريح الكريهة … من هذا الصراع الدائر في بطن الانقاذ …لا تقتربتوا منه… ما عليكم الا بقر هذا الكرش وتمزيقها كلها طحال… طحال… طحال

اولا مسرحية المحاوله الانقلابيه خلاص انتهت