أخبار السودان
متابعي صحيفة الراكوبة على الفيسبوك يتجاوزون المئة ألف
تجاوز متابعي صحيفة الراكوبة على الفيسبوك المئة ألف متابع…
فمن خلال الضغط على “لايك” تصل الأخباء والمقالات التي تنشرها الراكوبة بصورة تلقائية لحائط الراغبين في متابعة جديد الراكوبة.. وقد تم انشاء الصفحة في 23 يوليو 2011، علماً بأنها ليست الصفحة الوحيدة للراكوبة على الفيسبوك حيث أنشأ سبقتها صفحة سابقة للصحيفة أنشأها أحد محبي الراكوبة سماها أيضاً صحيفة الراكوبة ويتخطى عدد متابعيها ال64000
لمتابعة الصفحة الرسمية للراكوبة على الفيسبوك يمكن زيارة صفحتها هناك على الرابط التالي
[url]https://www.facebook.com/www.alrakoba.net[/url] [URL=https://www.facebook.com/www.alrakoba.net] 
[/URL]
ولعشاق تويتر أنشأت الراكوبة صفحة على الرابط التالي:
[url]https://twitter.com/alrakoba1[/url]
الف مبروك ركوبتنا الظليلة والى الامام وعقبال رقم نصف مليون متابع فب القريب العاجل
نعم للراكوبة عند كل مشرق شمس …!!!
مزيدا من التقدم على دروب الحقيقة ،ونشر مسارب (الضي)، والتوثيق للتاريخ الحى والمعاصر، على أمل أن يكتمل الفرح بالراكوبة الورقية وهى تصافح وجوه وأيادى وأنامل السابلة من شعبنا السودانى بضفتيه شمالا وجنوبا ،في كافة مدننا الخرطوم…جوبا… سنار..ملكال…الجنينة أويل…أبو كرشولا…توريت…جبيت …مروى…المعيلق…واو..وكسلا….قطاعات كبيرة من شعبنا إلتصقت بالراكوبة وهى لم تمتلك بعد أدوات الطرقعة على مفاتيح الكيبورد وهى تجاهد للحصول على لقمة العيش الكريم في زمن النكد الإنقاذى…زمن المتأسلمة…زمن الترابي…زمن سبدرات…زمن لصوص الشعوب وسراق الأوطان….نعم مزيدا من التقدم على دروب الحقيقة العارية….!
ما حصل مرّ (شفتوا الشدة الفوق الراء ) ما فتحت الراكوبة في فرد يوم ….مصطفى كونج دا زول معروف هنا من 5 سنوات …. التعليقات اللذيذة والمسؤولة برضو … وانحنا مجتمع قائم وقاعد بذاته … والتحية لكل الاخوان وال Members
هذه ليست راكوبة … انها قصر منيف … ومنارة
الراكوبة خشت الفيس والقطية خشت التويتر غايتو بعد شوية حنلقى الابري السمح في امازون دوت كوم
الراكوبة حبيبتي الغالية وكفى
الراكوبة اصبحت الغذاء الكامل لمن يريد معرفة الحقيقة – الراكوبة اصبحت اكبر ساحة نضال من اجل الحقوق المسلوبة -الراكوبة اصبحت الحلم الجميل لكل متطلع للحرية والانعتاق من الظلم -الراكوبة اصبحت قهوة نشاط فى اى جامعة -الراكوبة صوت سودانى جميل كاد ان يضيع مننا وسط تطبيل فاقدى الكرامة -الراكوبة راية نضال جبارة تخيف الطغاة والمتجبرين – اما نحن فنرفع راية الدعاء للقائمين عليها صباحا ومساءا -ونتمنى من الله العلى القدير ان يجعل عملكم فى ميزان الحسنات ويديم عليكم الصحة والعافية امين يارب العالمين
والله لو ماقريت الراكوبة كل صباح بحصل لي اكتئاب
نعم الراكوبة اضحت المنبر الحر لكل عشاق الحرية انا مدمن الراكوبة اهم موقع لي و اللة دي ما راكوبة سودانية بس انها ترتقي الي مصاف الصحف العالمية ربنا يسدد خطاكم و مذيدا من التقدم انشاء اللة في الديمقراطية القادمة سوف تكون الراكوية من اهم الصحف السودانية كما هي الان .
نحي الراكوبة والتي رغم اختلافنا معها تدفعنا لإحترامها لسعة صدرها وقبولها بالرأي الآخر وفي اعتقادي ان هذه الميزة هي التي منحتها كل هذا الحب والتقدير .. نتمني لها التوفيق..
الراكوبة بمصداقيتها ومهنيتها استطاعت ان تنتزع الصدارة من كل مواقع الاخبار السياسية فى السودان وحدثنى من اثق فى شهادتة والشهادة لله (ان اغلب السفارات الاوربية تنتقى معلوماتها وتنبأتها وتتابع مجريات الاحداث السياسية )..
فلكم التقدير والشكر محبى الراكوبة والتقدير على القائمين على امرها ..
البزعى ….
الف ترليون مبروك وعقبال تكون الراكوبة صحيفة السودان الاولى في عهد الفجر الجديد بعد زوال بني كوز الي مزبلة التاريخ.
الراكوبة جمعت الشرفاء
الراكوبة هى المتنفس الحقيقى .بقت مرضة ذى الكوتشينة
نعتب علكيم فى تأخير نزول التعليقات .يار يت تسرعوا الامر شوية
على العموم نتمنا التوفيق لادارة الموقع
انشاء الله نحتفل قريب بسقوط الكيزان
اللهم يالله يا كريم يا عظيم باعد بين الراكوبة و الاختراق الكيزاني الشيطاني كما باعدت بين السماء والارض والمشرق والمغرب
موتوا بغيظكم يا الجهاد الإلكتروني ..
إلى الأمام أيتها الراكوبة، صحيفة الحق والحقيقة ،أدامك الله منبراً حراً ، جريئاً ، كاشفاً وفاضحاً .. ومزيداً من التقدم ..
الراكوبة ياضلنا الجميل .. التحية لكل الاعضاء وعايز انتهز الفرصة واسأل عن ” العضو الجعلي البعدي يومو خنق ” ؟ لو في منه اي اخبار
الراكوبه متنفسا وهوانا وضلنا البشوف عوجة قفانا
مليار مبروك راكوبتنا البارده المنعشه والتى اصبحت متنفسنا الوحيد والتى ربطتنا بوطننا واخباره لحظه بلحظه . الشكر كل الشكر للقائمين على امرها وربنا يجزيكم الف خير . والشكر لكل كتاب الراكوبه العظماء . والشكر موصول لكل الاخوه المعلقين باختلاف توجهاتهم وحتى الدجاج الالكترونى هههه حلوه دى مش لاننا فى الاخر اخوه يجمعنا وطن واحد وقضيتنا واحده الا وهى السودااااااااااااااان . فالتحيه موصوله لجميع من عرفته فى الراكوبه الجميله . واتمنى لها مزيد من التقدم والنجاح
الراكوبه متنفسنا وهوانا وضلنا البعكس عوجة قفانا فى كل صباح بالجديد مليانه وتبعث للامل فى نفوس النازحين وحزانا الامل اللى ضاع وسط الحرب الضروس والفرقه للاخوان الامل البيعيش من اجله كل شريف لرفعة الاوطان بى كوكبة كتاب تشع بريق وامانا فى نقل الخبر يعانوا زل ومهانا كم ذاقوا السجون وكم وكم زنزانا يالله الكريم ياخالق الانسان تجزيهم ثواب وعافية فى الابدان برقاوى الشجاع والطاهر الانسان والبونى الكبير وعووضه يافنان والدتنا بت عباس وشريفه صح انسانه ومنى الفصيحه بت امى بت اوطانا ولى جبرا المشاكش وبى خطوا نحنا حزانا يالله الكريم ياربى ياحنانا من شعب السودان تزيل هموم ومهانا ولحكومة السارقين تنزل حموم وسخاااااااااااااااااااااانه وتهلك للبشير وعصبته وطغيانا اميييييييييييييييييييييييييييييييييييييييييييييييييييييييييييين
إلى الأمام وعقبال نشوف قناة الراكوبة الفضائية برضو
مسعولين من الخير يا خوانا الكاتب ثــــروت قاثــــم دحين ما ليه فترة طويلة مختفي؟