ود سراج أحد قادة المحاولة الانقلابية ينزع بيعته للبشير… ويقول أن حكومة البشير ظالمة وزراؤها مشغولون بسرقة ونهب شعب السودان
خلال احتفالات اهالي ريفي ود حامد وحجر العسل بالعقيد الشيخ عثمان الشيخ أحد قادة المحاولة الانقلابية الاخيرة بقيادة ود ابراهيم، تحدث سراج المحاضر الاعلامي عن حكومة البشير ووصفها بالظالمة وقال أنه لابد من أسقاط هذه الحكومة الظالمة وأضاف أن كل أسباب السقوط تتوافر الآن، واذا لم يقُموا هم باسقاطها فإن الأعداء هم من سيسقطها.
وقال سراج الوضع خطير وأن القوات المسلحة تقاتل وسط ظروف صعبة، بينما الوزراء مشغولين بالسرقة.
وقد وجه خطاباً لعمر البشير طالبه فيه بقيادة التغيير وتقديم اللصوص والحرامية الذين نهبوا شعب السودان إلى محاكمات عادلة وعلنية ويشكل حكومة جديدة، أو أن يذهب غير مأسوف عليه.
وقال أنهم بايعوا عمر البشير على اقامة الدين ولكنه لم يقمه، وبايعوه على اقامة العدالة ولم يقمها، فالظلم في كل مكان.. بايعوه على أن ينصح الأمة فلم ينصح لها… وقال أنه ينزع بيعته عن عمر البشير ويبايع ود ابراهيم ومن معه على لا إله إلا الله، موت، موت، حياة حياة.
يا خي انت واحد منافق .. انت مبايع السنين دي كلها وما عارف انهم حرامية وبيسرقوا الشعب ؟؟ وما عارف انهم ما اقاموا شرع الله ؟؟ وما عارف انهم ظلمة ؟؟ وللا عشان طردوكم انت وود ابراهيم وامثالكم جايين تعملوا لينا فيها انكم مناضلين وابطال .. ده ما بيعفيكم من الملاحقة كلكم حرامية وظلمه وسيكون حسابكم عسير وحسابكم ما بعيد قرررررررب ..
(وقال أنه لابد من أسقاط هذه الحكومة الظالمة وأضاف أن كل أسباب السقوط تتوافر الآن، واذا لم يقوموا هم باسقاطها فإن الأعداء هم من سيسقطها.)
(وقد وجه خطاباً لعمر البشير طالبه فيه بقيادة التغيير وتقديم اللصوص والحرامية الذين نهبوا شعب السودان إلى محاكمات عادلة وعلنية ويشكل حكومة جديدة، أو أن يذهب غير مأسوف عليه.)
امخبول انت ايها النزق
ده الصوملة تمشي علي اقدامها في سوداننا الحبيب , والله يكضب الشينة .
برضو كوز ليس الا
http://www.youtube.com/watch?v=LtFzRM9-DFw&feature=youtu.be
[SIZE=4][COLOR=#FF2E00]شاهد الفيديو الذي نُشر على صفحة رصد والصورة اوضح من الاول[/COLOR] [/SIZE]
الوزراء مشغولين بالسرقة
القوات المسلحة بتقاتل في ظروف ماساوية
______
وزراء الخرطوم مشغولين بالسرقة لانو يا جنابو المغفلين الزيك فضلو يحاربو ليهم الشعب السوداني من سنة 54 ويقمعو الثورات في كل حتة في البلد ويوطدو سلطة الفساد والعنصرية بالحديد والنار وقايلين روحم كملو البطولة خطابك فيهو نفس نزعة الاستعلاء القبلي البليدة والنبرة الاسلاموية الخاوية ومن البشير ما فرقك الا المرقك
“اذا ما سقطت في يدنا نحن تسقط في يد العدو..!!!!”
من انتم..؟!!
ومن العدو..؟!!
قاتلك الله ماذا تأفك؛
حقا انها منتنة.. يا قومي دعوها.
وتفتكر انو الجبهة الثورية شايلة السلاح عشان شنو ما عشان الحاجات البتحكي عنها دي .
يا ناس ختو الرحمن في قلبكم والبلد جه كان ختوها الحرامية شايلة تاني مافي مشكلة
وبعدين المفتكر انو البشير في يدو حل غلطان لانو استمرار البشير في حد زاتو مشكلة وعدم استمرار و زاتو مشكلة
لانو اذا استمر البشير في الحكم حيكون الوضع ياهو زاتو واحتمتل يكون اسوأ
طيب اذا فرضا انو البشير ترك الحكم او تم اسقاطو برضو حيمثل عقبة للحكومة الجاية لانو مطالب دوليا وهل تقبل حكومة وطنية بتسليم البشير ليحاكم خارجيا وربما هذا مستحيل
رجاءا لا تحكموا بواقع اليوم ولكن احكمو بواقع حكومة وطنية ترقب بالاستقرار وتثبيت نزاهة قضائها
والله صدق الرجل البلد منهوبة ومصطفى عثمان يتجول ويبيع فى ممتلكات الوطن وهو الان عارض مصانع السكر للبيع بلا خجلة . الجنود يموتون فى الحروب والوزراء وكبار الكيزان ينهبون ثروات الشعب والوطن !!!!!!!! هذه نهاية الانقاذ فهل من منقذ لها ؟؟؟؟ لن تدوم دولة الظلم والقهر . جعل الله كيدكم فى نحركم ايها الخاسئين اشباه الرجال .
ما شاء الله ،،، ما شاء الله ،، والله خرفان سمان خلاص ،،أكثر من عشرين سنة لاعندهم راي ولا فكر يساقون كالقطيع،، الله اكبر ،،، الله اكبر ،،، البلد دي الهتاف ما تمشيها الا للجحيم
عرفتوا دا منو
دا صاحبنا جار المره القال لى راجلها الظابط انشاء الله يروقك ويبقوك رقيب
عرفتوهوا وللا اقول كمان
اها خم وصر يا البشيو حجر الطير ذاااااانه اتمردت و لسة ما حاسي باي حاجة يا اخي انت متين تحس
هذا هو السودان بلد العجائب .. كل واحد بيظهر رجولته على الشعب كله ما عدا زوجته. ديل ما بيخافوا الا من حريمهم .
هم وين الرجال البايعتهم؟ ياهم ناس ودابراهيم بتاعكم دة والجماعة المعاهوا الإنكسروا وتابوا، وكمان عملوا ليهم تسوية حقوق دة إنقلاب ولا بت أم لعاب!! يا حضرة الرقيب كشافة، حنكشة… انت ما شفت ود الزين، احد شهداء حركة 19 يوليو، لا توبوا، لا ركعوا، لا كتبوا ، لا إسترحموا، لاأتبلم،ولا اظلم، بل ركز لي موتو إتقدم، وقد خلده شاعر الشعب محجوب شريف في اشعاره، ثم ضباط رمضان الذي كنتم انتم من تدعون البطولة قاتليهم، هم كانوا كأشجار النخيل السامقة رحلوا جسداً وارواحهم كغيرهم من الشهداء ترفرف في سماء الوطن تطالبنا بالقصاص القادم بلا ادنى شك، وها هم ابطال الجبهة الثورية، وقد لمع برقهم قلبي، اسمع الكلام الجد وخلونا من الدراما في دومة ودحامد!!
ما بركب السرجين وما ني زولاً شين
يا والدة دينك كم دين الوطن كمين
ما شفتي ود الزين الكان وحيد أمه
ماليلا كان العين قالولو ناسك كم
ورينا ناسك وين .. ورينا شان تسلم
العودو خاتي الشق ما قال وحاتك طق
تب ما وقف بين بين لى موتو اتقدم
قال أنا ما بجيب الشين أنا ما بجيب الشين
أنا لو سقوني الدم
والعسكري الفراق بين قلبك الساساق
وبيني هو البندم … والدايرو ما بنتم
يا والدة يا مريم
والله حرام السودان ضاع
الراجل ده مخبول والحاجة المؤسفة ان المواطنين المساكين ملتفين حولة ويمكن مصدقنو كمان .المشكلة ما فى الحكو مة ولا المعارضة ضعيف المواطن السودانى .
نفس خطاب الحكومه
اذا كنت تعتبر الجبهة عدو للبلاد، فنحن نعتبرك من عصابة الانقاذ ولص وقاتل زيهم يا منافق
العنصريه لن تنتهى فى هذه البلاد ابدا ابدا الا بعد اجيال
شوف الحرامية لما حسوا بغرف المركب والاخطار التي تحيط بهم حاولوا ينطوا منها ويتخارجو ويعملوا فيها مناضلين ، ومالك لم تتكلم عندما حرقوا دارفور وسرقوا البنوك والدولة وفرطوا في الحدود وقسموا الوطن ، اين كنتم ايها المنتفعون قاتلكم الله ، لا احد يصدق كل من حاول ان يغسل نفسه من نجس الانقاذ
والله حقو تخجل من نفسك ……. أنتظر الجاييك معاهم سوا
يا سبحان الله انا في الغنم والبهائم الببشروا وبتراقصوا قدامو ديل !!والله لو جاهم نافع وقال ليهم نحن طبقنا الشريعة ونحن ما ادراك من خرافاتو ديك كان نفس الغنم والبهائم دي شبكوا نفس النغمة اللللللللللله اكبر !!
الحاجة التانية الجعجاع الرعديد البجعر دا ليه محتمي بقبيلتو عشانم يقول كلامو دا عندهم موش كان لو فعلا نحن في دولة عدل ومساواة ممكن يقول كلامو دا في ام درمان مثلا …وشنو الخلى البشير وعصابته ظلمة في هذا اليوم ؟؟موش الشرفاء بتكلموا عن ظلم وجور وفساد هؤلاء من سنة 89 انت زاتك يا البتجعر كنت من الناس البغتالو والبعذبو وبنكلوا وبطاردو الشرفاء البتكلمو الحق بدون خوف او وجل من لومة لائم !!
وبعدين يا ود حجر العسل ايه البخلى ضابط من ناس حجر يتكلم عن ظلم الحكومة وانت ضابط متهم بمحاولة انقلابية على الحكومة بقوة السلاح يتكلم بكامل الحرية ويخاطب اهله بساوند سستم بصدى عالي وفي نفس الوقت يمنع مني اركو يخاطب اهله في نيالا عن ظلم البشير او التوم هجو يخاطب ناس سنار او على محمود يخاطب اهلو في ارقو او عقار يخاطب اهلو في الرصيرص ؟؟؟ اليست هذه هي قمة العنصرية وقمة التعالي العرقي الخلت الثوار يشيلو السلاح ويقاتلو الظلم ؟؟
اقول كلامي دا وانا من اقصى الشمال … ولكني سوداني احب كل السودان او ما تبقى منه وكل الشعب السوداني الاصيل باستثناء الكيزان والكوزات والموالين لهم ..
وحاجة اخيرة موش ضباط رمضان كانو اشجع منكم يا جعجاعين والمحتمين بقبائلكم ونساوينكم وهم بواجهو الموت بتحدي وثبات بدون ما يولولوا جنس ولولتكم الخائبة البيها تم العفو عنكم ولا قايلننا من الدراويش البتغشوهم ديل ؟؟
الاخ العزيز ود سراج بعد كلامك داامشي وانضم لاخوانك المقاتلين ما تنتظر حتي يقبضوك ويعذبوك ياجدع صوتك وصل
ثرثار وجعار منافق كلكم مله واحدة
اني اري الصوملة تمشي بقدميها
سيسقطها الاعداء ….من هم الاعداء يا مخبول يا ما عندك موضوع….طبعا عندما يرفض اللصوص الكبار اعطاء حصة صغيرة للصوص الصغار فانهم يغضبون….ويفتوا الاسرار ويدقوا الصفائح ويطلعوا الفضائح.
تحدث الرقيب سراج عن حكومة البشير ووصفها بالظالمة وقال أنه لابد من أسقاط هذه الحكومة الظالمة وأضاف أن كل أسباب السقوط تتوافر الآن، واذا لم يقُموا هم باسقاطها فإن الأعداء هم من سيسقطها
من محنا السودانية حتي الرقباء اصبحوا سياسين لا نستبعد ذلك في القارة السوداء سبق ان حكم صمويل دو حكم ليبيريا بعد ان قاد انقلابا دمويا وقتل رئيسها وليم تولبيرت وشرب من نفس الكاس مبروك علينا صمويل 2
من هم الأعداء نحن اي سوداني يحكم بعدالة نعتبره له الحق والحكم في السودان غير محصور على فئة معينة وليس هنا طبقة الحكام وطبقة محكومين من له الحكمة فليحكم وكفاية من الإستقلال الى الان ما جنيتم لنا الا الشتات
بس معقول دي بدلة رقيب في السودان ولا الجيش الامريكي
فيديو يعزز الاحباط فى نفوسنا, والله صحى شعب مسكين وجاهل وما فاارز اى شئ
امليي يمينك يارقيب يعني انت الجاي التحكم بالعدل ياخي انت …اكان عندك فهم ما كنته تكون رقيب لحدي اسي ….سيب
الجعجعة ..وسيب الفتن
الله يعين كل من يقول كلمة حق صادقة الهم اجعل كيدهم في نحرهم وجنب البلاد الفتن وبقول لناس الحركة الثورية ديل انتو ما احسن منهم كلكم في النفاق سواء ما برضوا مرتزقة وبتاعين فنادق خمس نجوم
يطلب من البشير محاسبة الحرامية ويشكل حكومة جديدة هي حكومة الحرامية دي الشكلها منو مش البشير نفسه ؟ يعني معقول يحاسبهم وهم غرقوه في الفساد هو واسرته يعني لو حاول يحاسبهم حيقولوا ليهو خليها مستورة احسن من يطلعوا الوثائق
الحل في الحل وتكوين حكومة قومية تنظر كل مشاكل الفساد المالي والاداري دون ضغوط وبرعاية دولية وبعد داك تتم انتخابات بإشراف دولي
ده مش المنبطحًالطلب استرحام لو اصلك قدر الموت وماهايفه طيب طلبت استرحام ليه
كلكم لصوص خلونا من الدين والمتاجره بيه
بعدين انت كعسكري في الجيش ورينا حاربت وين ومتين ضد عدو غير شعبك
هذا باعتبار الشعب هو العدو .. وزي ماقلت انت لو ما اسقطوها انتو ( الكيزان) فسيسقطها الاعداء ( الهم غير الكيزان)
وين كنت خلال ربع قرن يا حقير؟ هل بدأ فساد الانقاذ هذه السنة؟واين كنت وبيوت الاشباح تنتهك حرمات المسلمين الاحرار؟وكيف امن البشير يصفع شيوخ فى وجوههم وهم خارجين من المساجد فى صلاة الصبح؟ ووين كنت لما حهاز الامن ملا دار المايقوما باولاد الحرام؟ لقد حول جهاز الامن الزانى 7% من الشعب السودانى الى اولاد حرام فاين كنت انت من هذا يا تافه يا حقير؟ولو استمرت الامور سوف يصبح شعب السودان قريبا 25% اولاد حرام بسبب افراد جهاز الامن الذى يمتلك السيارات الفارهة والاموال الطائلة ونازل فى بنات ذوى الحاجة زنا – لماذا لم تكن فى قلبك الرحمة كل هذه السنين ومع كل هذا العذاب؟وما الذى جعلك تصحو الان -انت ياودسراج يا حقير قد ختم الله على قلوبكم غشاوة فلاترون الباطل الاحقا -لعنة الله عليك وهلى اشباهك
تخيل الحصان لو لا لطف الكريم كان رئيسنا.
الواضح ما فاضح و خلينا من العنتريه المصطنعه بتاعتك دى و اعرف أنك رجل فارغ و ما عندك لا ضمير و مأكلك حرام و مشربك حرام طيلة الفترة التى قضيتها فى الخدمه مبايعا للقشير ؟
اقول السبب انت شخص عسكرى و اديت قسم الولاء وانت تضع يدك على كتاب الله الداعى شنو تبايع القشير زهل هو أمير للمؤمنين واتى بعد مشاورة اهل العلم و الراى و خلفا لامير المؤمنين و لا بانقلاب عسسكرى و هذا يخالف الورء و القسم ولا كيف يا ناس و دابراهيم و دالشيخ و ود زاكى الدين؟
قسم الورء :-
اقسم بالله العظيم أن انزر حياتى لله و للوطن وخدمة الشعب فى صدق و أمانه وأن اكرس وقتى وطاقتى طوال مدة خدمتى لتنفيذ الواجبات المغاة على عاتقى بمجب الدستور وقانون القوات المسلحه او اى قانون اخر او لوائح سارية المفعول وأن انفذ اى امر مشروع يصدر الى من ضابطى الاعلى برا او بحرا او جوا وأن ابذل قصارى جهدى لتنفيذه ولو ادى ذلك للتضحيه بحياتى ؟
اذن يا ود سراج خالفته القانون و القسم و بايعته رئيس دولة وهو ظالم و خرست عقدين من الزمان و انت حضورا لكل الجرائم والنهب المصلح و التعدى على الحقوق والفساد استشرى وانت ساكت و بعد ما احلت الى المعاش و خسرته التموين العسكرى من سكر و دقيق و زيت و صابون و حليب شعرته بالغبن و انك ما قلته الكلام المفروض اتقال لى الجماعه ديل وتتعشى بيهم قبل ما اتغدو بيك و برضو تانى و تبايع و دابراهيم و ودالشيخ وهى البلد امارة من امارتكم يا عسكر الجن ؟
فوقو لانفسكم و البلد برجاله و انتظرونا فى الميدان .
معظم التعليقات جاءت سالبة و متشككة و مرجع ذلك طول أمد الظلم و أن المطالبين بالتغيير علنا هم من سدنة النظام الذين لم يبرحوا ساحاته معضدين طيلة 23 عام ..
أبلغ شاهد على ما سقته هذا التعليق على اليوتيوب :
———————–
(نزعت بيعتك يا((من قدم الاسترحام لينجو من الموت)) …
موت موت امام المكايكرفونات وامام المحكمه استرحامات).. !!!
———————–
و أذهب برأيي لأبعد من ذلك بأن الأمر (شخصي ) لأبعد حد و خطاب ود سراج عاطفي و منحاز لأشخاص و ليس للوطن و إلا فلماذا لم نري مثله في مواقف سابقة ..
حجر العسل موالية للبشير و ملكية أكثر من الملك و إنعدام الثقة بها متأصل و يحتاج لجهد كبير حتى يتقبل الناس ما يأتي من رجالها فقد كانوا على الدوام حماة و داعمين للنظام الشمولي الفاسد ..
عموما لست من يصنف الناس أو من يصدر صكوك الإدانة و التجريم أو العفو لكن الشعب هو صاحب القرار في أن يصدق من يصدق أو يكذب من يكذب …
أخبار 1 / 6 / 2013 شنو ؟؟؟
الصوملة …الصوملة..الصوملة..الصوملة..الوملة
بعيدا عن هذا الطرطور الذى يسمى ودسراج – فلا نريد ان يقول احد من الشعب السودانى ان الجعليين والشايقية يريدون البشير -وان حكومة البشير حكومة اهل الشمال -نحن اكثر من عذبنا فى عهد الانقاذ – عاش كفاح الشعب السودانى ولاخير فينا ان لم نكن عونا لكل مظلوم ومحروم من ابناء شعبنا العظيم- لاشرقية ولاغربية ولاشمالية ولاجنوبية سودانية سودانية 100% و100%
انه معتوه اجرب
روح بلا يخمك لسه راجي البشير يغير؟ ماتغير أنت مالك ماراجل؟ ود إبراهيم الآن في منطقة العمليات يدور على الشهادة ونسأل الله يديهو ليها وأنت كمان حصلو عشان تلقو الحور العين راجياكم والمرة دي الشهادة مضمونة بس أسرع ماتفوت الفرصة!!!!!!!!!!! تف مهووسين… أمشو ماتقعدو تلعلعوا لينا يلا على أبو كرشولا
بغاث الطير ..؟؟!!
بكرة بتعرف بغاث الطير
رساله الي نافع
http://www.youtube.com/watch?v=JGQl5d3fR7A&feature=youtu.be
راجل من ضهر راجل و اتحدى أي واحد من المنتقدين ان يقول كلمه من القالوا في السودان , شعب ما عندوا غير الانتقاد و التقليل من قدر الرجال .الزول ده حسع بي كلامه ده عرض نفسه للاعتقال و الفصل و حتى يمكن الاعدام , زي ده الناس تشد على ايده و تآزره عشان نشجع كتار غيره و الا كيف عاوزين نغيروا النظام .
والله وعلى الطلاق وحرم دى نفس الخطاب من 89 انت قايل نحن بقنابير كلام وهم يلا يا موهوم انت اول من سيقدم للمحاكمه ومعاك ودابراهيم الشعب لكم بالمرصاد ضيعتوا البلد لن تنفعك الجعجعه .
السيد العقيد الشيخ عثمان .. اطلع المشير الرئيس الدائم وخليفة المسلمين على تصريحاتكم المؤسفه .. وقال لك بما انك نقضت بيعته فلن يدخلك معه للجنه . وقد وجه مدير بيوت الاشباح الاسلاميه للتعامل معك ك ( مارق ) .وهذا الوصف سيمنعك من اى تصريح بعد خروجكم من بيوت الاشباح اذا قدر لكم ذلك والبادى اظلم ..
البرنامج واأصح هذا هو مشروع علي عثمان واعوانه لتقسيم السودان والبرنامج يسير علي مايرام ياسودانيين يارمم
الراجل يقول للبشير بصريح العبارة غيّر حرامية الصف الأول لأنهم شبعوا وغيرهم بحرامية الصف الثاني الذين يتضورون جوعا وينتظرون دورهم في نهب ثروات الشعب السوداني. كلكم تربيتم علي أموال السحت وظللتم ترفلون في نعيم المال الحرام حتي وصلتم إلي مرحلة التخمة. كيف سمحت لك نفسك بتقسيم الشعب السوداني إلي أهل وأعداء؟ز هل كل أهل غرب السودان أعداء لكم؟. أنت ترتعب من المحاكمات التي تنتظرك أنت وأصحابك الفاسدين لذلك أردت أنت ومن معك قطع الطريق علي التغيير الذي سيحاسبكم جميعا فحاولتم إعادة إنتاج إتقلاب 1989 ومن ثم التستر علي أصحابكم الحرامية. الشعب السوداني يا ود سراج (بعد فحص الدي أن أيه) قد فطن إلي ألاعيبكم وصار بالمرصاد لمثل هذه الخطابات الرخيصة القائمة علي تهييج الرعاع وضعيفي الفكر.
ودابراهيم بتاعك ده يا شاويش الهنا فرقو شنو من (مشيركم) ؟؟
بايع الشعب والثوارحتى يشملك عفوهم .. اما اتباع (الترابي) او علي عثمان او المشير فهؤلاء
بيننا وبينهم المواسير والجحور .
الرجل يعرف برفاقه وانت كنت منهم؟ نحن جاين ان ابتو او رضيتو والله والله نحش اليابس ولين . ولا ود ابراهيم ولاهايك
مسرحيه سيئة الأخراج .انت ارسلك البشير لكى تقوم بهذا الدور السمج واصل الحكايه ان هنالك
تغيبر قادم ورؤوس كبيره ستطيح وتصفية حسابات وكده ،لم باقى كلامك وما تحاول او اى واحد منكم
يهرجل مثل هذه الهرجله الغوغائيه .خلاص انكشفتوا ومافى زوووووووووول حيصدقكم تااااااااانى
محبط بكل المقاييس
هل هذا الرجل من الذين كانوا ممن سيتولون أمر البلد
ده درس وين ؟
ويستمر سؤال الكبب صالح
من أين أتى هؤلاء
لا لا لا لا يا أخي … انت في التعديل الجاي اسمك موجود موجود مافي كلام تب
اسى الناس البتنطط وبتبشر
وين سوط العنج .مافى واحد يمحطو سوط كدة كارب يطير الفى راسة دا
الزول دا مطرطش ولا دلاهة .عدو شنو
اذا الجبهة الثورية عدوا لك يبقى انت العدو
ضيعتوا الفرصة ليس الشعب فيران تجارب…………..
البل البل
ان الظلم الذي بدأت تشعر به الان فإننا نعاني منه منذ عام 1989 الموافق 30 يونيو وانت تكبر وتهلل لما يجر لاهلنا بالنيل الازرق وجنوب كردفان ودارفور بل وفي جنو ب السودان القديم من ظلم وقتل وتجويع وا باده جماعيه واسوأ ما في خطبتكم (العصماء!) قولك بانكم ان لم تسقطوا هذه الحكومه فانها ستسقط في يد الاعداء.
يجب ان تعلم اخي الكريم اننا في الحركه الشعبيه لا نعادي الا من عادانا واننا نقاتل من اجل الذ ي تنادي به الان, وحينما كنت تقاتلنا الي جانب الحكومه ايها الشاويش كنت واحدا من اعدائنا وما تزال واحدا من اعدائنا اذا لم تتحرر من الافكار القبليه الضيقه وترك التعالي على الناس والتجمل بالتواضع وكريم الاخلاق, والارتقاء بمستوي التفكير بحيث يضع حلولا جذريه لكل مشاكل السودان والسودانيين وهذا ما ننادي به, والدليل على ذلك قيام وتأسيس الجبهه الثوريه التي ينضوي تحت رايتها كل السودانيون بدون تمييز, وان كنت جادا فيما تقوله فالباب ما زال مفتوحا للحاق بالركب ولن نتوقف حتى نبلغ الخرطوم باذن الله.
mabba ashoni
مقاتل من الصعيد
طفبوع
لمن مالقى ليهو طريق للسرقة داير يعمل لينا فيها مصلح وقلبو على البلد والشعب كنت وين انت وود ابراهيم والشيخ عثمان بتاعينك ديل والبلد تنهب وتسرق والشعب يقتل ليل نهار طيلة ربع قرن من الزمان حينما تأتى لحظة الحساب ستنالوا حسابكم كغيركم من الحرامية والقتلة فان لم تكونوا قد سرقتم فقد حميتم القتلة وشجعتموهم على المزيد من ارتكاب الفظائع
بتقول موت موت حياة حياة*** بعد الاسترحام القدمتوهو يا جبانين***انتم ارخص من ان تقودوا هذا الشعب العظيم*** وما فرق بين احمد وحاج احمد***والتغيير قادم باذن الله على يد رجال سودانيين خلص بعيدين كل البعد عن كل العلل القبلية والاثنية والجهوية والطائفية والاستعلاء الزائف
الشعب السوداني ما بين مغيب ومطبل وعاجبو الوضع الحالي على اساس البجي بعد المهووسين ديل هو شيطان بي قرونو … السلبية وصلت حد انه الفرد أصبح يهمه حائط منزله وبعد كده تحرق تغرق مش مهم … شفتو وصلنا وين مع السلبية؟!
هجرة ابناء السودان خلال أعوام ما يسمى بالانقاذ الكالحات خلقت شكل اجتماعي جديد وغريب وتشكيلات من البشر هم أقرب للحم الراس لا علاقة تجمعك حتى بجارك البي الحيطة والعناصر المؤثرة الكانت بتصنع التغيير عبر الاحياء صارت عدم والاحزاب قياداتها الوسيطة دخلت عالم التجارة بثقلها.
لم يبق الا النساء والاطفال وقليل مفرقون هائمون على وجوههم يلاحقون مواصلات السوق الشعبي والميناء البري والثورة بالنص والكلاكلة اللفة… وبلاش تنظير كتير ياهو ده مجتمع الخرطوم الكانت بتصنع التغيير تتبعها مدني وعطبرة وباقي المدن …
وحتى تلك الاحياء مليئة بالغواصات الذين يحصون انفاس الناس ويراقبون تحركاتهم … عطالة ما شغالين اي حاجة وسايقين عربات ومليانين قروش … دي كيف بس…
أعتقد ان مسألة التغيير في هذا البلد المنكوب مسألة غاية في التعقيد بعد لعبة الmind control المارسها حكام ال24 عام الماضية على عقول البسطاء والمغيبون من ابناء شعبنا ولكنها ليست صعبة خاصة وان عدد المتضررين بدأ يزداد بكواريك وجقليب الشاويش في الفيديو الموضوع أعلاه
بغاث الطير الذين تتكلم عنهم والله هم أشرف مليون مرة من امثالك وامثال ود ابراهيم الذي تتكلم عنه. هؤلاء ناس اشراف وطنيون تهمهم مشاكل اهلمهم ومشاكل البلد . لماذا لا تتواضعون وتتساوون معنا في الحقوق والواجبات ونعيش في امان.
المحيرني ان ود ابراهيم ومجموعته والسائحون وكل من ينتقد النظام من المتاسلمين لا يتكلمون عن مشاكل البلد ومشاكل المهمشين في الغرب والشرق والنيل الازرق وجنوب كردفان وحتى المساكين في شمال السودان واطراف العاصمة. كل الذي يهمهم مشاكلهم الخاصة . لا ادري اذا كانت هذه هي عقلية من يدعي انه يريد تخليص السودان من الحرامية .
نقولها بوضوح جدا رضيتم ام ابيتم بعد دا كل شيء بعد سقوط النظام سوف يصبح محاصصة حسب الثقل السكاني لاي منطقة رضيتم ام ابيتم . سواء كان جيش او شرطة او خدمة مدنية او وزارة او اي شيء اخر .
أَرَثَّ جَـديدُ الـحَبلِ مِـن أُمِّ مَعبَدٍ بِـعـاقِبَةٍ وَأَخـلَفَت كُـلَّ مَـوعِدِ
وَبـانَت وَلَـم أَحـمَد إِلَيكَ نَوالَها وَلَـم تَـرجُ فـينا رِدَّةَ اليَومِ أَو غَدِ
مِـنَ الـخَفِراتِ لا سَقوطاً خِمارُها إِذا بَــرَزَت وَلا خَـروجَ الـمُقَيَّدِ
وَكُــلَّ تَـباريحِ الـمُحِبِّ لَـقيتَهُ سِـوى أَنَّـني لَم أَلقَ حَتفي بِمَرصَدِ
وَأَنِّـيَ لَـم أَهـلِك خُفاتاً وَلَم أَمُت خُـفاتاً وَكُـلّاً ظَـنَّهُ بِـيَ عُوَّدي
كَـأَنَّ حُـمولَ الحَيِّ إِذ تَلَعَ الضُحى بِـنا صِـفَةِ الـشَجناءِ عُصبَةُ مِذوَدِ
أَوِ الأَثـأَبُ الـعُمُّ الـمُخَرَّمُ سـوقُهُ بِـشابَةَ لَـم يُـخبَط وَلَـم يَتَعَضَّدِ
أَعـاذِلَ مَهلاً بَعضُ لَومِكِ وَاِقصِدي وَإِن كانَ عِلمُ الغَيبِ عِندَكِ فَاِرشِدي
أَعـاذِلَتي كُـلُّ اِمـرِئٍ وَاِبـنُ أُمِّهِ مَـتاعٌ كَـزادِ الـراكِبِ الـمُتَزَوِّدِ
أَعـاذِلَ إِنَّ الـرُزءَ فـي مِثلِ خالِدٍ وَلا رُزءَ فـيما أَهـلَكَ المَرءُ عَن يَدِ
وَقُـلتُ لِـعارِضٍ وَأَصحابِ عارِضٍ وَرَهـطِ بَني السَوداءِ وَالقَومُ شُهَّدي
عَـلانِـيَةً ظُـنّوا بِـأَلفَي مُـدَجَّجٍ سَـراتُهُمُ فـي الـفارِسيِّ الـمُسَرَّدِ
وَقُـلتُ لَهُم إِنَّ الأَحاليفَ أَصبَحَت مُـطَـنِّبَةً بَـينَ الـسِتارِ فَـثَهمَدِ
فَـما فَـتِئوا حَـتّى رَأَوهـا مُغيرَةً كَـرِجلِ الـدِبى في كُلِّ رَبعٍ وَفَدفَدِ
وَلَـمّا رَأَيـتُ الـخَيلَ قُـبلاً كَأَنَّها جَـرادٌ يُـباري وِجهَةَ الريحِ مُغتَدي
أَمَـرتُهُمُ أَمـري بِـمُنعَرَجِ الـلِوى فَلَم يَستَبينوا النُصحَ إِلّا ضُحى الغَدِ
فَـلَمّا عَسوني كُنتُ مِنهُم وَقَد أَرى غِـوايَتَهُم وَأَنَّـني غَـيرُ مُـهتَدي
وَهَـل أَنـا إِلّا مِـن غَزِيَّةَ إِن غَوَت غَـوَيتُ وَإِن تَـرشُد غَـزيَّةُ أَرشَدِ
دَعـاني أَخـي وَالـخَيلُ بَيني وَبَينَهُ فَـلَمّا دَعـاني لَـم يَـجِدني بِقُعدَدِ
أَخــي أَرضَـعَتني أُمُّـهُ بِـلِبانِها بِـثَديِ صَـفاءٍ بَـينَنا لَـم يُجَدَّدِ
فَـجِئتُ إِلَـيهِ وَالـرِماحُ تَـنوشُهُ كَـوَقعِ الصَياصي في النَسيجِ المُمَدَّدِ
وَكُـنتُ كَذاتِ البَوِّ ريعَت فَأَقبَلَت إِلـى جَـلَدٍ مِن مَسكِ سَقبِ مُقَدَّدِ
فَـطاعَنتُ عَـنهُ الخَيلَ حَتّى تَنَهنَهَت وَحَـتّى عَـلاني حَلِكُ اللَونِ أَسوَدِ
فَـما رِمـتُ حَتّى خَرَّقَتني رِماحُهُم وَغـودِرتُ أَكـبو في القَنا المُتَقَصِّدِ
قِـتالُ اِمـرِئٍ آسـى أَخـاهُ بِنَفسِهِ وَيَـعـلَمُ أَنَّ الـمَرءَ غَـيرَ مُـخَلَّدِ
تَـنادوا فَـقالوا أَردَتِ الخَيلُ فارِساً فَـقُلتُ أَعَـبدُ الـلَهِ ذَلِكُمُ الرَدي
فَـإِن يَـكُ عَـبدُ اللَهِ خَلّى مَكانَهُ فَـما كـانَ وَقّـافاً وَلا طائِشَ اليَدِ
وَلا بَـرِمـاً إِذا الـرِياحُ تَـناوَحَت بِـرَطبِ الـعِضاهِ وَالـهَشيمِ المُعَضَّدِ
وَتُـخرِجُ مِـنهُ صَـرَّةُ القَومِ جُرأَةً وَطـولُ الـسُرى ذَرِّيَّ عَضبٍ مُهَنَّدِ
كَـميشُ الإِزارِ خـارِجٌ نِصفُ ساقِهِ صَـبورٌ عَـلى الـعَزاءِ طَلّاعُ أَنجُدِ
قَـليلٌ تَـشَكّيهِ الـمُصيباتِ حافِظٌ مِـنَ اليَومِ أَعقابَ الأَحاديثِ في غَدِ
صَـبا ما صَبا حَتّى عَلا الشَيبُ رَأسَهُ فَـلَمّا عَـلاهُ قـالَ لِـلباطِلِ اِبعَدِ
تَـراهُ خَـميصَ البَطنِ وَالزادُ حاضِرٌ عَـتيدٌ وَيَـغدو فـي القَميصِ المُقَدَّدِ
وَإِن مَـسَّهُ الإِقـواءُ وَالـجَهدُ زادَهُ سَـماحاً وَإِتـلافاً لِما كانَ في اليَدِ
إِذا هَـبَطَ الأَرضَ الـفَضاءَ تَزَيَّنَت لِـرُؤيَـتِـهِ كَـالـمَأتَمِ الـمُـتَبَدِّدِ
فَـلا يُـبعِدَنكَ الـلَهُ حَـيّاً وَمَيِّتاً وَمَـن يَـعلُهُ رُكنٌ مِنَ الأَرضِ يَبعُدِ
رَئـيسُ حُـروبٍ لا يَـزالُ رَبـيئَةً مُشيحاً عَلى مُحقَوقِفِ الصُلبِ مُلبِدِ
وَغـارَةٍ بَـينَ الـيَومِ وَالأَمسِ فَلتَةٍ تَـدارَكتُها رَكـضاً بِـسِيدٍ عَمَرَّدِ
سَليمِ الشَظى عَبلِ الشَوى شَنِجِ النَسا طَـويلِ الـقَرا نَـهدٍ أَسـيلِ المُقَلَّدِ
يَـفوتُ طَـويلَ الـقَومِ عَقدُ عِذارِهِ مُـنيفٌ كَـجِذعِ الـنَخلَةِ المُتَجَرِّدِ
فَـكُنتُ كَـأَنّي واثِـقٌ بِـمُصَدَّرٍ يُـمَشّي بِـأَكنافِ الـحُبَيبِ بِمَشهَدِ
لَـهُ كُـلُّ مَن يَلقى مِنَ الناسِ واحِداً وَإِن يَـلقَ مَـثنى القَومِ يَفرَح وَيَزدَدِ
وَهَـوَّنَ وَجـدي أَنَّـني لَم أَقُل لَهُ كَـذَبتَ وَلَـم أَبخُل بِما مَلَكَت يَدي
فَـإِن تُـعقِبِ الأَيّامُ وَالدَهرُ تَعلَموا بَـني قـارِبٍ أَنّـا غِـضابٌ بِمَعبَدِ
ابعدوا ايها العساكر عن السياسة والبلد ح تمشى لقدام لمدة 46 سنة فشلتوا فى استقرار الحكم والسياسة!!!
محاربة الفساد واللى ح يستمر الى قيام الساعة هو بالحريات الاعلامية والديمقراطية وفصل السلطات وليس بالحماس والفورة الفارغة!!!
ما دايما الانتهازيين والحرامية والفاسدين بيجدوا فرصتهم فى الحكومات الديكتاتورية العسكرية والعقائدية وانا ما بقول انهم مافى فى العهد الديمقراطى لكن بصورة اقل لان الناس بتشتغل فى الضوء وحرية الاعلام ووجود المعارضة التى تتصيد الاخطاء!!!!
يا جماعة الناس الطالعين فى الكفر ما بيفهموا طظ من سبحان الله فى السياسة وادارة الدول او انهم بتهمهم نفسهم فقط وليس الوطن ومستقبله!!!!!
والله قد كذبت الم تدرك الظلم لال بعد24 عام من الظلم اليست وقت طويل لتدرك كل ذلك .. ان السائحون الواهمون الكاذبون ما هم الاانتاج جديد للحركة الاسلامية او الدين السياسي لاعادة صياغاتهم لو تغير النظام ليجدو لهم موطيء قدم وليدخلو مرة اخري في الحياة السياسيه انهم كالسوس .. والله انك تدرك الظلم من اليوم الاول ليس بعد 24 عام ولكنها تضارب المصالح ليس الا.. كل هذا الطوفان من الظلم والقهر ولم تسمع ولم تري ان قلوبكم معمية وعيونكم زجاجيه انتم بلا رحمة والله ان الله لن يرحكمك بما فعلتموه بنا والتاريخ لن ينساكم ايها يا اقزام اخرجو من بلاد النور فان تاريخنا ماتعود الظلموالظلم لامحاله زائل لا نريدان نسمع باسمائكم مرة اخري حين نبني سوداننا الجديد
ما قلنا ليكم من زمان أن العنصرية والاستعلاء في السودان لن يتغيران الي أن تقوم الساعة , الراجل رغم أنه متعلم الا أنه قال البلد لو سقطت في يدهم حتسقط في يد الأعداء من هؤلاء الأعداء يا تري؟ هل هي الجبهة الثورية ولا اسرائيل والله دولة جنوب السودان والاجابة معروفة للجميع ونحن منتظرين لنري نتيجة تصريحات هذا البطل الذي سيخلص العباد من حكم المؤتم الواطي وما يبقي كلام هاشيمية وحماس شالت الراجل وصرح بهذا الكلام.
* عبود أوّل من سنَّ سنّة الإنقلابات
* هاشم العطا حاول الإطاحة بنظام مايو
* علي عثمان ثعلب الإنقاذ الماكر أطاح بالنظام الديمقراطي الذي كان جزءاً منه .
* ضباط محاولة رمضان معظمهم من ديار الشايقية .
*صلاح قوش تآمر على نظام الإنقاذ الذي تربى في حضنه .
* معظم مجموعة ود إبراهيم من حجر العسل وود حامد.
بعد هذه الملاحظات أوجه سؤال برئ ، ما علاقة الشوايقة بالإنقلابات ؟؟؟؟
والله الشغلة صراع حول السلطة فقط لاغير لوادوه وزارة ومعتمدية يغير خطابه فى دقيقة لك الله ياسودان اين الوطنية ياهؤلاء
هل لاحظتم هذه العبارة ( ود ابراهيم إلتف حوله الشهداء ) !!! يا جماعة فهمونا الشهداء ماتوا و ما زالوا ملتفين حول ود أبراهيم ؟؟؟ و برضو تضجكو فى اللمبى و والى اللحام ؟؟؟؟
يا اهلنا في جميع ربوع الوطن الحبيب عامة والراكوباب خاصة اؤكد لكم ان من يشاهد هذا الفيديو بتمعن يدرك ان السودانيين لم يعرفون العنصرية بمفهومها الحالي الا في عهد الانجاس……وانا لا اتحدث هذا المنافق الذي خرس لربع قرن ونطق الحق لمصالحه الذاتية…..بل عن احد ابناء جلدته الذي رد على هذا المنافق عندما قال…ان لم نسقطها نحن حيسقط في يد العدو…بقوله وين العدو…من فضل كل المعلقين ان يعاودوا مشاهدة هذا ويسمعوا جيدا عند الثانية00:18….وارجو من الذين يحكمون على الناس من منطلق مناطقهم ان يكفوا عن جهلهم والذين يتهمون الشعب السوداني بالجهل ان يقدموا اعتزارهم والا سينسب الجهل اليهم…..وانا لست من حجر العسل انا من ابناء دارفور واحد مؤيدي مبادئ الفجر الجديد والجبهة الثورية…وكفى.
فاتتني في التعليق السابق كتابة أبيات للرائع المرحوم الشاعر الفذ حميد والتي تصلح لهؤلاء المهرجين وغيرهم من الذين انسلخوا من النظام الفاسد المفسد المجرم بعد أن شاركوه جرائمه بدءا من مجموعة الترابي إلى آخر كوز منسلخ ، فلكم أيها الظلمة جميعا هذه الأبيات التي تلخص حالكم وحال الشرفاء :
كنت وين وين إنت كنت
كنت وين لما طلاب الحقيقة كانوا برتادوا المشانق
كنت وين وين إنت كنت
كنت وين لماالبيوت في الشمال صارت خنادق للكتابات البتنزل فوق ضهاريهم مطارق
كنت وين وين إنت كنت
كنت وين لما كان الحق بموت في الجنوب بين البنادق
كنت وين وين إنت كنت
الواحد يطردو من المؤسسه العسكريه بعد يوم يعمل فيها بطل انت قبل يومين ما جبت امك وخالاتك يتبكو لي البشير في البيت و الليله عامل فيها البطل و الله انت ما تستحق تحكم او تشارك في اداره هذا الوطن
انت من الجبناء وعليك ان تحترم
و الله المؤسسه العسكريه بقت راقده رز
والله يا الحلو ويا القائد يلسر عرملان ابشرو بدخول الخرطوم والسودان كلو لان المكحلين بي الشطه تحت التراب
الله يرحمك يا ابراهيم والزبير و كمال بور و كل القاده
حــول الله .. جـابت لـيهـا شـاويشـيه .. اُقســـم بالله ، ناقصــه وتمـــت .
زبدة الموضوع : أنا شخصياً نزعت بيعتي منك يا عمر البشير ، كلام نقولوا في وشك و وش اللي جابوك في يونيو 89، و أبايع ود إبراهيم و جماعتو الأرجل منك !!!!
التعليق: يا زول أعمل حسابك ، الجماعة ديل نزلوك المرة الفاتت في فندق خمسة نجوم ، المرة دي بنزلوك في الزنازين الجد جد …..
هذا العنصري الوقح لا يستحق الإحتفاء به … لماذا يقول عن بعض نفر من ابناء السودان من لا يشاركونة الإيدلوجيا ببغاث الطير …. عينتهم دي وعينة غازي … عايزين يفسرو الماء الماء بل وعايزين ينقلو البلدات خطوات نحو اليمين .. خاب ما تسوقون ..بئس القوم انتم … وتعس الكيزان بكافة أطيافهم من اقصى يمينهم لاقصى يسارهم
((وقال أنه ينزع بيعته عن عمر البشير ويبايع ود ابراهيم ومن معه))
= اقول ليك مافي فرق بين احمد وحاج أحمد!!!!=
((واذا لم يقُموا هم باسقاطها فإن الأعداء هم من سيسقطها)).
= انت قاصد العدو الصهيوني!؟!الذي ضرب امروابة واحتل ابكرشولا ؟!؟هههههههههها
بالله ده كلام زول قال محاضر اعلامي؟؟؟؟؟؟ ياخي قوم بول!!!!!!!!!!!!!!!!!!
إنا بقرأ الخبر جاء في الذاكرة احد روائع الأغاني السودانية وكأن الشعب السوداني يرددها مع هذا الخبر …. بعد ايه جيت تصالحني ، بعد ما ودرت قلبي الكنت فيه ، جيت تشكي، جيت تحكي، جيت تبكي لية ليه ، اعتذارك ما بيفيدك ، ودموعك ما بتعيدك ، العملتو كان بأيدك انا مالي ذنب فيه ، ليه جيت تشكي ، ليه جيت تحكي ، ليه جيت تبكي ليه ليه . مع الإعتذار وكل الحب والود الشاعر الرائع الراحل إسماعيل حسن والقامة محمد وردي
الغريب أنه المصريين الذين خلقوا أكذوبة إسمها الاخوان المسلمين حسى بيتبرأوا منها بعدما إنكشفت على حقيقتها وزولنا دا لسة بيقول الاخوان المسلين . أنصحه أن يتابع برنامج “هنا القاهرة” في تلفزيون “القاهرة والناس” ويتعرف على الأخوان المسلمين من الصحفي أبراهيم عيسى
ايها الشعب السوداني الفضل
بيان رقم واحد جائزة مقدارهاالف الف فدان للزراعةبجانب النيل وليس بالصحراء، واحداثيات
للتنقيب عن الذهب حتي حلايب وتشادواثيوبياوجوبا وارتيريا،لمن يجيب عن هذاينالسؤالين
السؤال الاول ماذء تعرف عن التبرعم،وكيف يشابةما يحدث في ارض السودان والمعارضة والحركات والاحزاب ومؤخراًلحكومة؟
السؤال الثاني
ترسل الاجابات والبحوث لبرنامج خلف الواجهه واغاني وتهاني وتوزع الجوائزبقسم الاستثمار بعد
استقرار الاوضاع عامة
بعد ٢٤ سنة جاي تقولينا سحبت بيعتك . انت المفروض تطلب المغفرة والسماح من رب العالمين و الشعب السوداني .
الكلام البتقول فيهو دة نحن عارفينو من سنة ٨٩ وما جبته حاجا من عندك.
الكيكة ما كفتكم ودي مشكلتكم الحقيقية.
مالكم مال حرام ، طعامكم طعام حرام ، واولادكم اولاد حرام .
أوليس ود ابراهيم من قال هذا الشعر حينما كان رائدا ومقاتلا في أحراش الجنوب ؟
لكتاب الله أقرأ وأفهم قم ليلك باكر كي لا تندم
لازم أذكارك بها اتكلم لرسولك صلي ينزاح الهم
……………………………
لكلاشنكوفك والجيم أفهم في الرأس تنشينك لا لا ترحم
للقاء أعداءك سرعة اتقدم لا تهاب الدانة لا تخشى لغم
…………………………………
أعداء الله عايشين في وهم ناسين الاخرة يومآ اعظم
لاهين في الدنيا تطريب ونغم لاعبدوا الخالق لادين لافهم
……………………………….
العهد الباقي صغناه قسم لغير الباري لن نحمل هم
لعدونا ندمر نصبيه حمم لبلادنا نعمر تبقى لنا رقم
………………………………….
صلوات الله تغشى الاكرم لرسول الله الهادي علم
ماسار مجاهد في صفه اتقدم ماعبر شهيدآ ماسالت دم
ماسار مجاهد في صفه اتقدم ماعبر شهيدآ ماسالت دم
فسر الماء بالماء ما الفرق بين البشير وود ابراهيم الاتنين مجرمين نحنا محتاجين لرئيس خارج رحم الانقاذ
خلعت بيعتك من عمر البشير يا أبا موسى الأشعري لا بالله طيب ما تخلي الهبل البنقزو ديل يرفعوا المصاحف فوق أسنة الرماح زي الخوارج.
غايتو جنس محن
الى الاخوة الذين سبقونا في التعليقات والى كل من قرأ هذا الموضوع , للتوضيح فقط ,
بصفتي أحد ابناء هذة المنطقة أريد توضيح التالي ,
أولا, هذا الشخص المدعو (ود سراج ) غير معروف لدينا نهائيا ولم نسمع بة من قبل الا من خلال هذا الفيديو ,وهو لايمثل الا نفسة ومن هم حولة من المبشرين , فمن غير المنطقي اختزال اكثر من واحد وعشرين قرية يقطنها حوالي تسعين الف نسمة في هذا الشخص او ذاك الفكر.
ثانيا , من يقول ان منطقة حجر العسل كلها موالية للبشير فقد ظلمنا أشد ظلم , ماهو دليلك ان هذة المنطقة موالية للبشير ؟ أهي الانتخابات الهزلية أم استفتاء شعبي عمل هناك ؟!.أنا أجزم ووااكد ان غالبية سكان هذة المنطقة معارضون لنظام البشير وخصوصا بعد انفصال الجنوب , والدليل هو مشاركتهم وبقوة في المظاهرات الماضية(أسالو ناس الشرطة كم عربية احرقت هناك) وكيف تدخل الوالي وسحب قوات الشرطة من غالبية قراها.
أخيرا, أنا ارى ان الحكومة القادمة(المنتظرة) والتي سوف تخلف حكومة البشير يجب ان تحظى بدعم اهالي هذة المنطقة , فمنطقة حجر العسل وبطبيعتها الجغرافية المعقدة لاتبعد عن الخرطوم سوى 80 كيلو , فهي مفتاح الخرطوم الشمالي وصمام أمان مهم.
الشيخ ده واحد من القالوا (الرووووب) للمشير هو وودابراهيم بتاعو لمّن (مخاخيتم) جرت ،
انت عسكري جبان وبس ماقدرتوا على المعتقل و (خرخرتوا) ، جااااي بعد ما اطلقوا سراحك (تفنّجط) ،
انتوا مكانكم (مزبله التاريخ) ومعاك المشير بتاعكم ،
البلد دي ما بيحكمها (الخريانين) .
جااااينكم (الرجال) البتسميهم (الاعداء) .
خواء، جهل حماقة بلاة وخبل عنصري يمشي على قدمين
فالترعوي هذه الجهالات الدهماء باسم الشعب السوداني وكل من يسئ إلى الأحجار بهذه الطريقة النزقة بعيداً عن تاريخ الشرف السوداني الناصع من لدن سنار التاريخ وحتى حلفا ثم من لدن دارفور المحفل وحتى عثمان دقنة …
إرعووا يا أصدقاء الجهل، فقد شوهتم اخلاق السودان وقيمه ودينه واختزلتم السودان بصورته المشوهة هذه في قبيلة واحدة حيث جعلتم من سواهم اعداء
حتي تتبع ملتهم…
تداولت عدد من المواقع الالكترونيه لاسيما المعارضه جزء من مخاطبتي لجماهير حجر العسل في معيه ودابراهيم وهم يكرمون ابنهم الباسل الشيخ عثمان الشيخ وقد جاء بعضها او اكثرها بعنوان (الرقيب سراج ينزع بيعته لعمر البشير) ورغم اني لم اتشرف بالانتماء لاي من القوات النظاميه وبالتالي ليس لي رتبه عسكريه فانا محاضر للاعلام واري ان رتبه الرقيب رتبه شرف واعزاز لاوليك الاشاوس من الابطال الذين ينافحون عن شرف وكرامه السودان وهي رتبه يتشرف بها من هم خير مني ومن ضمنهم عمرعبدالفتاح شقيق الشهيد علي عبدالفتاح ولقد كان غايبا فقمت بالانابه عنه باستلام شهاده تكريمه ويبدو ان الامر استشكل علي البعض فجاءت( الرقيب سراج )علي كل لاباس بذلك فالمدلول اللغوي يجعل من الامه كلها شاهده علي الناس اي رقيبه عليهم فان كنت رقيبا فارجو ان اكون علي نفسي الاماره قبل ان اكون رقيبا علي الناس ايا كانو حكاما او محكومين وان حديثنا عن الاصلاح مستمر لن يتوقف ورغبتنا في التغيير اكيده وتلك سنه الله في الكون …الا ان الذي استوقفني حقا ان العديد من تلك المواقع وجهت لي الاساءات الشخصيه (استاهل طبعا) واصفين حديثي حديث نفاق علي اعتبار اني جزء من الانقاذ طوال تلكم السنوات ولم يعلم هولا المساكين اني وبكل فخر ماتلوثت بمال حرام ولا توليت منصبا حيث ضنو عليا بذلك مثلما استاثرو دوننا بالمال والسلطه الا اننا قدنا خط الاصلاح منذ عام 93 ودفعنا الثمن في التهميش ان صح التعبير ودخلنا نتيجه ذلك السجون قبل ان يعرفوها هم او يدخلوها وان تعجب فان بعضا منهم نعتنا بالعنصريه التي هم غارقون فيها ذلك لان حديثنا كان من منطقه حجرالعسل ناسين او متناسين ان قبلها كنا في شمال كردفان ام سياله وقبلها النيل الابيض ود النوره وهي المره الاولي التي ازور فيها حجرالعسل والتحمت بجماهيرها الغفيره التي احتفت بنا كما يحتفي الرجال بالرجال وهولا الذين وصمونا بعلتهم يتوارون خلف الاسماء المستعاره في الراكوبه ورصد وغيرها من المواقع بينما نحن اسماءنا معروفه ومواقعنا وكذلك مواجعنا ولقد خرجت بنتيجه واحده ان هولا القوم مهما وقفت مدافعا عن المستضعفين وصدقت نيتك في الاصلاح والتغيير وجازفت بحياتك وماتملك من اجل اسقاط هذا النظام الذي دفعنا من ضمن جماهير شعبنا فاتوره طغيانه وجبروته واكتوينا علي الصعيد الشخصي بظلمه لن يرضو ولن يقبلو بك لان الاجنده التي تحكمهم لاتمت لاخلاق وقيم شعب السودان في التسامح والتواصل ان اجندتهم الخارجيه لاتمت لاجنده المناضلين الشرفاء ولاتمت للصادعين بالحق في وجه السلطان لاصلاح الحال وان وجدت بعض عزر لبعضهم علي اعتبار غبش التصورات التي تحكم حياتهم او تطاول عهد الانقاذ او المظالم التي حاقت بالبعض منهم او مناطقهم وهو شي ندينه ونعمل علي رفع هذا الظلم بما اوتينا من قوه الا ان الغالبيه منهم تعاني من اختلاال واضح ضمن مشروع صهيوني معلوم اهدافه ومخططاته ولست بحاجه لان ارد علي الاساءت الشخصيه والتجريح رغم مقدرتي علي ذلك ولكن سلام عليكم لانبتغي الجاهلين(والذين اذا خاطبهم الجاهلون قالو سلاما)….وسنستمر في خطنا الداعي للاصلاح وللتغيير بمختلف الوسايل المشروعه ولن نشارك في اراقه الدم الحرام او ندعو لعنف او عصبيه فاننا قد تحررنا منذ قرون طويله من هذه العقد ومنذ ان وقف نبينا عليه الصلاه والسلام وقال كلكم لادم وادم من تراب…ومنذ ان قرانا في كتاب الله (ان اكرمكم عند الله اتقاكم) نحن ساده الدنيا واساتذه البشريه في احترام الانسان نوع الانسان الذي كرمه الله وسخر له الكون والكاينات …وددت لو اتمثل قول الشاعر الا فلا يجهلن احد علينا فنجهل فوق جهل الجاهلينا….ولكني خشيت ان يكون في ذلك انتصارا لنفسي وقد خرجت للعمل العام وتحدثت عن حق شعبنا في الحريه وفي الحياه الكريمه فاحتمل الاذي لاضير في ذلك والان ادعو هذه الحركات التي تحمل السلاح وتتوهم نصرا لن يكون مهما تلقو من دعم خارجي من اعداء السودان لقد ذدتم من معاناه اهلكم وشعبكم وخربتم بيوتكم بايديكم ارجعو الي الحق واجنحو للسلام ذلك خير لكم ويمكن ان تدركو بالسلم مالن تدركوه بالحرب والدمار ولكم في الجنوب عبره لقد نال بالسلام مالم يحقق عشره بالحرب التي امتدت لسنوات طوال واعتبرو بتجارب الشعوب الاخري فيكفي البلاد مافيها بوسعكم ان تعيشو احرارا كراما في بلادكم التي حباها الله بالخير والثروات وبوسعكم ايضا تغيير النظام بالوسايل السلميه وهي انجع وادعي لان يشكر لكم الشعب ذلك … وساظل وفيا لشعبي منحازا اليه ولو كره الكارهون او شكك المتشككون وساعمل مع كل الشرفاء والمخلصين من اجل وطن عزيز كريم حر مستقل مسالم يتم التداول السلمي فيه للسلطه وفق ما يتعاهد عليه الناس ويتراضي عليه الشعب واعلن كذلك بان الموتمر الوطني لايمثلني ولايعبر عني هذا النظام بتركيبته الحاليه غير اني اقف بصلابه ودون تردد ضد استهداف جيش البلاد واستنزافه واحي القوات المسلحه وجنودها البواسل وهم يذودون عن حمي السودان كعهدهم وهي الصخره التي طالما تحطمت عليها امال المستكبرين والخونه والمارقين….. والله اكبر والعزه للسودان
حتي تتبع ملتهم…
تداولت عدد من المواقع الالكترونيه لاسيما المعارضه جزء من مخاطبتي لجماهير حجر العسل في معيه ودابراهيم وهم يكرمون ابنهم الباسل الشيخ عثمان الشيخ وقد جاء بعضها او اكثرها بعنوان (الرقيب سراج ينزع بيعته لعمر البشير) ورغم اني لم اتشرف بالانتماء لاي من القوات النظاميه وبالتالي ليس لي رتبه عسكريه فانا محاضر للاعلام واري ان رتبه الرقيب رتبه شرف واعزاز لاوليك الاشاوس من الابطال الذين ينافحون عن شرف وكرامه السودان وهي رتبه يتشرف بها من هم خير مني ومن ضمنهم عمرعبدالفتاح شقيق الشهيد علي عبدالفتاح ولقد كان غايبا فقمت بالانابه عنه باستلام شهاده تكريمه ويبدو ان الامر استشكل علي البعض فجاءت( الرقيب سراج )علي كل لاباس بذلك فالمدلول اللغوي يجعل من الامه كلها شاهده علي الناس اي رقيبه عليهم فان كنت رقيبا فارجو ان اكون علي نفسي الاماره قبل ان اكون رقيبا علي الناس ايا كانو حكاما او محكومين وان حديثنا عن الاصلاح مستمر لن يتوقف ورغبتنا في التغيير اكيده وتلك سنه الله في الكون …الا ان الذي استوقفني حقا ان العديد من تلك المواقع وجهت لي الاساءات الشخصيه (استاهل طبعا) واصفين حديثي حديث نفاق علي اعتبار اني جزء من الانقاذ طوال تلكم السنوات ولم يعلم هولا المساكين اني وبكل فخر ماتلوثت بمال حرام ولا توليت منصبا حيث ضنو عليا بذلك مثلما استاثرو دوننا بالمال والسلطه الا اننا قدنا خط الاصلاح منذ عام 93 ودفعنا الثمن في التهميش ان صح التعبير ودخلنا نتيجه ذلك السجون قبل ان يعرفوها هم او يدخلوها وان تعجب فان بعضا منهم نعتنا بالعنصريه التي هم غارقون فيها ذلك لان حديثنا كان من منطقه حجرالعسل ناسين او متناسين ان قبلها كنا في شمال كردفان ام سياله وقبلها النيل الابيض ود النوره وهي المره الاولي التي ازور فيها حجرالعسل والتحمت بجماهيرها الغفيره التي احتفت بنا كما يحتفي الرجال بالرجال وهولا الذين وصمونا بعلتهم يتوارون خلف الاسماء المستعاره في الراكوبه ورصد وغيرها من المواقع بينما نحن اسماءنا معروفه ومواقعنا وكذلك مواجعنا ولقد خرجت بنتيجه واحده ان هولا القوم مهما وقفت مدافعا عن المستضعفين وصدقت نيتك في الاصلاح والتغيير وجازفت بحياتك وماتملك من اجل اسقاط هذا النظام الذي دفعنا من ضمن جماهير شعبنا فاتوره طغيانه وجبروته واكتوينا علي الصعيد الشخصي بظلمه لن يرضو ولن يقبلو بك لان الاجنده التي تحكمهم لاتمت لاخلاق وقيم شعب السودان في التسامح والتواصل ان اجندتهم الخارجيه لاتمت لاجنده المناضلين الشرفاء ولاتمت للصادعين بالحق في وجه السلطان لاصلاح الحال وان وجدت بعض عزر لبعضهم علي اعتبار غبش التصورات التي تحكم حياتهم او تطاول عهد الانقاذ او المظالم التي حاقت بالبعض منهم او مناطقهم وهو شي ندينه ونعمل علي رفع هذا الظلم بما اوتينا من قوه الا ان الغالبيه منهم تعاني من اختلاال واضح ضمن مشروع صهيوني معلوم اهدافه ومخططاته ولست بحاجه لان ارد علي الاساءت الشخصيه والتجريح رغم مقدرتي علي ذلك ولكن سلام عليكم لانبتغي الجاهلين(والذين اذا خاطبهم الجاهلون قالو سلاما)….وسنستمر في خطنا الداعي للاصلاح وللتغيير بمختلف الوسايل المشروعه ولن نشارك في اراقه الدم الحرام او ندعو لعنف او عصبيه فاننا قد تحررنا منذ قرون طويله من هذه العقد ومنذ ان وقف نبينا عليه الصلاه والسلام وقال كلكم لادم وادم من تراب…ومنذ ان قرانا في كتاب الله (ان اكرمكم عند الله اتقاكم) نحن ساده الدنيا واساتذه البشريه في احترام الانسان نوع الانسان الذي كرمه الله وسخر له الكون والكاينات …وددت لو اتمثل قول الشاعر الا فلا يجهلن احد علينا فنجهل فوق جهل الجاهلينا….ولكني خشيت ان يكون في ذلك انتصارا لنفسي وقد خرجت للعمل العام وتحدثت عن حق شعبنا في الحريه وفي الحياه الكريمه فاحتمل الاذي لاضير في ذلك والان ادعو هذه الحركات التي تحمل السلاح وتتوهم نصرا لن يكون مهما تلقو من دعم خارجي من اعداء السودان لقد ذدتم من معاناه اهلكم وشعبكم وخربتم بيوتكم بايديكم ارجعو الي الحق واجنحو للسلام ذلك خير لكم ويمكن ان تدركو بالسلم مالن تدركوه بالحرب والدمار ولكم في الجنوب عبره لقد نال بالسلام مالم يحقق عشره بالحرب التي امتدت لسنوات طوال واعتبرو بتجارب الشعوب الاخري فيكفي البلاد مافيها بوسعكم ان تعيشو احرارا كراما في بلادكم التي حباها الله بالخير والثروات وبوسعكم ايضا تغيير النظام بالوسايل السلميه وهي انجع وادعي لان يشكر لكم الشعب ذلك … وساظل وفيا لشعبي منحازا اليه ولو كره الكارهون او شكك المتشككون وساعمل مع كل الشرفاء والمخلصين من اجل وطن عزيز كريم حر مستقل مسالم يتم التداول السلمي فيه للسلطه وفق ما يتعاهد عليه الناس ويتراضي عليه الشعب واعلن كذلك بان الموتمر الوطني لايمثلني ولايعبر عني هذا النظام بتركيبته الحاليه غير اني اقف بصلابه ودون تردد ضد استهداف جيش البلاد واستنزافه واحي القوات المسلحه وجنودها البواسل وهم يذودون عن حمي السودان كعهدهم وهي الصخره التي طالما تحطمت عليها امال المستكبرين والخونه والمارقين….. والله اكبر والعزه للسودان