مكالمة هاتفية تتسبب في طلاق عروس
الخرطوم: نجم الدين قناوي:
تسبب شخص عابث في تطليق زوجة في أيامها الاولى من شهر العسل وذلك على اثر اتصاله هاتفيا بها اثناء وجودها مع زوجها بالفندق ليمسك الزوج بالهاتف ليزيد المتصل من شكوك الزوج الذي قام بتطليق الزوجة التي اعتصرها الالم لتقوم بفتح بلاغ ضد الشخص المتصل والقاء القبض عليه بعد معرفة صاحب الرقم
لتقيم الزوجة دعوى مدنية للضرر أمام مولانا صديق منور حيث افادت الشاكية بأن المتهم تسبب في تطليقها دون أن تكون بينهما سابق معرفة واقر المتهم بأنه يتصل بالارقام عشوائيا لتجد المحكمة بأن المتهم اوقع ضررا بالشاكية ليتم الحكم بالتعويض للشاكية بمبلغ خمسة وعشرين الف جنيه لحجم الضرر.
الراي العام
استغفر الله العظيم.
بالله يا مولانا دي لو كانت واحدة من أخواتك يكون حجم ضررها 25 مليون!!! ما هي المرجعية التي استندت عليها في حكمك؟
الزول البيتصل عشوائي ساكت وديتهو التجاني الماحي, اما مطلوق ساكت وبيطلق في بنات الناس,وتاني الناس ديل ناسين أنو في حساب بعدين.
حقو الـ 25 مليون دي تعرس بيها واحد تاني غير البهيمة الطلقه دا !
هذا زوج ما نافع يجب ان لاتندم على فراقه واحمدى ربك انو انكشف من بدرى قبلما تتورطى معه فى اطفال وخلافه لانه انسان متهور ولا يوزن الامور وربنا يعوضك احسن منو .
يا أخوانا أنتم فهمتوا غلط , حكاية 25 مليون تعويض من المتصل وليس الزوج
المحتاج لمستشفى التجانى الماحى الزوج اما المتصل فلابد من السجن
*البنت طلعت نجيضة اثبت لة ولاهلة وكل معارفها ببراءتها من الفعل الشين
*الولد العامل فيها تفتحية والجكس ينبرش من اول رنة .الحكم فى حقة مفروض يكون مدنى وجنائ كمان
*ديك العدة الزوج كما ذكر الاخوة يكفى انة ظهر على حقيقتة من اول مطب يتطلب منة ان يثبت مقدرتة على مجابة مشاكل الحياة……….
ندعو للشريفة بت الاشراف ان يعوضها الله زوجا خيراً منة وان يستر عليها فى الدنيا والاخرة
انا جاهز ممكن اخش بالكاش دااااا
الزول دا قاعد بي يلعب بالتليفون و خسر العبة بي 25 الف
25 مليون … والله ما بطالة … ما نلقى لينا وأحد يضرب للمرة ونطلقه ونحسن حالة الأولاد شوية