حكومة السودان تمنح البحرين 42 ألف هكتار من أراضيه للإستثمار الزراعي
كتب : وكالات الانباء
أعلنت الحكومة البحرينية مساء يوم الاحد، ان حكومة السودان وافقت على منح البحرين 42 ألف هكتار من أراضيها، لتخصيصها للاستثمار الزراعي.
وذكرت وكالة انباء البحرين الرسمية، ان مجلس الوزراء البحريني وجه في اجتماعه الاسبوعي امس، شكره وتقديره إلى حكومة جمهورية السودان الشقيقة على منح مملكة البحرين أراضي للاستثمار الزراعي فيها.
واوضحت الوكالة ان المجلس كلف وزارة شؤون البلديات والتخطيط العمراني بإتمام الإجراءات الخاصة لتسجيل هذه الأرض بعد مراجعتها من اللجنة الوزارية للشئون القانونية.
واضافت ان مجلس الوزراء البحريني كلف أيضاً وزارة شئون البلديات بالتعاون والتنسيق مع وزارة الصناعة والتجارة بوضع خطة لاستثمار هذه الأرض، بما يعزز جهود الأمن الغذائي في مملكة البحرين.
وتوزع اراضي السودان ولا يستفيد المواطن من عائدات هذا الاستهتار وليس الاستثمار 42 الف هكتار هي مساحة تعادل مساحة البحرين 3 مرات …….!
ودويلة البحرين لا تعطي فيزا زياره لسوداني طبيب ناهيك عن العامة ……..!
نحن شعب رخيص بالحيل في ظل هؤلاء القوم
البلد دي حقت حسن قنات ابو البشير و احنا ما عارفين ؟
ملايين من الفدادين بتتوزع لمصر لبنان قطر و غيرا كتير من غير حتي ما نعرف الاراضي دي اتوزعت لمنو بالظبط كده و عشأن شنو و احنا فايدتنا شنو من الحاجه دي ؟ احتمال يدفنوا فيها مخلفات نوويه مثلا و لا مواد مشعه و لا اي مصيبه احنا ما عارفنها ؟
بعدين كم مساحه البحرين كلها علي بعضها كده ؟
البحرين بلد محكوم بنظأم ديكتاتوري مجرم الاسره المالكه بطشت بالشعب البحريني و قتلت و سجنت و عذبت اعداد كبيره من الشعب لما اتظأهر سلميا و ما من الاخلاق اننا نتعاون مع نظأم مجرم زي دا لكن احنا اولا و اخيرا محكومين بنظأم اسوء من البحرين و طبيعي الانظمه الديكتاتوريه تتحالف و تتكتل مع بعضها لكن احنا ما حنطبل و نهلل لسلوك زي دأ صحيح انه ايران دخلت في الثوره البحرينيه و نجحت في تشييعها نوعا ما لكن برضو دا ما يمنع انه الناس تقيف مع الشعب البحريني الثائر ضد نظأم الكهنوت الرجعي و زي مالناس واقفه مع سوريه مفروض تقيف مع البحرين من غير اي حسابات طائفيه مهما كان هم بشر و ليهم الحق يعيشوا كرماء
آآآآآآآهـ من وجع القلب ..وفقع المرارة … يقسموا ويكوموا ويبيعوا في السودان زي المرارة ونحنا واقفين نتفرج … آآآآآآآخ والله كرهنا هذا البلد وكدنا نفقد حساسية الأنتماء ..
نعم المال الاجنبى يمكن ان يساعد اهل البلد فى التنمية اذا صحب هذه المشاريع تخطيط متكامل من اهل المنطقة فى كيفية المشاركة والاستفادة منها. اما اذا حدث تقصير من اهل السودان فى المشاركة المدروسة فى امثال هذه المشاريع سوف يتحول السودان كلحماريحمل امولا
يا جماعه نحنا ما عندنا حاجه فى التركه دي ان شاء الله ربع فدان .. لك الله يا سودان العزه والشموخ
ده كله عشان وزير الاستثمار “الطفل المعجزة”القي ليه قرشين بعد ان ذهب البترول بلا عودة
مهازل!!!!!!!!!!
هذه المساحة تعادل مساحة البحرين مرة ونص!
بس باقي اليمن لسه ما أخد نصيبة!
ما قصرتو . والفينا مشهودة.
كفااااااااانا صراخ وولوله ونويح وعياط.الى الشارع الان,كل الشعب الخروج الان قبل صباح الغد لأنه الغد قد نكون متسولين خارج حدود وطننا بفعل هؤلاء الحرامية الذين باعوا كل شبر فى الوطن والله أن لم نخرج الان فلا نلوم ألا أنفسنا, هيا بنو شعبى فلنمت من أجل أرضنا وبيوتنا أفضل من نموت ونحن مطرودين من ديارنا ووطننا,اللهم أنى قد بلغت فأشهد.
ياناي الحكومه هوووووى !نداء موجوع!!! !يمين الله سنة تسعين عبيت اورنيك لارض فى الحصاحيصا ومعاى صوره منو وايصال مالى بختم السفاره لغاية اليوم مافى حاجه!!! كل هذه الفتره عشان 400 مترمربع لزوم غرفتين مخلوفات (_حلوه مخلوفات) واليوم طالما كل شىء زاد وارتفع بدل 400 متر عاوز حواشه عشره فدان وجاهز للرسوم ؛؛؛ويابروف الجزيره القاعد لينا وجاهه ساكت ؛شوف لى حل لواحد من الاثنين قبل البلد ماتكمل واكون صكوك التمليك عند غيرنا ؛؛ونحن عاوزين صك الغفران وياناس شوفوا لى حلل!!!!
يا جماعة هوى اوعى يكون باعونا الجماعة ديل لجهة ما ونحن ما جايبينة خبر
كما هو معروف ان السودان غني بالموارد الطبيعية الزراعية (الارض + الماء) ولكن ينقصه التمويل لضعف الامكانيات والفساد وهذا الاستثمار قد ينعش الاقتصاد اذا تم صرف عائداته لخدمة المواطن اما اذا ذهبت العائدات الى جيوب المؤتمر الوطني وهذا مؤكد في هذه الحالة يجب محاربة كل الاستثمارات الاجنبية الى ان يتغير الوضع ثم بعد ذلك لكل حدث حديث
أتمني أن تتم مراجعة الاستثمارات العربية في السودان. ما عدا كنانة. العرب يعطلون التنمية في السودان بالاستحواذ علي الاراضي و المشاريع دون عمل أي شيء فيها ودفنها في التراب. الخليج جزء من أدوات أمريكا في تعطيل السودان. لو سألت أي خليجي لماذا لا تستثمر في السودان لقال لك أن السودان لا يصلح نظراً لعدم الاستقرار و البيرقراطية و ضعف البني التحتية و الفساد و رغم ذلك تتسابق حكوماتهم لاقتسام ارض السودان و تعطيلها. افتحوا السودان لأبنائه و اعطوهم التسهيلات ووقعوا لهم البروتوكولات بالخارج فلا أحد سيستثمر السودان مثل أبنائه. و إياكم و العربان فهم شر مستطير.
الباقي كم فدان, عاوزين نتكرم ونهدي لسلطنةعمان, واليمن. بعد ما السعودية وقطر والإمارات والكويت والآردن وحتي لبنان العنصرية, ومصر المستهترة وتونس والليلة البحرين, وباكر _________؟؟؟
بدل ما يدعموا المزارعين السودانيين مضيعين القروش كلها فى الحرب على المعارضة وما عايزين يحلوا مشكلة الحكم فى السودان بالحوار الوطنى الجامع!!!!!!
عشان كده يوزعوا فى الاراضى شمال ويمين للجماعة العندهم قروش واهل السودان يشتغلوا عمال عند الاجانب!!!!!
حكومة الانقاذ حكومة غير وطنية تتخلى عن اراضى الوطن المحتلة من الاجانب نعم المصريين والحبش اجانب وما سودانيين وتوزع اراضى الوطن للاجانب وهم نسوا بان هؤلاء الاجانب ما ممكن يستثمروا فى بلد كله اضطرابات وحروب ومحتاج لاى عملة صعبة عشان يشترى بيها سلاح ووقود وغذاء لهذه الحروب!!!!!
لعن الله الانقاذ والحركة الاسلاموية فى المذاهب الاربعة وانشاء الله ربنا ياخذهم اخذ عزيز مقتدر وما ذلك على الله بعزيز!!!!!!
بالله اتخيلوا الانجليز جايبين هولنديين لزراعة اراضيهم وتربية مواشيهم والحكومة شغالة ضرب فى المعارضة بتاعتها زى السودان!!!!!!!!!!!!!!!!!!!!!!!!!!
حكومة الانقاذ فقدت المنطق وحار بيها الدليل فقضت علي الاخضر واليابس ( الشباب ماتو في الجنوب والمتبقي منهم مات في ابو كرشولا والباقي منهم حيران في بلاد المهجر العربي )والان قامت لتبيع تراب الوطن بابخث الاثمان والهدف غير معلوم ولامدروس كل واحد يقول ليهم عاوزين اراضى يدوه اكثر مما يتوقع . الله المستعان
Equal Of 352.800.000 Fadan
Stop saleing Sudan
انشاء الله الكيزان يبيعوا البلد بالفيها اصلو ده شعب خايب وجبان اذا كان كل اهتماماته اخر موديلات الموبايلات وتكريم الوالي.
يا جماعة لو تصدقوا كلمني دبلوماسي سوداني قبل ايام وقال لي أن حكومة البحرين تصرف مبلغ شهري للسفارة السودانية لتسيير أمورها..
انا متأكد من الكلام ده
عشان تعرفوا نحن بقينا ملطشة كيف