الشرطة السودانية تستخدم الغاز المسيل للدموع لتفريق محتجين

الثورة انطلقت….

هم مغفلوووووون المفروض يقولو الشعب يريد لحم الضأن

فالشرطة ما كنت حتسالهمممممممممممممممممممممممممم

فكرة مش!!!!!!!!!!!!!!

الي الأمام يا شباب الثورة من اجل وطننا… أصمدوا وسترون الحثالة المذعورة تفر أمام حشودكم الهادرة..

ان لم تكن اليوم فغدا وان ليل الظلم لن يطول وان غدا لناظره قريب ان شاء الله

هنالك بعض المرجفين والجبناء معنا في الصفحة الحرة (( الراكوبة )) برغم صغر هذه الثورة والشرارة الصغيرة هنالك من يحبطها ويقلل من شأنها مع العلم بان كل الثورات بدأت بشراراة واحدة فإلى الأمام يا شباب وربنا يوفق إنشاء الله (( وما ضاع حق وراءه مطالب )) فالرجاء من الشباب عدم إحباط مثل هذه المحاولات الصغيرة وسترون بأنها ستكون الشرارة الأولى .
مغترب مسكين ما قادر يشارك في اقتلاع هذه الطغمة الفاسدة ولكن هذا أضعف الإيمان ….

يا جماعة اذا النظام ده سقط منو الحيحرر ليكم القدس وينازل امريكا وقوى الاستكبار فى العالم؟؟؟؟
هسع جيش الانقاذ والدبابين والمجاهدين والسائحين وهلم جرا مش محاصرين القدس واساطيلهم قبالة سواحل كاليفورنيا وفلوريد؟؟؟؟؟
غايتوا يا شباب اكان سقطوا الانقاذ دى اسرائيل وامريكا ما ح ينسوا ليكم المعروف ده ابدا لانه الانقاذ مورياهم الويل وسهر الليل حنى اسالوا ربيع عبد العاطى وامين حسن عمر ونافع على نافع واحمد بلال!!!!!!
انتو يا ناس المعارضة كلكم خونة وعملاء لاسرائيل وعايزين الحرية والديمقراطية عشان تسكروا وتعربدوا وتفتحوا بيوت الدعارة حتى اسالوا نافع من الكلام ده!!!!!!!!
الانقاذ بعد ما وحدت البلد وعمرتها وبقت رقم كبير فى التصنيع الحربى والزراعة والصناعة وهلم جرا وطبقت الشريعة وختتها فى الدولاب مع القمصان عايزين تجوا تهدموا كل هذا الانجاز خاصة انها افشلت انفصال الجنوب وهسع اسرائيل قاعدة تقطع فى شعرها!!!!!!

بدايه مشجعه بس ورونا وين في الخرطوم عشان ننطم ليها

ما بتخجلوا بس 150 وين باقى الشعب وانا متاكدة لو صمدتم وازداد العدد الشرطة لن تضربكم وسيكونوا معكم الا فى حالة ديلاك اسمهم شنوا الزوجة ابو ساطور تدربت معاهم ديل كان ظهروا ادرشوهم درش والجداد حيجى يكاكى مغطى وشه انزعو منهم الاقنعة وقولوا ليهم كر وخليكم حنينين معاهم لانهم ديل من شدة خشونتهم خافوا عليهم واداهم نافع اجهزة وقال ليهم يللا مرة كاكو ومرات العبو كوشتينة يعنى ماعندهم شغلة بالعنف بس لغلغة ساكت .
نتمنى ان تتكرر الجمع ويزداد العدد بل كل السودان الشارع برة وكضربة قوية على المصلين مقاطعة المساجد الفيها ائمة الانتكاس وتوجهوا ال اى مسجد امامه ليس من هذه المخلوقات