مجموعة من البشاريين تهدد بإعلان دولة بسبب حلايب
بورتسودان:
هددت مجموعة من البشاريين بإعلان دولة البشاريين في حال عدم توصل الحكومة لحل لقضية حلايب، وعزا بيان وُزِّعَ بمدينة بورتسودان ممهوراً بتوقيع ?محمد عثمان الحسن أوكير? بصفة ?رئيس دولة البشاريين? أسباب الدعوة لإعلان دولة البشاريين إلى فشل الحكومة في إحداث التنمية بشرق البلاد، موضحاً بأن إجتماعاً لقبيلة البشاريين إنعقد بمنطقة ?القدادة? في الثامن والعشرين من الشهر الماضي أقر على ضرورة الإستفادة من موارد أرض البشاريين، بما في ذلك البترول الذي يمر عبرها بين عطبرة وبورتسودان، ومنتقداً عدم إستفادة البشاريين من كهرباء سد مروي أو السكة حديد وخطوط النقل البري، وإستثنائهم من مشروع مد بورتسودان بالمياه من عطبرة، وأوضح البيان أن دائرة حلايب التي تضم ثلاثين مركزاً لم تستفد من الخدمات، ويواجه المواطنون السودانيون المقيمين فيها قيود على الحركة لا سيما في الدخول والخروج منها، بجانب معاناتهم من الاعتقالات والموت في السجون المصرية.
ولفت البيان إلى أن منطقة البشاريين التي تمتد من أرتيريا جنوباً وحتى منطقة ?قنا? بجنوب مصر، ومن الدامر إلى شلاتين ودراو، تمتلك مقومات الدولة بما تحوي من موارد وموانئ كأوسيف وحلايب وأبو رماد وشلاتين وثروات كالذهب والجير والجبص والثروة السمكية.
الميدان
البلد دى عشان تعيش فيها لاذم تقلع حقك بايدك والله لو اعتمدنا على هؤلاء النصابين فلن نجد حتى القبر الذى ندفن فيه .
افرح وارقص يا عمر البشكير
الكلام حلو بس ميكونش تهويش كالعاده …واذا كانت بتشمل الصعيد فالاسم غير مناسب …لانه يتسم بعنصريه العرق
ضمونا معاكم نحن في بربر قريبيييين منكم ….
الشعب السوداني عاوز اتحد وديل عاوزين افرزو عيشتهم .. خلاص انا راى اي قبيلة لوحدها ترفع لواء ويركبو الخيول ويشيلو السيوف ويبدؤا الحرب على استغلال مناطقهم….
لا نريد تقسيم السودان الى دويلات صغيرة ولكن يجب ان يكون نضالكم من اجل استرداد حلايب وانتزاع الحقوق .
دولة البشارين المتحده دوله لا علم لها ولاعمله لها
الدعوة للانفصال تدل على العجز ياخى جيش جيشك وانتزع بالقوة حقك من الخرطوم واقلع حقك من مياه النيل.
وعندكم اسرائيل تمونكم بالسلاح بدل كل مرة جاية ضارباكم
ترجع لكم حلايب وتحرركم من استعباد الانقاذ والمصريين وترفع لكم راسكم
لانه البلد ما فيها كبير فيها عوير
وهذا هو المتوقع من حكومة الخنوع والفساد والذل والسرقة
من الدامر لي وين ماعرفناه طيب إخوانا النوبيين لو حسبتها كدا السودان. ومصر وإثيوبيا دي حقتهم بدون منازع بس هي ماكدا يابشاريين البلد ماناقصة والحكومة مفروض تستقيل وتكب الزرقة زي شيخ حمد كفي الله المؤمنين شر القتال
وطيب لو قال ليكم نحن مالنا ومال حلايب ، أمشوا للمصريين الذين احتلوكم ، حا تقولوا شنو؟
رئيس خايب يفرط في ارض وشعب ويسلمها غنيمة بيضاء للمصريين .
نحن نشفق على شعبنا في شرق السودان وفي حلايب من عدم جدية الحكومة في الاهتمام بقضاياهم وكان حلايب لا تعنيهم
يجب ان تعلنوها ثورة على كلا النظامين في السودان وفي مصر وان تقوموا بعمليات اغتيالات واسعة لكل مسئول يطوف في منطقتكم.
طيب آخدوا معاكم ولاية كسلا والخرطوم أقول ليكم حاجة دنقلا وحلفا والمحس تبعكم أنتو يا البشاريين اصل الحضارة النوبية والمك نمر كان منكم وعثمان دقنة وعلي دينار كان منكم وكسوةالكعبة لغيتوها طالقة فوضى يا البشير سعادة الريس قدم استقالة وانسحب كفاية هوان على هذا البلد ذهبت هيبته وانتهت مكانته القوات المسلحة التي من المفترض هي صمام الامان وثقة الشعب اتهمتموها بوجود الطابور الخامس رقم انها الوفية المخلصة دوما لنا ورقم ان 80في المية من الميزانية للامن والدفاع لمن نشهد تطور للجيش السوداني بل قيدتموه وتشرد الشعب من بلد وصار المواطن هزيل من شدة ضغوط الحياة ومازالت القصور تبنى والثروات تتضخم عند البعض
دولة البشاريين – دولة الحلنقة-دولة الجعليين-دولة الشوايقة-دولة الرباطاب- دولة الزغاوة-دولة العسيلات-دولة الحمر-دولة الحلاويين-دولة (المهوسيين) الخ
علي الطلاق رجال يا بشارين ، و نحن في الدامر أحسن لينا دولتكم .
بجا حديد
عقبال باقي الدويلات و أرقص يا بشبش
الحمدلله على كل حال بعد ما اقاليم وولايات بقت قبائل لك الله يا سودان
اجيبونى كم قبيلة فى السودان؟ عشان اعرف السودان بكون كم دولة
بي موية وكملت !
الفزع الفزع ههههههها
بصح فزاع يا عمر الكبشكير
بدلا من هوشة دولة البشارين مرة واحدة – كونوا ليكم حركة مسلحة حرورا بها حلايب بعدين فكروا فى مسالة الدولة دى
شي محزن بدل يد علي يد نخلص بلدنا من الحكم الظالم ونبني الوطن من جديد !!!!!كل يوم بقينا نسمع بقبيلة وفخد قبيلة عايزة تعمل ليها دولة والله حرام البيعملوهو السودانيين ده في بلدهم
مبروك عليكم دولتكم !!
دى افكاركم ام اجندة خارجية
دولة البشاريين ام على – و دولة البشاريين ام ناجى ناجى
و هلم جرا
عايرة و ادوها سوط
مبروك مقدما
بس ابقو رجال وأقيفو موقف المسيرية حيال أبيي.
واأسفا على السودان…ان كان كل محموعه اختلفت مع اخرى اختارت اقصر طرق اقصاء الاخر باقتطاع ارض ..حي يبتعد عن الاخر. ..اللهم اهدى السودانيين وحبب اليهم وطنهم..
نفس المشاكل التي حصلت في منطقة دارفور والمطالب التنموية التي لم تعرها الحكومة الزبالة بتاعة الكيزان نفس المشاكل تحصل الان في شرقنا الحبيب وطبعا الحكومة حتسكت وكان الذي يحصل يحصل في القمر او المريخ غايتوا خلاص الموضوع باظ وخرب بقينا زي ابو يمن قبيلتي وقبيلتك تخلف مابعدو تخلف
قريبا وقريبا جدا يبداء لمسلح في الجزيره لاجل انتزاع حقنا المسلوب