فنانو مصر يطالبون بتجاوز الأزمة..عادل إمام يدعو لمناصرة الخضر.. ويسرا تسأل الله التوفيق

في أخبار الغراء صحيفة «الاخبار» أمس، أن نيابة أمن الدولة تبحث عن مستندات تثبت تورط بعض أعضاء الهيئة الشعبية لـ(دعم) الوحدة في اختلاسات مالية تجاوزت الاربعمائة مليون جنية…. وهذه (مغسة) إضافية تضاف للـ (المغايس) التي أصلاًس ظل يكابدها الوحدويون منذ اللحظات الاولى للتفريط في الوحدة، ولم أجد ما أعزيهم به بعد النكبة الأخيرة والتي جاءت على نسق (إنفصال وخراب ديار) غير (مداعاة) الشايقي الذي كان يهيئ نفسه للعرس وظل يكد ويجتهد على ما به من خصاصة لتجهيز لوازم هذه الليلة فاذا بحرامي يسرق أول مجهوداته وكان عبارة عن طقم ملايات من سوق (الشمش)، فما أشبه حال الوحدويون اليوم بحال ذاك الشايقي، فبينما هم يمنون النفس بالوحدة ويبحثون عنها حتى في خشوم البقر اذا ببعض أعضاء الهيئة المتوسم فيهم دعم الوحدة يفعلون فيها ما فعلوا الحرامي بملايات الشايقي.. فتعجب!!
يعيقك الله يا مجرم
وكيف اسع تصدقني
وتسرقك بطنك ان شاءالله وتخليك ديمة متألم
حضير إن شاءالله يبراكا وفلساً للجيوب يخرم
والعطش اليحرق الجوف يخلي الفقرا قايمي وقاعدي ليك تعزم
تعيقني أنا..؟.
يعيقك الله يا مجرم وبي مدفع كلاشنكوف يواليك في المسيمع عاد
يخليك لا سمع لا شوف
يجيك عميل من السوفيت مرسلو ليك قورباتشوف
شايل حقنة حارقة معاه(وهذي غير حقنة كمال عبيد) يحرق ليك قلبك وكبدك وحتى المعدة والشرشوف
تعيقني أنا ..؟
يمين بالله لو سألوك نان عميان من الاسواق..
تسوق اروتّي في ساقي تورها يقطع الخنّاق
تسوق ليك داف تدقشو ترلة في عقبة يخليك لا ضهر لا ساق
نان بالله لو سألوك ماتعرف القروش بي وين..
ناس بانية عمارات وناس راحات وناس تخزين
حكمت تجيني أنا المسكين البلقط بي قرش وقرشين
تقرشك عقرباً تلقاك فوق الريق يكون جسمك مرطب تب..
تقرشك سموم الصيف تخلي وشيك قايم حب
وِقرْشاً يبلعك يسرِع يلف بى جدة والصومال ويجيبك لينا تانى هنا
يرميك فى الرصيف بي جاى يسلب لحمك الفوقك يخليك بس عضام و عصب
تعيقني أنا ..؟
تطرشق لي برنامجاً أخطط فيهو ليّا سنين
يطرشق فيك كمبرسون يخليك انت بس ساردين
ويطرشق فيك بوتجازاً يكون جنبك صفيح بنزين
وترقد ما نشوفلنا زولاً يقولنا ماشي في تحسين
تعيقني انا ?؟
كمان تسرق ملاياتي المن كيسها ما انفكت
ولا عارف نقوشن كيف
يفكك مننا الله اليوم قبل باكر
يخليك لافّي صيف وخريف
يفك ضلعك تفارق عقلك تسك الماشي فوق عدلك
زي جملاً عشاه الزيف
تعيقني انا ?؟
نفسك فااااااتحة ترقد فوق ملاياتي ؟؟
ترقد يابا في عنبر نصيحو يشابي كايس سيدو
ترقد يابا في قبراً اعوذ ربي من هولو وعذاب سيدو
ترقد يابا في غرفة وتكون مفروشة بالصُرفة ونملها يخمو بالقفة
لا تشوف جنّة بي عينك ولا في العتبة تتعتب
عشان عملك تملّي كعب
تسرق الجيب تسوي العيب
انت حرامي ود الكلب
انت حرامي ود الكلب
انت حرامي ود الكلب

Are those responsible going to prosecuted.
Are they going to be tried and convicted under the Shariaa law.
Lastly which part of their body is going to be cut!!! liable to the Shariaa laws

قسموا السودان دارفور لتشاد والشرق لي ارتريا ونحن السودانيين نقعد نتفرج
ياسلام عليك ياكلب امريكا غريشن
لكن مابلومك لان كل الحكومات التي تعاقبت علي حكم السودان لم تتعامل مع
مسألة الحدود بجدية وخلت البلد يغزوا الوافدين عصب مشاكل السودان