المنتخب البوروندي يبدد أمال السودان في التأهل لنهائيات أمم أفريقيا للمحليين

بدد المنتخب البوروندي أمال وتطلعات مضيفه المنتخب السوداني في التأهل لنهائيات بطولة أمم أفريقيا للاعبين المحليين التي تنظمها جنوب أفريقيا في يناير عام 2014، بعدما تغلب عليه بنتيجة 4-3 بركلات الترجيح من نقطة الجزاء، في مباراة الإياب التي أقيمت مساء الأحد بإستاد المريخ بام درمان؟
وانتهت المباراة في زمنها الرسمي بتعادلهما بهدف لكل وهي نفس نتيجة مباراة الذهاب التي أقيمت بمدينة بوجمبورا.
تقدم المنتخب السوداني بهدف السبق عن طريق نادر الطيب في الشوط الأول، ومع بداية الشوط الثاني نجح المنتخب البوروندي إداراك التعادل ليحتكم الفريقان لركلات الترجيح التي ابتسمت للمنتخب البوروندي بعد أن اخفق كاريكا ورمضان عجب، رغم تصدي الحارس إيهاب زغبير الركلة الرابعة، قبل أن ينجح صاحب هدف التعادل من إحراز الهدف الرابع الذي صعد بالمنتخب البوروندي للنهائيات.
كووورة
شي طبيعى حتى لو لعبوا ضد سيدات تشاد
ألف ألف مبروك
معتصم فشل قال أمنحونا فرصة و حاسبونا !!!!!!!!!!!
قبل نديك الفرصة أحسب لينا إنجازات فترتك المنتهية يا مدمن الفشل
أمس أستاد الخرطوم كهربته قطعت و فضحتونا المباراة ألغيت لعدم وجود مولد
إحتياطي و الليلة المنتخب ودّع أمام بورندي …. بداية موفقة جدا ياخي إنتو
نحس بشكل غير طبيعي
هذه اولي احفاقات معتصم جعفر
بالغت ياتحاد ياعام كان تقطع الكهرباء !!!!
بداية ميشرة لمعتصم جعفر وفقكم الله وسدد خطاكم فريق عسكر فى الدوحة والنشاط الرياضى متوقف تماما ودرجة الحرارة 53 درجة ونسبة الرطوبة 75% الرياضة صناعة ودولارات فكيف يعقل بالفاقد التربوى من اللعيبة ان يفهموا معنى الاحتراف فى كرة القدم والوطنية اقترح احالة اللعيبة الى الدفاع الشعبى
بلد لا يستحق ان يفرح
عادي جدا … الواهمون هم من يتخيلون ان السودان سوف ينتصر … بسس وروني حاجة كويسة في السودان لا رياضة لا اقتصاد ولا سياسة ولا وطنية ولا فهم ولا تخطيط ولا كلمة لا ذاته ماعندهم المفروض نغير اسم السودان دا اسم نحس وكج ماعارف اتلصق فينا ليه والله عاوز من الحكومة دي تعمل حاجة واحدة صح ومادايرة حاجة بس تغير لينا اسم السودان جربت كل شي للتفير الا اسم السودان
ولا عزاء للسودان!!!! هو معتصم جعفر ومن هم وراءه فاضين من شراء الاصوات ومتابعة سياسة التمكين التي يتبعها المؤتمر الوطني … وبعدين قولوا لي هو مازدا ده حايستمر لمتين ؟؟ وماهو معنى الفشل في القاموس السوداني ؟؟ وآآآآآآآآآآآآآآآآآآه يابلد ماليها وجيع
لو ما اتغلبتو ما بتكونو سودانين لان هذا هو حال الكرة السودانية التعيسة مرض
لن تقوم لهذه البلد قائمه في مجال لارياضه ولاثقافه ولاتعليم ولاصناعه ولازراعه في ظل حكم الانقاذ
نحن قنعنا من اي انجاز في ظل حكم الانقاذ واذيالهم ناس معتصم جعفر
لا يستقيم الظل والعود أعوج
بلد كل شئ فيه غلط
بلد تموت فيه الأسد جوعا بينما تأكل الكلاب لحم الضان
سيدات تشاد اقوي منك ومن منتخبك الممهلل دايما ضربات الحظ تكون مع الفريق ذو الذهن الحاضر حظا اوفر المرة القادمة
متعودة دايماً
هل في واحد كان متوقع السودان يفوز وكيف يفوز وفي نفس يوم فوز الاتحاد السابق قطعت الكهرباء عن استاد الخرطوم تخيل نحن في القرن الواحد وعشين تقطع الكهرباء ولا يوجد مولد كهرباء سعره اقل من فاتوره تلفون عضو واحد من الاتحاد وانا متاكد المبالغ التي صرفت ابتهاجا بفوزهم في الانتخابات تساوي 10 مولدات الا رحم الله السودان فشل في كل شيئ الا الرقص سبحان الله وبرضو هي لله هي لله لا للسلطه ولا للجاه نسال الله الخلاص
مادام معتصم جعفر على رئاسة الاتحاد شى طبيعى الهزيمه حتى ولو من سيدات جنوب السودان انت تاجر ومجدى شمس الدين واسامه جميعكم لن تقدموا للرياضه لا اليوم ولا غدا
عادي..
الف مبروك..بفوز معتصم ومجدي واسامه والطريفي..
مربع الفشل..حواء السودان خلاص عقرت تب..لا يوجد
في السودان غير شداد ومعتصم جعفر؟..
و الله يا جماعة ما بقى عندنا مرارة عشان تنفقع ارحمونا يا جماعة ما عارف الاتحاد العام من اربعة سنوات عمل شنو انجاز للسودان عشان دكتور تزوير دا يقول دعونا نعمل و حاسبونا بعد العمل ياخي قوم لف و ربي غير ما نمشي وراء بسرعة الف ما نمشي قدام بوصة واحدة فالحين بس زيما قال اخونا المعلق ابو احمد هم فاضين من شراء الاصوات ياخي الاختشوا ماتو بس لما يكون جلدك جلد فيل ما يهمك تاخد على ضهرك و لا يهمك .. ياخوانا ارحمونا و ربي لو اي مشجع مسك الاتحاد دا لجاب لينا الف بطولة حليل البلد الرئيسها رقاص و لو كان رب البيت بالدف ضاربا فشيمة اهل البيت كلهم الرقص ريسنا رقاص عاوزين النتيجة تكون شنو اهو سجم في سجم كدا .. العيب ياخوان ما في مازدا ولا غيرو و الله لو جابوا احسن مدرب في العالم ما يعمل من الفسيخ شربات .. يا دكتور معتصم حل عن سمانا و غور في ستين داهية داهية تاخدك انتو الانقاذ ..
هههههههههههههههههاء
يا ما أنت كريم يا رب
للأمانة والتاريخ كل من شاهد نهائى مونديال أوروبا للسيدات بين المانيا والنرويخ كيف تألقت سيدات ألمانيا على الرغم من القوة والصلابة التى واجهنها من قبل سيدات النرويج وفى الختام توجت الألمانيات جهدهن بكأس البطولة ، وان من شاهد هذه المباراة يحلف ويجزم إننا نحن نتهجم على كرة القدم ونعترف ونقر بأن الكرة عندنا هنا تدار بالمزاج وهذا اللاعب قريب فلان وذاك ود فلان لذا فلنقرأ الفاتحة على حال كرتنا ؟
شطبنا من قاموسنا حاجه اسمها كاس العالم ..؟؟..ونسينا كاس الامم ..وصعبت علينا سيكافا ..؟؟..واليوم تمنعت علينا حتى بطولة المحليين ..؟؟!!
بلد ياكل الربا والسحت وياكل اموال اليتامى والمساكين وحجاج بيت الله ويقتل فيه الناس بلا اسباب وبلا رحمة..؟؟..فكيف تستقيم امورها ..؟؟
حرام عليك تهين سيدات تشاد، والله بطريقتك تبقى رجل أفريقيا المريض، يا ربي نقول الحكاية دي من شنو؟؟
عليك اللة الناس ديل ما مجانين هى ناقصة كورة الناس جيعانة جيعااااااااااااااااااانة ى عالم اصحو الكورة فضلة البطن
ده شئ طبيعي وكورتنا دي حدها الدوري المحلي واعتبر المشاركات الخارجية تبديد للقروش ع الفاضي الكورة حالها حال كل شئ متدهور ومنهار في الوطن ابتداء من الحكومة وانت نازل يعني جات على الكورة والفشل فيها ما نحن ادمنا الفشل وأصبح الفشل صديقنا الذي لايفارقنا
ياجماعة ماتزعلو الهزيمة شي طبيعي جدا في عهد هؤلاء ( ناس شيلني واشيلك) وهم عارفين الكلام وحتي لو فاز المنتخب …… الم تلاحظو الفضائح في الزي الرسمي لمنتخب السودان (فانلة مهند عليها اسمه و…. فانلة كوكو لا يوجد اسم عليها …. و فنايل باقي الفريق عليها اسم السودان الذي تمرمط في عهد هؤلاء ) ياخي حرام عليكم هناك روابط ناشئين بتلبس احسن من المنتخب القومي … وانتو المال تضيعوه في التلفونات والعصائر والنسكافي … والله العظيم ماقادر اكتب …..يلا بلا لمة ..
والله الزول بطنو طمت وبقي من كترة الفشل الكروي الي الفشل السياسي الي الفشل الاعلامي الي الفشل في كلو شي كانت الكورة هي البتفرح لكن هي زاتها بقت تجيب وجع القلب عشان الشغل كلو ذي الطين وبلد تدار بالواسطة والجهوية .كدي الهزيمه نخليها ما نتكلم فيها شوف فضيحة الفنائل كل واحدة من بلد التقول اي لاعب جائي لابسها من بيتو .وما زالت متواليه هزائم ماذدا متواصلة بعد الهزيمة من اثيوبيا والخروج من الكان وبرضو المسلسل مدور ولا حياة لمن تنادي بلدا مافيها تمساح يقدل فيها الورل