ادوارد لينو : الترتيبات جارية على قدم وساق لاستفتاء أبيي في اكتوبر
أبيي الآن : جوبا
كتب : شول كات ميول
كشف ادوارد لينو ابيي ان الاستفتاء قائم فى موعده المضروب فى اكتوبر المقبل وان الترتيبات جارية على قدم وساق ، واكد لــ ” أبيي الآن ” ان مايقوم به الفهيم من تصريحات فضفاضة لا اساس له من الصحة واضاف ان الاتحاد الافريقى تبرأ تماماً من تصريحات الخير الفهيم واضاف لينو ان ماقاله الفهيم اذا كان صحيحاً كان علي الآلية الافريقية ان يصدر بياناً يؤكد زعمه .
وكان مركز ” SMC ” المقرب من المخابرات السودانية نشرت خبراَ مقتضباً نسبَه للخير الفهيم رئيس اجوك من جانب السودان مفاده إن المندوب الأفريقي أبلغه أنه بحث قضية «أبيي» مع رئيس اللجنة رفيعة المستوى «ثامبو أمبيكى» الذي رفض قيام استفتاء في المنطقة من طرف واحد،
ويجرى فى جوبا وولايات بحر الغزال الترتيبات النهائية لعودة مواطنى الدينكا نقوك الى الإقليم توطئة للاستفتاء فى اكتوبر المقبل .
وكانت سيدات اقليم ابيي شاركن الشرطة المجتمعية حملة حرق الخمور المستوردة ومحاربة الخمور المحلية لخلق بيئة هادئة من ضمن استعدادت محلية للاستفتاء .
وعلى صعيد متصل أعلن وزير الإعلام «مايكل ماكوي» منح كل العاملين في الوزارة من مواطني منطقة أبيي إجازة رسمية، يمنحوا خلالها رواتبهم وكل مستحقاتهم، للسماح لهم للاستعداد للمشاركة في الاستفتاء في أكتوبر المقبل، مؤكداً أن حكومة جنوب السودان تؤازرهم وتقف من خلفهم.
وأكد الوزير لدى لقائه بعمال الوزارة من اقليم أبيي ، أن رواتبهم وكل مخصصاتهم ستستمر بصورة عادية، داعياً إياهم للعمل بقوة في عملية التعبئة (من أجل الحصول على نتائج مرضية ) .
ياعووضة اقفل البلف دا خرق للمصفوفة المقصوفة
الكلام ده انتو قاصدين بيهو انو ابيي جنوبية ولا شنو
ديل ما بيجيبوها البر – اساسا” عدم حسم القضية قبل الاستفتاء خطأ كبير
والله البسمع عن ابيي بتخيل بانها ولاية كلفورنيا…اها قول تبعوها الشمال ولا الجنوب ها يغيروا جغرافيتها ويخلوها حدود مع هوكايدو اليابانية مثلا,بالله ما تحرقوا مرارتنا بفارغاتكم دي..خلو المسيرية والدينكا يعيشوا حياتهم زي اول بدون تدخلات سياسية
انا واثق ان شاء الله ان السودان سيعود موحدا عملاقا ول كره اعدءه
هي ابيي اصلها شوكة حوت لابتنبلع لاتفوت كدي خلوها علي جنب مثلث حلايب عملو عليهو شنو استفتاولاخلوه بالنية عشان اخواتنا المصريين مايزعلو
ابيي جنوبية مية المية, بالله فهموا الفهيم كان بيفهم.
ياجماعة الفهيم ما فاهم الموضوع ما وقع ليهو
بعدين عمك ده اظنه داير يلقط ليهو مصاريف من مسألة ابيي دي وبعدين تجي زي ماتجي يقول ليكم الجنوبيون غدروا بينا زي ماقال والي الخرطوم حول انفصال الجنوب الجنوبيين خدعونا
الوحدة الجاذبة كانت الحكومة بتفتكر بمجرد ما منحت قادة الحركة الشعبية الوظائف ذات العائد الملياري والسيارات والفلل والدولارات حينسوا المواضيع التانية لان الكل يرى الناس بمنظاره ولكن الجنوبيون فهموها فاخذوا البترول بجنوبه تحت ولو تحت عباءة اسرائيل لانه شافوا اسرائيل افضل من المندكورو ابو 2 عمة واحدة في الراس وواحدة في الكتف حسب ما قال جون قرنق
أبيي يا ادور يا لينو يالين ما تفتكر موضوعها بالسهولة الانت متخيلها تكبر وعنجه وقلة ادب في برتكولات موقعة والعالم كله شهد عليها وهي نفس البرتكولات التي ادت لفصل الجنوب يعني لازم تلتزم بها او سيد عوض يقفل البلف الي يوم يبعثون وابيي حلمك فيها عشم ابليس في الجنة وكل الشعب السوداني الان في قلب ابيي والرهيفة التنقدة ……