أخبار السودان
تحالف قوي الإجماع الوطني والجبهة الثورية يوقعان على الإعلان السياسي المقترح من الجبهة الثورية في 21 اكتوبر
قال رئيس تحالف قوي الإجماع الوطني فاروق أبو عيسي، إنهم بصدد التوقيع علي الاعلان السياسي والمقترح الذي قدمته الجبهة الثورية السودانية بشان المرحلة ما بعد اسقاط نظام المؤتمر الوطني.
واضاف فاروق أبو عيسي في تصريح لسودان راديو سيرفس يوم الاثنين من الخرطوم، ان التوقيع علي هذا الاعلان سيكون في الحادي والعشرون من هذا الشهر تزامنا مع ذكري اكتوبر وقال “الناس سيحتفلون بيوم “21” أكتوبر وفيه سيوقعون علي ميثاق انتقالي لفترة ما بعد حكومة الإنقاذ، وعلي الإعلان السياسي المقترح من الجبهة الثورية كإعلان للثورة، سيوقع زعماء الاحزاب عليه جميعاً في احتقال سنقيمه في 21 أكتوبر”.
سودان راديو سيرفس
وبعدين يا ابو عيسي .احسن تمشي تحج زي عمر البشير لان نهايتكم الاثنين قريت
الاولى أن يتم إسقاط النظام
يا إخوانا ناس المعارضة ديل غير رفع الضغط ما بعملوا حاجة تانية.. هم دورهم كان شنو في الاحتجاجات الاخيرة. ما طلعوا مع الناس و عدوها كلها اجتماعات لم تكن لها قائمة. و بعدين دي شنو “ما بعد فترة الإنقاذ”.. !!!!. مفروض يكون الاجتماع كيفية إسقاط هذا النظام لانه النظام لسه قاعد و شكله حيقعد الي يوم يبعثون
قسما قسما يا أكتوبر نجمي شعارك
نجني ثمارك
نرفع راية الثورة الغالية
عالية ترفرف فوق السارية
عليها شعار الثورة الأكبر
ماك هوين سهل قيادك
سيد نفسك مين أسيادك
ديل أولاد وديك أمجادك
ونيكلك هيلك جرى قدامك
تحت أقدامك رجع صداك وسجع نحاسك
أكتوبر الممهور بالدم
صباح الخير أهلا مساء النور
حتما سيعود أكتوبر بعد كل هذه الدماء القانية التي روت شوارع وأصقاع بلادنا
لن تضيع أرواح الشهداء سدى، فقد سطروا لنا بداية طريق ستنتهي بإذن الله بكنس بني كوز وأعوانهم نهائيا من خريطة وطننا وسنتخلص من لفظ “شيخ” وشيوخ بالثوب الكيزاني وسيكون الشيخ هو الشيخ المعروف في خلوته ومسيده يعلم القرآن ويحي حلقات الذكر بعيدا عن بريق السلطة وشيطان الفلوس.
وسيكون شعار أكتوبر 2013م القصاص بالرصاص ومن أين لك هذا والكل معروف قبل الإنقاذ أين كان ومع الإنقاذ أين وصل. وكل الهاربين سنطالب بتسليمهم وإعادة الأموال التي سرقوها لشعبنا وستتكون لجان من القانونيين والمحققين والاقتصاديين لتقصي كل استثمارات الكيزان في الخارج لتسجيلها باسم الشعب السوداني.
يجب اعادة هيكلة قوى الاجماع الوطتي ليواكب المرحلة القادمة ودمتم
العمل…..العمل…..العمل…..العمل
نحن 21 اكتوبر كنا عايزين دفن الاخوان في مفابر حمد النيل انتو لسع حا توقعو
21 اكتوبر الشعب كلو حا يكون في الشارع باذن الله
حرام عليكم .. مرادنا نحتفل في 21 اكتوبر بثمرة ثورة 23 سبتمبر بكنس طاغوت الانقاذ …
و يصبح العيد عيدين .. قوموا الي جهادكم يرحمكم الله و كفانا توقيعات …
*** مع انو قوى الاجماع الوطنى كلها الا حزبين بالاسم( نطو) من وثيقة (كمبالا) الوقعوها مع الجبهة الثورية بمجرد وصولهم الخرطوم…خايفين ؟؟؟طيب ماهو شباب زى الورد وقف وصمد واتحداهم واستشهد منهم أكثر من 200!!!انتو ماناس حارة…لعلعة فى الفاضى دلوقت جايين تسترزقو وتتاجرو بأرواح الشهداء لما عرفتو انو الموجة جارفة وحتصل حتصل…جيتو جارين راجعين!!!خزلتو الناس الله يخزلكم!!سيكون يوم 21 أكتوبر يوما مشهودا…أول أيام الدراسة بالمدارس والجامعات…يوم مشهود…حضرو حالكم من هسع ياتحالف وكفاية بكا على حائط الأزهرى…يامعانا…يامع الاسلام السياسى…وينك ياسيسينا…وينك…تلم طرف البلد المشتت…وتموقف الحروب العبثية والتناطح القبلى ويشعر الناس بهيبة الدولة وهى ثضرب بكل قوة على جماعة (المرشد) وأذنابهم من الطائفية البغيضة…نريد عسكريا حازما..أحزاب هرمة…وأجيال مابعد 89 تحتاج لرعاية…فترة انتقالية لاتقل عن 5 سنوات لأن حرامية الانتفاضات جاهزين…لانحتاج الى ديمقراطية من أحزاب لاتفقه الديمقراطية…نحن بحاجة الى …وطن…مابعد قبر الاسلام السياسى والطائفية…وينك ياسيسينا…تحقن الدماء…وينك!!!
قالوا حينما اتي المرحوم نميري الي السلطة اتجه قادة الاحزاب المعارضة الي فكي مشهور جدا
قالوا ليه يا فكي كده شوف لينا نميري سوف يحكم كم سنة؟ اخونا الفكي رمي الودع ، وقال ليهم الرئيس نميري سوف يحكم 16 عام فقط – وفعلا حكم الرجال 16 عام فقط.
وحينما اتي البشير الي السلطة اتجه ايضا قادة الاحزاب المعارضة لنفس الفكي وطالبوه ان يشوف ليهم كم سنة سوف يظل نظام البشير حاكما: اخونا الفكي رمي الودع للمرة الاولي والثانية والثالثة ثم رد علي قادة المعارضة قائلا والله انا برمي الودع العدد 6 ثابت لكن الواحد متحرك مرة بالشمال ومرة باليمين.
طبعا نحن تجاوزنا 16 سنة والله يستر من 61 سنة
وجهت نظري في الخلاص من الكيزان هي تطور الجبهة الثورية لنفسها وان تصحي من النوم العميق الحالي دا وتبدا في الاستيلا علي المدن مدينة تلو الاخري الي ان تصل الخرطوم وحينها يجب تشكيل حكومة انتقالية تضم جميع الوان الطيف السياسي في السودان تمهيدا لانتخابات نزيهة وبتالي اري ان نظام الحكومة الحالية دموية لا يسطيع التوقيع علي اعلان سياسي او مظاهرات شعبية ضخمة في تخليصنا منها والناس ديل برنامجهم واحد كما صرح القائد العسكري بمدينة نيالا لا بنعرف حقوق انسان ولا جن احمر وافراد الشرطة والامن لا يستطيعون استخدام الرصاص الحي ضد المتظاهرين بدون اشارة خضراء من قادتهم
21 اكتوبر 2013 م نهاية وبداية تلك الحقبة السوداء نريد ان يكرر التاريخ نفسة وبطريقتكم السلحفائية لن نصل لنتيجة وندور في حلقات مفرغة بين توقيعات واجتماعات لا اخفي عليكم انا قنعان من خيرا فيكم لو كان هذا اسلوبكم تصريحات قيادات اصبحت بلا معني بل محبطة لاسر تلك الشموع التي استشهدت من قتل بالسيف يموت بحد السيف هو ما نريده
فليكن يوم غدا ان لانعود الى منازلنا بعد صلاة العيدإلا بعدسقوط النظام,ونواصل حتى 21102013.والله الموفق وكل الناس ترفع الاكف بنية خالصة ثلاثة ايام متتالية فى هذا العيد وتقبل منا يا الله آمين يارب.
مافيش حاجة معطلة ثورتنا غير قوي الازعان الوطني و الصادق و الميرغني ..
توقيعات .. اجتماعات .. تنديد .. استنكار .. و عشاء علي مائدة المؤتمر الوثني ..
كم الف مرة وقعتوا !!!!!!!!!!!!!!!!!
اعتقد ان هذا الاعلان مقصود منه امتصاص غضب الشارع و اختزاله في مظاهر احتفالية و الغرض بالطبع كما درجت احزاب القصر و التوالي تمديد عمر نظام الكيزان
خليكم في توقيعاتكم الشارع فاتكم و مع السلامة
انتم شاركتم في مؤسساتت النظام وقيضتم الثمن – رواتب و امتيازات – و هذا يعني اعترافكم به و يعني مساندتكم له
اخوتي علينا اولا بكنس اثار تجار الدين و التاكد من ذلك بكل حرص ثم نتوجه بثقلنا كله لدك حصون ما يسمون بالمعارضة لانهم الخطر الثاني بعد تجار الدين يعني معادلة السودان الجديد بما تحمله الكلمة من معاني يجب ان تكون خالية من الخطرين تجار الدين والمعارضة
نسمع جعجعه ولا نري طحينا …. ماذا تفيد التوقيعات يا رجل ؟ اتتكم الفرصه علي طبق من ذهب لم تتحركو واعلنتم بانه تم منعكم من الاجتماع بمنزل الزعيم الازهري …. ! حتي الصادق المهدي لم تستطيعوا استمالته لتحالفكم رغم ان حزبه موقع معكم واتته الفرصه عند احتفاله باكتوبر
الشعب الصابر شبع كذبا من الانقاذ ومن معارضتكم ولا امل
اتركوا الجبهة الثوريه فلا زآلت هي الامل المرتجي
ههههههههههههههههههههههههههه الجبهة الثورية هههههه احماع وطني هههههههه بصراحة البشير وكلابه هم من يفعلون ولايتحدثون اما المعارضة كلها هههههههههههههههههههههههههههههههه
والنشطاء السياسيين والصحفيين الما عندهم أحزاب والشباب الخرجوا في المظاهرات عايزين تاكلوا حقهم؟؟؟
يوم 21/ اكتوبر موعدنا … ثورة حتي النصر …
الجوغ افجعنا
والكذب اوجعنا
والرصاص لن يرهبنا
التجمعات في بحري شارع شمبات .. الدروشاب سوق الاحد … والخرطوم الديم شارع الصحافة زلط… والكلاكلة…. سوق اللفة وبري شارع المعرض…. وامبدا محطة ود البشير… والثورة شارع الوادي … وشرق النيل ميدان المولد … وانطلاق الثورة الساعة الثامنة الاربعا …
الرجاء ثورة سلمية .. دع صعاليك الامن هم من يحرقوا ويقتلواكما فعلوا في الجولة الاولي
التوجه وفق خطة المنشورات الصادرة من مجموعة ثورة شباب السودان …
لا معارضة ولا دناصورات حزبي الامة والاتحادي ولا تعتمدوا علي مذكرات خاوية المضامن من ابو دقن …………….
المرحلة الليلية احتلال شارع المطار .. حتي لايحاول فلول النظام الهروب
الكذب والضلال يبدأ من اسمك. عيسى عليه السلام لا أب له هو كلمة الله قال أبو عيسى قال. المرة دى أحسن تلم كل معارضتكم الخايبة وتشوفوا ليكم حنانة تحننكم وأمشوا ألزموا بيوتكم. هذه المرة ستكون الثورة محمية- بمعنى اخر لا مجال لكل الذين مارسوا فينا العهر السياسى. كفاية أجهضتم ثورتين وأثبتم بما لا يدع مجالا للشك أن لا خير فيكم.
بس ناقصكم توزعوا تذاكر تحرير زي حبيبنا الامام ..
الجبهة الثورية حلم الجميع لا تدنثوها وأح>روا الجراثيم السرطانية
زول ما قعد في كوش-الاقليم الشمالي- بين الاثار العريقة..ما بعرف قيمة السودان وزول ما بعرف قيمة السودان ما بعرف قيمة الجنوبيين الذين ادرجو هذه الحضارة في سلامهم الوطني وزول ما بعرف قيمة وذكاء الجنوبيين ما بقدر اتفاقية نيفاشا..وزول ما عرف قيمة نيفاشا غير مؤهل لحكم السودان الان ومستقبلا
والعايز يعرف قيمة نيفاشا يقرا كتاب منصور خالد(تكاثر الزعازع وتناقص الاوتاد) او يقرا الاتفاقية شخصيا ويقيما مع الدستور الانتقالي ..بعدين يجي يدعي الوصاية على الناس…ويخترع لينا حاجة احسن منها…