اتفاق صلح بين كبر وهلال غضون ايام بالضعين
البرلمان: خالد الفكي
اماطت قيادات بشرق دارفور عن قيادة والي الولاية د. عبدالحميد موسي كاشا اللثام عن مبادرة لطي الخلاف بين والي شمال دارفور عثمان محمد يوسف كبر وزعيم قبيلة المحاميد موسي هلال، وقال النائب البرلماني عن دوائر الضعين محمود موسي مادبو – بان وفد الرزيقات بقيادة الناظر موسي مادبو الذى التقي والي شمال دارفور عثمان محمد يوسف كبر وزعيم المحاميد موسي هلال ، كلا على حد بمقر اقامتهما بالفاشر وكبكابية وجد تفويضاً كاملاً من الشيخ هلال واستجابة كبيرة من الوالي كبر ، جازماً بان توقيع الصلح بين الطرفين مسألة وقت ليس الا، بالمقابل استحسن عضو الهئية التشريعية لنواب شرق دارفور عبدالجبار عبدالله حسين جهود ناظر عموم الرزيقات موسي مادبو ورجالات الادارة الاهلية لمقابلة لانهاء الخصامة بين الرجلين، كاشفا عن توقيع الصلح غضون الايام المقبلة بحاضرة شرق دارفور الضعين ، مثمناً مسعي قيادات الرزيقات للتوفيق بين هلال وكبر واعادة المياه الى مجاريه.
الاهرام اليوم
عايزين تلموا المنحوس على خائب الرجاء والله اخر زمان انشاء الله ما اتلموا طول عمرهم والله يرفق بيناتم ياناس انتو ماعندكم شغل والله شنو
يتحرقوا الاتنين
انتو الجماعة ديل بيلعبوا فى مريخ الفاشر ولا وين؟؟؟؟
وما تقولوا لى ديل سياسيين لانى ما بصدقكم ترا لا لا ما بصدقكم زى ما بيقول المطرب عثمان حسين عليه رحمة الله!!!!!!!!!!!!!!!!!!
يعني شنو
سفاحين وحرامية تتصالحو في شنو
ربنا لا تلم شمل هؤلاء السفاحين المغضوب عليهم
هو الحاصل شنو وهل هو أتفاقية جديدة لجرائم في دارفور ام صلح لخلاف في مصالحهم
ربنا يهون
الشئ المضحـك المبكى انه غـرب السودان كله بدون فرز اصـبح ما عـنده شـغلة خلا ف مؤتمرات الصلح بين القبائل وتارة بين الفصائل والحركات وتارة بين الولاة وتارة بين شيوخ القبائل فى ما بينهم وتارة بين الأحزاب الخ …. والله نحن شعـب ضحكـت عـليه الأمم.
من موسى هلال وبصفتة شنو هل هو زعيم قبيله ام زعيم معارضه اذا كان زعيم قبيله منذا متى كانت هنالك خلافات بين القبائل والحكومه واذا كان زعيم معارضه هل هو معارضا للحكومه ام لحكومة شمال دارفور ام لكبر نفسه وهذه تفاهات من الحكومه ومليشياتها وكلهم وساخه فى وساخه اللهم ارنا فى هذه الحكومه ومليشياتها وكل من يقف خلفها يوم اسوداً كيوم الطاغيه فرعون واعوانه اللهم اليك بهؤلاء القتله السفله واعوانهم حتما ستشرق شمس الحريه