وزير المالية يطالب بخفض الولايات لــ(6) عوضاً عن (16) ولاية وتقليل الصرف وهيكلة الدولة

اول مرة اسمعك تقول كلمة اوافقك فيها تخفيض الولايات الي ستة
بس هذه الخطوه لن يوافق عليها المؤتمرجيه
السودان كان يدار بعدد 26 شخص في السابق وكان ميه ميه
اما انت يا وزير ماليتنا يا ديك العده اضرب في البيتزا دي لما تخنق و تموت ونرتاح منك يا متخلف

** كان الفكر الجمهوري.. سباقاً في مسألة تقسيم السودان الي (5) ولايات والسادسة العاصمة القومية الخرطوم.. أقرأ الدستور المقترح من الحزب الجمهوري العام 1955 أي قبل إستقلال السودان… في الاول من يناير 1956.. أنظر مايلي: (إقتباس من دستور الحزب الجمهوري حينها برئاسة الأستاذ المفكر الشهيد محمود محمد طه..

الفصل الأول
أساس الجمهورية السودانية

ان اهتمامنا بالفرد يجعلنا نتجه، من الوهلة الأولي، إلى اشراكه في حكم نفسه بكل وسيلة، والي تمكينه من أن يخدم نفسه ومجموعته في جميع المرافق، التشريعية والتنفيذية والقضائية وذلك بتشجيع الحكم الذاتي، والنظام التعاوني ولما كان السودان قطرا شاسعا وبدائيا فان ادارته من مركزية واحدة غير ميسورة، هذا بالاضافة إلى ما تفوته المركزية على الأفراد من فرص التحرر والترقي والتقدم، بخدمة أنفسهم ومجموعتهم، ولذلك فانا نقترح أن يقسم السودان إلى خمس ولايات:-
1- الولاية الوسطي
2- الولاية الشمالية
3- الولاية الشرقية
4- الولاية الغربية
5- الولاية الجنوبية
ثم تقسم كل ولاية من هذه الولايات الخمس إلى مقاطعتين وتمنح كل ولاية حكما ذاتيا يتوقف مقداره على مستواها ومقدرتها على ممارسته، على أن تعمل الحكومة المركزية، من الوهلة الأولي، على اعانة كل ولاية لتتأهل لممارسة الحكم الذاتي الكامل، في أقرب فرصة، وأن تمنحها سلطات أكثر نحو كل ما بدا استعدادها ويقوم الحكم الذاتي في كل ولاية على قاعدة اساسية من مجالس القرى ومجالس المدن ومجالس المقاطعات ومجالس الولايات حتى ينتهي الشكل الهرمي بالحكومة المركزية التي تسيطر على اتحاد الولايات الخمس، وتقويه، وتنسقه بسيادة القانون لمصلحة الأمن والرخاء في سائر القطر، وفيما عدا حالات الضرورة لا تتدخل حكومة الولاية في شؤون المقاطعة ولا حكومة المقاطعة، في شئوون المدينة ولا المدينة في شئون القرية، كما لا تتدخل الحكومة المركزية في شؤون الولايات التي يجب أن تمارس كل السلطات التي يلقيها عليها ذلك المقدار من الحكم الذاتي الذي تمارسه، الا أن يكون تدخلا لضرورة الارشاد والاعانة، حتى اذا ما نشأت مسائل في نطاق غير حكومة واحدة أمكن وضع نظام مشترك فالتعليم، مثلا، يقع نظامه تحت تشريع كل ولاية على حده، ولكن الحكومة المركزية تساعد الولايات في التعليم بالتنسيق والارشاد وبالهبات المالية، لأنه يهم الأمة جمعاء، كما يهم كل ولاية على حدة، وكذلك الأمر فيما يتعلق بالصحة والتنظيم وبترقية حياة الناس من جميع وجوهها. وسيكون نظام كل حكومة ابتداء من حكومة القرية فصاعدا على غرار النظام الديمقراطي، الذي يكوَن الحكومة المركزية في القمة، من دستور مكتوب، وهيئة تشريعية وهيئة تنفيذية وهيئة قضائية، والغرض من هذا تربية أفراد الشعب تربية ديمقراطية، سليمة وموحدة في جميع مستوياتهم العلمية وبيئاتهم الاجتماعية.

ترعه
تكلف

500 مليون دولار؟

اجي؟

مشروع الجزيره الجاهز كان محتاج 150 مليون دولار لتطويره
ابيتو تدفعوها وسرقتوه
عشان سد مروي الفاشل وفي الصحرا كمان؟؟؟؟ لا وبي الدين الطويل!!!!

الاحسن يقوم بتخفيض الشعب هو الاقرب للمعادلة الرياضية في التحكم بالميزانية
الولايات لو خفضوها أم زادوها ماهي نفس التكلفة نحن عارفين كثرة الوزراء الولائيين ومصروفات ووزاراتهم الكثيرة ولكن هذا لا يعادل شنطة ملايين واحدة خرجت ام تخرج يوميا خارج البلاد ياوزير يا شاطر ما القروش دي بتخرج قدامك عينك يا وزير .. يا تاجر وأخرها الصرة والصورة القدام اخوك البضحك أعلاة ما هو شيخ المهربين ولة أنت ما بتعرف تقرأ
ما ناس الراكوبة ديل عباقرة في تصليح خططك أقرأ لهم شوية ولة ما قريت محتمل تكون وزير تجارة مزور زي الاطباء البقبضوهم الييومين ديل كل ساعة قابضين طبيب وكما صاحب رتبة عالية وشغال من سنيين بطهر بعالج في الشعب

بعد الفشل الكبير لهذا الوزير برضو وبعد الحصل ده كلو عندو اقتراج ؟

نان مالو يا على يا الجدك عبد الرسول..انشاءالله تسووهن “اربعه” .. مكلمنا نحن فى شنو؟ انت موش فى الأكومه .. وامين بيت مالا والبتصرف على عيالا!! بس انّسالك .. مين حيعلّق الجرس على رقبة الكديس .. مين اللى حيتكلّم محل ما مفروض الكلام يتقال؟ متين يقتنعو ليك المفروض يتخذو قرار بما تفتقت عنه عبقريتك اخيرا؟ بس “بسحروك” على شطارتك !!”وبسألوك اخوانك سؤال “الملكين” كان فى الحركه اوفى مجلس الشورى او ناس القصر..(طبعا البرلمان ما محتاج يدّخل من زمان ادى القرين لايت ونام وشبع نوم)..السؤال اللى حينطرح ليك: اها الجماعه اللى حيفقدو “شطور رضاعتن الزمن دا كوللو نعمل فيهم شنو؟ انت قايلم زى الكانو شغالين قبال من نشقلبا عليهم ونشيل منهم الحكم ونجيبك انت تتحكر فى كرسيا قعدو علبهو ناسا ما كنت بتحلم تشوفن شوف .. اعمامك الكانو بسدوها عين الشمش .. كان ابراهيم احمد او مامون بحيرى او ود الشريف (الرايو كامل من يومو) الله يرحمن ويغفرلهم.. الشغالين الحسأ ديل فى الولايات الداير تنقصا وعايزن يفقدو ارزاقن ديل انت قايلن زى ناس زمان مساكين .. ديل ناقشين وحاذقين كوول انواع اللف والدوران وألأفك والضحك على الدقون !! امال نحن كنا ينعلم فيهم شنو الزمن دا كوولو وليه؟ ما اياهم النحن علمناك معاهم وجبناك تغدق عليهم وتفتح ليهم كوول أبواب ألأرتزاق حلالو وحرامو.. موش هم الماسكين لينا التور من قرونو ونحن “وانت اولنا” بنحلب فيهو ونرضع فى البقر المحرسّنو ليهم.. هوى يا ود محمود دا ما لعب عيال.. ارع بقيدك.. انت الليله بايت وين ؟ اوليه ولآ وسطى ولا ثانويه ..حصل نفسك بالمرحله الجامعيه ان فيك باقى نفس للمحاضرات والسمينارات .. ولآ والله نحفّظك “سورة البقره” بالمقلوب.. قال تخفيض ولايات قال .. تخفيض الولايات دا ما بتم ألأ كان تشوف حلمة اضانك (موش فى المنضره) دا اقرب منّو ليك انك تقعد بشهادة ألأوليه!!! اما انك فاقد مرتكزات وتحتاج الى اعادة صياغه!!بس خلّى نافع يرجع بالسلامه عشان “يلحّسك كوعك”

زير امالية ده بيذكرنى الميكانيكى الفاشل ينظر فى الهواء

خطوة لمحاربة الترهل الاداري .

يعملوا ترعة مروي و يستصلحوا الاراضي و يجيبو تقاوي فاسده . مشروع الجزيره كفايه

النرويج قبل عشرة سنوات كان عندها وزير مالية فاشل جدا ذي حقنا دة . كان عنده 6 مليارد ما عرف يوديها وين . قال حيستوعبها شوية شوية علشان ما تعمل هزة وترفع الاسعار لانه البيتسا بي 25 دولار وصندوق السجلير بي 9 دولار وقزازة الموية بي 3دولار . والناس اطمنت .
بس في نهاية السنة الملياردات بقت اكتر من اربعين مليارد فائض . وانتو قايلين الفشل ده عندنا برانا

الله انا نسال اللطف بنا يا رب العالمين من هؤلاء الانجاس المناكيد تجار الدين

يا ود محمود انت خلاص ماشى الجماعة دول تانى بيسمعوك, باى باى, افتح ليك محل لبيع البيدزا و الهود دوك (كلب)

دا انسحاب تكتيكي

زي ما قال نميري الغنى غنى والما غنى يركب ….

الناس ديل نشفوها وجضوها وبقوا يخارجوا في بعضهم