لقاء غازي في الدوحة …الحقيقة الغائبة!

– من سرب الحديث لشئ في نفسه،الى طرف ثاني///// لايحتاج الي اجتهاد لمعرفة ما في نفس من سرب الحديث فهو لا شك من ملاعين الانقاذ للتشوية والتشويش

والله انت واللي اجتمعوا معاك مفلسين أكثر من غازي انت والمعاك مفلسين أكثر من غازي

اذا انت ليس مع محاكمة عمر البشير ومع قيام دولة دينية
طيب المطلعك شنو من المؤتمر الوطني بعد ربع قرن ؟
او انضم الى حزب الامة او الاتحادي الديمقراطي او منبر الطيب مصطفى
ديل كلهم ما دايرين محاكمة البشير ودايرين دولة دينية.

يا دكتور جهاز الامن منتظرك منتظرك ابقى راجل
والنكران لا يفيدك على الاقل تذوق طعم بيوت الاشباح التي كنت تسمع بها طيلة ربع قرن.
وانت تستمتع برواتب يدفعها الشعب السوداني وانت جالس تفكر للنظام في كيف يمكن ان يوصلنا الى هذا الحال
وبرضك تقول ما داير تعتذر؟

اقيف وقفة رجال ودافع عن رأيك مثل الرجال
الم تسمع برجل اسمه محمود محمد طه ؟

*********
سؤال اخير.. لماذا اصرار “المعارضة الاسلامية” على المرور بالدوحة قبل كل العواصم العربية؟
**************
لتقديم فروض الولاء والطاعة لبرميل (البترول) ولنيل البركة من شيخ الضلال القرضاوي و كذلك التمويل من المنظمة الماسونية
****
غازي باختصار هو امتداد لدولة المشروع الحضاري باسم الاصلاح الان لاطالة عمر الحركة اللا اسلامية
*************

دا خط رجعه سيعود علي اعتبار ان الاصلاح قد تم بأبعاد علي عثمان ونافع

ما فارقة معانا يا فيصل حضرة
وطالما نصبت نفسك محاميا لغازي صلاح الدين يعني ان هنالك صداقة او معرفه يجمعك بهذا الغازي ومن عبرك نوجه الاسئلة التالية
ما موقف الدكتور غازي او رايه في الدولة الدينية او سيطرة الاسلاميين على الدولة باسم الاسلام؟؟
ما راي الدكتور غازي في محاكمة القتلة واللصوص وكل من ارتكب جرما في حق الشعب السوداني وعلى راسهم البشير الهارب من العدالة الدولية؟؟؟؟
من يلاحظ خطاب غازي وحركته يريدون معالجة قضايا السودان الشائك سياسييا فقط ومع اقفال كامل لملف الفساد والمجزرة التي ارتكبت في هبة سبتمبر 2013.
لا يمكن لمواطن سوداني عانى الكثير في ظل هذا النظام الفاسد من قتل وتشريد ونهب منتظم وممنهج لثرواته ان يقبل بأي حلول سياسية مالم يسبقه محاكمة كل الذين ارتكبو جرائم القتل والابادة والذين سرقو ثروات البلاد والذين قتلو الطلاب والمحتجين في سبتمبر والذين عذبو الناشطين في معتقلات جهاز الامن وبيوت الاشباح.

مفكر!!! 24 سنة قاعد مع وفي حكومة خراب ،، ومؤامرة على شيخهم الذي رباهم حتى الزواج من الاسر السياسية كان بتوجيه منه، واحداث كبيرة مرت اهمها فصل الجنوب ومشكلة دارفور وغيرها رجل السوق العادي عندو فيها رأي ، لو كان غازي مفكر طيب محمود محمد طه يكون نبي من اولي العزم ،،،، الشعب السوداني شعب لا يقرأ واقعه واذا قراءه لا يفهمه ومن ضمنهم هذا الذي كتب المقال دفاعا عن غازي،، فالنفرض ان غازي لم يحلف ولم يقل انه لا يؤمن بالدولة الدينية ولم يقل كل هذا ما رأيه في الحكومة الدينية التي يؤمن بها والقسم الذي يقسمه قادة الحكومة والحلف بالله وفعل العكس،، يا شيخنا مقالك ده بلو واشرب مويتو لقد انتهى الاسلامويين الى مجموعة من شذاذ الافاق لا في دين لموا ولا دولة بنوا وقد فاز الهبروا ملوا ،،،، قال مفكر قال ،،، ممكن تقول يجيد الكر والفر ولكن مفكر دي كبيرة لأن يأتي بالجديد الغريب الذي يخالف القديم ومعاداة الناس له في البداية وعندما يمضي خط التاريخ وينظر الناس فيه للوراء يجدون أن ما استغربوه كان حقا بشواهد الحال التي يعيشونها هم وعاشها المفكر وتوقعها وحللها ولخص نتائجها قبل حدوثها ومثال ذلك (( سيجتثون من ارض السودان اجتثاثا) وهذا ما يجري لهم حاليا زي نيل الحياة بل ان ما يقوم به غازي ليس ضمن الفكر الجديد وانما جزء من نبوة الاجتثاث المحمودية ،، هاك الفكر ده،، ،، الطرح الذي يطرحه غازي حاليا أغلب معلقي الراكوبة منذ تدشينها تناولوه بشكل اعمق لذا نهني مفكري الراكوبة التالين الذين سبقوا غازي بسنين في اكتشاف المشكلة التي بكت في حد ذاتها مشكلة وهم :
1- المفكر الكبير جركان فاضي
2- المفكر الكبير ود تلودي
3- المفكر الكبير مشتهي الكمونية
5- المفكر الكبير سايكو
6- المفكر الكبير ود شندي البعدي يومو خنق
7- المفكر الكبير ابو بطن فاضية تكركر
8- المفكر الكبير ود شريف
9- المفكر الكبير مشتهي السليقة
10 ? المفكر الكبير الخ
اذا كان غازي مفكر فمعلقي الراكوبة هؤلاء فيهم من هو في مقام جان بول سارتر، وايمانويل كانت وجيرمي بنتهام و آرثر كوبنهور وهيغل، وهيربرت سبنسر والخ والخ ،،، يا ناس اصحوا وخلونا من هذه الاجيال التي فشلت في وضع الاسس الصحيحة لحكم البلد وأودوا بنا الى الهلاك والنرجسية ،،،

غازى بكرة حيتبخر مثل الغاز او المشروب الغازى

قصتك مكشوفة يا حضرة هذا الغازي كب الجرسة بعد الخبر شاع و عم القري و الحضر و نشر في الراكوبة وسودانيزاونلاين – خاف من الكلبشة في مطار الخرطوم و التاس كلها في الدوحة ذاتها عارفو انو اتصل بيكم واحد من الجماعة الحضروا و بكي ليهم و قال ليهم دي عملية تعملوها فيني و تورطوني كدة ما قلت ليكم ده لقاء خاص ليس للنشر ليه تعملوا فيني كدة حسع الناس ديل حيكلبشوني من المطار عليكم الله شوفو طريقة خارجوني بيها من الورطة دي و برضو يا حضرة الناس في الدوحة عارفة انكم طبطبتو عليهو و وعدتوه انكم تلمو الموضوع و اتفقتو علي المسرحية الهزيلة دي و كنت انت كبش الفداء رغم انك راجل طيب و علي نياتك لكن في جماعة معاك هم البملوك و يفرغوك و يستغلوا طيبتك و سذاجتك و خلوك عملت المرافعة الفضيحة دي ياخي انت و المعاك لو ما سذج هل كنتوا بتفتكروا انو الخبر ده ما بطلع السودانيين شعب جميل شفاف لا يعرف الأسرار. ازيدك من الشعر بيت القصة ما وقفت في نشر الخبر في سودانيزاونلاين بس و المفاجئة انو اللقاء كله تم تسجيله لو ما عندكم علم و التسجيل بدين غازي و بدينك انت و الناس الغشوك و خلوك تكتب الهباب الكتبتو ده حايمرقوا منها زي الشعرة من العجينة يا مسكين

24 عاما مفكرا لنظام الابادة والفساد والترويع والتعذيب

ثم تنشق وتكون حزب جديد عشان تاني تحكمنا
يا زول انت اصلك تحولت الى نبي
ولا ياكا غازي زاتو
يعني مافي ارجل منك ولا في زول بفكر افضل منك ولا في غيرك في السودان الهامل ده
عشان يتقدم ويحكم ؟

كدي شوف الاحزاب المطروحة في الساحة الآن ورينا مثلا
مختلف معاها في شنو
عندك مثلا منبر الخال الرئاسي او حزب الترابي مختلف معاهم في شنو
وشنو العائز تقدمو لينا
ينقلنا الى دولة شبيهة بالسويد

انا شخصيا اذا كنت في محلك
بنزوي وبقعد اكتب مذكراتي في كتاب احكي فيه كل تجربتي مع نظام البشير
واكشف كل الجرائم والفساد والتجاوزات
احكي كل شئ عشان تستفيد الاجيال القادمة من تجربتي الانتهازية
فذلك افضل واشرف من حكاية انك تجي تحكمنا تاني
ويدفع ليك محمد احمد المسكين راتبك وانت تنظر وتحكم

ياخي حرام عليك

المهنيه والحيادية فى النقل مطلوبه والمجالس بأماناتها ..شكراً للتوضيح والابانه ..

هل غازى صلاح الدين أكبر من ان يرد على الذى كتب على لسانه كذبآ ؟
حضرة الظاهر عليك بتدافع عن غازى صلاح الدين وليس عن الحق ، زيما أمين حسن عمر كان بيدافع عن حسن الترابى قبل تهميشه بواسطة تلاميذه . هل نصبتم غازى أميرآ وشيخآ لكم ؟ .

واضح من خلال التحليلات حجم الحقد والكراهية التي يضمرها السودانيون لبعضهم البعض وهذا في حد ذاته من معوقات التقدم لأي دولة. بصرف النظر عما أشيع عن لقاء غازي فإن التوضيح الذي قدمه الأستاذ فيصل حضرة جدير بأن بالاهتمام لا سيما أن الجهات الحكومية حريصة على عرقلة المشروع الذي يقوده الدكتور غازي وجماعته باعتباره سيسحب البساط من تحت أرجل المؤتمر الوطني الحاكم ، لا سيما وقد أوردت الأنباء عن انسلاخات هنا وهناك.
إذا كان توضيح الأستاذ حضرة صادراً فعلاً عن الدكتور غازي فلا أشك أن عاقلاً يختلف معه فيما ذكره ، ولا يمكن أن نحكم على نوايا الناس. إن تجنيب البلاد من شرور الأحقاد والكراهية والمضي قدماً نحو بناء مستقبل لكل أهل السودان يقتضي أن يكون الحل القادم توافقياً عبر حوار بناء يضع أسس دولة المؤسسات والعدل. أما أن نستخدم لغة الكراهية والتشكيك في نوايا الناس وإعداد المشانق على الهواء دون أن يكون للقضاء كلمة واحدة ، فإن ذلك نذير شر مستطير يعيدنا قروناً إلى الوراء ، والعاقل من اتعظ بغيره.
إن الدكتور غازي وجماعته يعتبرون إضافة حقيقية للحراك الجماهيري القائم حالياً والذي ينشد مستقبلاً مختلفاً يكفل الحرية والعدالة والعيش الكريم لكل مواطن بصرف النظر عن معتقده أو جهته أو جذوره العرقية. السودان الجديد قابل لاحتضان أبنائه جميعاً بما فيهم المؤتمر الوطني ، مع تأكيد دور القضاء في تحقيق العدل واسترداد الحقوق لأصحابها.

أكيد ماجاء على لسان غازي من تسريبات وأقوال فبركات وكذب!!

*فكيف لغازي أن يصرح مثل هكذا تصريحات وحزبه يستهدف في المقام الأول لجذب طلاب وشباب الحركة الأسلامية؟

*وهل لتلك الأقوال الرخيصة قادرة على غسل واستمالة عقول من في الخارج،خصوصا بأن تلك الأقوال المفبركة تناقض واقع ماضيه؟

* وهل لغازي أصلا الجرأة على قول تلك الأقوال؟

حزب غازي يحلم ويكاد يصدق بل يكاد يرى بأنه سيقود السودان قريبا!
وهذه ليست سوى نشوة أحلام يقظة…….

ولكن الدفاع عن غازي لن يقدم ويؤخر،فما زالت أقوالة رخيصة و ناعمة!،فهو من يستخدم تلك القوة الناعمة لتأمين موقع حزبه في النظام،ولأغتيال المعارضة المستقلة اغتيال ناعم،والأهم لقتل حماسة التغيير الحقيقي لدى الشباب بداخل السودان…

ودام الخلاف العسكري-الأسلاوي منذ الأنقلاب ولهذه اللحظة ناعما للعامة وخفيا في الظلمات،ودمتم أنتم سالمون فقراء جهلة جبناء أيها السودانييون..

ما تشكروا لينا الراكوبة في الخريف..موش ده غازي الذي زور له الترابي اول انتخابات لاختيار الامين العام لامانة المؤتمر الوطني عام 1995 وطغشوا له الاستاذ الشفيع احمد محمد رغم انه كان فائز بالاغلبية الساحقة للانتخابات الحرة المباشرة التي جرت في الساحة الغربية لقاعة الصداقة وكانت في خيمة؟ وتقلد المنصب الذي طبخه له النحاس وبدرية سليمان وصم خشمه وسكت؟ سمح شن جدً على المخدة..التنجيد ولا الكيس الجديد.. اوعى يجي واحد يغالطني.. انا كنت شاهد عيان على ذلك التزوير وطلع غازي المنصة في الساحة الشمالية لقاعة الصداقة ولابس الزي الوطني والى جانبه النحاس الذي قال ان غازي فاز بالاغلبية الساحقة وكانت مقدمة الحفل المرحومة الاعلامية ليلى المغربي.. مع ان عدد من رشحوا غازي لا يتجاوز عدد اصابع اليدين الاتنين.. قال مفكر قال… يا ربي مفكر في شنو؟

كيف لشخص له بصمات في تفتيت الوطن يتحدث عن الاصلاح الله لو فعلت هذا ياغازي قبل 20 سنة لوقفنا معك نحن الشعب السوداني باكمله ولكن الان لاتجني شيئا لانو انت جزء من حزب الابادة الجماعية والتصفيات والاغتيالات وكنت تعلم بكل مكيدة خبيثة يدبرها هؤلاء الخبيثون لذلك نقول لك game over.