بايرن ميونخ الألماني يوافق علي مواجهة المريخ السوداني بالدوحة ودياً
تسلم مجلس إدارة نادي المريخ السوداني موافقة بطل أوروبا بايرن ميونخ الألماني على مواجهة المريخ في المباراة الودية المقرر لها يوم التاسع من شهر يناير المقبل بالعاصمة القطرية الدوحة.
وأكد جمال الوالي الموجود حاليًا بدولة الإمارات العربية المتحدة أن نادي بايرن ميونخ الألماني بطل أوروبا وافق على أداء مباراة ودية أمام فريق المريخ، وأشار إلى أن مجلس إدارة ناديه استقر على أن يكون المعسكر الإعدادي الخارجي للفريق لبداية الموسم الجديد متزامنًا مع مباراة بايرن ميونخ الألماني بالدوحة، بعد أن رحب المدير الفني الألماني مايكل كروجر بقيام المعسكر بالدوحة ومواجهة الفريق الألماني.
وكشف رئيس نادي المريخ في تصريحات صحفية أنه أكمل اتفاقه مع إحدى الشركات الكبرى بدبي من أجل توفير زي رياضي للموسم الجديد ومن المنتظر أن يرتديه الفريق في مباراته الودية أمام بايرن ميونخ.
وأكد الوالي أن التسجيلات تمت برؤية فنية حسب حاجة الفريق وتقرير الجهاز الفني دون أن يكون هناك أي تجاوز، وأضاف أن كروجر يتابع عمليتي الإحلال والإبدال وعلى علم بكل ما يدور بشأنهما، موضحًا أن المريخ يختم تسجيلاته بمهاجم محترف وحارس مرمى قبل نهاية فترة التسجيلات الشتوية في العشرين من الشهر الجاري.
كووورة
حتة واحده كده بايرن ميونيخ ولا يكون احد فرقنا الاقليمية او من فرق حواري العاصمة اصل الكتوف اتلاحقت
فالعادة تدفع الشركات للاندية للمشاركة في مثل هذه المباريات ولكن ياتري كم دفع المريخ لكي يشارك في هذه المباراة واخاف علية من فضيحة بجلاجل .واحسن خليكم مع مريخ الفاشر والنيل .
يكون برشلونة خاف من المريخ
وتصدى لها بايرن ميونخ الغشيم
ههه
كذب
المشكلة في غياب بعض لعيبة المريخ خاصة بلة جوز والدوري السوداني واقف والتعادل مع المريخ خسارة كبيرة خاصةوالمبارة سوف تنقلها وسائل اعلام عالمية(لو اسلمت وحسن اسلامك واعتنقتي تعاليم المهدية لختناكي وزوجناكي يونس ود الدكيم ان رضي)
قول يا الوالي أنو التسجيلات تمت بدولارات البلد الهاملة و حسب حاجة (آمنه) ؟؟؟
وصية المريخاب
وبالمناسبة انا ماهلالابي
اعملو حسابكم من تكرار تجربة الوحدات الاردني
ديل بقزقزو بيكم وطريقة لعبهم معروفةاسمها علي كيفي
داير اجيب قون بجيب ماداير كمان نغير ليكم علي كيفي دي شوية بي راحتي
الا تكون في تحانيس تحت تحت
واي واي طلعوها تعادل
الروح المعنوية للاولاد وماعارف ايه كلام خارم بارم
ودية ماودية تمرين المهم مغلوبين من هسع والله اعلم عدد الاقوان كم
لاكن اتوقع تكون تجربة مريرة
والي اللقاء
مباراة (غير منطقية) ولا يقبلها (العقل) السليم ……أسد (يصارع) كديس منزلي !!!!!!!!!!!!!
والله حقيقه الهلالاب حاقدين وحاسدين دا المريخ السوداني مع بطل اوربا وانتم زعلانين شرف كبير بالنسبة للمريخاب وانا اسعد الناس بالمباراة
ما هي الفائدة من اقامة مثل هذه المباريات ..؟؟..اذا اقيم في السودان ربما يستمتع الجمهور بالاداء الكروي الرفيع ومشاهدة نجوم العالم وابطال اللعبة لأن الفائدة من الاحتكاك غير واردة البتة..؟؟..
المباراة سوف تلعب بعد ان دفع جمال الوالي ملايين الدولارات للفريق الالماني – من اموال هذا الشعب الصابر – بدلا من انفاقها فيما ينفع الناس
اموال الامن الاقتصادي كلها رايحة شمار في مرقة
اللهم ارنا فيهم عجائب قدرتك
الناس فس شنو وجمال الوالي في شنو – لكن المال كان ما مالك اعمل فيهو ما بدالك
ههههههاي قال شنو : قال : بايرميونخ ، ياسودانيين ماتفضحونا بكورتكم المابتشبه الكورة دي
والله جمال الوالى دة حيرنا عديل من أين لة هزة المليارات ؟؟؟ لم نسمع باُبئهم فى الاولين بانهم من اصحاب الملاين .
فضايئة وجريدة ونادى كبير وعلاقات عامة إيجار طائرات وحسابات وعقارات بالداخل والخارج وغيرها .
من أين له كل هزة الاموال؟؟؟
مغتربين عشرات السنين ضاع عمرهم وضاعت حياتهم وضاعوا أبنائهم وليس لهم بيت فى الدرجة الثالثة ياوئهم و يحمهم من جحيم الاغتراب .
هزا اللص يدفع الملاين من اموال الشعب البائس الفقير للبيرن بطل اوروبا إستعداداُ لاهلى شندى ونيل الحصاحيصا !!!
لايتحدث الهلالاب عن فلوس البلد الا عندما تقترن بالمريخ دا لو صح اتهامك ةاصلا وبعدين من وين جبت المعلومة انو الوالى دفع لبايرن ميونخ يا يوسف محمد احمد ليه ما تكلمتو لما الهلال دفعو ليهو عديل كدا عينك عينك من اخ البشير مباشره يا وسخين يا دلاقين اللعب مع البايرن شرف كبير يتمناه اى فريق ولا تهم النتيجه بقدر ماهى مباره شرفيه واعداديه من الطراز الاول وتاريخيه وايضا مغصه لامثالك الشعب فلوسو موجوده عند نافع عينك عينك لو راجل وبتعرف حقك وين امشى شيلها
والمبارة فيها مكسب مش بندفع لانو فلوس الرعايه يمكن تسجل زى دلاقينك ديك عشرات الفرق
يا جماعة المريخ لا يقل عن بايرن ميونخ عشان كده لازم المريخ ما يتنازل للنادي البافاري عن الزي الأحمر و لازم لاعبي الزعيم يدخلوا المباراة بروح عالية
نحن في شهر ابريل ولا شنو؟؟!! ولا معانا الكاميرا الخفية ولا الحاصل شنو!! بايرون ميونخ شنو اللي بلعب مع المريخ..
هو لو قدره له يجي قطر بلعب مع فرق اعتى فنيا من المريخ بتاع مشاطيب الهلال
ياعالم ما تقعدوا في الواطة وتبطلوا بجاحة.. بايروووووووووووووووون ميونخ دا تاريخ وفن وكورة وكل شيء مريخ شنو ونجمة شنو
ناس بايرون ميونخ ديل بفتشوا في المرض مالهم