وزارة المالية تعلن عن طرح الرؤية السودانية لتحقيق الامن الغذائى العربى
(سونا) أعلن د.محمد يوسف على وزير الدولة بالمالية مقرر اللجنة العليا للإعداد والتحضير لاجتماعات المجلس الاقتصادى والاجتماعى لجامعة الدول العربية لمتابعة تنفيذ مبادرة السيد رئيس الجمهورية لتحقيق الامن الغذائى من السودان والمزمع انعقادها بقاعة الصداقة بالخرطوم فى الفترة من 19 الى 20 يناير 2014م ، عن طرح الرؤية السودانية لتحقيق الامن الغذائى العربى فى المجال الزراعى بشقية النباتى والحيوانى.
جاء ذلك فى اجتماعه بوزارة المالية بمقررى اللجان الفرعية للإعداد والتحضير لاجتماعات المجلس .
وكشف د. محمد يوسف على انه حسب الدراسات فإن الفجوة الغذائية فى العالم العربى تقدر ب40 مليار دولار فى السنه ، والفرصة متاحة للسودان لسد جزء مقدر من حاجة العالم العربى من الغذاء .
وأطمأن مقرر اللجنة على سير عمل اللجان المختلفة التى تحضر لاجتماعات المجلس حسب إستعراض تلك اللجان لتقارير أداء اعمالها .
يشار الى انه يشارك فى اجتماعات المجلس وزراء المالية والاقتصاد والتجارة بالدول العربية ، كما تشارك فى الاجتماع المزمع عقده بالخرطوم الصناديق ومؤسسات التمويل العربية ومنظمات العمل العربى المشترك ، بجانب مشاركة عدد من مؤسسات التمويل الدولية.
ايه العبط ده ,, نحن ما عارفين ناكل تأكلوا العرب ؟؟!! ثم ثانياً فجوة شنو البتتكلموا عنها دي ؟؟ والله مافي فجوة غير عنددنا هنا ,, دي دول الطيارات يومياً بتنزل عندها كل خيرات العالم , مافي حاجة اسمها موسم زراعي ولا كلام فارغ ,, اي حاجة موجودة في كل لحظة , فوقوا من الوهم الانتو فيه ده بالله .
أمن غذائي إيه وعربي إيه ونيلة إيه ما تكفوا بلدكم وأهلكم في الأول . .أرحمونا يا عالم !
ناس قريعتي راحت وكمان شايله موسها !
على كل المثل (غلفا وشاتيلا موسا عشان تطهر) أنتو يا حكومة السجم كده حلوا لينا مشكلة الغذاء في السودان وبعدين قبلوا على أسيادكم العرب ، وبعدين العرب ديل كيف يثقوا فيكم وأنت قلبكم مع شيعة إيران وأخوان مصر ، وعرب الخليج الدايرين تسودا ليهم فجوة الغذاء ديل يأكلوا النار ولا يبلوا بالأكل من دولة تساند الشيعة والأخوان قاتلكم الله عالم ما بتفكر
الفجوة في عقولكم يا ناس وزارة المالية وحكومتنا
الفجوة في عقولكم ياناس وزارة المالية وفي حكومتكم الفاشلة طوال الدهر.
اهل الخليج والله شبعانين وما منتظرين تشبعوهم انتم ايها الجهلاء الفجوة في نظامكم وفي عقول القائمين على تلك الوزارات والحكومة .
قالوا فى المثل (الغلبتو مرتو داير يادب حماتو) ياحكومة التمكين انتو خالص شبعتو الشعب السودانى ودايرين تقبلوا على العرب واللة ماشاءاللة المشروع الحضارى لحكومة التدميرالوطنى سوف يشمل الوطن العربى
أولاً أوقفوا سرقة اللقمة من أفواهنا وبعدين تعالوا فكروا في انتاج الغذاء لغيرنا . أو تكونوا بعد ما كملتوا العندنا قبلتوا لأموال العرب دايرين تاكلوها ذي ما اكلتوا حقنا