ودعة: لقاءات مثمرة مع متمردي دارفور
الخرطوم:
قالت لجنة الاتصال بالحركات المسلحة بإقليم دارفور السوداني، إن اللقاءات التي أجرتها مع قادة الفصائل المسلحة وأبناء دارفور بكل من جوبا وأديس أبابا ولندن وبون، كانت مثمرة ومفيدة لجهة دعم العملية السلمية في دارفور. وقال رئيس لجنة الاتصال بالحركات المسلحة صديق ودعة، إنه أطلع نائب الرئيس السوداني حسبو محمد عبدالرحمن، أمس الاثنين، على الجهود التي تقوم بها اللجنة فيما أوكل لها من مهام. وكان وزير العدل السوداني محمد بشارة دوسة، كشف عن اتصالات موازية بقادة الحركات المسلحة، قامت بها آلية تم تكوينها مؤخراً، عقب مؤتمر عقد بمنطقة أم جرس برعاية الرئيس التشادي إدريس دبي. وذكر ودعة أنه لمس خلال لقاءات اللجنة مع قادة الحركات الدارفورية المسلحة، رغبة قوية في تعزيز عملية السلام بدارفور. ودعا ودعة كل أهل دارفور بالداخل والخارج، إلى ضرورة دعم جهود اللجنة، والانخراط في مسيرة السلام والبناء والتعمير بالمنطقة.
الجريدة
ده كلام تسويقى ولا سند له مجرد بيع كلام كما تعودنا طيلة فترة حكم الدمار فانتم لاتحملون افكار وليس لديكم وطنية للسودان الوطن الذى يسع الجميع انتم فقط تفكيركم في نظامكم العالمى واحكام السيطرة على البلد ولا يهمكم الشعب ولا ضياع الوطن انتم لاتستحقون ان تكونو في قيادة دولة السودان وبقاءكم فيه الخطر الكبير ياريت يكون فيكم عاقل ويدلكم على المصلحة العامة وهى مصلحتكم لاجيالكم القادمة حتى تتمكن من وجود وطن يحميها فانتم تدمرون مستقبلكم ومستقبل اجيالكم لا تظنو بان اهل السودان في المعارضة هم من سيخسرون فانتم ستغرقون في المركب الذى نراه يحترق وسيغرق ان اصريتم على ادمان الفشل تذكرو اجيالكم واحفظو لهم وطن معافى دون كره وبغضاء وتفرقة وقتل واحقاد ارجعو لصوت العقل وحكمو عقولكم وافتحو قلوبكم للوطن فانتم بافعالك تدمرون الوطن لايوجد فيكم عاقل وفيه بقية من عقل تبا لكم من اين جئيتم لنا حسبنا الله ونعم الوكيل
يارب ريح دارفور واهل دار فور والله انحنا بس من كتر متابعت مشاكل دارفور تعبنا كل يوم دارفور دارفور المتمردين المتمردين الحركات المسلحة الحركات المسلحه هجموا نهبوا قتلوا من كتر سماع هذه الاخبار تعبنا يارب اجلب السلام لدارفور واهل دارفور حتى مانسمع عن دارفور غير التنمية والتعمير والسلام يارب يارب .
أسع ده ودعة ولا بطيخة عامل وشو المبغبغ ده
هذا مجرد إستهلاك سياسي لخداع هذا الشعب والحركات المسلحة قادرة علي ردعكم وخسائركم في معركة تروجي خير دليل ،وينو صيف الحسم .
http://www.hurriyatsudan.com/?p=103379
شوفوا يا نائب رئيس جديد وياودعة ويا كل من هب ودب وعاوز يحل مشكلة دارفور.مشكلة دارفور دي بسيطة جدا ياحلالي العقد . قرار جمهوري او رئاسي او اي جهة نافذة حتي ولو كانت ولائية:
كل زول يرجع لما كان علية في ثمانينات القرن الماضي .
يعني بالواضح كدا كل حد يرجع لارضه في الثمانينات. والقادمين من خارج السودان ديل اسحبوا منهم الجنسيات السودانية دي (في عربي او سوداني بيسمي او بيقول للجوال او الموبايل كلامه) امشي نيالا وترون العجب (جيب الكلامه وهات الكلامه ونهب علي عين الحكومه والاغرب انه عندهم مرتبات تصرف باسم قوات مسانده وقوات حرس حدود وجبهة شعبية ودفاع شعبي وسمي ما شئت ).
كل مواطن يرجع لارضه تحل مشكة دارفور.
كلام (ماسورة) لا يستحق القراءة
وودعة ده منو ذاته؟؟؟؟
وبعدين حكاية ترشوهم(ناس حركات دارفور) بالمناصب والقروش وهلم جرا ويشتغلوا مساعدين حلة الكلام ده اثبت فشله!!!!
اصلا وكلو كلو مافى غير الحل القومى من خلال حكومة قومية ومؤتمر قومى دستورى لمناقشة كل قضايا الوطن والوصول لتوافق وتراضى وطنى لكيف يحكم ويدار السودان والا مزيد من التمزق والخراب ويمكن بعد داك تدخل دولى او يخلوا الانقاذ دى لتكمل الاجهاز على ما تبقى من السودان!!!!
بالله بالجد كده انتو الانقاذ دى صنيعة موسادية ولا كيف؟؟؟؟؟
ههههههه قال ودعة ده حرامي وسارق قروش من اﻻمارات مطلوب فى دبي سرق قروش من ابوظبي بمساعد عبد الرحيم حسين وزير الدفاع اتبر منها ب 2 مليار لى حزب اﻻمة واتحداك لو الزول قدر يدخل ابوظبى وعمل بصمة عين
ههههههه قال ودعة ده حرامي وسارق قروش من اﻻمارات مطلوب فى دبي سرق قروش من ابوظبي بمساعد عبد الرحيم حسين وزير الدفاع اتبر منها ب 2 مليار لى حزب اﻻمة واتحداك لو الزول قدر يدخل ابوظبى وعمل بصمة عين وبعدين الزول ده تباع الموساد وفدت صﻻح قوش وناس الفروسية