السفاح يقدِّم خطابه المنتظر اليوم بقاعة الصداقة

نخشى أن يتمخض الجبل عن فأر ويكون الأفضل لو سابونا لحالنا ….

ما بستبعد يكون أجر السودان كلو ..ده طبعا اذا ما جا صاطل وقال حأمشي المحكمه الجنائيه

المفاجاة ما يكون اخونا دا عرس ليهو عشرينية

سيتمخض الجبل … ويلد فارا.

الله ينتقم منكم

من الجهل ان يحلل السياسيين بتنحى من يحب السلطة
الم تروا البشير قبل كم يوم يرتدى بدلة وكرافت
عنابى مائل للاحمر هذا الرئيس بعد كل البعد عن التنحى
الان يعيش ايامه وغير ثيابه وبدله وكرفتاته
واصبحت الدنيا والجاه والمنصب شغله الشاغل
انا ليس سياسي ولاافهم في السياسه لكن من قرائتى للواقع
تقول من غير المعقول تنحى الرئيس
الم ترواالترويج لسيدة السودان الاولى ورئيسة البرلمانيات
العرب ولاايه؟ ماعارف كل هذا يدل على التمسك بالسلطة
لكن نرجع ونقول(يأتى الحكم من يشاء وينزع الحكم من من يشاء)

هؤلاء جعل السودان ديرة لهم ويتنأوبون علي حكمها ولكن لا يريدون ان يأتي شخص اخر بمعنى آخر انه لو خارج اولاد بحر لا يحكم السودان مرة حزب الامة مرة حزب المؤتمر الوطني وتارة المرغني هذه هو حقيقة ولكن اعلم جيدا يكثر الجداد ويصفني بالعنصري نعم اللي سلفا تصفون الفاهم خططكم بالعنصري او متمرد او هلم جرا

اهم واسعد خبر هو تنحي البشير وذهاب الانقاذ إلي غير رجعة اما ان كان غير ذلك من المراوغة والتلاعب بالناس مثل ونحسب أن والابتلاءات وقواتكم المسلحة الباسلة والمشاركة لكل القوي السياسية والكلام الطويل السمج من نوع وبلادنا تمر بلحظات تاريخية ونحن مستهدفين وتوع الكلام الفارغ التافه( نحن حافظنو صم ولو عايزين نسمع مستعدين ) فبالله عليك يالبشير وجماعتك لا داعي أن تضيعوا وقت الناس في الفاضي وتوافه الكلام احسن خليكم قاعدين في الحكم الي ان يقضي الله امرا كان مفعولاً .

نسال الله ان يكون مخرجا للسودان من هذه المحن و المصائب و الانهيار التام في كل شئ حتي في الاخلاق السودانيه

لا خطاب مهم ولا يحزنون إنما هو شغل الشعب السوداني عن أزمة الخبز والغاز وغيرها من الأزمات.مفيش دولار لاستيراد القمح والدقيق وما لديهم من مال لا يفي بدفع الرواتب للجيش والأجهزة الأمنية.

ان كان طبيبا الأسنان ( غندور + مصطفي ) هم مستشاري البشير في مفاجأته بتصريحاتهما المتضاربة !!! .. فقد زالت الدهشة عما تحويه المفاجأة ( المشابهة لخلع الضرس بدون بنج ).. اذ أظن البشير سيضحي ببرلمان حسبو و عز الدين لارضاء الشارع المتحمس للتغيير مع حل حكومته لتشكيل حكومة يدخل في اختيارها السيدان .. و نكون رجعنا الي المربع الأول و كأنك يا زيد ما غزيت ..

* انصح ان تتابعوا مباراة المريخ و فريق Red Bull النمساوى بالدوحه مساء غد الأثنين 27/1، بدلا عن متابعة خطاب هذا المجرم السفاح، فلن يكون هناك جديد غير الكذب و المراوغة و الضحك على الدقون. كما اننى اخشى على مرضى السكرى و الضغط من مضاعفات المرض نتيجة حنقهم و غضبهم حال متابعة حديث هذا ال”عمر الكضاب”.

لن نقبل اﻻ التنحي وتسليم نفسه ومن معه للمحاكمه وهذا طبعا لن يحصل والساقيه لسه مدوره. لعنة الله عليكم اجمعين دمرتم البلد وقهرتم وقتلتم الشعب

نرجوا من الشعب والجبهة ان ينقذوا السودان هنالك عملية ايجار ارض السودان لقطر تتم باالسر….

اعتقد بان هذة اخر فرصة للسلام وفى انتظار تنحى الريئس وتكوين حكومة انتقالية فقط هو الحل اما اى محاولة استهبال غير دى ..

على الجبهة الثورية وكل حركات دارفور وكل الشرفاء المناضليين الوطنيين ان ينضموو للجبهة الثورية او تكوين تحالف خاص بهم لكن بشرط ان يكون تحالف يحمل البندقية فقط ولن يكون هناك حديث غير البندقية وعلى كل الذين درجو على التراخى والمهادنة الخايبة مع هؤلاء الاسلاميين المجرمين ان يحددو موقفهم الاخير …
والمرة دى حنصومل دين امها ذاتا …

وعلى الطلاق السلاح يقعقع جوة الخرطووم وانشوووف اخرتا ….

24 سنة ما شفنا منك خير..يعني نشوفوا في باقي عمرك ده!!ياخي 24 سنة الراجل بزهج من مرتو نتيجة الملل.. خلي انت !!!

iiiiiiiiiiiiiiiiiiiiiiiiiiiiii

شفنا الرؤساء في جميع دول العالم المسلم منهم والكافر يتفقدون أحوال شعوبهم عند حلول أي مكروه عابر… ويواسونهم ماديا ووجدانيا بتفقدهم ميدانيا ماعدا مسئولي حكومة السودان!!! ففي كل خطاباتهم يمجدون أنفسهم ويدلون بوعود كاذبة ويخاطبون الشعب بكل ازدراء وترفع مع وصفهم بكل ما هو ذميم وقبيح … وبعد كل هذا نجد من يصفق لهم!!! يا ربي الناس ديل عارفين انهم غلطانين وللا كلهم عاملين ليهم غسيل مخ؟؟؟ عجبي!!! لطفك يا رب …

حتى لو البشير قرر فعلا يتنحى نحن ما بنقبل
25 سنة اتعودنا على العوارة وفقع المرارة وأسه يجي يقول ما داير
نحنا خلاص أدمنا كضبو وهبالتو ومستحيل نتخلى عنو
ما عايزين بكري ولا الصادق ولا غيرهم ، بشة وبس
خلوهو يتم الناقصة ويودينا في الف داهية

يا جماهير شعبنا على امتداد وطننا العظيم

هذه الوثيقة صدرت قبل الثورة بيوم و عندما شكر مولانا سيف الدولة نظام البشير عقب مؤتمره و الذي أشعل و ألهب الشعب لمواصلة ثورته و التي بدأت منذ 2011 و كانت في أنتظار الإشارة عندما أعلنت يا صادقنا ان كل من يريد أن يسقط النظام فليتصرف و أن الباب يفوت جمل ؟! هانحن تصرفنا و قد أصدرنا لاحقاً بأننا نرحب بكل شباب الأحزاب لتتولى قيادة الأحزاب و ابعاد كل الوجوه التي أكل عليها الدهر وشرب و أكرر مرةً اخرى ترحيب الشعب بالمناضلة الدكتورة مريم الصادق المهدي و الأخ نصر الدين الهادي المهدي لقيادة حزب الأمة أو من يرونه مناسباً لقيادة الحزب …. و الوثيقة حملها الشهداء الأبطال في قلوبهم
وكنا نردد عندها التالي …
من يعتقد بأن الشعب قد إستكان فهو واهم !
و من يعتقد أن الشعب سيخرج لمجرد رفض القرارات فهو أكثر وهما !
طوال 25 عاما توجد مجلدات عن قادة النظام و فشلهم رغم المطالبات الكثيرة بتعديل مسارهم حتى لا تحدث الكارثة و تنهار الدولة ولكنهم في غيهم كانوا يمرحون . و أن كل ما ذكره مولانا سيف الدولة هو عين الحقيقة و إن الثورة الآن مستمرة و سوف تقتلع و تدك أوكار الحرامية و سارقي قوت الشعب و يقودها الشباب و على رأسهم مولانا سيف الدولة قيادة جماعية لا حزبية و لا دينية و إنما لجنة وطنية من التكنوقراط و ذوي الثقة لإدارة البلاد مؤقتا و تكوين محكمة شعبية لمحاكمة عددهم 1056 نعرفهم فردا فردا اما الكمبارس فالشعب كفيل بهم ….
1- حسن الترابي و جماعته بتهمة الخيانة العظمى ومصادرة كافة أمواله وأملاكه .
2- الصادق المهدي و دوره في تسليم الحكم للانقلاب رغم علمه بما يخطط له الترابي ، و منعه من العمل الحكومي و السياسي .
3- محاكمة الميرغني و جماعته لدعمه النظام و منعه من العمل السياسي و الحزبي بعد ان كان يقول ( سلم تسلم ؟ و لكنه سلم نفسه و انجاله و استسلم )
4- محاكمة سوار الذهب / بالتواطؤ مع الانقاذ و منعه من العمل السياسي و الحزبي و مصادرة كل أمواله و أملاكه.
5- محاكمة أعضاء مجلس انقلاب يونيو 1989 بالخيانة العظمى و مصادرة أملاكهم و أموالهم .
6- القبض على عمر حسن البشير و عائلته و محاكمتهم داخل السودان على كل ما ارتكبوه في حق الوطن و المواطنين و مصادرة كافة أموالهم و أملاكهم .
7- القبض على كل قادة أعضاء المؤتمر الوطني و بما فيهم الوزراء و ولاة الولايات و إداراتهم منذ 1989 و حتى الآن و إعادة كل المسروقات و الرواتب .
8- القبض على روؤس جهاز الأمن الحاليين و السابقيين و كشف كل ممارساتهم و مصادرة أموالهم لتعويض ضحاياهم .
9- القبض على روؤس الفساد و تجار الانقاذ الذين امتصوا دم الشعب و مصادرة كافة أملاكهم و أموالهم .
10- محاكمة كل صحفيي النظام بدءا من حسين خوجلي و الهندي و الباز و عثمان ميرغني و الأخرين و على رأسهم رئيس جريد الإنتباهة و كافة محرري مجلته و أعضاء مجموعة ” بنبره ” و محاكمتهم و مصادرة أموالهم و أملاكهم .
11- تكوين لجنة لتأهيل الأحزاب و إعادة صياغتها و منحها مدة 24 شهر لتعديل قيادتها ومنع أي حزب من اتخاذ شعار ديني أو خلافه باعتبار أن شعب السودان كله لديه ما يعتز به .
12- محاكمة كل قيادات القضاء في الفترات السابقة و إبعاد كل القيادات الحالية ومراجعة كافة القضايا التي حكموها ظلما و بهتانا و تكوين مجلس أعلى للقضاء برئاسة خبراء قانونيين سودانيين و فصل القضاء الشرعي عن المدني و إعادة مكانة المفتي العام للجمهورية .
13- تكوين لجان متخصصة لإعادة ترتيب القوات المسلحة و الشرطة و تأهيلها لتكون في خدمة الشعب و الوطن و ليس النظام .
14- مراجعة كافة القرارات المختصة بالأراضي و المشاريع و الميادين التي تمت مصادرتها لصالح قادة النظام .
15- تكوين لجان متخصصة زراعية و صناعية و تعليمية و إجتماعية الخ .. لإعادة كافة المؤسسات التي تم تدميرها و على رأسها مشروع الجزيرة و البحرية و الجوية و جامعة الخرطوم .
16- إعادة كل قيادات الخدمة المدنية السابقين قبل 1989 ليكونوا على رأس عملهم خلال الفترة الانتقالية .
17- محاكمة كل علماء السلطان وإئمة الضلال .
18- إعادة صياغة الولايات مرة أخرى إلى مسمياتها القديمة ، و تقسيمها حسب الحوجة إلى مناطق إدارية فقط كما كان سابقا .
19- مطالبة كل الحركات المسلحة بترك السلاح و العودة للمشاركة في بناء الوطن .
20- مخاطبة حكومة جنوب السودان و إعادة ترتيب العلاقات بما يخدم شعب السودان كله .
ولذا نطالب جميع ابناء شعبنا البطل بعدم مواجهة تصرفات أجهزة النظام حتى لا يعرضوا أنفسهم للقتل و القبض و أن تكون كافة مظاهراتهم سلمية مع المحافظة على كافة ممتلكات الدولة لأنها في الأساس هي ملك للشعب و ليس ملك للنظام و لدينا من الخطوات التي سوف تذهل النظام في الأيام القادمة بدون اللجوء للمظاهرات العنيفة و التي يتم البطش بها و التنكيل بالمتظاهرين لذى نطالب أبناء الشعب في القوات المسلحة و الشرطة بعدم إطاعة أوامر النظام لأن الثورة قد بدأت لصالح الجميع .
و عاش السودان حرا مستقلا .
هنالك طبخة جديدة يردون تقديمها لنا على مائدة مسمومة بصم عليها نواعم (( السادة و الذين اتو مهرولين من منتجعاتهم في كايرو و نهر التايمز و السين و ابطال روضة دار الحنان و وافق عليها الثالوث المرعب ليعودو لنا بلحى جديدة و عبايات جديدة بشرتنا به دعايات (مشلن) و كتبتها ابواق زمانهم و بالوناتهم … و لكن هيهات ثم هيهات فقد جفت الاقلام و رفعت الصحف انها ثورة جديدة في مفهومها و معناها و ليست كاكتوبر العظيم الذي مضى و ليست كابريل التي سرقت و لكنها سبتمبر الجدد التس قال شاعرها ( محجوب شريف )
ان الاوان
الوقت راح
هذا قرار الشعب
مش يعني اقتراح

التحية لارواح شهدائنا الابرار
التحية لكل معتقلينا و معتقلاتنا الابطال
التحية لشعبنا الصابر على هذه الاهوال
مليون شهيد لعهد جديد و ان الثورة مستمرة حتى إقتلاع النظام و أنها لثورة حتى النصر و رحم الله الشهداء الأبطال و عاش السودان حرا مستقلا .
]

ههههههههه صورة الكاراكتير مبالغة،في هيكل عظمي واقف مع الناس هههههههه،الله المستعان،جد أنا مستغرب من الجرايد والمحللين والناس المستنية وبتتكلم وبتحلل عن خطاب البشير ومفاجئته،جد ناس يا عياااانة شديد زي الفي الكاراكاتير أو مطبلين زي الواقفين ورا البشير في الصورة،اللهم خلصنا من هذا البلاء المستعصي.

زعيم ال كابوني يريد ان يقوم باصلاحات : سيعاد توزيع الادوار بين اسر المافيا ، ستزيد صلاحيات بعض الاسر و تقلص صلاحيات اسر مافيا اخرى ، توزيع الادوار بين القتلة الماجورين لتصفية الخصوم، اعادة توزيع مناطق نفوذ العصابات ، تصعيد زعماء اسر للمجلس القيادي للمافيا ، تحالفات و تقسيم شوارع مع العصابات الاخرى ، استنباط وسائل جديدة للاغتيالات .

قد تطلى الجدران ولكن الاساس ثابت وهكذا حال الانقاذ الفكر و الايدلوجية هي هي وهم يدغدقون مشاعر الشعب السوداني لشئ انصرافي تلهيهم عن قضاياهم الاساسية بريكم ماذا سيتغير هل سيصدق البشير ولو مرة وقد كذب الف مرة مهما قال سيظل حديثه ليس ذات معنى وانما هو لعب على الدقون على قول المصريين

السيد / الهندي عز الدين
المحترم

تحيه طيبه

تتكلم عن رمز الدوله ؟؟ أين هي الدوله التي تتحدث عنها أخي الفاضل أساسا”

دوله فاقده لأبسط مقومات الحياه المدنيه لا تعليم لا صحه لا ظروف معيشيه تتناسب مع الإنسان لا إقتصاد
خليك من الونسه والراكوبه وغيره من الصحف وكلام الناس وأمشي أدخل المدارس والجامعات والمستشفيات وأكتب لينا الحاصل خلي مكتبك والتكييف وأنزل الشارع شوف الحاصل ب عينك شوف البلد حصلت وين …

دوله شنو الإنت بتتكلم عنها وشوف تعليم أجيال المستقبل بيدرسو شنو ونحنا في أعقاب القرن الحادي والعشرون وشوف أجيالنا اللي حيمسكو الدوله بعدك وبعد البشير وبعدنا كلنا نحنا ورثناهم شنو أمشي أدرس مدخلات العمليه التعليميه وأمشي أدرس مخرجات العميله التعليميه وتعال إتونس لي بالراكوبه وغير الراكوبه مناهج تدمع العين والله (منزلنا , مزرعتنا وو)
ثم ثانيا” التعليم أصبح محصو لفئه معينه من فئات الدوله أكتب لينا عن مناهج الجامعات وفهم طلاب الجامعات أنا عاوز أفهم المهندسين والأطباء الوضعو بصمتهم في كل دول العالم ديل درسو وين ديل ياتو جيل …
أمشي أكتب لينا عن أسعار الدراسه لمواطني الدوله في الجامعات الإستثماريه والشبه حكوميه هسي بقت كم وليه والماعندو يعمل شنو (الموضوع جد خطير وحيسبب إفرازات مجتمعيه على المدى الطويل )

أنا ح أخلي قلمك يستلهم الكتابه …

أدخل أروقه المستشفيات وأكتب لينا عن الصحه
ادخل المدارس والجامعات وأكتب لينا عن التعليم ومناهج التعليم
أكتب لينا عن حلايب وشلاتين بقينا مهزله للمصريين وللعالم كلو
أكتب لينا عن الإقتصاد والحلول والمعالجات بعد إتفاقيه تقرير المصير مع الجنوبيين والحلول والمعالجات التي وضعت وكان يمكن تفاديها بقليل من الحكمه والدراسه 5 سنين زمن الإتفاقيه وكان يمن تفادي آثار الإنفصال …
إقتصاد كلو إتبنى على البترول ووينو هسي ..
أكتب لينا عن إنجازات كل وزراء الدوله (ولا مافي حريه تعبير وصحافه)
ثم ثانيا” صحافه شنو كلها ونسه في ونسه أين ثقافه الشعب والتلفزيون كلوم مدور لينا أغاني ليل نهار وجرايد بتكتب في الونسه وأحزاب بتشاكلو وناس ماعارفه هي بتعمل شنو .

أكتب لينا عن أزمه المواصلات والحلول والمعالجات

والله حسيت إنك عايش في كوكب آخر نبي معصوم ولا ملك مرسل قال كان غلبتو يسيبها الموضوع ده فهم ودراسه وإستراتيجيات ورقابه لا عاوزه نبي ولا ملك ولا غيرو

خلي الونسه وامشي دارفور شوف الحاصل وأكتب لينا ليه من الأساس في أزمه في دارفور
ولا غيرو وغير بعداك إتكلم عن الدوله ورمز الدوله وكيان الدوله

الشي العاوزك تفهمو كلنا حنمشي ونموت ونحاسب أجيالنا ح نورثهم شنو ؟؟ ح نخلي ليهم شنو من الدوله الإنتهت ؟؟

يا خبر بفلوس ……. we waiting

هل يمكن ان نتوقع مفاجئة بعد ربع قرن من الزمان .؟؟..حتى لو اعلن التنحي فهو لا يعدو ان يكون واقعا طبيعيا بفعل عوامل وحتمية الزمن الذي لا مفر منه ليس استجابة لاوضاع ملحة وضرورية.

لا فى تنحى ولا يحزنون .ما فى داعى نحلم ونكتر المحلبيه كمان

الخطاب سيتضمن مشاركة الصادق في الحكومة والترابي لوضع الدستور مع الميرغني وتاجيل الانتخابات واعلان البشير عدم ترشحهه لولاية سادسة

دا إذا في مفاجأة أصلا

[img]http://s2.postimg.org/wnqfeomqx/nnnnnnnnnnnnn2v.jpg[/img]

( وسيطرح منهجاً جديداً يخص كافة القضايا السِّياسيَّة والأمنيَّة والاقتصاديَّة في إطار وطن قومي موحَّد.)
وطن قومي موحد بعد ان ضاع ثلثه والبقية في الطريق ؟ شوف الترتيب بتاع القضايا السياسية والامنية واخيرا الاقتصادية مع انها اهم واحدة اهم من تأمين انفسكم

البشير لن يتخلي عن السلطة الا وعود القذافي في دبره

مدفع الدلاقين.

خطاب منتظر بعد خراب سوبا … لا جديد فى هذا المنحى … وعود جوفاء وأن الحرب على المتمردين تسير كما خطط لها من قبل البلهاء … كيف يتنحى وشبح الجنائية تطارده من على سرير نومه … لا جديد طالما أن النظام لا يشعر بأن هنالك ما يؤرق مضجعه … الغفير فى أى موقع كان لا يتزحزح عن سلطته شبر قط فما بالك برئيس دولة يبرطع فيها طولا وعرضا … لا جديد فى الخطاب طالما أن البلد مأزومة فى كل شىء حتى رغيف الخبز إنعدم من الأفران والمواصلات فى أشد الإختناق وغاز الطبخ الحصول عليه كمن يبحث عن لبن الطير وأزمة المواد البترولية تسير مستفحلة .. ومع كل هذا الشعب صامت صمت أهل القبور … لا جديد وأسعار الدواء فى السماء بل بعضها والذى يتعبر فى غاية الأهمية معدوم لأن الدولار معدوم فى خزائن النظام …لا جديد يتوقع من رأس النظام بعد إستفحال وتراكم الأزمات الواحدة تلو الأخرى … لا جديد فجميع الأجواء فى غاية الهدوء

الليلة المفاجأة بدري روح إتعشّى
واشرب شاي مقنن متكي وتدّشى
الغرقان بيمسك حتى لو في قشّة
عاد بتفزّوا وين الليلة يوم الكشّة
(أبوسارة)

الحل واضح .. جداً وبسيط .
للمشير و للصادق وللترابي و لغيرهم ..
تنحي (الرئيس) ونظامه ، تسليم السلطة لحكومة مدنية مستقلة (( وطنية)) من شباب التيارات المختلفه يدعمها بعض التونقراط المستقل ، يقودهم قاضي مستقل نزيه ،
على ان لا تشارك الوجوه القديمة ، ده لو (البشير) جادي ومن حوله جادون ،

اولى مهام هذه السلطة الانتقالية :
– التفاوض على وضع السلاح .
– مساءلة ومحاسبة كل من اجرم في حق الوطن والمواطن والدستور و الديمقراطية .

أما الإقتصاد … فالدعم سيأتي من دول الخليج سخياً ، والغرب سيعفي ديون السودان ، وهناك اكثر من 20 مليار مجمدة لدى اصدقاء السودان الاوربيين منذ نيفاشا ، تم حجزها
لعدم تعاون مجرمي الحرب في الخرطوم مع المحكمة الجنائية .
نعد (االبشير) بمحكمة عادلة في محاكم سودانية وقضاة سودانيون مستقلون ، وان لا يتّم تسليمه للجنائيه .

دون ذلك .. لا حل ..

يا جماعة قولو تنحى منو البشيل الجنازة دى السودان ده الا يشيلو انسان اسواء من البشير لازم يقتل ويشرد ويعتقل غير ذلك يكون بغش على نفسو انحنا عندنا شعب والله ما يجى الا بالكورباج وبعدين منو الفضل فى السودان من السودانين البلد كلها حبش اولاد البلد كلهم طلعو خارج السودان

نشاهد في مساء هذا اليوم بقاعة الصداقة كل من البشير,الميرغني, الصادق, الترابي والخطيب وبقية أحزاب الفتة وممثلي الحركات المسلحة يقولوا قولة رجل واحد: دا طرفنا يأهل السودان من حكم السودان والسياسة.
وبعدها يلزموا كل من معهم بالأنسحاب عن العمل بالسياسة ويتفرغون لأعمالهم الخاصة ,ويتركوا الحكم لخريجين جدد مستقلين من كلية الاقتصاد والعلوم السياسية من جامعة الخرطوم.

هههههههههه تتجازى وتتضقلمى بالقزازة يا ((( المتفائلة جدا ))) … ضحكتينى جنس ضحك … أضحك الله سنك يا حبيبة … صدقى فعلا القلتيه دا السيناريو الحايحصل … عاد ياريسنا لا بنريدك ولا بنحمل بلاك هههههههه لاننا ما حنلقى زول تانى نسوى فيهو كل الدايرنو القلتيهو دا … أه نقول ليهو قطر عجيب يودى ما يجيب … تحياتى

ده ما حيستقيل نهائي حتى كان بعد مائة سنة كان هو او الناس المعاهو الا الناس يثوروا عليهم و يقلعوهم من البلد كلها

هههههههههههههههههههههههههاي طلعت بيضة ديك

إستمعت لخطاب البشير وندمت علي كل دقيقة من وقتي أهدرتها في متابعة هذا الخطاب “الهايف ” . لقد كان خطابا إنشائيا ومليئا بأخطاء وزادته قراءة الرئيس الركيكة والمتعثرة تشوهاً علي ما فيه من تشوه . لقد أكد البشير بما لم يدع مجالا للشك بأنه ينبغي أن يتنحي عن حكم السودان فورا ، لأنه أصبح مدمنا للفشل . أكثر ما كرسه هذا الخطاب الإنشائي أن البشير ما عاد يكترث بالشعب السودانى ولا يهمه أمره . ليس في الخطاب من جديد عدا اللإعتراف بالهوية السودانية أما حديثه عن السلام فليس فيه جديد . يجب علي قوي الإجماع الوطني أن تنتزع المبادرة و تمضي قدما في التنسيق القوي والفعال مع الجبهة الثورية من أجل أسقاط هذا النظام اليوم قبل الغد .