حجز ممتلكات رجل أعمال اشترى مصنع مستثمر أجنبي
حجزت النيابة العامة على أملاك وأصول رجل أعمال سوداني وأمرت بحبس ابنه حتى سداد مبلغ 100 ألف دولار، الامر الذي ادى لمغادرة أسرته للعاصمة، وتعود حيثيات القضية لشراء رجل الاعمال أصول مصنع ومعارض تخص مستثمراً صينياً فكر في إنهاء عمله بالسودان، وكان رجل الأعمال قد وكل ابنه لمتابعة اجراءات الشراء وتحويل المكلية ودفع قيمة المشتروات البالغ قدرها ثلاثة ملايين درهم، اي ما يعادل ملياري جنيه سوداني، وتمت المبايعة بواسطة محامٍ. الا ان رجل الاعمال تفاجأ بقرار النيابة العامة القاضي بحجز كل ممتلكاته واستدعائه للتحري في بلاغ يخص المستثمر الصيني رغم اكتمال اجراءات البيع، حيث تقدم محامي المستثمر ببلاغ يطالب فيه باتعاب خدماته المقدرة بـ «100» ألف دولار كما امرت النيابة بحبس ابنه في قسم شرطة السكة حديد لمدة «24» ساعة. وكشفت معلومات خاصة ان الشرطة داهمت منزل رجل الاعمال وحجزت كل اصوله حتى التي لا علاقة لها بالبلاغ، مما اضطر اسرته لمغادرة المنزل والتوجه للولايات مسقط رأسها.
الانتباهة
بلد تعمها مثل هذه الفوضى كيف يجازف مستثمر بالقدوم اليها وطنيا كان ام ادنبيا في بلد الكل يطمع فيما لديك بدء من اعلى سلطة وهي الحكومة والمتنفذين فيه الى الشرطي والمحامي وغيره
الواحد ما فهم حاجة الصينى لعب على السودانى والله شنو الحكاية .
محامي الجن دااصول عمل شنو داير يغني بين يوم وليلة والله لو ما الواحد عارف انو في البلد دي لسة في ناس كويسين ونضيفين كان قال السودانيين ديل بقو اتفه بشر على وجه الارض خصوصاًالمحامين
يجب على المشترى توكيل محامي حتى لا يضيع في انفاق المحامين بائعي الكلام وغلطة الشاطر بعشرة كما يقولون
كلام غريب وغير مفهوم هل اتعاب المحامى تستحق كل هذا الإجراء ؟
نفهم شنو هسه من موضوع زي دا البلد فيها مشاكل كتيرة ومواضيع زي دي ما بتهمنا .
820 الف جنيه اتعاب المحامي …. من الاحسن ان يسلمه مفاتيح المصنع ويدعو له بالتوفيق …
طبعا ده المحامي و اصحابه في القسم
الجملة الشهيرة
حقي كم
حقي كم حقي ماشف سبب بلاوي الاقتصاد لقد تحول الشعب كله الى سماسرةو ابوك يسمسر في اعمامك و عماتك و جدك امك تسمسر في خيلانك و الجيران اختك واخوك يسمسروا في اصحابهم ابنك يسمسر فيك .
من المزارع الى المستهلك يمر المنتج عبر 20 سمسار كل واحد غازي عصايته ده غير السمسار الحكومي ( النفطه -بوليس الحركة- المحلية- الولاية-)
كيف مايكون محامى سمسار وكيفما ينعدم الضمير وتسقط القيم الاخلاقية وضمير المهنة للمحاميين زى نوع صاحبنا ده مادام اشرف عليها نافع ايو العفين انحطاط فى كل يا كيزان ياتافهيين
صياغة الخبر ركيكة جدا وملخبطة وما فهمنا حاجة ….
ناس الراكوبه المقال دا كاتبو سراج النعيم؟؟؟؟؟
ـــــــــــــــــــ
تابع هنا :
[URL]http://www.alintibaha.net/portal/%D8%AD%D9%88%D8%A7%D8%AF%D8%AB-%D9%88-%D9%82%D8%B6%D8%A7%D9%8A%D8%A7/46032-%D8%AD%D8%AC%D8%B2-%D9%85%D9%85%D8%AA%D9%84%D9%83%D8%A7%D8%AA-%D8%B1%D8%AC%D9%84-%D8%A3%D8%B9%D9%85%D8%A7%D9%84-%D8%A7%D8%B4%D8%AA%D8%B1%D9%89-%D9%85%D8%B5%D9%86%D8%B9-%D9%85%D8%B3%D8%AA%D8%AB%D9%85%D8%B1-%D8%A3%D8%AC%D9%86%D8%A8%D9%8A.html[/URL]
اولا 3ميون درهم تعادل بسعر ايوم سته مليار ونص – الموضوع اعتقد الجماعة حسدوه في الموضوع لان الصيني استلم القروش بره السودان وبالدرهم والجماعه مالقو يمسحوا شنيباتهم.
ياجماعة لابد من الإندغام والإعتساف للوثوب على الفسدة والحرامية وإقتلاع هذا النظام من جذوره ( إندغموا وإعتسفوا تصحوا ) .. ياجماعة لابد من دفع الهر حتى يرتاح أهلنا من هؤلاء الشرزمة .
في بلد فوضوي كالسودان كله جايز
ما في قانون يسمح للشرطة بمثل هذا التعدي على الممتلكات الشخصية
لكن وكما قيل
#طبعا ده المحامي و اصحابه في القسم#
تماما
يا اخوان كما فهمت : الصينى قبض قريشاته ومشى . الموضوع بقى بين المحامى
السمسار والمشترى فى حق السمسرة . والله اعلم
هاهاهاها ….. وبي جهة تانية يطلع علينا وزير الإستثمار (الباسم) داير المغتربين يجوا يستثمروا .. والله المجنون ما يجيكم يا حرامية يا لصوص البلد خلاص باظت وبقى كل زول داير يمسح شنباتو على حساب المستثمر والمغترب
الله يفك محنتوا الراجل دة ركب الماسورة
فعلا صياغة الخبر توضح بان الخبر صينى اى صناعة صينية