مع حسين خوجلي .. الفكر الذي فقد ظله
د. محمد حسن محمد
حلقة الاثنين … الدكاكاين
كره السودانيين للاحزاب
الحرب في الجنوب
يبدو ياحسين ورغم حبك للطرفة كنت غايب 25 سنة من الشعب السوداني
عشان كدة فاتت عليك نكتة (الجماعة ديل بقطعو وبعدين بعدو) وهي قيلت في بدايات الانقاذ ابن حقبة التركي عبد الرحيم حمدي باش بزق الانقاذ
وهذا انعاكسا لسياسة الولاء والطاعة
نفذ ثم ناقش فانهارت مشاريع ضخمة كانت افكارا مثمرة ولكن الغباء والولاء والدهاء عصفوا بها
فاصبحت قاعا صفصفا
هي بقت على الدكاكين يا حسين
جيل قفلو البلد كلها وشالو مفاتيحها وشعارهم
( الزارعنا غير الله يجي يقلعنا)
وحينما بدأت تهب رياح رحمة ربي مؤذنة بالاقتلاع بقو يدارو ورا الدعوات
زي ما قال نائب الرئيس انو سلاحهم النووي الدعاء طيب ما في 30 مليون مظلوم بيدعوا عليكم ودعوة المظلوم ليس بينها وبين الله حجاب
يعني 30 مليون فنبلة نووية يا حسين .. بعدين بصراحة زولكم ده ودو الضل
اما قصة كل الاحزاب جربت الحكم دي ذكرتني زمان في المدارس الابتدائية لما الاستاذ يفاجيء الفصل بي تسميع او جداول ضرب او املاء انجليزية فبعض من الطلاب بيكون جيد جدا
وبعضهم جيد وكثير متوسط وقليل سيء اها يقوم واحد من السيئين ديل لما يمشي البيت ويسالوا يقول ليهم والله الفصل كلو ساقط
ليست كل الاحزاب جربت الانقلاب
حكومة عبود لم تكن انقلاب بل كانت تسليم وتسلم
ولا يفوت على فطنة كثيرين ان عبدالله بك خليل لم يكن ليجرؤ على القيام بهذه الخطوة ما لم تكن بموافقة السيدين ولكن بحكم كونه محسوب على حزب الامة العامة يتناقولن ان حزب الامة هو من قام بتسليم الحكم للعساكر
ولكن السيد عبدالرحمن ولحكمته ونبله لم يكن ليقد على هذه الخطة ما لم ينسق مع السيد على الميرغني
الاحزاب الجربت الانقلاب
اليساريين وانتو
نجي لمسالة الحكم ( الفصل كلو ساقط)
الاحزاب لم تكتمل وحتى الان دورة حكم ديمقراطية يعني لا يمكن تقارن لي 3 سنوات لحكومة اتشكلت من الاتحادي والامة ثم من الامة والجبهة ثم من الثلاثة معا
بحكومة من الاسلاميين 25 سنة
عليك الله يا حسين اليست قسمة ضيزى ؟
فما تحاول تغسل هقول النسا بفريات
انتو يا الاسلاميين خايفين الشعب السوداني يلفظكم انتخابيا عشان كدة عايز تجينا باللفة
قال حزب السودانيين قال
ياحسين زمن القنابير ولى
اي نعم نتشاور جميعا ونتحارك جميعا سودانيين في بيوت البكيات وفي بيوت الاعراس لكن لما نجي للسياسة
كل حزب بما لديه فرحون
الحشاش يملا شبكتو ولا يجديكم ترتيق شباككم
حرب الجنوب
ويسال عن ذلك علي عثمان محمد طه
لا تقول لي امريكا لا دول الاستكبار
الحركة الاسلامية في ادبياتها ومنذ الخمسينات
( اذا كان الجنوب عائقا لقيام دولة اسلامية يفصل)
وفي ثمانينات القرن الماضي ونحن طلاب اصدر الاتحاد العام للطلاب السودانيين ( الاتجاه الاسلامي ) بيانا ظهرت فيه صورة السودان مقسومة ولدهائهم اظهروها كانها مقسومة بشكل عفوي . فلاقيت واحد من امرأء الحركة فقلت ليه من هسة قسمتوه فانزعج وسريعا تم سحب البيان واخرجوه بصورة تظهر الخريطة كاملة
وزي ما قال ظريف امدرمان الهادي الضلالي (حكمة الله بنعرفهم ويعرفونا)
فكل تبعات فصل الجنوب يتحمل وزرها الاسلاميون بصفة عامة وعلي عثمان بصفة خاصة
وما تخليني اديك امثلة شارع ود البصير في الموضوع ده فكلنا اولاد السوق الجديد
فيا حسين مالك نا قاعد تتذكر الطيب مصطفى وجريدة الانتباهة ودورهم النتن في فصل الجنوب
والسلام عليكم ورحمة الله
[email][email protected][/email]
حسين خوجلي ده كان وين قبل 26 عام الزول ده كوز معروف ونحن عارفين أن كل الكيزان وسخانه ومعفنه عشان كده يا جماعه ماتصدقوا ليكم كوز
والله وتالله ورب الكعبة لقد اصبحنا في درجة من المهانة والاذلال حتى يحدثنا هذا البرميل المعفن عن مساوي عصابته .. يعني عاوزين يقنعونا بانهم ديمقراطيين وبسمحوا بالنقد ..!!
لانه ريالتنا سايلة ومالية البلد … يعني صحفي يكتب مقال في جريدة لا يقرأها اكثر من عشرة الف تعتقلوهو وتقفلوا الجريدة وتمنعوهو من الكتابة وتصادرو العدد قبل التوزيع ..
وهذا المافون الحكواتي شادي الناس كل يوم وبتكلم وبجعجع وبظرط ويفسي ومخلنو عشان البلد ديمقراطية !!
الامر واضح لكل من لا يوصف بالغبي ..
ان الخطة للمتأسلمين حنك جديد ولعب وخداع لانهم اطمنوا اننا سذج واغبياء ومستكينين ..
عشان كده صرت اكثر قناعة بان الرجال في السودان ما عادوا موجدين حتى يتكلم بلسانهم هذا ال …
يتعرف كوز كيفن لو ما بقى كضاب ولسانو حلو ؟؟ للأسف كثيرون صدقوا الكذبة القديمة الجديدة الوثبة والحوار وسيستخدمون الأحزاب التي باعت قضية الشعب السوداني وشارك أبنائهم في حكومة الفساد الوطني وهؤلاء لا يعنيهم الشعب السوداني تعنيهم فقط كراسي الحكم فلا فرق بين الشعبي والأمة والإتحادي كلهم ساعين للسلطة ويقبضون الثمن البخس ويواصل المؤتمر الوطني في فساده وعهره السياسي .. وعليه لابد من حزب شبابي جديد يقلب عليهم الطاولة وعاجلا أم اجلا سيذهبون لمذبلة التاريخ غير مأسوف عليهم .. كفانا 50 عاما من الذل والتدهور والتخلف الإقتصادي والسياسي والإجتماعي .. قوموا لثورتكم يرحمكم الله..
لاننا شعب لا يجيد الا الونسة و(طق الحنك) علشان كدة ما تزعلو من حسين خوجلي كلنا في الهم شرق . وكلنا بس فالحين في النضمي والكلام الفارغ . ولما يجي وكت الحارة زي ما حصل ايام مظاهرات ايلول الاسود كل واحد فينا لما ضنبو وقعد في بيتو وخلينا اولاد الناس استشهدوا بدلنا وتاااني جينا نتونس .
يا خونا جبل اللكوم ده حيرنا في شكلوا ماشي كل يتهزه ورا وقدام قاعد مدفق لحمو والمصيبة البتحير ده كان دخل الحمام لقضاء الحاجة او للاستحمام يكون مؤجر زول يقوم بهزه المهام افكارو نتنه كلامو عهر
حسين خوجلى عنده افكار جميله واطروحات اجمل ولكنى اخشى ما اتخشاه ان تكون مسمومة او ان يكون كل الموضوع شرك لاصطياد الشعب السودانى فى السهلة السودانية
نحن مش مصدقنوا بس ونستو باقي حلوة…. لكن علي الطلاق بعد ال ٢٥ سنة دي مابصدق لي كوز لو يحلف بالسبع كتب .. ناس دارفور زول كضاب بضربوا بيه المثل بيوسف كبر
الله يرضى عليكم امثال حسين خوجلى واشباههم ينفع معه الدعاء بس فتضرعوا الى الله ان يخلص البلاد والعباد منهم ليتشبه بل…… فى النار انشاءالله
حسين خوجلي يجيب قصص بتاعت سودانيين وشهامة وكرم ويعتبرها غريبة جداً حتى مثل كلمات الراعي ياجماعة والله دا اخلاقنا كدا وفي قصصة شهامة وكرم وأمانة والله ارجل مما حصل ؟ ليه الناس تستغرب ما يحدث الآن ؟ لانه بعد خمسة وعشرين سنة الانقاذ بهدلة الاخلاق وصارت قصص بالشكل دا تعتبر قصص كانها خيالية؟
يحكي لي واحد قال كان بشيل المهاية حقت واحدة عجوز برسلها ولده افي الخرطوم ويخت القروش في ظرف لما يصل قدام القرية حق المرأة العجوز دي كان يرمي الظرف وعليها اسم المرأة فقط في الهواء قصاد الدرب حق القرية وكانت المراة العجوز تستلم القروش نهاية كل شهر بهذه الطريقة.. لغاية ما السكة حديدة انتهت
الراجل الذي يحكي لي قال لي انا كنت جمب الكمساري لما رمى الظرف قلت ليه ؟ دا شنو العملتوا دا قالت مالك .. ما بيجي اي يزول ويقرا اسم المراة في الظرف ويسلم ليها… وانا لي سنين بعمل كدا ولدها في الخرطوم يديني القروش في الظرف وانا برمي قصاد القرية وهي دي مشكلة دي؟
قالوا أيام حسين خوجلي يصول ويجول في وسائل الإعلام ومنابر الجامعات للتضليل والتبشير بمشروع الإنقاذ سألته إحدي الفتيات وقالت له ياجماعه أنتم وجهوكم النايره دي بجيبوا الكريمات دي إي كريمات بتستخدموها وبجيبوها من أين ؟ قال لها لا يأخت دي ما كريمات دا نور الإيمان والوضؤ ! قامت قالت له مال علي الحاج دا قاعد يتيمم
فهؤلا القوم لايتورعون عن الكذب وتصديقه وفي نفس الوقت إنكاره
طريقة مبتكرة لتضليل الناس تفوقت على إعلام “جوبلز”وزير الإعلام ابان عهد هتلر ” كذب كذب حتى يصدقك الناس”
أصلا الإنقاذ في بدايتها بدأت بكذبة .. والإنتخابات كذبة .. والبشير يقول: ياجماعة حصل أنا كذبت عليكم؟ ” في حد سألك”؟
وسيظلوا يكذبون بقوة .
وما تبديل أدواراهم “الحربائية “الا كذبة كبيرة ولكنها لن تنطلي على المواطن السوداني . الآن الترابي عائد لحضن البشير ..
هل تتذكرون ياسادة عنما كان البشير يهدد الترابي بعنف غير مسبق بإدخاله السجن مرة اخرى ..
وغدا يرجع غازي العتباني وقوش وعلي عثمان ونافع ووو إلى حضن البشير وهكذا دواليك!
هل كان الازهري والمحجوب وعبد الله خليل ومبازك زروق ويحي الفضلي وجمال محمد احمد وآخرين يكذبون.
عهد الإنقاذ لم نر عهداً مثله في الخداع والإفك قط !
لعنة الله عليكم دنيا وآخرة ..آمين.
مقادير ياقلبي .. (قنابير قنابير)
مع الاعتذار للاغنية.
بصراحة مافي داعي للتسكع والتبطل ومضيعة وراء هذا الدعي الرجرجة حسين خوجلي … دا فاقد تربوي عديل ولو عاوزين تتأكدوا تابعوا سيل الأخطاء المتدفق فيما يقرأه من نصوص صحفيه يختارها هو بنفسه للتعليق!! والله دي فضيحة عديل كده والغريب أنو بيستمر في القراءة وزي ما حاصلة حاجة!! ثانيا الغالبية العظمي لما يعتبره “أفكار” ليست إلا “ونسه” و “هوشات” مرسلة لا تختلف كثيرا عما تتداوله مجالس النساء “مع الإعتذار” للجنس الآخر!
ليس في “جعبة” هذا الأفاك من شيء يقتضي المتابعة أو الإهتمام حقا.
انتو يا جماهوة ما ملاحظين حسين خوجلي دا بيجي البرنامج شبعان شبعة طيري لدرجة ما قادر يهضم الاكل … ولا انا ما بشوف كويس ؟؟؟؟؟؟؟؟؟؟؟
عليكم الله خلوه يونسنا نحنا عارفنو كذاب .
والله يا حسين خوجلي الرجالة ما لايقة عليك ، خليك مع الكريمات والصبغة أترك السودان للغبش والغلابة.
حسين خوجلي؟
احد مدمري ديمقراطية انتفاضة ابريل بجداره
كيف تنسو الكلام دا؟
ولبيه الحكومه سامحة ليهو ينتقد ويلف ويدور؟
فتحو يناس!!!!!!!!!!
والله إنتوا لايعجبكم العجب
حسين خوجلى قال الذى جبنتم عنه كلكم و ولم يقل فيكم واحد بغم ,, بس تعرفوا تتفاصحوا وراء الكى بورد , الراجل فيكم اليمرق ويقول زى كلام حسين خوجلى ,, والله نحمد فيه إنه صار يهز فيكم هزا لتفعلوا شيئا ,, ولكنكم أصبحتم كالنعاج ,, ماعندكم غير قلة الادب والشتم,, إتقوا الله في الرجل مهما كان إتجاهه فقد حرك فينا شجونا وعزة فقدنا منذ زمن بعيد
أرجو من مشرف الراكوبه إلا يحجب هذا الرأى مثل مافعل في المرات السابقه
يادكتور جبت الزبدة (حكمة الله بنعرفهم ويعرفونا)والفى راسو بطحة اتحسسا
حكمة الله نعرفم وارعرفونا
وبالله فى ود خوجلى افتونا
انا نحب الكيزان والمكرونة
في قديم الزمان وسالف العصر والأوان كان قاصدو الحج القادمون من غرب أفريقيا يسافرون من بلدانهم على أرجلهم”كداري” قبل سنة من موسم الحج حتى يصلوا الجزيرة المروية ويظلون يعملون في حواشات المشروع لمدة ليست بالقصيرة لجمع نفقات السفر الى أرض الحجاز وتذكرة قطار الشرق وتذكرة “بابور المالح”.وكان معروف عنهم أنهم يحتفظون بأموالهم التي جمعوها تحت طواقيهم المصنوعة من الجوخ الأحمر وكان اللصوص “الشفوت” يعرفون هذه الحقيقة فيذهب كل واحد منهم ويشتري بطيخة وينتظر بها حتى يتحرك القطار ويركض وراءه وهو متظاهراً بالسرور لهؤلاء الحجيج الذاهبون لأداء الفريضة صائحاً “يا حاج بطيخة زوادة” لا تنسانا من دعواتك وما أن يطل الحاج برأسه من شباك القطار لتناول البطيخة فيقوم اللص “بخمش” الطاقية بما فيها من نقود(تخيلوا معي عظم هذا الإثم).وما أن عرف الحجاج حيلة هؤلاء اللصوص فأول شيء يقومون به هو خلع الطاقية بنقودها ومن ثم محاولة الإمساك بالبطيخة وهنا يدرك اللص “شدة” الحاج فيتراجع ببطيخته.
ويا حسين خوجلي نقول لك إن حيلك قديمة وإن كنت تظن إننا في سذاجة أبو الدرداق فنحن في شدة أم قيردون فالعب غيرها وإن كنت أنت كيس قطن فالسوداني كيسٌ فطنٌ.
حلقة اليوم الثلاثاء اعجب !
نزل فى المصريين تقيل .
ونسى وتناسى كل بلاوينا ،
لا اريد ان اشتمك يا حسين ولكن اقول لك
خليناك للقوى الجبار ، خليناك لمن يعذب الضالين بالنار ،
الهى عليك بهذا المتنبى ، الكذاب
يا جماعه رجل يملك فكر وثقافة ولسان تمكن من جمع اكثر من ثلاثة ارباع الشعب السودانى امام الشاشة لاكثر من ساعة يوميا هل يمكن ان نقارنه باى صحفى او كاتب يمنع من الكلام النظام اذكى من ان يمنع مثل هذا الرجل لان منعه كارثة وتركه خير من منعه وقد اصبح البرنامج الاول بلا منازع
المشكلة ليست في حسين خوجلي فحسب.. بل في من يستمع اليه..حسين خةجلي وامثاله معروفين مهما ركّبوا من أقنعة !
يا جماعة الزول كان دارلو وزاره وما لقاه احسن خليوه يونسننا ما لكم عليه
يعجبنى موضوع ظاهرة (الاستاذ) حسين بن خوجلى وانا جالس على بنبر (منبر) الراكوبة أشاهد يوميا برنامج الحسين بن خوجلى وهو ينظر (بتشديد الظاء) ويحكى الطرائف ويلف ويدور ويدعو الى دعم الفقراء والمساكين والمرضى ونزلاء سجن الهدى و أحرص على مشاهدة البرنامج يوميا ليس من أجل المنفعة او المتعة بالنظريات التى لو عمل بها أى رئيس دولة نامية ولو كان خوجلى هو نفسه الرئيس لتغير الحال ولكن اشاهد البرنامج الغث لاسبر أغوار هذا الخوجلى الذى أتى من رحم الانقاذ فى محاولة خبيثة لاطالة عمر الكذب والنفاق وكما قال صاحب المقال (حكمة الله نعرفهم ويعرفوننا )
وكما قال ايضا الاستاذ فتحى الضو نعرفهم من غرودة عيونهم وملافحهم المطرزة انظر الى عيون مرسى والغنوشى واسماعيل هنية والترابى الذى علمهم السحر وابتساماتهم بطعم قوس قزح (الرينبو) كلام هنجكة وكذب يصدقونه فيما بعد ويكابرون لطمس الحقيقة بعد كسر عنقها بالاندغام والدغمسة
أريد ان أعرف ما ذا يريده الانقاذيون بعد الدمار على لسان الناطق الرسمى لهم (الاستاذ) حسين بن خوجلى وكيف يريد الوصول الى جمع صف الانقاذيين تحت لواء حزب السودانيين الغبش مرة ثانيةتحت راية الانقاذيون بعد ان شتت الله شملهم وتفرق جمعهم بالمفاصلة والمحاصصة والاصلاح والنتيجة تدمير كل شىء
كيف لك يا (استاذ) حسين تجميل القبيح فقد تغير الزمن والفهم ولكن ليس لدينا سلاح غير الدعاء والبكاء وذهبت زهرة شبابنا وبقى من العمر القليل
معارضة مصنوعة للتباهي بها عالمياً واعلامياً .. ولكن حقيقية زي سبتمبر وخرجة حقهم الرصاص .. زي التقاسمات الحالية في المؤتمر الوطني .. ليشوشو على البسطاء ويشتتوا من اسطواتهم وكله في مصلحة المؤتمر .. ممكن ينجحوا اذا صدق احدهم ان واحد من الكيزان ربع قرن في الحكم .. وبقدرة قادر فجأة بقى معارضة ويتكلم عن فضائح هو منها والاغرب من ذلك لا احد يساءله .. اذا صدقتموه فهنئاً لهم الحكم ربع قرن آخر .. ياريت تنشط احزاب الشعب الحقيقة والحادبة على مصلحة الوطن بالتنوير للانتخابات من الان بالتوعية واستغلال الاعلام والشبكة العنكوبتية .. مش لما يجي وقتها ونتفاجأ .. الجماعة شغالين ومدورين اعلامياً وفي الارض ونحنا شغالين نعترض ونسخر ونشتم ولكن وين العمل في الارض وين الندوات وين المحاضرات وين الفعاليات وين المؤتمرات وين الزيارات التوعوية والميدانية وين وين وين 0000؟ الامور لا تاتي بالتمني ولكن بالعمل .. هل نحن عملنا بما فيه الكفاية لمقارعة هؤلاء العصبة ولا ننتظر لما يزهجوا ويقولو لينا تعالو هاكم … العمل العمل العمل …
يا جماعة الخير
مطلوب صورة لحسين خوجلي بدون عمة