فرص عمل جديدة للسودانيين بدول عربية
اتفقت وزارة تنمية الموارد البشرية والعمل السودانية مع نظيراتها بكل من دول قطر وليبيا والمملكة العربية السعودية والبحرين والمغرب والعراق، على زيادة فرص العمالة السودانية بهذه الدول، وإزالة كافة العقبات التي تواجه عمل السودانيين بالخارج.
وأعلنت الوزيرة إشراقة سيد محمود عقب مشاركتها في منتدى التنمية والتشغيل الذي عقد بالسعودية، عن اتفاقها مع وزير العمل السعودي، لتكوين فرق عمل مشتركة لمتابعة فرص العمل للسودانيين، وأوضاع العمال وكافة القضايا المشتركة، فضلاً عن إعداد مذكرة للتفاهم بين الوزارتين.
وكشفت عن اتفاق مع وزير العمل بدولة قطر، لإكمال الربط الشبكي بين الوزارتين، للمساعدة في توفير فرص العمالة السودانية بقطر، بجانب الاتفاق على مد قطر بـ 15 من الخبراء السودانيين في مجال السلامة والصحة المهنية.
وأشارت إشراقة إلى لقاءات بوزراء العمل بليبيا والبحرين والمغرب والعراق، تم من خلالها الاتفاق على إزالة كل العقبات التي تواجه عمل السودانيين، وتوحيد كل الجهود لإيقاف أي ممارسات خارج إطار وزارة العمل، وإيجاد فرص عمل للسودانيين في كل المجالات، وتدريب المدربين في مختلف قطاعات التدريب المهني.
اس ام سي
اتفقت وزارة تنمية الموارد البشرية والعمل السودانية مع نظيراتها بكل من دول قطر وليبيا والمملكة العربية السعودية والبحرين والمغرب والعراق،
ليبيا والعراق مصدر خطر الاوضاع افضل منها دارفور او العمل في الصومال او كهوف تورا بورا المغرب لو كان به عملا لما هاجر المغاربة الي اوربا ودول الخليج تريدون افراغ البلاد من اهلها سوف تخاطبون انفسكم في المراية بعدين عليك الله كلمي لي نتنياهو بنيامين يشوف لي وظيفة بدولتة
الاتفاق على مد قطر بـ 15 من الخبراء السودانيين في مجال السلامة والصحة المهنية.
كفاية مزاح
وخلى الليل يكون صباح
بدور ارتاح
وضمد بى هواك جراح
او كما غنت فرقة الراحل وليم اندرية الذى قتل فى بيته برصاص الغدر عام 1976 ليصل المنافقين بعدها للحكم والثروة ( رئاسة الاحزاب الطائفية برضو من انواع الحكم )
واعلنت وزارة الموارد البشرية رغبتها من التخلص من الفائض البشري وافراغ الحظيرة السودانية من كافة السلالات على ان يتم دفع تأمين وقدره واحد والكثير من الاصفار وضريبة القيمة المضافة 30% وارضية عن كل يوم تأخير إذا لم تخارج السلالة خلال إسبوع أو خلال شهر ان لم تسحب السلالة سوف يتم إبادتها والاستفادة منها كسماد للأرض …
فطاس للدلالة
ولن تتقيد الادارة بالتعويض عن أي ضرر يصيب السلالة …..
دي وزيرة عمل للسودان ولا وزيرة عمل لدولة تانيه المعروف انو الوزيره بتشجع على العمل داخل البلد مش خارجها ولا داير تستفيد من قروش المغتربين في عمل جبايات مدام البنوك قفلت وبقت ما ترسل يدو تاشيره للسوداني يجي ويجيب الدولارات معاهو وكدا لكن تفكير عجيب
وفي النهاية انتو المستفيدين يقل الناس الفي السودان عشان تحكمو بمزاج هههههههههههههههه
لو الناس مرقت كلها وقعدتو انتو براكوم برضو الله في عشان يرجع حق الناس
حق الناس ما برووووووووووووووووووووووووووووح
اكيد واقعة السيد الراعي هي المهر الذي ستخطب به الوزيرة نظرائها ، بينما الجيمع يعلمون أن العلة في الطاقم الذي يقود البلاد
وزيرة بتشبه الإنقاذ!دي معقول جاية من حزب الشريف حسين! والله خسارة كبيرة!الشريف حسين إستطاع في يوم واحد و بقرار جرئ تشغيل 10000خريج بما فيهم خريجي الثانوي العالي و هؤلاء اليوم يشغلون وظائف مهمة و للأسف لم يتعلموا الدرس و لا يستطيعون إبتكار أساليب جديدة لتشغيل العطالة أو الباحثين عن عمل!توجد ألف طريقة و منها وضع أكبر عدد من العاملين في أي مؤسسة و وزارة أو مصتع و شركة و لنصنع نموذجاً جديداً يتوخي العدالة مع تقليل الربح و تعظيم الفوائد الإجتماعية ! و خلونا من الإسلام بتاعكم ده و الغش و الكذب و أكل أموال الشعب و المساكين ! و ستندموا ندامة الكُسعي! تفريط في أي حاجة و الزول يجد محن النظام في أي موقع و ظاهرة لا تخفي و لا أدري كيف ينام هؤلاء الناس و البلد كلها جائعة؟
كان يجاورني شاب متزوج حديثاًو معه والدته .و قد جاءتنا يوماً زائرة و كان ذلك في أوائل عهد الإنقاذو كانت تشكي قائلةً” و الله يا ولدي نحن كان فطرنا ما بنتغدي و كان إتغدينا ما بنتعشي!” أين هذه المرأة و ولدها العامل البسيط ؟نوجه السؤال لهؤلاء العفاريت!!
والمغرب والعراق، ليبيا
ونضيف:
وتشاد والكونغو والصومال
باللاهي المرة دي بي صُحها!!
مع إني ما بحب أكون زولة إنصرافية, لكن كل ما أشوف الوزيرة إشراقة “حاسرة الرأس” أدعو الله ينتقم لكل من تسبب في جلد أي سودانية بدعوى الطرحة واقعة أو اللبس غير محتشم..مما تسبب في اغتيال كرامتهن وإنسانيتهن .. لكن الوزيرة لا يجلدوها ولا يسألوها !!
ربي ينتقم ممن شرعوا وحكموا بالجلد ونفذوه بعدد سبيبات شعر الوزيرة المصبوغ ..وحسبنا الله ونعم الوكيل
دولة تشجع الكفاءت الوطنية للهجرة ودول اخري تفتح أبوابها لاستقطاب الكفاءت من كل انحاء العالم لاستفادة منهم عجبي
عندما يحضر اي وزير او مسئول مؤتمر او منتدى..أو…
** لما يجي لازم **يبيع كلام**
** كلام مجان ؟؟؟؟؟؟
كل ما أشوف صورة الوزيرة إشراقة سيد بذكرنى بى الساحره ميساء العجوز التى تجسد الشر فى مسلسل سندباد والعم علاءالدين الشيخ الوقور أيام الطفولة والزمن السعيد , يعنى ال15 من الخبراء السودانيين حتقلبهم 30.000 خبير سودانى.
******** عرفنا قطر ***** السعودية ***** البحرين ***** ديل فيهم شغل ***** اما **** ليبيا و العراق الا يشتغلوا “تفخيخ” مع تنظيم القاعدة **** اما المغرب الا يشتغلوا في مزراع الحشيش **** هو المغاربة كلهم هاجروا اروبا ***** الكيزان عايزين يتخارجوا من باقي الشعب الفضل و يبيعوا الاراضي للمستثمرين ******
***** كسرة *****
**** وزير العمل السعودي كان رفض يقابل الشعنونة دي لمن لفحت توبها و مشت السعودية ايام الكشات الاخيرة الوداها تاني شنو؟؟؟؟ **** كرامة و عزة نفس ما في ؟؟؟؟ ******
أي تصريح يقول به مسئول في حكومة الاتجاه الواحد والرأي الواحد ان المقصود هو عكس ما يقول تماما واعلم ان الامر عبارة عن تخدير للشباب السوداني بالداخل.. وان كلام الوزيرة مجرد اماني وعلاقات عامة ولو كانت هذه الدول تعاقب الشعب السوداني بحكومته لعاد ألاف العاملين بالخارج الى الداخل.
ولكن ننصح الوزيرةالمحترمة عليك بالداخل ووزعي الفرص الموجودة بالداخل بالتساوي واتركوا سياسة كوتات الاحزاب المشاركة في الحكومة وتمكين اهل التمكين ..اما شبابنا وابناؤنا فلهم رباً يحميهم ويرزقهم غيركم .. فلا تعتقدي اننا نعول كثيراً على ما تقولون فالذي جعل شبابنا يعيشون 25 عاما من حكم الدقير-البشير قادر على ان يرزقهم في الفترة القادمة.
أما انتم فكلوا واشربوا وتمتعوا حتى حين ولسوف تعلمون ..واكرر مرة اخرى ان كان عند فلاحة اعمليها بالداخل..
تجيبوا لينا الفقر وقلة ااحترام ، الله يعيينا
انتو يا اخوانا حارقين دمكم في كم الوزيرة وفرت ليكم فرص عمل في دول اخري بدل الجهجه في المواصلات في الخرطوم وبدل الانتظار الطويل للغاز والخبز والبنزين والعلاج والدواء وووووووووووو وبعدين كله بثمنه تشتغل خارج السودان يعني تدفع
ضرائب
زكاة
بدل خدمات
غربة
موت بطئ
انفطاع حسي ومعنوي وادبي وديني واجتماعي وسياسي ووطني عن الاهل والبلد
اتاحة الفرصة للقائمين بالامر بالاستحواذ علي فرصك في الاراضي والحقوق هذا ان كان اصلا لك حقوق حياة
الاستفادة من المتاجرة الخفية ينوع البشر السوداني خاصة من ذوي الخبرة لدى هذة الدول بفهم التبادل العليم والادبي بين الحكومات دون النظر عن النتائج السلبية التي يتضرر منها السودان بس المهم ما تكسبه الحكومة
وفي نهاية المطاف والاهم ان تقدم هذة الوزيرة تقريرها السنوي وعليه نقاط جوهرية ترضي اصحاب الطموح الرئاسي —ولاشنو يا اختي
؟
؟
؟تبقي لنا شئ واحد نحنا مين وجينا من وين واصلا ليه عايشين
بس الحمد لله
يا جماعة السودان بلد فقير فى الموارد الطبيعية!!
السودان ليس به انهار او امطار او مراعى او ثروة حيوانية مثل دول الخليج ولا حتى معادن او بترول او غابات هسع اتحدى اى واحد يقول ان السودان به نهر واحد مثل باقى الدول العربية ارضه عبارة عن صحراء جرداء وصخور ولا تنبت بها عشبة واحدة يعنى لا زرع ولا ضرع ولا حتى مياه جوفية!!!
عشان كده حكومته الرشيدة للازم تفتح له باب الهجرة والعمل فى تلك الدول الغنية بالموارد المائية والزراعية والحيوانية وهلم جرا!!
عندنا فى السودان حكومة رشيدة لا تدخر وسعا فى اصلاح حال البلاد والعباد لكن العين بصيرة واليد قصيرة حتى النيل الازرق والابيض لمن يجوا عند السودان ما بيمشوا فى ارضه بل بيطيروا بى فوق ويصبوا فى مصر!!!!!
اقترح ان تنضموا للسيد النائب الثانى فى الدعاء المليارى وتدعوا الله ان يجعل الانهار دى ما تطير فى سماء السودان وتمشى على ارضه حتى نستطيع ان نزرع ونربى الحيوان وان يرزقنا الله بالامطار والمياه الجوفية والثروة الحيوانية والبترول والمعادن حتى نستطيع ان نجد عمل لاهل السودان بدل ما هم هاجين بره السودان!!!!!!!
الدول المحترمة و المسئولين المحترمين يعملون على استبقاء مواطنيهم و توفير فرص العمل و تحسين ظروف العمل داخل الوطن و لا يجتهدون في تهجير مواطنيهم. وزارة العمل مهمتها توفير فرص العمل في الوطن و تحسين شروط العمل و بيئته و تطوير العاملين و تنمية قدراتهم.
من اين اتى هؤلاء الجهلة المرتزقة ليحكمونا؟!
هل يعد انجازا للوزارة توفير فرص عمل للسودانيين في بلاد واغ الواغ؟!
يا بنت يا أشراقة كان اهلك فاكنك نحن ما عندنا بنات بنفكهم
السيدة / إشراقة سيد محمود
وزيرة تهجير الشعب الفضل
اذا كان رأي الوزيرة هكذا تشجيع على الغربة وكنا نأمل أن تدعونا وتشجعنا على العودة الى الوطن فالى متى نظل نقبع في أحضان الغربة الأليمة بكل جوانبها ومعاناتها نريد اجابة ياعالم
والله لو وديتو وداد كان وافقوا علي طول مش ترسلو اشراقة دي انا لمن اشوفا مصاريني بتويجعني احيييييييييي اديني حبوب الضغط يا ولد
انا رايت فى احدى القنوات الفضائية مقابلة وزيرة العمل السودانى اشراقة سيد محمود لوزير العمل السعودى المهندس عادل فقيه بصراحة المملكة العربية السعودية بلد لها نظام مجتمعى محترم جدا ولها اعرافها وتقاليدها المعروفة احتشام المراةوهذه الاعراف لا تختلف كثيرا عن البلدان الاسلامية الاخرى المنضبطة فيما يتعلق بظهور المراة ورغم احترامى لوزيرة العمل كان من الافضل ان تكون متحشمة اكثر وبشكل يوازى الوضع فى السعودية يعنى اية المشكلة لو لبست الوزيرة العباءة النسائية وربطة الراس ؟؟او حتى الثوب السودانى مع ربطة الراس ؟؟ كان الامر يكون افضل من ذلك المشهد الذى بث على الهواء ويجب ان تعلم السيدة اشراقة انها تمثل بلادها وليس شخصها فالمظهر العام الملائم فى الخارج مهم جدا .
بالعربي الفصيح نحنا شعب ماحق تنمية ومابعرف يطور ولايتطور وان كنت من كارهي هذا النظام بقوة ولكن مرات اقعد مع نفسي واقول اصلا الحكومة دي ماهي البشير ونافع وطه هنالك جيوش مجيشة من الشعب السوداني انتهزت الفرصة وتلحس وبالرجوع للماضي اصلا الجماعة ديل تمو الناقصة بس عابهم طريقة لاتبقي ولاتذز لكن كدي ارجعو معاي منذ خروج الانجليز ونحنا ماشين وراء ما طورنا في البلد شئ والحكومات دي برضو من صلب هذا الشعب ببساطة الكل ساهم في الخراب بس اقول كل بطريقته علشان كدا ادعم واويد سفركم للخارج اولا علشان تعرفو الناس ماشية كيف وثانيا ندي البلد فرصة لخلق تانين يرفعوها لينا شوية وتاني نجي نخمج خمجنااصلنا فالحين في دابشرط ان يكون هولاء الخلق ليس لهم علاقة بالسودانيين من قريب ولا بعيد بعد تترفع وتتنفس نجي تاني نحنا لي فواتحنا وعرضتنا اصلها مابتخلص ياناس بلد الذروة فيها والزحمة الساعة 10 ص يكون الشغال في المكاتب منو وتمشي لمعاملة رسمية نص الاسبوع يقولو ليك الموظف سافر لي فاتحة الله يفتح راسكم علي راس ديل بشر ناس ماعندها احترام لزمن ولا بشر والادهي والامر لليلة ماعارفين عددنا كم ولاعندنا سجل مدني الافارقة الراسو ينقطع كلو يجي وتلقاه شايل جنسية بلدنا وعلي سبيل المثال لا الحصر يقول ليك انا من فلاتة سنار هو سنار فيها فلاتة ولا السودان فيهو قبيلة بالاسم دا والخلاس لسانو طلق يقول ليك جعلي من شندي مع الاعتزار لي ناس جعل ياخي حاجة تقرف طيب بتديرو الاقتصاد كيف وعلي اي اساس بنصدر ونستورد ياخي الواحد ناس بيتهم بعرف المتغدي فيهم في البيت منو وفي زيادة ضيوف ولا لا علشان يعرف يجيب كم رغيفة خليك من اقتصاد دولة وصادر ووارد اقرفكم زيادة ولا كفاية قال حنشيد نحنا بلادنا ونفوق العالم اجمع وردي علي شاعر تصور كيف يكون الحال والباقي انتو عارفنو بقول ليه بنكون بشر علي الاقل لنا كرامة وفي الغالب سعدااقولبالرجوع لماسبق بعضهم مااكتفي بي الجنسيةوضرب العصيدة الجا شايل ولدو في ظهرو عشانا سوي جماعة وشيلهم سلاح وقال عاوز يقيم دولة باسم قبيلتو وتقولي بلد ماهاملة اقول ليكم مافي فاتحة قريب قمو لفوا.
و الله انا شايفه مجتهده و مظبطه الحواجب
المغتربين فيهم نسبه عطاله 25%…كما قال الدكتور فصيل ابوالقاسم السودانيون يهربون السودان بلد طارد لشعبه السودان بلد قاتل لشعبه ….ماراح يضل غيركم انتو
كم تم صرفه في هذه الرحلة للدول المذكورة وكم مرافق من الحاشية للوزيرةء والله اقولها بكل ثقة ان ماا ت صرفة لهو كاف لبدء مشاريع تشغيل لمائة من الشباب وقس علي ذلك من الوزاء المتشدقين الذين يتجولون رفاهة ف دول العالم وناتج زياراتهم صفر شمال الواحد….؟؟؟
حل مشاكل العمالة السودانية هو في الداخل وليس في الخارج ، الشئ الطبيعي أن يجد الإنسان فرصة عمل داخل وطنه( تحفظ له كرامته وإنسانيته) وليس من المعقول أن تتسول الدولة السودانية الوظائف لأبنائها خارج السودان وإذا كانت الدولة السودانية( أقصد الحكومة السودانية) غير قادرة على توفير الوظائف لأبناء السودان داخل السودان عليها فقط أن تذهب دون مأسوفا عليها وبلاش وجع قلب !! مع إحترامي وتقديري لكل الدول التي تأوي العمالة السودانية
يعني زي السواكني والله هملة
دي وزيره تعينت لطرد وشوووت المواطن خاااارج حدود الوطن لاي مكان في العالم حتي يخف الضغط
علي الحكومه من المواطن الان الحكومه في ورطه كبيررررررره في عدم توفير رواتب موظفي الدوله
لايوجد علاج زي الناس او زي البشر او تعليم او حياة كريمه للمواطن السوداني وعلاقاتنا بكل
دول العالم سئيه لدرجه عاليه من السؤء اليس فيكم رجلا رشيد
يعني وزيره تشجع الشعب علي الهجره هذي اكبر كارثه انسانيه في تاريخ البشر
لاحول ولاقوة الابالله العلي العظيم
يا جماعة تفرسو فى صورة الوزيرة دى مابتزكركم ناس امل وبدر بتاعين كتاب المطالعة فى الابتدائى زمان تشبة امل التى ركبت الفرس زمان يا زمن
ياتو نوع من السودانين , في البيض العرب وفي السود الافارقة , يعني هسي انا لو مشيت بددووني شغل , مؤهل واي حاجة . ماف سوداني اسود افريقي يمشي يقول داير شغل في دول العرب لانو غير الاهانة ما بيلقى حاجة