10 مليون تكلفة فاتورة هاتف دستوري بولاية الجزيرة
مدني محمد عبد الله
في فضيحة جديدة لحكومة الزبير بشير طه والي ولاية الجزيرة تقدم أحد دستوريي الولاية بفاتورة تخص هاتفه الجوال وقد بلغت تكلفتها 10.800 ألف جنيه تخص المستشار/ الخضر الأمين مستشار الوالي للمعلوماتية والجودة وذلك لفاتورة الهاتف لشهر مارس الماضي علماً بأن المستشار/ خضر الأمين جاء قرار تعيينه بدون مخصصات وأعباء مما جعله يدخل باشتباك بالأيادي مع أمين عام الحكومة في فترة ماضية حول تنفيذ قرار الوالي بتعيينه بعد أن رفض الأمين العام لأمانة حكومة الجزيرة تخصيص مكتب له وعربة دستورية حيث رفض الأمين العام بأعتبار أنه مستشار معيّن بدون مخصصات وأعباء كما أنه لم يؤدِ القسم أمام الوالي مما دفع الوالي للتدخل من أجل تقديم مخصصات له علماً بأنه يعمل مستشاراً في مؤسسة الجزيرة للتمويل الأصغر والتي يديرها عاطف حجر (نسيب الوالي ومتزوج شقيقة الوالي).
وفي ذات السياق طلب قيادي بأمانة حكومة الجزيرة باتخاذ إجراءات قانونية ضد المستشار والشركة باعتبار أن الفاتورة تجاوزت الربط المحدد للدستوريين كما أن ذلك الدستوري ليس لديه الحق في سداد قيمة الفاتورة من أمانة الحكومة باعتبار أنه ليس لديه مخصصات بأمانة الحكومة وأن دفع ذلك المبلغ يعتبر إهدار للمال العام ويستحق المساءلة والمحاسبة كما أن ذلك المستشار لا يقدم أي خدمة لإنسان الجزيرة طيلة الفترة الماضية وأنه ظل عبئاً على أمانة الحكومة.
عشرة مليون ليه مشغلو نقل طارئ فاتح بيهو مكتب اتصالات
فاتورة الهاتف…البنزين…اوفرتايم السواق…الماموريات…متابعة اللجان…التمويل الاصغر…لجنة تشغيل الخريجين….نفرة ابوكرشولا…دا كلو غير المرتب…بلع بلع بلع…دا فات بلاع المية…ورغم ذلك طلاب الجزيرة عايشين على البوش….المشروع الحضارى الاسلامى
الفاتورة دي بتدفع من حقوق المعلمين المغلوبين علي أمرهم , علما بان الهيكل الراتبي لتعديل المرتبات منذ العام 2006م لم يطبق في ولاية الجزيرة وتم تطبيقة في كل الولايات .وهذا ليس بمستغرب في ولاية يقودها والي يكفي أن اسمة الثلاثي يحمل اسم البشير وطة وهذا اكبر دليل علي فشل الرجل , وهذا الفشل مستمد من الاسم الثلاثي لة .
اصابعينكم الرافعنها ديمة دي اريتها تلحق اصابع سيف الاسلام القذافي
عليكم الله فى مستشار للمعلوماتية والجودة بكون اسمو الخضر… مع خالص احترامى لجميع الاسماء السودانية….
ماااا اظن…
لا تعليق علي الخبر لكن حيرتني قصة نسيب الوالي !! و زوج أخته !! . باللـــــــــــــــــــه . أن برضو عندي أخوي و ولد ابوي !!
هاهاهاهاها صحافة زمن الانقاذ
حيرتو البلي ذاتو يكون بتصل كتير ببرنامج الحلمفي قناة ام بي سي عايزين يلهف المليون دولار.
دة هاتف جرار مش جوال
…. ده بكون عندو موبايل أبو ثلاثة شرائح
والله دا والمجاهد الاكبر _ الوالى_ يستحقو القطع من خلاف
ده إلا كان بتكلم عالمي مع ناس (( المريخ )) العالمي لانو الإتصال الوحيد الغالي في السودان لم تتكلم مع واحد مريخابي ولي شنو ياهلالاب .
عادي جدا ومابيعني حاجه،، المبلغ بسيط جدا… عصام أحمد البشير (الكديسه) في أول سنه ليهو لمن كان وزير اﻷوقاف وكان شايل الرقم 12300505 جات فاتورة تلفونو 13 مليون وقتها ،،،، وقس على ذلك،،
الناس ماتستغرب لمثل هذه المواضيع عادية جدا بالنسبة لنا كسودانيين الواحد يتكلم ويعارض ويظاهر باسم الشعب لكن مجرد مااعطوه مسئولية هذه حركاتكم (( والزيت اذا ماكفى ناس البيت حرام على الجيران ))الواحد فينا يشغلوا سواق فى عربة خاصة يجيب ليك ولد اختة مساعد والله خربتوها انتم بايديكم لعدم وطنيتكم
ويجب محاسبة اى فاسد يهدر فى المال العام ليكون عظه وعبرة للاخرين
اتقي الله يازبير قال تعالى (هل انبئكم بالاخسرين اعمالا الذين ضل سعيهمفي الحياة الدنيا وهم يحسبون انهم يحسنون صنا.)
يعني خلاص كشفتو فساد وفرحانين أوي .. الكلام دا تقولوه لزول ما عنده حديدة .. 10 مليون دي يعني خمسة الف ريال او أقل وهي فاتورة معقب او مندوب مبيعات في السعودية وعادية جدا … الولد ضحية اعلامية .. فين الملايين وفين قروش البترول …
****** يكون بحب ليهو كوزا في ماليزيا خخخخخخخخخخ ****** صاحبنا ليهو حق طالما ما حالف قسم **** اذا كان الحالفين قسم ما مقصرين *********
السودانيين أغرب ناس في العالم في التعامل مع المال العام الواحد أول يتعين في منصب بكون مجهز برنامجه للسرقة و استغلال النفوذ ما حق حكومة و الشعب في ستين داهية و الواحد يكون جربوع و ما عنده أي مؤهلات و ما عنده أي إنتاج الخدر ده حيكون مشغل الخط اتصالات دولية …. استهتار و استخفاف بالشعب … عشرة مليون كان أولى بيها مستشفى الذرة مدني و مرضاه يزداد عددهم في كل يوم ….لا خير فيهم جميعا لا ريس و لا وزير و لا والي
المشكلة ليس في هذا الوالي المهزلة ولا المشكلة في الكيزان الذين اتوا به انما المشكلة فينا نحن مواطني الجزيرة الذين نرضي بان يقودنا هذا الحنطور ..
ناس الجزيرة وينكم ليه مخلين الوالي السجمان دة يحكمكم بس نشوفكم في استقبالات الوالي وهو ما عامل ليكم فائدة
المال السايب بعلم السرقة وطبعا مع والينا ده ايى حاجة سايبة
والله أنا إفتكرت الصادق المهدى براهو، أتارى عندنا غيره بالكوم!!!أبوكلام يا…..
خلوه يتصل بي نبرمج له اتصلا مجان عن طريق جي بي اس gps out call برنامج تحت اعدادي
شغال تحويل رصيد
قمة الفساد المالى والادارى لولاية تم تدمير العمود الفقرى للاقتصاد السودانى تااااااااااانى ان شاء الله يقدموا فواتير حطب الطلح ذاتوا ما خالاص اختلط الحابل بالنابل هسى 10800ج ماكانت سفلتت 100 متر من شارع الموت
لله درك ياود مدنى لكن ستظلى شامخة ومنيعة البنيان
(نسيب الوالي ومتزوج شقيقة الوالي).
دا الواو الضكر ولا الزول متزوج حاجة تانية كمان؟
خلاص البلد ضاعت وسوف يكونوا مسؤولين أمام الله عن كل شارده ووارده الله المستعان
اظن ان هذا الرجل كان بكلم الطير الخدارى. حسبنا الله و نعم الوكيل . عليك بهم يا الله
الما عاجبو الحس كوعوا وكمان بوعوا وكما اوووووووووووووووع
نحن شعب جبان سازج
اسكتوا بس
ولا كلمه
هسسسسسسسسسسسسسسسسسسسسس
اقل حاجه نعملها نقعد فى بيوتنا
دى ما قادرين عليه والله نحن اجبن شعب فى العالم
المصريين ارجا مننا
نحن حقراء بلهاء جبناء وكمان حراميه
سااكتين ليه
لاننا حراميه
ياسلام عليك والي الجزيرة وخصوصا لفة العمة وإطلاقها جهة الظهر كمنظر شعر النساء ، والأصبع يكبر. كما علمهم الترابي.
الوالي دائما في حالة سهر على الرعية ، وعندو ثلاثة بيوت أيجار واحد للرجال وواحد للنساء وواحد إحتياطي لو حصل ضيق عند الرجال أو النساء يوسعوا فيهو. شغل الوالي يا أخوانا ما ساهل ، تعب وسهر ليالي وحوامة بالسيارات وتبادل زيارات مع بعض واحيانا بيسهر معاهم معتمد الكاملين للعنايه بهم ووصل رحمهم وإشباع رغبتهم الجامحة.هكذا علموهم ، لا تهدر الوقت بل أهدر المال العام والأصول الثابتة ، وأحذر أن تشغل نفسك بمسك دفاتر محاسبية والتقيد ببنود الصرف ، الرصيد بالبنك متوفر وكلما نقص علينا تغذية الرصيد .
الصرف في سبيل راحة وسعادة الوالي من أولى أهداف الانقاذ وهكذا الحال ينطبق على البقية من الوزراء وباقي الحيران. ولذلك كما تلاحظون جميعهم متشبثون بالإنقاذ منذ 25 عام .
أما أنت يا فخامة السوداني ، أجرك وثوابك عظيم ، وإقترب الجزاء ليكونوا هم الشعب وانتم الوزراء بأداء النبلاء.
شهر مارس فيهو 44640 دقيقة والدقيقة في زين ب 0.24 جنيه ولو ضربت 44640 في 0.24 حيكون الناتج 10800 معنى ذلك التلفون شغال ليل نهار وكمان في الشاحن ،
محادثات تلفونية بـ 10 الف جنيه سوداني لمسؤل
حكومي واحد بولاية الجزيرة مسكين مواطن الولاية
يعبش ضنك العيش ولايجدطعام اسرته اليومي ومسؤل
فاتورة هاتفه في شهر بلغت 10 الف جنيه يا للمفارقات
واذا نظرت لحال الولاية شوارع عارية وحفر ومطبات
بيئة موبؤة وامراض منتشرة ومستشفيات في حالة يرثى لها ومواطن يتضور جوعا بالايام والليالي وحقائق تتكشف عن انتشار الفساد وسوء الادارة لمرافق الدولة ورئيس الجمهورية يتفرج ولايتحرك ساكنا بلد دبنقه وحاكم مفلس وطنيا واخلاقيا وضمير في ثلاجه وشعب مغلوب على امره ولكن الله يمهل ولا يهمل
صاحب التعليق ( أبوقرجه ) : الإنجليز هم اللى علموهم السرقة … حرام عليــك !!! الإنجليز يا بهيم كانوا أشرف من تجار الدين الإسلامى الحالييــن … أقرؤا تاريخ السودان الحديث يا همــــــج …)
والله هذا الزبير حيرنا لا عنده دم ولا إحساس واليوم كلة في النت يااااخي ما تروح وتريحنا من الدعاء عليك استغفر الله
الكوز المجاهد الكذاب الزبير بشير طه نموذج مجسد لوضاعة الاسلاميين فى السودان لا تنقضى فضائحه ولا يملك ذرة من الحياءولا واعز من ضمير أو أخلاق وقد أدمن الفساد ففى الأمس القريب طالعتنا الصحف بان جامعة الخرطوم جف حلقها وبح صوتها من مطالبته إخلاء المنزل التابع للجامعة والذى يشغله دون وجه حق منذ 14 عام !! وقبلها تحدثت الصحف عن العربة التابعة للشرطة التى يقودها أبنه دون وجه حق منذ ان كان الكوز وزيرا للداخلية (الولد عمل بيها حادث وكسرها )ولا ننسى القضية المرفوعة ضد قريبه الذى عينه فى الجامعة(عندما كان مديرا لها) وباع ممتلكات الجامعة ومزارعها وختاما هاهو قريبه مستشار المعلوماتية!!! هذا طبعا دون الحديث عن تكلفة غسيله الجاف
اريد ان اعرف طبيعه عمل هذا المستشار (المعلوماتيه والجوده)..شغلوا شنو
بعدين عائزين نعرف الخبرات والدراسه سيره ذاتيه مهنيه
هل وظيفه مخلوقه له ام كانت موجوده من اول
وكيف تم الاختيار
هذا هو حال الجزيرة مع الانقاذ منذ بدايتها مع عبد الوهاب عبد الرؤوف ومرورا بالمرحوم ثم اللاشريف ثم سليمان ثم سرالختم سئ الذكر ثم الطامة الزبير هل كرهت الانقاذ الجزيرة لهذا الحد هل لا يوجد في الجزيرة من هو مؤهل لتولي هذا المنصب اللعين الذي اذل اهل الجزيرة وافقرهم وامرضهم اما يختشي المؤتمر اللاوطني من افعاله في الجزيرة فقر وسوء تنمية وتدهور وجبايات وضرائب ونكد ونفايات وحتى اكسجين ربنا شالوه منا اللهم عليكم بهم فإنهم لا يعجزونك اخذهم اخذ عزيزا مقتدروانزل عليهم باسك ورجزك آله الحق ، ارنا فيهم يوم القذافي وصدام وسي حسني .وابد لنا ياربنا بالبروف المخادع .
اذا كان الموضوع هظار …. ماعندى تعليق لكن أكان جد المسألة صراع و امسك شباطين الصراع و الما بتلحقوا جدعو …. المستشار دا سرو غرييييق ….. وماعندو لا في الطين ولا العجين في السياسة …وبصراحة انا غايتو عاجبنى ومكسرة فيهو لانو موقف الجماعة على فرد كراع …. في ناس كبار متشاكلين غايتو كلمنى زول كدة ….وامبارح مدنى كلها بتتكلم انو مفاتيح اللعب كلها عندو وفى كبار كدة في البندر دفعوه للولاية ….. واغرب حاجة قبل يومين شفتوا بيفطر في كشك قريب للمؤسسة بتاعت التمويل ….اول مرة اشوف لى دستورى بفطر في اكشاك السوق برى يايمة و كر على …بدستوركم