البشير : قوى دولية إعتذرت وطالبت باعادة النظر فى انفصال الجنوب والعمل على اعادة الوحدة. ذلك ولو تم قبوله لن يتم إلا استفتاء اهل السودان.
الخرطوم (سونا) كشف المشير عمر البشير رئيس الجمهورية رئيس المؤتمر الوطنى عن تلقى السودان اعتذارات من قوى دولية عملت من اجل فصل الجنوب بغية تدمير الشمال اذا بها تطالب الان باعادة النظر فى انفصال الجنوب والعمل على اعادة الوحدة بين السودان ودولة جنوب السودان. واضاف ان الامر حتى ولو تم قبوله يتطلب استفتاء اهل السودان ليقرروا فيه.
واوضح سيادته لدى مخاطبته الجلسة الختامية للملتقى الرابع لامناء الزراع والرعاة بالولايات والمجلس الاستشارى للامانة مساء الخميس بدار الشرطة ببرى ان ما يواجه السودان من تحديات يتطلب تقديم قيادات شابة لقيادة الدولة والحزب على مختلف المستويات عبر اختيار مباشر من القواعد بعيدا عن القوائم الجاهزة او المطبوخة التى لا تعبر عن راى الاغلبية.
واكد البشير جدية برنامج الاصلاح الشامل الذى طرحه الحزب على مستوى الحزب واشراك كل القوى السياسية واصلاح الجهاز الحكومى وقال على الكل ان يبدأ الاصلاح من القاعدة للدفع بقيادات جديدة شابه عبر مؤتمرات بناء الحزب لتحمل مسئولية الدولة التى تتعرض لتأمر دولى، واضافة الرئيس ان السودان لا يخشى الحصار وقال (اعداء الوطن محتارين بعد فصلهم الجنوب لدمار الشمال وليس لاى سبب اخر والان ياتون ويقولون نحن غلطانين لم نسمع كلامكم ونحن ندمانين، ودعونا للتوحد). وقال (نحن دولة قائمة ولكى ينضم لنا جزء اخر لابد ان نستفتى الشعب السودانى لاخذ رايه هذا اذا نحن اقتنعنا).
واشار البشير الى ان مواجهة العداء والتأمرالخارجى يتطلب ان نتجاوز كل الخلافات والصراعات القبلية والجهوية عبر الحوار داعيا فى هذا الصدد لنبذ الصراعات القبلية التى يروح ضحيتها الشباب وتجاوز الخلافات بالحوار
السبب الرئيسي في مشاكل جنوب السودان هو مؤتمر البطني وحتي الاحداث المجزره بانتيو هناك جنجويد مشاركة مع قوات مشار فهذا سياسه من الكيزان لوحده سودان لكن هذا لا يمكن
كذااااااااااب
اتمنى ان يكون بدأ يحس انو ارتكب خطأ انفصال الجنوب
كذب وهراء
كل اهالي اقاليم السودان يخوضون حروب مستمره ضد حكمك البائيس والكل يطالب بالانفصال عن دولتك الاخوانيه الانقاذيه ,,,واستفتاء اهل الجنوب اوضح ان اهل الجنوب لا يطيقون حكمك ايها الدجال فكيف تدعي انهم ينون العوده لحكمك ايها القاتل السفاح
هل منكم من يصدق هذا؟
يا سعادة مشير الغفلة هناك ما يسمى بالدبلوماسية والسرية فى التعامل بين الدول ولو ان أحدا نقل لك مثل هذا القول عن توحيد البلاط كان حرى بك ان تتعامل مع الامر بالحصافة والدبلوماسية وهى فرصة لك قبل كل شاء ان تكفر عن جرمك فى حق البلاد خاصة وان سياسة جبهتك الاسلامية هى السبب الذى دفع الجنوب لخيار الانفصال فانتم جئتم هازمين على فصل الجنوب لإقامة مشروع كم الحضارى والآن تقول جاء من يطلب توحيد البلاد فلماذا تعلن عن مثل هذه الموقف قبل ان ينضج لو جنت حقاً تريد وحدة البلاد؟ الم تعلمك سنوات الحكم معنى الدبلوماسية ؟
ما اجهلك
انت و الخال الرئاسى السبب فى فصل الجنوب وليس المجتمع الدولى يا دكتاتور
وقال (نحن دولة قائمة ولكى ينضم لنا جزء اخر لابد ان نستفتى الشعب السودانى لاخذ رايه هذا اذا نحن اقتنعنا).
لما اتققتوا انتم والحركة الشعبية على الاستفتاء هل استفتيتمونا عشان تستفتونا تاني،، الدول لا تحكم بلعب العيال والمكاواة ومهما كان كيف الرجوع لي زول قنع شايل رفات بلدوا الحرق على ايديكم، ليس هناك استقرار للسودان طالما ان البلدين تحكمهما العقلية العسكرية والامنية والحال يا هو نفس الحال دولة الجنوب ماشة في نفس خط الفوضى وأصبحت مثلكم تجري لحل قضاياها في أديس أبابا السودان الكبير ده ما حايشيل الناس الشوية الفيهو ديل طالما أن القلوب ما مطايبة ،،، انتم مجرد العوبة ومتآمرين بين مخططات التنظيم العالمي للاخوان المسلمين واطماع الدول الكبرى والسياسة فن الممكن وليست حماقة بطان في حفلة لارضاء غرور الحاضرات من الجنس اللطيف والجكس النضيف،،،
هذه كذبة ابريل للمشير البشير .!الموضوع انو قيل شهرين وبعد خلافات بين سلفكير وريك مشار وبعد المعارك بينهم ناقش بعض اعضاء الكونغرس الموقف .وقد توصلوا الى انهم قد تسرعوا فى فصل الجنوب عن الشمال لأن الجنوبيون لست مؤهلين الى حكم بلدهم بعد ….!
هذا هو ماصرح به اعضاء الكونغرس .؟
وهو ما تم نشرهو فى العديد من الصحف الامريكية يعنى البشير عاوذ يكذب و يؤلف قصص و اتصالات من جهات دولية ..!!!!!
اتحدى البشير ان يذكر اسم واحد من القوى الدولية…. وبعدين انت مطارد و مطلوب القبض عليك مين فى القوي الدولية قاعد يخاطبك يا سيادة الرئس .؟؟؟؟؟؟؟؟
انت بس أدينا عرض أكتافك وانقلع وسلمنا الباقى من السودان بكل المصائب العملتوها فيهو .
اعداء الشعب الحقيقون هم من نهبوا ثروته وجنبوا83%من ميزانية المواطن لصالح الحرب هذا بشهادة حزب غازي صلاح الدين ابن غير شرعي للمؤتمر الوثني
اعداء الشعب هم من يكذبون عليه ويبيعون له الوهم
اعداء الشعب هم من دمر الزراعة والسك حديد والبحرية وسودانير والجيش
هؤلاء هم اعداء السودان
وقال (نحن دولة قائمة ولكى ينضم لنا جزء اخر لابد ان نستفتى الشعب السودانى لاخذ رايه هذا اذا نحن اقتنعنا). نعم اجراء استفتاء للشعب السوداني لأخذ رايه في حالة الرجوع للوحدة
البشير ,,,, وقال (نحن دولة قائمة ولكى ينضم لنا جزء اخر لابد ان نستفتى الشعب السودانى لاخذ رايه هذا اذا نحن اقتنعنا). وكيف تستفتى الشعب السوداني وانت الذي سوف تقرر في هذا الموضوع ؟؟!! انت مجرم حرب ومطلوب للعدالة الدولية ,,, يافاشل
كذاب كعادته لن يعد الجنوب للاستعمار رغم غباء قيادته الحالية – سلفا و رياك … افضل لنا الموت او الانضمام الي دول شرق افريقيا و والله لو اعيد استفتاء شعب جنوب السودان عن علاقته بالشمال لصوت و بنفس النتيجة.. نت بغيصك ايها البشير الغبي و اعلم باننا نكرهك اكثر من كرهنا للشيطان
السادة القراء
تحيات طيبات مباركات وجمعة مباركة وبعد:
أنا رجل فهمي قليل وطالب من السادة القراء أن يوضحوا لي ماذا يقصد الرئيس بقصة الإنفصال والوحدةولا بد من استفتاء الشعب السوداني؟ أفيدوني بجاه النبي لأني في غاية الإرباك والحيرة ودمتم في حفظه ورعايته.
بالله شوف الي متي الاستخفاف بعقول الشعب السوداني .
بالغت يا البشير! يعني حسع الوضع في السودان احسن من الجنوب؟ ما هو نفس الوضع. بس السودان الاعلام فيه ممنوع. هذا هو الفرق. ولكن في الواقع السودان اسوأ من الجنوب. والجنوبيون احسن لهم هذه الحالة من حالتهم مع السودان. الدول التي قالت لك ذلك قالته من باب المزاح وليس الا.
يعني إنت فصلت الجنوب عشان قوي دولية ضغطت عليك !! ومنبر خالك ده عملتو القوي دي ؟ طيب إنت أصلا كنت أشركت شعب الشمال في الإنفصال عشان تشركهم في الوحدة ؟!
تصدق نهايتك حتكون أكعب من القذافي وصدام . إنت أتفه رئيس مر علي السودان
يا كداب كداب كداب عمر الرقاص الكداب تور الجر العوير منو البعتزر ليك يا حمار يا اتفه خلق الله يا اضعف شخصية في السودان يا بليد اغبي عسكري
دا ادايرنو يا حرامية يا كلاب لكن هيهات هيهات
بشه فال يشرك ويحاحي ! ! ! انتا كان شاوطو ليك البترول ده بتشاور زول !!! علي كل حال اطمن انتا مادام قاعد رئيس حايجي يوم نبقي فيه تحت وصاية جنوب السودان
عمر البشير ليس هنالك اعداء للسودان قدر انت عدوا نفسك والشله المحيطه بك ،بأسم الدين والعروبه تفكك السودان ،وتريد الان صياغته من جديد، انت غير آهل لذالك لان عقليتك رجعيه متخلفه، لقد نادي الدكتور جون قرنق من قبلك بالسودان الجديد ،ماذا يعني هذا؟!!! ولكنكم حاربتموه وقاتلتموه لفترات زمنيه طويله مما ادي الي هلاك الاقتصاد، واتبعتم سياسه من ليس معكم فهو ضدكم حتي اليوم، والان تتهم الدول الخارجيه، من فضلك امشي اتعلم ،كل رئيس قضي علي شعبه لا بدا ان يحاكم دوليا بعيدا عن العاطفه.
يا اخي من وثبة قلبتها عرضه صقرية دا كلام عيال فاكر الشغلة ذي المانيا الشرقية والغربية والله انت بتغش في نفسك فاكر عندنا قنابير بعدين حدد الدول الكانت سبب انفصال الجنوب طبعا حا تقول اسرائيل وامريكا انتم سبب انفصال الجنوب بتصرفاتكم الصبيانية المفتقدة للحكمة والدبلوماسية فاكرين البلد شركة تجارية تفضوا الشراكة وقت ما تشاؤون في حاجة اسمها امم متحدة واعتراف بدولة من قبل عصبة الامم المتحدة وانت اول من ايدت قيام هذه الدولة والله والله بهذه الطريقة زريبة بهائم ما تقدر تتحمل مسئوليتها
حقو عمر البشير دا يسلم نفسه للمحكمة الدوليه ويفكنا من الفنجطة القاعد يسوي فيها
ماااااا بصدقكم …… ماااااا بصدقكم ………..ماااااااا بصدقكم …………ماااااابصدقكم
عمر البشير اخر شيطنة واستفزاز ما بعده استفزاز.
والله لم اسمع في حياتي تفسير ابلد من تفسيرك هذا ياعمر الشئوم. وانت دلبت علي الكذب. وكلامك دا مابيدخل قي طفل عمره 7 سنين. يا بليد هل يمكن لدوله خارجيه ان تقترح انضمام بلدين بس كدا من غير مقدمات؟ ولسه انت مصر علي انك داير حوار بطريقتك؟ كيف ذلك وانت الخصم والحكم؟
حلم الجيعان عيش شوف غيرها
هذا الرجل دائما يستخف بعقول الناس إلى متى هذا الهراء والكذب
وعايز يظهر بصورة البطل بعد ان ارتكب اكبر جريمة في حق السودان وهي فصل الجنوب
قلتم قال البشير أو قالوا له قول (واوضح سيادته لدى مخاطبته الجلسة الختامية للملتقى الرابع لامناء الزراع والرعاة بالولايات والمجلس الاستشارى للامانة مساء الخميس بدار الشرطة ببرى ان ما يواجه السودان من تحديات يتطلب تقديم قيادات شابة لقيادة الدولة والحزب على مختلف المستويات عبر اختيار مباشر من القواعد بعيدا عن القوائم الجاهزة او المطبوخة التى لا تعبر عن راى الاغلبية.)×××××××××××××××× غريبة يا عمر البشير يعني بتعرف ؟ طيب يا أخي أبدأ بنفســك بدل هطل التمكين والكلام الفارغ وانت عارف إنك وحزبك فارشين نفسكم على الشعب بالقوة.
ياسيادة الرئيس . تحية طيبة . احب اتكلم معاك كمواطن عادي .. الجماعة الاسلاميين ديل ورطوك دخلوك في حفرة ما ليها قرار .. اتو لما استلمتم الحكم سنة 89 نحن جيتو لقيتونا. كفار .وتعرف سيادك نحن كنا عايشين طوال عمرنا .. ده المسجد . وده البار . ودي الكنيسه . لا كان في حد جايب خبر التاني . لدرجة انه كان عندنا كل احد .. واعظ بيجي يخطب في الجامع الصغير في كوبر .. عند شيخ فضل النبي رحمة الله عليه رحمة واسعة كان عندنا ناس بتجي من الانادي وهم سكارا وكانا كلهم .. بيبكوا .. في الخطبه من الندم .. البلد دي يا الرئيس كان موضوعه بسيط جدا كان قبل الانفصال كان تعلن بان السودان دولة علمانية وتشريعات اسلامية .. وتعمل علي اسلمة البلد بهدوء شوية شوية .. مهما كلف من زمن الا انه سيادتك الاسلاميين دخلوا البلد في نفق مظلم .. فصلتم الجنوب وعاوزين تعرب البلد .. سيادتك طبعا ماتغربت وعشت مع العرب . نحن عرب ممزوجة بالزنوجة زي ما قال شاعرنا العملاق اسماعيل حسن رحمه الله. نحن سودانيين اخذنا خلاصة العرب والافارقة اي واللة سودانيين حاجة كبيرة خلاص .. حاجه فوق فوق ما بتتلحق .. وبعدين سيادتك مين من الشعب السوداني فوض الاسلااميين يدخلونا الجنه .. يوم الحساب امي وابوي ما بينفعوني مش الاسلاميين خصوصا اذا كانوا منافقين ناس دنيا ساكت .. ياسيادة الرئيس بلدنا اتملا .. احقاد وكراهية بلدنا تدمر في كل شي في عيشة المواطن في التعليم في الصحة في الاخلاق حتي الاخطر في الوطنية .. سيادة الرئيس بلدنا من اغني بلاد العالم شعب احسن شعب في العالم شعب متعلم و.. معلم .. شعب ذكي جدا وواعي الموضوع شوية قرارات حاسمة من اجل بلدنا السودان اولا السودان ثانيا السودان ثالثا الدين رابعا .. سيادة الرئيس ابعد من الجماعة من اجل السودان 00 عاش السودان
دولة لا توجد بها مقومات دولة ويمارس ساستها نشاطهم كبقية الدول بل وتستفتى مواطنيها لأهم القضايا السياسية (الإنفصال) ثم يحدثنا رئيسها عن المؤامرة والحملة الصليبية ضد الخلافة ومشروعها الحضارى والحكم الرشيد …
نحن نريد وحدة كل السودان اذا اخواننا الجنوبين اقتنعوا بالوحدة مرحبا بهم فى وطنهم الاب السودان الشمالى وعودا حميدا انشاء الله
تعليقات كلها سالبة لاترقى لمستوى الحدث بل جلها من باب الحقد والعنصرية اتفصل الجنوب قامة القيامة على الحكومة
والان كل شعب الجنوب ندم على مافعلة فى الاستفتاء والغالبية تميل للوحدة الان وفى اليوم قبل باكر على بعض الاخوة المعلقين الرجاء مراعاة مصلحة الوطن وترك الجهوية والعنصرية الهم الاكبر ان ينعم كل الشعب السودانى من شماله الى جنوبه ومن شرقه الى غربة بالامن والسلام والوحدة
والله الكلام ده لو صاح و نتمني ان يكون صاح ياخى ما عندنا مانع رجعوا لنا اهلنا و اخوالنا الجنوبيين بكل قبائلهم ديل دمنا و لحمنا لو بطلنا العنصرية و الانانية و السودان يشيلنا كلنا رجعوهم اليوم قبل الغد كلنا ننهض سوا سوا ما و نبني وطنا من حلفا لي نملي و ما عندنا شغلة بالبحكم منو .
نعم
لقد تم انفصال الجنوب واضاعة الثروة البتروليه اجراء احادي قام به المؤتمر الوطني تحت الضغوط الدولية وكرباج القرار 1593 الذي اعطى المحكمة الجنائية الدولية اختصاصا قانونيا لملاحقة قادة بالحكومة السودانية تحت تهمة ارتكاب جرائم حرب وليس هذا فحسب ققد وضع المؤتمر الوطني ثلاثة ناجر مسمومة على صدر السودان بتوقيعه البروتوكولات الثلاثة لابيي وجنوب كردفان والنيل وكل منها العن من نيفاشا بالف مرة
يا سيادة الرئيس ماذا يفيد الاعتذار بعد ان وقع الانفصال ةانتهى الامر
ولكن الحمد لله بان المؤتمر الوطني طلب استفتاء الشعب السوداني لارجاع الجنوب لحظيرة الوطن وقد كان المؤتمر الوطني قد تجاهل وهضم حق الشعب السوداني عند توقيعه المشئومة نيفاشا
وعليه الشعب السوداني لديه الكثير جدا والمثير لم يقله بعد وظل كل هذا حبيسا في الصدور ويكفي بهذا الوطن مغامرات غير مامونة العواقب
كل ما يريده الشعب ان تتم عملية انتقالية بصورة ناعمة وسلسة بدون دماء اتركوا الشعب السوداني يقرر في وطنه ما يشاء دعوه ينهض من الجوع والفقر والمرض ويسترد امواله من الفاسدين
ارجوكم ثم ارجوكم لا تنتجوا سيناريوهات قد شبع منها الشعب السوداني ودعوا التاريخ يسطر ولو موقف اخير لكم ويكفيكم 25 عاما اخذتموها عنوة رغما عن الشعب السوداني
ارحموا من في الارض يرحمكم من في السماء
اناشخصيا من الأن مع الوحدة ,
الله احسن الوحدة مرة اخري بدل الحريات الممنوحة للجنوبيين الاقامة والعمل والتحرك والامتلاك ايه الفرق بينه وبين المواطن السوداني بالاضافة ان سلطات الجنوب يستمتعون بمدخلات البترول ونحنا ناكل ونشرب ونسكن ونملك الجنوبيين طبعا ده كله من الكيزان
ياأخ عمر البشير , حقو تنسى قصة الجنوب والجنوبيين فهم ماناقصنك . وأنا لو محلك لقبلت على الكيزان الذين هم أصل كل مصائب وبلاوى هذا البلد ولقلبت ليهم عاليها سافلها فلستوب .
والله شوفو انا دائر ناس دارفور ينفصلوا وناس النيل الازرق ينفصلوا وناس كردفان ينفصلوا . وبعدين نشوف هل يرجع الجنوب ولا لا وبعدين ننظر فى طلبات الباقين .ياخى حدوت الحصان بتاعة حمدى دى حقوا تكون براها وبلا لمه . ناس القضارف ايام كرم الله عملوا حركات لكن استعدلوا ناس الجزيره ايام قتل المتظاهرين عملوا حركات ناس الخرطوم خرجنا ولم نجدهم يعنى رفعوا الرايه البيضاء ناس ابوحمد كانوا حضارين ناس الحمداب اكثر حضاره المناصير شجرهم اثمر وضاقوا الحلوى حبائبنا ناس سورى بالشماليه ضربوا الشيطان بحجاره من سجيل .. يعنى المشاكل مسببنها الناس المذكورين اعلاءه وعليهم بالانفصال فورا .. انشر يابتاع الديمقراطيه والراى والراى الاخر . خميس ملحبط وجمعه ملخبطه مع الكشه والسخانه…………يلا بلا لمه ……………جبتوا لينا الهواء ………
السلام عليكم ، بسم الله الرحمن الرحيم (( وَإِن جَنَحُوا۟ لِلسَّلْمِ فَٱجْنَحْ لَهَا وَتَوَكَّلْ عَلَى ٱللَّهِ ۚ إِنَّهُۥ هُوَ ٱلسَّمِيعُ ٱلْعَلِيمُ ﴿٦١﴾ وَإِن يُرِيدُوٓا۟ أَن يَخْدَعُوكَ فَإِنَّ حَسْبَكَ ٱللَّهُ ۚ هُوَ ٱلَّذِىٓ أَيَّدَكَ بِنَصْرِهِۦ وَبِٱلْمُؤْمِنِينَ ﴿٦٢﴾ وَأَلَّفَ بَيْنَ قُلُوبِهِمْ ۚ لَوْ أَنفَقْتَ مَا فِى ٱلْأَرْضِ جَمِيعًۭا مَّآ أَلَّفْتَ بَيْنَ قُلُوبِهِمْ وَلَـٰكِنَّ ٱللَّهَ أَلَّفَ بَيْنَهُمْ ۚ إِنَّهُۥ عَزِيزٌ حَكِيمٌۭ ﴿٦٣﴾ يَـٰٓأَيُّهَا ٱلنَّبِىُّ حَسْبُكَ ٱللَّهُ وَمَنِ ٱتَّبَعَكَ مِنَ ٱلْمُؤْمِنِينَ ﴿٦٤﴾ …)) سورة الأنفال . أقول وأنصح إخواني في الشمال وأنصح ( الرئيس عمر البشير والقوات المسلحة السودانية الشمالية )
إذا أراد الجنوب ان يعود ويلغي الإنفصال فلابد من شروط ( حل حكومة الجنوب وإقالة رئيسهم سلفاكير
ويعترف هو وأهل الجنوب أن ( عمر البشير رئيسهم ) وينزلوا تحت حكمه وحكم النظام في الشمال ) وأن يسلموا السلاح ويسيطر الجيش الشمالي على الجنوب وتكون لهم الهيمنة عليهم ويرجع أهل الجنوب
( مواطنين عاديين ) يخضعون للحكومة الشمالية والقوات المسلحة السودانية الشمالية ويعترفوا بالرئيس ( عمر البشير ) رئيسهم ( إن خضعوا لهذه الشروط ) فاقبلوا عودة ( الجنوب وانضمامه لكم
) وعلى رأي ( المثل المصري ) المركب اللي فيها رئيسين تغرق ( ومش هينفع يكون سلفاكير رئيس )
لابد أن يعود مواطن عادي ويعترف بأن ( البشير ) رئيسه ورئيس اللي خلفوه ورئيس جرانج سابقا ، أسأل الله أن ينصر البشير والقوات المسلحة السودانية الشمالية .
مثل الكلام ده…. زي قول أبوقطاطي الغناه الأسطورة وردي:
براي سويتها في نفسي…. (عقلي) (الحبة) ما واعي…. بتصرف طبعاً…
ما في قوى دولية….ولا حاجة…. دي اتفاقية نيفاشا… مشيتو ليها بي كرعيكم… وأقصيتم كل عقلاء
السودان من المشاركة….. ثم بعد توقيعها…. عملتم على تطفيش الجنوبيين…. وكرهتوهم البلد….
ورغم ذلك كانوا دايرين الوحدة…. بشرط عدم فرض رؤية الاخوان القاصرة… على الدولة…
والقانون والمجتمع…. ولكنكم رفضتم….
ولو أصررتم على فرض رؤيتكم القاصرة هذه…. أجزاء أخرى ستنفصل..!!
ما ياها دي الناس كلها هجت من البلد…. أطباء… مهندسون… أساتذة…. بروفات… بسبب
رؤيتكم القاصرة…. والله الشعب السوداني الفضل ده زااتو…. كان لقى طريقة ينفصل كان عملها…
وحتى لو فرضنا في قوى دولية عصرتكم زي ما قلتو…. مالكم صغار ولا جهال…. ما رجال؟
ما كان في خيارات كتيرة يمكن اللجوء إليها…. لكن طبعاً إنتو أي حاجة تزحكم من الكرسي ما واردة!!
ما زمااان… شابكننا أميركا روسيا قد دنا عذابها…. أسة تقولو عصرونا..!!
no untey
الاخوة الذين سبقوني في التعليق احترمهم
جمعيا وان دل ذالك انما يدل علي مدي حب
هذا الشعب الابي لوطنه
التحيه لكم جميعا اخواني الاعذاء
اما سيادة الريس يغلبني التعبير ماذا اقول
لك هل هي تمثيليه جديدة لم يمثلها الانقاذا
بطله شيخ الحمير ام هي مسرحيه لمحي هذا الشعب
من خارطه البلا وطن
ما ذكرته اقبح من الذنب !!! لماذا اولا لا تعتزر
الي الشعب وتقول اني فصلت هذا الوطن
والاعتذار ليس بعيب والعيب في التمادي في
الجريمه الريس هل يقبل الجنوبييون
بالوحدة قبل استفتائك للسودانين وهل يقبل
الجنوبين بعد رايات الجهاد المقدس والحرب
الداحس والغبراء والتي دحست الجنوبين
في عشرينيات سنينها العجاف اخجل يا الريس
وخليك عاقل وخذ الحكمه من المجانين واذا
اتيت بالمجنون وطرحت له هذا الطرج ربما
زاد جنونا عاش هذا الشعب الابي ولا نامن اعين الجبناء
والله علي ما اقول شهيد
مرحبا بهم في الشمال ورجوع اللحمة إلي أصلها السودان كبير وبشيلنا كلنا جميعا.
من يصدق عمر الكذاب يا اهبل يا بستهبل
رغما عن أنفك وأنف كل انفصاليى السودان سواء فى مؤتمرك اللاوطنى او غيره، حتما سيعود سودان العزة والوحدة طال الزمن ام قصر
بالله دى كمان دايره ليها اذن و كمان و لا استفتاء , انتو ما فصلتوا الجنوب بعمايلكم الشينه و بدون اذن من الشعب السودانى و لا استفتاء .. انتو ما كان تعملوا الاستفتاء لكل السودانين بعد عداله و ترك العنجهيه و الكبرياء و الاستعلاء اللى مارستو على الاخوه الجنوبين و ما زلتوا تمارسوا ضد الجنوبين الجدد من اهل دارفور و الجبال النوبه و النيل الازرق … ما اصلوا انتو قاصدين انفصال الجنوب اكثر من الجنوبين ذاتو عشان مرض العروبه المعشعشه فى روؤسكم دى … يا البشير هذه اراضى سودانيه ورثتها الاجيال السودانيه الاشاوش كما هى , تجو انتو و تقسموها و بعدين تقولوا جهه اجنبيه قامت بتقسيمها و هسه بتعتزر و تريد مننا الرجوع , يا اخى كلام سزج اللى ما بيدخل الراس دا شنو و انتو قايلين السودانين ديل ما عارفين اللى كان بيحصل من 2005 حتى 2010 من ماكيدات للجنوبين و تكريه الجنوبين للوحده باى شكل و بممارسات يشيب لها الراس اذا تم ذكره فى هذه الصفحه , انت يا البشير ناسى خالك دا كان بيعمل شنو .. كلام دا بس عشان ذر الرماد فى العيون عشان التاريخ ما ح يرحم ..لكن اذكروا كويس يا المؤتمرنجيه و ناس البشير انو السودان دا ح يتوحد و لكن ما حكمكمو انما فى حكم السودانين الاصلين الذين يحملون الهويه السودانيه الاصيلهو ما مستورده و لا مشوشه و بتجمع كل السودنين فى بوتقه واحده دون اقصاء لاحد و او ازدراء او التعالى على فئه من فئات هذا الشعب العظيم بمكوناته العرقيه المتنوعه , ناس بيحكموا و بيعرفوا انو الاختلاف و القبائل ثروه فى حد ذاتها مش وزر يجب التخلص منه زى ما انتو بتعملوا فيها . نحن نريد حاكم يفتخر بسودانيته و يعزز موقفه بالعدل و الشفافيه و المحاسبه , و ذلكم الحاكم الذى فى ظله سيتوحد الشعب السودانى بشقيه .
اولا هذا الكلام يستفز اخواننا الجنوبيين حتى و ان كان صحيحا لا يجود من يستطيع ان يجبر الجنوبيين علي فعل ذلك . الجنوبييون اذا ارادوا الرجوع فهذه بلدهم يستطيعون الرجوع متي ما شاوا وافق الطيب مصطفي و زمرته ام لا كلنا يعلم لما انفصل الجنوب …… واذا لم يكن هذا الكلام صحيحا فهذا الرجل فعلا كارثة علي هذه البلد
Asshole
انت استفتيتنا لمن فصلتو عشان تستفتينا عشان ترجعوا ولا عاوز تخج الاستفتاء كمان
الجنوبيين احرار اذا ارادوا البقاء منفصلين او الوحده في شكل جديد ومامحتاجين مننا اذن فالبينا عامره واكبر من تفاهات خالك الحقير والكيزان
the ask u!!!so u separate south cause they tell ur a traitor!!
كدي استفتي خالك في الاول قبل الشعب السوداني
كلامك جميل لو ماكضبه من كضباتك حكاية تاني وحده مع الشمال لكن أتأكد ناس الجو لو لقو طريقه مارقين ؛
وانتو شاورتو مينو في الانفصال عشان تشاورونا في الوحده فارقونا كده ؛
دى من الامانى التى تحلم بها لعجزك من اداره دوله كل مواردها ذهبت مع الانفصال
ودى رساله مبطنه منك لشعب الجنوب تعبر فيها عن غبينتك وغضبك تجاهم
وعن فشل قادتهم فى الحكم….
الشعب الجنوبى ذهب للانفصال مجبراً لحكم جائر وفرض قوانين مستبده وبسببكم انتم
لا نريد استفاء فى ذلك …..بس انتم اتخاروجوا الوضع يرجع احسن مما كان
يا أخى الجنوبين لحدى الان ما صدقو كيف جاتهم الانفصال فى طبق من ذهب بعد موت أهل الشمال بالملاين لو ينقرط كل اهل الجنوب فى مشاكلهم الداخلية مابيرجعو لوحدة مع الشمال أنت مهبول ولا شنو يا البشير الصحاك شنو من نوم الغفلة دى وهل أستشرت الشعب عندما فصلت الجنوب أنت وخالك بإتفاقيات مخزى بعصى الجنائية كان المقصود فصل الجنوب فقط ليس مثول البشير الى أى محكمة بعدها دى للعبة القذرة اللعبوه الكبار ما فهمتو الا هسع أطعت أمر الجنائية فصلت الجنوب خائفا مرعوبا فصلت وللأن لن يقبضو أحد منكم لمحكمة لاهاى لعبة دولية وأنت بطل الفلم الهندى قمت بالدور على أكمل وجه هههههه
يعنى بقى ليك مهمك وتستشير كمان الشعب لعودة الجنوب غور أنت فى ستين داهية وأترك الشعب يقرر بنفسو ينضم مع الجنوب ولا الجن الاخمر زاتو أخرج أنت وأتركنا.
i do not know ? is this agame or what??
دا عبيط يا جماعة
******* هههههههههههههههاااااي بتاعت السر قدور ******* وثبة من وثبات البشير **********
يعنى القوى الكبرى إعتزروا ليك وما كلمتنا الفتره دى كلها .
ونحن نعلم تماماً لو اتصل عليك سفير الدومنكان او بوركينا فاسفو لملات الدنيا ضجيجاً و يمكن يكون فيها قيقم كمان .
الفوله ما بتتبلا فى خشمكم حتى لو جرت عليكم وعلينا الويلات والهلاك .
اختصروا الوقت وسلموا السلطه للشعب وانفسكم للجنائية الدوليه .
الشعب السودانى يعلم تماماً كيف يدير شئونه واصلاح فساد ال 25 سنه.
نهر النيل
عاشق السودان
**************
التحية الصادقة لطاقم العملاقة الراكوبة ولكل الاخوة والاخوات الراكوباب وللسادة القراء
يا جماعة استهدوا بالله وماتجيبوا لرقبتكم جلطة دا واحد منافق وكذاب ورئيس عصابة إجرامية
يعني تيس ونطح ليهو حيطة نقوم نحن نصفق ليهو ونقول ليهو اديها نطحة تاني عشان الباقي من
البنان ينهدم برضو !!!!!!!!!!
النقة والكلام الكتير مابيفيد أحسن تقوم الكتاحة هسي وننتفض لكنس الذبالة ولآ احسن الصوملة
والندم ؟ .
the funny thing I have read in this web site is this story who created by Mr. Bashir…how can you Imagine south Sudanese people who vote 98.9% for seperation to come again and unite with Sudan again? we south Sudanses we dont heat our fellow in Sudan… but no way for unity once a gain.
please wake up it is just a dream
أصلا الجنوب لم ينفصل وفقا للدستور الانتقالي 1956 .
الأخوان والأخوات المعلقين لكم منى كل التحية والإحترام، فأنا مع كل ماذكرتم أؤيده تأييداً كاملاً، وأنا لى سؤال واحد … كيف لعمر البشير وزمرته أن يقوموا بفصل الجنوب دون إستشارة الشعب السودانى،( كان الاستفتاء يخص الحنوبيين فقط)، فكيف يقول أنه سيستشير الشعب السودانى لعودة الجنوب!!!!لم تستشرنا للفصل وتريد إستشارتنا للعودة!!! ما هذا العبط يأخى….روح إستشير الجنوبيين يرجعوا لك تانى!!!!والله زوجتك لو تركتك ما أظن ترجع تانى مش الجنوب!!!
والله لو فعلتها تكون دى وثبة محلية واقليمية وعالمية ماحصلت . وانا شخصيا مقتنع انك لو اردت ذلك فعلا تستطيع , فاحداث سبتمبر اثبتت ان الملف الامنى كله قد اصبح بيدك وحدك , وفى استطاعتك حتى الان ان توقف اي واحد فى حده . خاصتا وان اخطاء القيادات فى المرحلة السابقة كانت اكثر من فادحة وما اسهل ان تغير الوجوه وتقوم بثورة تصحيحية تحمد عليها بعدما ادمنوا الفشل , وادخلو البلد فى متهات تفريق الدين وجاهلية العنصرية وفتنة الناس وتقطيع الارزاق وتشريد العباددون ادنى حكمة اوسبب .
فالطريق امامك ممهد ومعبد للاصلاح والفرصة لن تاتيك مرتين والشغب السودانى لايستحق مالحق وماسيلحق به. فادرك الشعب وادرك نفسك قيل فوات الاوان فانت الان فى هاوية
الاستففتاء كان لتحديد مصير الجنوب م مصير الشمال ? واذا كانت نتيجة استفتاء الانفصال (نتيجة الشمال) بعدم السماح بإلانفصال وكانت نتيجة الاستفتاء (نتيجة الجنوب) بالانفصال لنفصل الجنوب عن الشمال ولكانت الجهود التي بذلتها الحكومة لاستفتاء الشمال لإنفصال الجنوب راحت في مهب الريح ?إذاً لم تكن هنالك من ثمرات من استفتاء الشمال ع الانفصال لذالك لم تجرء الحكومة ع فعل هذا الشئ الدي لافائدة منه اما استفتاء الشمال لعودة الجنوب هو حق يملكة جميع حاملي الجنسية السودانية ساكني الشمال حق اصيل ولو لم تفعلة الحكومة (ضمت الجنوب ) لكانت اهدرت حق من حقوق المواطن الشمالي ?اظن الصورة اطضحت والفرق بان بين استفتاء الشمال للجنوب واستفتاء الشمال لوحدة الجنوب
اغلبيه الناس البتعلق وكانها مابتفهم الجنوبيون هم الاختارو وكانو مصريين على الانفصال وحتى لو السودانيين صوتو للوحده هل كان
الجنوبيون قبلو بالوحده ؟؟؟؟؟
لذلك حتى لو ده حصل وما اظن ذلك لنا الحق فى نقبل الوحده او نرفض لذلك الخيار لاهل السودان فى ان يقبلوا الجنوبيون
مره تانيه ؟
يا البشير (الجفلن خلهن اقرع الواقفات)
حكومتك أكبر تجمع للصوص ومجرمي الحرب في العالم
اولا من هي القوي الدولية من المعلوم قد تم عزلك داخليا وخارجيا خيال مآتة فقط تسافر وتعود سرا فلامكان لك تت الشمس ي امير الظلام ماذا فعل العواجيز لينفع الشباب ثثانيا لماذ صمته علي تلك المؤامره المزعومة ف الجنوبيون فروا بجلودهم من دولتك ولن يعودوا ابدا انا شخصيا مفكر اترك لك البلاد وغيري كثر وسوف تصبح وحيدا بالدار اوصيك حين تفكر انت بالهجرة ان تطفئ النور
وهناك كشف حساب طويل ينتظر الطبقة السياسية السودانية / ما يسمي بالاحزاب / المترادفة معكم في السرج من فيكم سلمت يداه من السرقة والقتل من فيكم سلم لسانه من البذاءة وقلة الادب جرائمكم معلومة وقد سارت بها الركبان
طيب يا(لو…) نحن إذا إقتنعنا البقنع خالك (الشر….) منو ودم التور اﻻسود معلق فى رقبتو ؟!! وإن شاء الله التور ده يكون حاضر يوم القيامه ويختصم معاهو !! المهم الحكاية معقده وما ظنيت فى رجعه للجنوب وانتم جاثمين على صدر هذا الشعب والحل فى غاية البساطه ( ان تقتلوا انفسكم لو كنتم صادقون) وهذا ما قيل لبنى إسرائيل عندما إستبدوا وإستبداكم بلغ منتهاه ووضح جليا فى هذا الخطاب المرتعش المهزوز !!والزول ده كان عاقل كان طلب من شخص غيرو يتكلم فى هذا الموضوع لكنه من الواضح فقد بوصله وظل يهرطق ويهترش فى الكﻻم والعيب فى القاعدين مستكينين ويسمعوا فى كﻻمو اﻻبله ده ،،
بالتاكيد سيجد هذا الامرمعارضة قوية من ابناء السودان ولايمكن الجمع بين النقيضين مرة اخرى خاصة وان الجنوبين لم يستطيعوالعيش فيما بينهم فكيف لهم التوحد مرة اخرى مع اتهموهم بممارسة الاضهاد تجاههم كما ان نسبة التصويت العاليا فى الاستفتاء تؤكد رغبتهم فى عدم العيش مع اهل الشمال
و الله الراجل ده بقول كﻻم زي الحنضل . اقسم بالله انا ما بصدق عمر البشير في كلمة واحدة يتفوه بها .هذا اكذب من مشي على اﻻرض . عندما طلب احد الحاضرين لمؤتمر الحوار بان يكون هنالك قسم مغلظ تغير وجه البشير و اتتضح للسودانيين بان جميع المؤتمرين كذابين و منافقين و دجالين ﻻن ﻻ واحد فيهم ثني اقتراح هذا الرجل الذي طلب القسم المغلظ في اي تكليف يكلف به احدهم .
الحل الوحيد هو الاتحاد الكونفدرالي فهو يعالج مشكلات الوحدة القديمة والانفصال ، وقد أكد ذلك دكتور في العلوم السياسية لا أذكر اسمه.
شروط أحد أفراد الشعب السوداني لإرجاع الجنوب
1 : إعتذار البشير عن الإنفصال .
2 : إعتذار الجنوبيين عن طلبهم للإنفصال وتحقيقه .
3 : طلب الجنوبيين للإنضمام للسودان كوحدة دائمة .
4 : عمل إستفتاء للشعب السوداني بإنضمام الجنوب للشمال أم لا .
5 : إعادة توزيع إيرادات البترول وتعويض الشمال عن الفترة السابقة .
6 : عدم إرسال أي فرد من الشمال لأي حرب في الجنوب مهما كان السبب .
7 : لا يستقطع أي مبلغ ويصرف لإعمار الجنوب من إيرادات الشمال .
8 : إعادة النظر في السياسات القاصرة والمؤدية للحروب في الجنوب .
9 : إحترام الذات لأي فرد سوداني ولكل الأطراف .
10: ضمان عدم تدخل أي طرف خارجي ودولي لأي مشكلة داخلية .
بإختصار دي مطالبي وببساطة لموافقتي على إرجاع الجنوب للشمال مرة ثانية .
أخوكم : كتاحة
ههههههههههههههه والله سيجارة بتاع اليوم دا نفس سيجارة بتاع اليوم داك يا حشرة
والله الشعب السوداني بسكين ﻻ قول وﻻ قوة إلا بالله
الوحدة هي وحدة الشعوب لا وحدة الأنظمة القائمة ووحدة القواعد لا وحدة القمم ولا مجال للحديث عن وحدة في الواقع الحالي لأنه نفس الواقع الذي رفضه الأخوة الجنوبيون في السابق رغم قناعتي بوحدة الشعب السوداني في الشمال والجنوب ، لكن ممكن تكون هنالك وحدة بالمستقبل أو على الأقل شكل من اشكال الإتحاد بين دولتين كما طرحته الأمم المتحدة في السابق ولكنه لم يجد قبولا من النظام الحالي رغم انه طرح موضوعي ووجد قبولا من الجنوبيين .
إقتباس:
((البشير : قوى دولية إعتذرت وطالبت باعادة النظر فى انفصال الجنوب والعمل على اعادة الوحدة.)) ..
و ياتو قوى دولية دى ال إعتذرت ليك ؟؟ وإنت زول ليس لديك أى علاقات دولية و الرؤساء جميعهم يتجنبوك , زول مطارد دولياً و مطلوب للمثول للمحاكمة ..
هذا كذب و تدليس وضحك على العقول , لقد فقد شعب السودان أى ثقة فى رئيس أصبح االكذب عادة يومية له , يكذب كما يتنفس والعياز بالله ,
كل مافى الأمر بأن بترول الجنوب قد أسال لعابه ويريد التحصل عليه بعد ان أفلست دولته ولم يعد هنالك منقذ لإقتصاده المتهالك و كل دول العالم رفضت إعطائه قروض ,
بلد أصبحت تحت قيادته جمهورية موز فيها الدولار بعشرة ألف جنيه ..
وقال عندما سرق السلطة فى إنقلابه المشئوم فى 1989 بأنه يريد إنقاذ البلاد حتى لا يصل الدولار إلى عشرين جنيه !!
عبيط ما في جنوبي عاقل بحاول تجئ لسودان الجنجويد والدفاع الشعبي والمندكرو بقية اهل الهامش على صبر ايوب
تفووووووووو عليكم وتفوووووو علي الوطن وعلي سودانيتنا افضل الاستعمار يحكمنه منكم ي منافقين
شروط أحد أفراد الشعب السوداني لإرجاع الجنوب
1 : إعتذار البشير عن الإنفصال .
2 : إعتذار الجنوبيين عن طلبهم للإنفصال وتحقيقه .
3 : طلب الجنوبيين للإنضمام للسودان كوحدة دائمة .
4 : عمل إستفتاء للشعب السوداني بإنضمام الجنوب للشمال أم لا .
5 : إعادة توزيع إيرادات البترول وتعويض الشمال عن الفترة السابقة .
6 : عدم إرسال أي فرد من الشمال لأي حرب في الجنوب مهما كان السبب .
7 : لا يستقطع أي مبلغ ويصرف لإعمار الجنوب من إيرادات الشمال .
8 : إعادة النظر في السياسات القاصرة والمؤدية للحروب في الجنوب .
9 : إحترام الذات لأي فرد سوداني ولكل الأطراف .
10: ضمان عدم تدخل أي طرف خارجي ودولي لأي مشكلة داخلية .
بإختصار دي مطالبي وببساطة لموافقتي على إرجاع الجنوب للشمال مرة ثانية .
أخوكم : كتاحة
والله دي سابقة زي التقول الشمال ثابت عشان ينضم ليهو الجنوب تاني بعدين جنوب منو سلفا ولا رياك ولا الحركة الثورية – يااخي جيبو لينا اخبار عوضية تقططقة في حفلة العرضة بتاعت دخلة جقر المايقوما ما شايف ليها تقطية – خلونا من التعيس وخايب الرجا
عندياستفسارات الاعتذار القالو دة للشعب السوداني وللا للبشير وللا للجنوبيين الجثثم مالية الشوارع وللا للمغتربين وللاللماهيتم بقت من يوم خمسة يعدمو الخمسة
شروط أحد أفراد الشعب السوداني لإرجاع الجنوب
1 : إعتذار البشير عن الإنفصال .
2 : إعتذار الجنوبيين عن طلبهم للإنفصال وتحقيقه .
3 : طلب الجنوبيين للإنضمام للسودان كوحدة دائمة .
4 : عمل إستفتاء للشعب السوداني بإنضمام الجنوب للشمال أم لا .
5 : إعادة توزيع إيرادات البترول وتعويض الشمال عن الفترة السابقة .
6 : عدم إرسال أي فرد من الشمال لأي حرب في الجنوب مهما كان السبب .
7 : لا يستقطع أي مبلغ ويصرف لإعمار الجنوب من إيرادات الشمال .
8 : إعادة النظر في السياسات القاصرة والمؤدية للحروب في الجنوب .
9 : إحترام الذات لأي فرد سوداني ولكل الأطراف .
10: ضمان عدم تدخل أي طرف خارجي ودولي لأي مشكلة داخلية .
بإختصار دي مطالبي وببساطة لموافقتي على إرجاع الجنوب للشمال مرة ثانية .
أخوكم : كتاحة
كلام فارغ لا ياتى الا من رجل أصيب بلوثه
يا جماعه ريسكم دا سوقو الضل ساكت و اسقوهو كركدي ساقط
انت منو البتصل بيك ? ها يا جيفة لاهاي
بعد ان افلس المؤتمر الوطني ولم يعد لديه ما يقدمه للشعب السوداني ، اصبح البشير يهرطق بوحدة الجنوب مع الشمال ، البشير يعرف جيدا انه يقول هذا الحديث وعينه هو وإخوته على بترول الجنوب وليس حبا في الجنوبيين ، وبعد ان اشتعلت الحرب بين الجنوبيين اخوان الامس اعداء اليوم اصبح المؤتمر الوطني يدعم قوات مشار ضد حكومة سلفاكير ليعطل التنمية ويوقف تصدير بترول الجنوب اي سياسة “علي وعلى أعدائي” حتى لا يهنأ الجنوبيون ببترولهم ولكي يقول للعالم هؤلاء لن يستطيعوا ان يتعايشوا مع بعضهم البعض وفشلوا في إدارة بلادهم لذا عليكم مساعدتنا في الضغط على الجنوبيين للقبول بالوحدة مرة اخرى ويسرق البشير واخوانه البترول وتعود حليمة لعادتها القديمة … هذه كل القصة ولكن هيهات.
01- هذا الذي تفضّلت بذكره … هو الكلام الصحيح يا [IHassan Alamin] … برغم أنوف الإقتساميّين … الشيوعيّين والإخوان المُسلمين … الفهلوانيّين البهلوانيّين … الإباحيّين الإستباحيّين … الساقطين في دوائر الناخبين … ؟؟؟
02- القرار الجمهوري المطلوب … من العسكري البشير … ومن صاحبه العسكري سلفاكير … هو إعلان … إعادة توحيد دولة أجيال السودان … بدون قيد من الشيوعيّين الساقطين … وبدون شرطٍ من الإخوان السارقين … طالما أنّ كلّ الإنقلابات العسكريّة … اليمينيّة واليساريّة والحربائيّة … لم تكن شرعيّة … وبالتالي … كلّ الإتفاقيّات التي أبرمتها الحكومات الإنقلابيّات … لم يكنّ شرعيّات … وطالما أنّ الذين هندسوا إتّفاقيّة نيفاشا الإقتساميّة … للأطيان والثروات السودانيّة … بين حركة القاعدة الإخوانيّة والحركة الماركسيّة اللينينيّة … قد أدركوا أنّها أظرط الإتفاقيّات … على الإطلاق … ؟؟؟
03- نقول بذلك … لأنّنا نعلم … أنّ الإستفتاء الإخواني -الشيوعي … هو مجرّد تبديل لصناديق الإستفتاء … وبالتالي هو مُجرّد مضيعة للوقت والجهد والمال … ؟؟؟
04- التحيّة للجميع … مع إحترامنا للجميع … ؟؟؟
واللة الرجل دا بقول كلام ذي الفل
كلام عجيب
كلام سمح. لكن في أي قرن يعيش هذا الرئيس؟ هل يعيش في دولة مؤسسات أم يعيش في القرن الرابع الهجري و يجلس تحت شجرة و يونس الأخرين…. أنا سويت و أنا داير أسوي.
قيل هذا الكلام من قبل مراكز الدراسات الإستيراتيجية التي أشرفت علي موضوع فصل الجنوب و قيل بعد أن تم تقييم تجربة الإنفصال و ما نتج عنها من مشكلات ستلقي بظلالها علي كافة أنحاء القارة الأفريقية.
لكن هل يصح لهذا الرئيس أن يونس الناس بموضوع مثل هذا؟ هل يريد إلهاء الشعب و إستغلال عواطف الناس و دغدغتها؟ لماذا فصلتم الجنوب أصلاً؟