عراقي : إختلقت معلومات حول امتلاك العراق أسلحة جرثومية لغزو أمريكا العراق .

والله عمل خير ولازم نقيف كلنا معاك في هذا المشروع الخيري الكبير ، كل بما ييسر الله له ، وبكل جدية لانو دا موضوع جادي جدا، وربنا يوفق استاذنا الكبير لعمل الخير.

“لعبدلله ينتظر منكم كوووولكم المساهمة في هذا المشروع الكبير .. أمنحونا مزيداً من الأفكار .. كونوا جميعا عونا لنا حتي يرى هذا المشروع النور ? من اجل إنسان السودان الذي يستحق هذا وأكثر”
_________
طيب، كلامك مفهموم وجميل … والحل دا تقريباً مؤقت، ولا يكفي … لماذا؟ لأنه سوف يعمل علي تأخير الثورة … لأننا نحن محتاجين للمرضي والجياع وطلاب المدارس ليقوموا بثورتهم … لأننا ببساطة وبكل أسف غير منتظرين ناس الأحزاب (المعارضة) وجميعهم قنعنا من خير فيهم (أصبحوا مستسلمين)… وحتي ناس الحركات المسلحة أصبحوا مثل ناس المعارضة… إلا “ثورة الجياع والمرضي” لأن شغلهم حيكون نضيف…ونضيف شديد …

واحدة من أسباب بلاوي السودان هم الأطباء الذين أصبحوا زي الدلاليات شغالين جزر في المواطن البسيط والذي صرف علي تعليمهم والآن السادة الأطباء يردون الجميل للمواطن المغلوب علي أمره

يا استاذ و الطبيب ال بلا رسوم دا ياكل شنو ؟ يالك نيم ؟؟؟
الدولة رافعة يدها وما عندو شي غير الرسوم وانت عايز تحرمو منها ؟
ما ذنب الطبيب انو يشتغل مجان ؟؟ في زول قاعد يقدم للاطباء حاجة مجان ؟؟؟
الاطباء جاعو في بلادي وهو صفوة المجتمع
بس معظم المجتمع حاقد عليهم
حرام عليك يا جبرا .. ركز على الحكومة وسيب الاطباء الفيهم مكفيهم

الأخ الصديق الفاتح جبرا
لك التحايا على أفكارك النيرة التي تخدم المواط السوداني البسيط الغلبان. وأنا هنا بالنيابة عن نفسي وعن أسرة منتدى النيلين الثقافي وعامةالسودانيين بمدينة العين أعلن وقوفنا معك في هذا المشروع وسننضم لعضوية منظمة أطباء بلا رسوم وسنقدم لها كل الدعم الممكن من هنا.
وفقك الله لما فيه السودان والسودانيين.

فكرة ممتازة بالتوفيق يا أستاذ جبرة، والله العظيم لو كنت طبيبة لسجلت اسمي لكني على استعداد لأي مساعدات أخرى حسب امكاناتي المتواضعة. (مالو نشتغل شغل الحكومة) ودمتم لخدمة الوطن والمواطن ..

المواطن ده يجيب انترنت من وين؟

مشكلة الشعب السوداني تظهر في التعليقات الواردة في هذا المقال.شوف الطبيب وعامل د/……….قدام اسمو قدر الضربة ومافاهم فكرة الاستاذ.القصد ماتشتغل كل الشغل بالمجان يادكتور خلي جزء من زمنك صدقة جارية لعمرك ده يعني اصحاب العيادات يمكن يساهمو بي جزء من زمنهم وتكون هناك عيادة مجانية لها مركز محدد أو يكون من خلال السماح بعدد معين في ايام محدده للضعفاء واالمعدمين.لكن مشكلة السودان واضحة من خلال مثقفينة كل همهم أن يعيشو هم وعوائلهم في رخاء والغريبة انو مسلمين.شوفوا الغرب أكثرهم لايؤمنون بيوم الحساب ومع ذلك يعملون اعمال خيرية لمساعدة الانسانية حتي لو كانت رياء ونفاق وكسب سياسي أفضل من الا تكون هناك خدمات انسانية تفيد الانسان البسيط.الله يهدي مثقفي بلادنا لما فية خير لهذة الامة

استاذ الفاتح ( رمضان كريم )

يبدوا انو ال 16 يوم بتاعت رمضان المضت والسخانة الشديدة ادخلت في حالة تحتاج لدكتور عشان يشخصها …..

من حقك ان تحلم وان تتفائل ومن حقنا نحن ايضا …..

لكن واقع الحال في السودان يقول غير ذلك لعدة اسباب …

انت تعلم ان خيرة اطباء السودان قد هجروه الى دول الخليخ واوروبا واستراليا وكندا وغيرها …. ومن بقي هم الحثالة التي فشلت في اجتياز اختبارات المهنة في دول الخليج وغيرها …

حتى تجربة استقدام الاطباء السودانين في زيارات قد فشلت لان من قبل الدعوة محسوبون على ( الفشلة ) ولك في دكتور ابو سن المثال الحي …

اسالك بالله يا استاذ جبرة هل تثق ان تسلم نفسك او احد افراد عائلتك لدكتور مثل (عبدالله حسن احمد البشير )…. او لزوجته الدكتورة نور الهدى …..

يا استاذ جبرة عندنا في السودان الامور متداخة ومشربكة ولا اقول ليك ( هايصة ) …

بالله عليك هل تستطيع ان تفرق بين الطبيب والتاجر والسياسي ورجل الدين والدرويش والحرامي …

الامور ملخبطة يا استاذ فالمتعافي طبيب ومصطفي عثمان طبيب كذلك ……

حساسية حكومتنا ليست من خوفها علينا من المرض وتفشيه …ولكن خوفها من ظهور جهات غير محسوبة لها ….

الم تسمع بمنع كثير من المنظمات الطبية من العمل بالسودان وآخرها اطباء بلا حدود ….

قالوا لنا ان هؤلاء كفار وسف يدخلوننا النار ….

لكن الغريب والمدهش ان الواحد منهم اذا شعر بصداع يسافر على عجل لبلد الكفار ويسلم نفسه لهم مطمئنا … بعد ان يستنزف خزينة الدولة آلاف الدولارات …..

سلمك الله يا استاذ جبرة وعائلتك وكل فرد من افراد الشعب السوداني …. آمين ..

ونحن في دالاس تكساس مجموعة من السودانيين ومستعدين لاي مساعدة واللة من وراء القصد

جبرا اسال الطاهرساتي عن عيادة امدرمان التي تقدم خدمات مجانية منذ عقود في يوم الجمعة! وتقدم الداواء مجاني!!ويؤمها حتي طﻻب الطب الراغبين في العمل الخيري!!ليه!! ﻻنها مجودة جمبك وات ماشايفه!!اقلوالطاهر ساتي زاره وكتب عنها!!وفبها جمع من اﻻطباء الخييرين!!وهم ليسوا بفاشيلن كما علق البعص علي اﻻطباء المرابطين في بلدهم بعد اﻻغتراب وفيهم من لم يغترب ولم يفتح عيادة!!رغبة في خدمة بلده!!وهل زرت ابواﻻطباء الخيرين الذاهد الذي يرقد في سرير المرض اﻻن في المشفي الجنوبي!!نيتك جيدة فاكمل المشوار وابدا بما انتهي اليه اﻻخيرين!والسودان ملئ بالخييرين في كل مكان رغم خفوت صوتهم

عمل خير ناجح باذن الله وسندعمه

الاخ الفاتح
الله يجزيك خير على مبادراتك الانسانية
البداية تكون بالموقع الالكتروني ( اهم حاجة )
ممكن في البداية يقدم الموقع الخدمات الاستشارية والتثقيف الصحي والاجابات للمرضى من خلال مجموعة من الاطباء داخل وخارج السودان. بعد داك ممكن يتوسع حتى الفحوصات وصور الاشعة ممكن ترفع للطبيب من خلال الموقع . واذا المريض للفحص السريري تقوم ادارة الموقع بالتنسيق بين الطبيب والمريض
مع التحية

جزاك الله خير واضم صوتي لك وحملة تبرعات بين المهاجر واهل الخير في دول الخليج الذين يودون وضع زكواتهم وصدقاتهم في يد امينة( خلينا من متوضئة لانها عذبت ناس الخليج بنهبها للزكوات والصدقات) وصه يا كنار وضع قرشي فوق قرشك لاحياء مشروع القؤش للعلاج واكرر صالح العوات للجميع

فكره رائعه و ياريت يتجاوب معاها الاطباء خصوصا كبار الاطباء لو يعمل كل واحد فيهم كم ساعه في اليوم يكشف فيها مجانا و ينال الاجر من رب العباد او حتي تكون من زكاة امواله بان يتبرع بجزء من وقته للضعفاء و ينال الاجر من رب العباد ويبارك الرب في رزقه و كذا اصحاب الصيدليات و المعامل وهي ايضا باب لنا للتبرع و ان ننال الاجر اتمني ان يري المشروع الخير النور و جاهز للتبرع بما يقدرني الله عليه و اتمني يا استاذ جبرا ان نراك مشرفا عاما علي هذا المشروع الانساني

اولا مشكور علي الاقتراح الجميل وانت بدات وانحنا بنكمل انا طبيب وجاهز لهذا العمل واوعدك انا لست وحدي معي مجموعه من الاطباء تحت الخدمه ولنا علاقات لتوفير جزء من الدواء وربنا يحسن النوايا

السيد الفاتح جبرا
أن طبيب مغترب بإانجلترا ومستعد كل 6 شهور أجي الخرطوم واشتغل كل يوم في العيادة مجانا@ إذا وجدتوا لي عيادة في المستشفى الأكاديمي أو أي مستشفى آخر
الرجاء أعطائي أيميلك الخاص حتى أستطيع التنسيق معك
وشكراً

فكرة ممتازة جدا يا أستاذ الفاتح. كسراتك دي كسرت ضهر الشعب الفضل و قوت ضهر و عين الحيكومة.

رمضان كريم يا استاذ الفاتح
والله الفكرة رءعة جدا جدا وان اقترح بفتح باب التبرعات ( 5 جنيهات ،50 جنية، 100 – 1000 جنية حسب الامكانيات) ويكون العلاج للحالات المستعصية اول باول وكذلك بعد دراسة الحالة وحالة المريض الاقتصادية والموقع الجغرافي القادم منه (لزوم مصاريف الترحيل). وبعد ممكن يكون في جولات في الريف و الولايات النائية و الظروفها صعبة جدا (شرق السودان،دارفور بولاياتها الخمسة ،ولايات كرفان والنيل الازرق نسبة لصعوبة المواصلات لوصولهم الى العاصمة) عشان مايكون حكر علي ناس العاصمة.