الدبلوماسية السودانية : تلقينا اتصالاً من أمريكا نقلوا فيه رغبتهم في التفاوض الثنائي المباشر معنا حول القضايا العالقة بين البلدين

هههههههههاية عشـم إبليس في الجنة

أها كان قالوا ليكم سلموا عمر البشير وقاطعوا قطر وايران رايكم شنوووو ؟؟؟؟

هو بالله عليك اسع ده وزير خارجية يشرف السودان لا خلقة لا اخلاق لا تعليم امشي شوف السيخ والاسمنت بقي بيكم والدفاع الشعبي جابو ليهو العدس ولا لسع
اااااه حليل ناس المحجوب

قال كرتي: (ورهنت امريكا رفع العقوبات بتحسين سجل الخرطوم في مجال حقوق الإنسان بجانب وقف الحرب التي يخوضها الجيش السوداني ضد المتمردين باقليم دارفور وولايتي (النيل الازرق وجنوب كردفان) الحدودتين مع دولة جنوب السودان)

طيب يا كرتي طلب امريكا دا ما هو استحقاق دستوري ومن ضمن مهام الدولة والمفروض تعملوا من اجله حتى لا يفرض عليكم فرضا. وهل هذا الطلب الامريكي معقول ام غير معقول وهل هو طلب غريب ..

انتو طبقتوا بنود اتفاقية نيفاشا فيما يتعلق بفصل الجنوب فقط ومستعجلين وعايزين امريكا تكافئكم عشان تنفردوا ببقية الشعب المسكين وتودوهو في 60 الف داهية وتفتروا عليه بمزيد من الضغط والتمكين والظلم ولكن امريكا وقفت ليكم شوكة حوت في حلوقكم لأنو نياتكم كانت فاسدة وغير سليمة ودائما الظالم ربنا بسلط عليه من يسومه سوء العذاب

الحل:
صلحوا علاقتكم مع الشعب وليس مع امريكا اصدقوا مع الشعب وليس مع امريكا اقيفوا ولو ليوم واحد او ساعة واحدة مع الشعب المسكين الذي عانى من ظلمكم 25 سنة

صححوا نياتكم الفاسدة واتركوا الافتراء والتجبر والطغيان باسم الدين على عباد الله وعلى السودانيين .. اعترفوا بالاخر .. اتركوا اقصاء الآخر اتركو العمل الحركي والسري والعمل تحت الانفاق والسراديب المظلمة.

اعترفوا بأخطائكم الكثيرة وادفعوا ديات القتلى من مال الجاني وليس من مال الدولة او طبقوا حدود القصاص على القتلة المجرمين الذين أرملوا النساء وايتموا الاطفال.

ساووا واعدلوا بين اليتامى والارامل والمحرومين بألغاء ما يسمى منظمة الشهيد وان تتحول الى منظمة اليتيم فلا توجد منظمة شهيد في الاسلام والرسول صلى الله عليه وسلم لم يميز ولم يقم منظمة للشهيد حتى لأهل بدر ؟ واتركوا الظلم والتمكين ..

مراجعة صندوق دعم الطلاب وان يتبع للدولة ويخضع لوزارة المالية وتحت مراقبة ديوان المراجع العام وان يلتزم المراجع بتقديم تقرير عنه وعن جميع المنظمات التابعة للجبهة الاسلامية مثل الخدمة الوطنية الالزامية .. الدفاع الشعبي والمركز القومي للإنتاج الاعلامي وصندوق غلام للإسكان الشعبي وديوان الزكاة ..الخ كل ثلاثة شهور (كل ربع سنة) الى البرلمان بس يكون برلمان صحيح يهتم بمثل هذه الامور..

اتركوا العمل السري للأنقضاض على الأنتخابات بهذه اللعبات المكشوفة..

عليك الله يا كرتي ما بتخجل من طلبكم من امريكا تصلح علاقتها بكم وتعاتبها على عدم الوفاء بوعدها تجاه السودان وانت تعلم تمام العلم ما قمتم به في السودان وتطلب من اليهود ومراكز العلاقات العامة في امريكا وتدفعوا لها من حر مال الشعب السوداني الملايين من الدولارات من اجل تصحيح صورة حكومة السودان في امريكا ولم تنجح كل هذه المحاولات … قل لي بربك كم هي المبالغ التي دفعها السودان لمكاتب العلاقات العامة الأمريكية والتي اغلبها ملك لليهود من اجل اصلاح صورة حكومتكم في امريكا..

اها وزير الخارجيه مسكل ليك وانت رجعت ليهو .. ولا انت المسكلت ليهو ياكروت

واشنطن تريد فقط أن تكون حاضرة في المشهد السوداني دون أن تقدم شئيايذكر للدفع نحو الديمقراطية في السودان والسير بها إلى الأمام وهي لا تريد تغيرا حقيقا يل تريد تغيرا شكليا يبقي على بنية الحكم الحالى موجودة وهذا ضد رغبات الشعب السوداني المتطلع إلى الحرية والديمقراطية..
على واشنطن أن تختار بين أن تقف مع الشعب السوداني أو أن تقف مع هذا النظام المعزول من شعبه ولا مجال للحياد!! …

كذب وفبركة مخابرات امريكية….. 25 سنة الامريكان يلعبون بالكيزان

ياجماعه الاتصال ده صحيح وعشان فترة الخريف انقضت وعايزين السودان يلعب دور ايجابي في حرب الجنوب المتصاعدة

إنهـا ( كضبة ) في سـلـسلـة الأكاذيب التي بدأت بكضبة ( القصـر والســجـن ) وما زالـت الـمسـبحـة تكــر ، وما زال الـعرض مسـتمـر ؟؟!!.
نفـس هـذ الـعـلي كـرتي صــرح أن رئيس وزراء لـيبيا هـو من طـلـب زيارة الـسـودان ، وكررهـذا الـكـلام عـدة مـرات ..
وفاجأ الـعـالـم رئيس وزراء ليبيا حينما أعـلـن فـي الـؤتمر الـصـحـفي ، ومن قلب الخرطوم ،أن الزيارة جاءت بناء علي دعـوات السـودان المتكررة والملحة لرأب الـصـدع في العلاقة بين الدولتين ؟؟!!.
وكان علي كرت يقـف بجانبه .. وبراءة الاطفال في عـينيه !!.

و قبل اسبوع اوباما يجدد العقوبات علي السودان … دي يفهموها كيف !!!