قيادات نظام البشير : زوار الليل بقوا كثيرين واحد في الحيطة والتاني في راسك
الخرطوم :عازة ? نضال
دق نواب بتشريعي الخرطوم ناقوس الخطر حول الاوضاع الامنية بالولاية وقالوا ان عصابات النيقرز ما زالت تروع المواطنين ، وزادو قائلين (زوار الليل بقوا كثيرين واحد في الحيطة والتاني في راسك ) وفي الوقت ذاته حذروا من معسكرات لاجئين دولة جنوب السودان وقالوا انها مهدد لامن المواطن ، واكد النائب محمد فضل الله الباشا وجود تجمعات لجنوبين في ابو ادم والازهري تهدد امن المواطن ، واضاف في تداول النواب لخطاب والي الولاية عبدالرحمن الخضر بتشريعي الخرطوم امس سكن الجنوبين في هذا المناطق اصبح مهدد امني واجتماعي بسبب الممارسات غير الاخلاقية التي تحدث داخلها ، واشار الي انتشار بعض الاوبة من تلك الممارسات ،واضاف هذا يتنافي شرعاً مع تاصيل دولة الاسلام ، فيما وصف النائب عبد القادر محمد زين تجمعات الجنوبين بالظواهر السالبة التي يجب معالجتها ، منوهاً الي صدور قرار بترحيل الجنوبين العالقين ،واضاف ان هذا القرار لديه ابعاد سياسية ، موكداً ان عدم القدرة علي ترحيلهم خلف اثار سالبة علي الولاية.
وفي سياق متصل هاجم النواب مراكز البيع المخفض ، مشددين على ضرورة مراجعتها فيما شن النائب وليم زكريا هجوماً علي اعضاء المجلس ، وقال تداولكم في اجازات تمت لا يفيد الانسان في شيئ وانما يسير في النفس كثير من التساولات ، واضاف المبالغ التي وردت في الخطاب لو تم صرفها في مكانها لاصبحت (الخرطوم اجمل من دبي ) ، لافتاً لوجود مظاهر تشوه وجه العاصمة تتمثل في النقيرز والعطالة والمتسولين والمشردين ، فيما اشار النائب تاج الدين صغيرون الي ان الخطاب تقرير اداء وليس به اي خطة للمستقبل ، واكدت رئيس لجنة التشريعي بالمجلس مريم جسور ان الخرطوم تتحمل كل السودان ، وقالت ان وجود العاصمة بها يشكل عبء علي الولاية ، وزادت قائلة لو الخرطوم ما العاصمة كان مشت الي الامام .
الجريدة
لو السودان مافيه انتو برضو كان مشا الي الامام عارفه دا ولا ماعارفه ؟
: زوارى كافورى الليل بقوا كثيرين واحد في الحيطة والتاني في راسك , و التالت فى كافور و كم واحد فى القضر الجمهورى و كم واحد من مكتب الوالى عييييييييييييييييييييييك كتار كترة و الاقل دخلا ز نهبا هم بتاعين الحيط
بعد لازم الشعب يمرق..لاجئين..اوبئه..عصابات..عطاله..مشردين..وانتو قاعدين تصرفوا في الملاين..واللة لو اولادى قلبتنى عيشتهم لهربت منهم عديل..يا عبدالرحمن ماتلم الشله دى وتمشوا..نصيحه ..كلمه الشعب قربت..بعدين شيلوا شيلتكم..الا هل بلغت..اللهم فاشهد..
هو الله لا اله الا هو عليه توكلت وهو رب العرش العظيم يسمع ويرى فمن الذى ينصر ربه ودينه البلد صارت سائبة لا راعى ولا رعية تعمل بالحق .
وعلاقة الصوره بالخبر شنو !!
زوار الليل دائما ما يستهدفون الناس المرطبين ناس المنشية وكافوري وغيرها وهذا ليس من همنا نحن الغلابة
اقترح ان نقوم بتكوين جماعات لحراسة اولي الامر حتي ينعموا بنوم هادي واحلام وردية تنعكس في زيادة جرعات الرفاهية التي يمنحونا لها ….حتي نحلم بماكدونلز وهارديس
بعد الهوت دوج والبرقير
طبعا عصابة الانقاذ لم تفهم حتى الان المثل البقول: التسوي كريت في القرض تلقا في جلدا.
كل من ينصحهم يعتبرونه حاسد علي مال الحرام المستمتعين بيهو و مكلينو اولادم و زوجاتم عشان يلدن ليهم اولاد حرام.
طيب خلونا نحكي ليهم حكاية زي حكاوي الاطفال، يمكن يفهموها.: تحطمت سفينة و قذفت بالناجي الوحيد على شاطي جزيرة.توغل الرجل لداخل الجزيرة ،ووجد نفسة محاطا بكمية من ناس الجزيرة الذين اخذوة الي قصر ملك الجزيرة، واخبروه بان من عاداتهم عندما يموت الملك ينصب اول قادم للجزيرة كملك وانت الان صرت الملك و كلنا نبايعك على ذلك.بعد مراسم التتويج و الاحتفالات ،شرع الملك بالتجول في اراضي الجزيرة وكان رجلا يفهم في الزراعة و ادارة المشاريع ، فاخذ كل وقته ينفقه في اقامة المشاريع واحد بعد واحد و كان يوغل في الاراضي البور و المهجورة و يحولها الا جناين و مزارع.لم يشعر بمضي الوقت، فقد مرت سنتان علي حكمة و عندها جاء كبار اهل الجزيرة و حكمائها وقالوا له لابد من ان تلتزم بتقاليدنا حتى النهاية، وعلية سناخذل من القصر و نذهب بك منفيا في اي ركن من اركان الجزيرة لتموت جوعا وعطشا. وهذه هي التقاليد التي نوقتها بمرور سنتين على تنصيب الملك. اذعن الملك لامرهم فاخذوة لكل اطراف الجزيرة ليجدو له مكانا مجدبا ينفونه فية ليموت متروكا. ولكن لم يجدوا في كل الجزيرة مكانا مهجورا مجدبا يفي بالغرض. ارجعوه الي قصرة مكرما محتفى به ملكا دائما جزاء لما قام به من انجازات.
يا اصدقاء الراكوبة ، هل منكم من يقول لي ان هذه الحدوتة مفهومة لدى اي انقاذي؟؟؟؟
ديل ظهروا نتيجه لافرازات المشروع الحضاري
نوام برطمان ولاية الخرطوم … اصحى يا بريش
النيقرز ديل قوات ذات مهام خاصة تتبع جهاذ الامن يتم الاستعانه بها في لحظات محددة لتنفيذ معينة.
مثال:
تم الاستعانة بهم في انتفاضة سبتمبر العام الماضي لإحداث شغب ونهب وحرق الممتلكات العامة لاعطاء قوات الامن التبرير الاعلامي لاستخدام القوة المفرطة وقتل الناشطين والشباب لاخماد الثورة وزعزعة الرأي العام وتحيد الشعب والتنظيمات السياسية من الالتحاق بركب الثورة.
يعني عشان يطلع عبدالرحمن الخضر ويقول ديل حرامية ونهابين ومشردين و… ولازم نتعامل معاهم باي حزم عشانكم يالمواطنين يا حلوين.
ويصوروا ليكم كم واحد كدة ويطلعوا اشاعات انوا المتظاهرين في الشارع ديل حرامية ومجرمين حرقوا ام وطفلها في منطقة شنو كدة واغتصبوا بت اساس في حي ماعارف شنو , …..
دا دور النيقرز في المشروع الحضاري
اعوذ بالله
البلد صارت نصها حرامية دستوريين يسرقون ليل نهار وحرامية زوار ليل يسرقون في الليل فقط
الوقت ذاته حذروا من معسكرات لاجئين دولة جنوب السودان وقالوا انها مهدد لامن المواطن ،
الاحباش والجنوبيين اصبحوا الحائط القصير ي خائبين جاورنا الجنوبيين والحبش لم نري تدخهلم وتلصصهم علينا هم ف شئونهم ومشاكلهم الخاصة فيما بينهم ولديهم سلاطين ومحاكم ف الفقر الفقر الفقر المعشش فينا هو ما ادي تفكك نسيج المجتمع من فيكم سيدنا يوسف اموالنا دخلت كروشكم اللعينة
اللهم اصلح حال البلاد
الحكومة منافقة فاسدة فاشلة قاتله لشعبه.
ود المرقعه يا ود المقطعه لابس ليك رأس جراده مش كده طيب روح اشتغل واكسب من عمل يدك بدل ما تروع الآمنيين.نصيحه للمواطنيين اى زول تمسكوا خلصوا عليهو وسلموا جثه هامده للشرطه