مانشستر يونايتد الى دور الثمانية لدوري أبطال أوروبا..روني سعيد بالفوز الأوروبي ويشيد بهرنانديز

البتـــــــــــرول!
حباب بترولنا فرحانين
ولي جيتك رجينا سنين
طلعت روحنا قبّالك
وطلّعوا زيتنا معصورين
قالوا بطون ، تربطوها .. ربطانها
هم فكّوا .. بقت كرشاً تشيل جاهلين
قالوا دقون ، تربّوها .. ربيناها
هم حلقوا .. صبحوا مُلُس حلاتو عبدو حسين
قالوا تدكّوا .. دكيناها
بس جرّونا ليك خمسين
أخدنا السيك وفي قبولنا
ورق يا أخوانّا فيو “آسين”!
لكن بس خلاص سودانّا بتصلّح
وتبقى “أمبّدة ” زي “برلين”
تعال شوف كيف جنيهنا يعود
مكانو الفاتو ليهو سنين
جنيه حيساوي اتناشر
ما “دولار” “استرلين”
مزارعنا بتدّور جد.. مزارع فول وأب سبعين
وزيت السمسم قصب سكر ..بنلغي بطاقة التموين
نسوق عرباتنا نص الليل ..ونحرقوا ليك جِنِس بنزين
والطب زاتو يتطّور .. نركّب للمريض قلبين
دكاكين حقّت اسبيرات .. كلاوي كِبَد أذين وبطين
دكاترة يجونا من برّة..دكاترة يجونا من لندن
عشان القحّة والتسنين!
علاج مجّاني ندفع ليك لو تمرض
منو البمرض! يقيسوا الدم ميّة وعشرين
والتعليم يكون ثورة .. تعم الناس ويفهموا زين
عشان ما يسامحوا زي أوّل
الياكل الناس باسم الدين
يجينا وزير كلامو كُتُر
يخت الخمسة في الإتنين
حندخل عاشرة وحداشر
قراية الجامعة بس سنتين
ينظّر زي فلان داكا ..محامي من أهل لينين
والبسقط ننجحوا لو وحيد أمّو .. عشان مسكين
ونلغي مدارس الوزرا..وينجحوا ناس خلف والزين
آدم موسى من دارفور
عاوز ليهو بيّاعين للتنباك .. عشان أصلي
يكونوا هنود وجامعيين
وواحد عندو كافتيريا .. خَلّى الحبشة والصومال
قال لبنان و سن عشرين
عاد بنّوتنا باراً جد..مع لبنان واستنطبول
بنات تلقى الشَعر مترين
وما غاليات عِرس الواحدة بي ألفين
ونتبوبر عاد جِنِس بوبار ..كلامنا يكون طرف نخرين
أكيد سوداننا بتطوّر
لو حاكمنا كل سارق ..وكل غدّار بس سنتين
أكيد بترولنا راح يطلع .. وبنسيّروا بالعديل والزين
بس البترول هو ما بنزين..هو الإيمان صحيح ما غِش
هو شرع الله ما تلوين
كيف بترولنا بس يطلع
بترولنا الدهب ..ماسات في المنجم
ومنجّمنا ياهو الدين

وهل اتيت بجديد ياحاج (طيب اتركوها عشان يتركونا)

الحصار بسبب شنو

اتخزنا حاج سوار فسر الماء بالماء بعد جهد جهيد من كان الحاكم ياربي في الثلاث عقود هل عندكم واحد شاطر يحل الفزورة واذا ما نعطيكم خيارات عمر البشبر _ الترابي _ عاي عثمان محمد طه

طيب ما تشوفو امريكا دة عاملة حصار لشنو فالحين تنهبو ا بس ولسع الحصار والاعصار الجاييكم ان الله يمهل ولا يهمل

السودان محاصر اقتصادياً من الخارج بقيادة امريكا واوروبا وفي ذات الوقت السودانيين محاصرين داخليا من الكيزان … والمؤسف ان الحكومة الحالية التي نفذها الترابي بمساعدة التنظيم الدولي للأخوان المسلمين لم يحسبوها صح وظنوا ان امريكا التي تدعمهم سراً ستقوم بمساعدتهم في قتل السودانيين الا ان سياسة الاستخبارات الامريكية تقوم على توصيل الاغبياء على سدة الحكم ثم الضغط عليهم لتحقيق ما تريد في هذه الدولة او تلك..

والحل الوحيد يا سوار هو اعادة الامور الى نصابها وتوزيع السلطة والثروة بصورة عادلة واعطاء كل زي حق حقه..

وحاج ماجد سوار نفسه هو صنيعة الكيزان واحد كوادر مغتصبي السلطة في السودان وبالتالي يمكنك التحدث باسم الاتجاه الاسلامي والتنظيمي الدولي للأخوان المسلمين اماالحديث عن السودان فإنك ليس مخول بذلك وان جلستم في الحكم مائة سنة فهي فترة تعد كالفترة التي حكم فيها هولاكو التتري الدول العربية.

فلا تعتقد انك او مصطفى اسماعيل او حتى على كرتي تمثلون السودانيين لا بالداخل او الخارج ….وانما تمثلون جماعة واحدة فقط جماعة منبوذة من الشعب جماعة جاءت من اجل النهب والسلب وبناء البيوت الفخمة في حي المجاهدين والشهيد طه الماحي وجبرة والشارقة والمعمورة والطائف ..

حاصر الحكومة المغربين بجاهز اسمو جهاز المغتربين
قنليك بيع مبنى جهاز المغتربين الغى حاجة اسمها تاشيرة خروج زى بقية الدول
وحلال عليك 50 مليار قيمة الاراضى

حجب التكنلوجيا الزراعية؟ زى شنو؟…التقاوى قاعدة تجى من تركيا…الاسمدة والمبيدات تأتى من الهند ودول أخرى…الجرارات…الحصادات…المعدات الزراعية عامة مالية السوق العالمى وتستطيع ان تحصل عليها من روسيا وشرق اروبا…طيب ماعلاقة بيع اصول مشروع الجزيرة بالحصار الاقتصادى؟…وماعلاقة شراء التقاوى الفاسدة من تركيا بالحصار الاقتصادى؟…وما علاقة شراء المبيدات الضارة بصحة الانسان بالحصار الاقتصادى؟

زمان قال الشيخ الكاروري انه اذّن على البترول فزاد !! بركاتك يا شيخ تنفعني وتفزعني
فنرجو من عباقرة الكذب والدجل والشعوذة ان يأتوا بالشيخ الجليل / عبد الجليل النذير الكاروري ليؤذن على الاقتصاد لعله يتحسن ايضا.. والا احسن اقول ليكم جيبوا قرود الجنوب لعلهم يساعدوكم في تحسين الاقتصاد زي ما ساعدتكم في الجنوب ..

هاك الكرامات دي ..

لم تأتى بجديد
كلامك دا المنقولين وأصحاب التوحد عارفنه
طيب ,انتم محاصرين لثلاثة عقود وعاملين فينا كده لو طالقنكم كنتم عملتوا فينا شنو
بعدين يا سوار فى زول عاقل يحكم بلد ثلاثة عقود وهو محاصر
ما تخلعوا وتستريحوا وتريحوا
والله لولا الله ثم أمريكا لكنتم لعنتم خاشينا

اقول لحاج ماجد ان سحركم قد استفنفذ اغراضه وما في واحد تاني بصدقكم ، اصبحتم منبوذين من الشعب السوداني وما زلتم تمصون في دمائه ، غدا ستأتي الانتفاضة وستضع الرجل المناسب في المكان المناسب ولا مكان للحرامية فيها ، فأحسن تشوفوا ليكم بلد تاني يأويكم والبنقبضه حا يكون حسابه عسير جدا .

وعودك كملت ؟ كضباتك ضربت ؟ اتفضل انطم لحد ما تلقي ليك وهمة جديدة ! دم

طيب يا أخونا ماتريحونا وترتاحو مالكم ومال التعب .انتم السبب في هذا الحصار .خلينا نشوف غيركم .