عبد الرحيم محمد حسين ينفي تورطه في مخطط لزعزعة استقرار الجنوب ..وزير الدفاع : «الوثائق مزورة وغير صحيحة على الإطلاق»… نرغب تماما في تفادي الحرب، ونطمح إلى علاقات مستقرة لصالح الدولتين
شدد وزير الدفاع السوداني على التزام الخرطوم عدم العودة إلى الحرب ورغبتها في دولة قوية بالجنوب، ورفض اتهامات جوبا لحكومته بالعمل على الإطاحة بحكومة الرئيس سلفا كير ميارديت،
ونفى وزير الدفاع السوداني عبد الرحيم محمد حسين تورطه في مخطط لزعزعة استقرار الجنوب، ردا على وثائق نشرتها الحركة الشعبية يحمل بعضها اسم حسين وقيادات بالمؤتمر الوطني، وتطالب بتسليح ميليشيات جنوبية، وتحركات أمنية. لكن حسين أكد أن «الوثائق مزورة وغير صحيحة على الإطلاق»، وقال: «هناك أموات منذ سنوات ذكرت أسماؤهم في الوثائق المنشورة»، وأكد: «الخرطوم ترغب تماما في تفادي الحرب، وتطمح إلى علاقات مستقرة لصالح الدولتين، ولذلك تفضل قيام حكومة قوية بالجنوب على عكس ما تردده قيادات الحركة الشعبية». وفي ذات السياق، وصف المؤتمر الوطني في بيان صحافي حول تصريحات الأمين العام للحركة الشعبية باقان أموم، التي اتهم فيها الخرطوم بالتورط في قتال بالجنوب ، بأنها «أكاذيب وأباطيل ظل يروجها باقان أموم ومجموعته، مستخدمين أي وسيلة خسيسة كانت، ومن بينها التزوير والتلفيق من أجل الشحناء والبغضاء بين المؤتمر الوطني والحركة الشعبية من أجل إزكاء الصراع والخلاف، بل أكبر من ذلك وهو عودة الحرب وذلك لن يفوت على قيادات المؤتمر الوطني، ونأمل ألا يفوت على قيادات الحركة الشعبية».
الخرطوم: فايز الشيخ لندن:مصطفى سري
الشرق الاوسط
انتظرنا كتير علي الناس ديل لغاية مافصلوا الجنوب وكمان شبح الحرب يلوح في الافق وده غير تدمير الاقتصاد وتخريب اخلاق السودانيين وبعد كده لو فرمنا الكيزان مافي فايده انا ما عارف الناس ديل بيكرهوا السودان ليه ومن اساسو عملوا انقلابهم اللعين ليه
جميع القيادات التى مرت على نهر النيل لم تقدم لها شيئا على الاطلاق وانما انتشر الفساد والثراء الحرام واكل مستحقات اهالى الولاية بغير حق . انظر لابسط الاشياء مياه مدينة الدامر (رائحة نتنة وجراثيم يمكن رؤيتها بالعين المجردة ) فمابالك بالاشياء الاخرى . فساد ادارى على عينك ياتاجر ومن غير حياء (مصانع الاسمنت اتضح انها صفقات يستفيد منها اشخاص معينين على حساب اهل الولاية المتضررين من ادخنتها وللاسف ولا واحد من الولاية ما معين الا عمال فقط يمكن عدهم باصابع اليد علما بان الولاية مليئة بالكوادر المؤهلة .المصانع المفترض ان تساهم فى تطوير المنطقة وتوفير فرص العمل ) سيدى الوالى اسال نفسك قبل ان تُسأل يوم القيامة غالبية المتسلقين بالسلطة ومن هم حولك من حثالة اهل الولاية غير مؤهلين لا علميا ولا اداريا ولا حتى اخلاقيا فساد فساد فساد مستشرى ومن غير حياء غلاء فى المواصلات غلاء فى المواد الستهلاكية تدهور مريع فى التعليم ونقص فى المعلمين ابنائنا فى الثانوى لايستطيعون القراءة ولا الكتابة كابسط الاشياء أصبت بالزهول لما رايت وتحسرت على ايام الدامر الثانوية وعطبرة الحكومية كيف كانت فى الماضى واين هى الان دماااااااار دماااااار وبقينا متزيلييين الولايات فى التحصيل الاكاديمى . اما السكة حديد فحدث ولا حرج اصبحت كالغار المهجور وبنيت فيها العنكبوت .. الزراعة تدهورت وقل الانتاج بصورة مريعة (المزارع يجتهد ويكافح والمضحك فى الامر مع قلة الانتاج يطالبوهو بالزكاة و و و و وووووو؟؟؟ الواحد يرجع بيتو بحفنة من الارباع ليس الا!!!!!) المحليات .. نهب نهب نهب جباية قلع وصراع بين الإدارات وحوافز بالجملة من غير تبرير كلو فى كروش آكلى مال السحت كلكم ستسالون من اين لكم هذا…) جامعة وادى النيل اصبحت لوبى صراح مستفحل بين العمداء ودسائس وخساسات وطعن فى الظهر والغريبة فى الامر كلهم كيزان فارغى الرؤوس الا من المكر والكذب والنفاق والغدر والخيانة … والطالب المسكين من يدفع الثمن .. اعلم عدد كبير من الاساتذة غير المؤهلين تم تعيينهم محاباه وواسطات وترضيات فى حين ان عدد كبير من نوابغ كليات وادى النيل تم تهميشهم وتطفيشهم والغدر بهم … ياسيدى الوالى لا اصدق انك لا تعلم ذلك لانك رجل امن ولا اشك فى ان كل هذه المعلومات معروفة لديك فلمذا تغض الطرف هل هذا لمصلحة شخصية ام ماذا؟؟ لكم جميعا يوم .. والله يمهل ولا يهمل
الحركة الشعبية قدمت وثائق للملا وانتم تنفون بالمزورة ! اذهبو إلي القضاء ليفصل بينكم الكلام والإستهلاكي غير مجدى يا كيزان الشوم ورطتو الجيش وأهنتوهو وفقدتوه هيبته !! حسبي الله ونعم الوكيل !! من أين اتي هؤلاء !!!
والله أنتم يا ناس الانقاذ الاعدامتو الـ28 ضابط في الأيام المحرمة والله تعملوا اي حاجة لأنو طبعكم وشيمتكم الخيانة والسرقة والإرهاب الله يرينا فيكم يوماً عبوساً يا رب الله العالمين أللهم أقلعهم قلعاً من أرض السودان
باقان أموم صادق في ما كشفه من وثائق. أنتم كذابين و لم تستطيعوا نفي التهمة عمليا حتي الأن و كل الشعب السوداني أصبح مقتنع بالوثائق التي كشفتها الحركة.
لقد فعلتم في دارفور أكثر من ذلك و الأن تريدون فعلها في الجنوب.
أما عن باقان فهو رجل يعشق الحرية و رجل يدافع عن شعبه لذلك شيء طبيعي أن يكشف مؤامرات المؤتمر الوطني ضد الجنوبيين.
لا يوجد في الكون حرامي لص صادق ابدا فيستحسن ان لا تصرح بشيء ابها الجاهل المركب – ستظلون تتآمرون عل اي جهة او دولة لكم فيها اجنداتكم الشيطانية الباطلة هذه وستظلون تنكدون على الجنوبيين مادمتم في الحكم – كاذب منافق
ليس غريبا ان يشرف وزير الدفاع على مؤامرة ,,
فالانقاذ ذات نفسها قامت على اساس مؤامرة !!!
لكن المضحك والمخجل في الموضوع كمية الاخطاء الاملائية والنحوية في مكاتبات السيد وزير الدفاع !!
هذا الرجل بلا شك جاهل وتافه ,, ولو ولائه للانقاذ ,, لكان الجيش احاله الى التقاعد من رتبة مقدم ,,,ليعيش بقية حياته ك نكرة ويموت ك نكرة
هذا الجنوب يا أخوان مفصول عن السودان منذ 55 سنة أرضاً وعرقاً وديناً وده حقيقة ونحن السودانيين بشكل عام وصلنا حد الإكتئاب وسئمنا من مشكلة الجنوب .. أخواننا الجنوبيين إتهموا الشمال بالعنصرية وهم أشد الناس عنصرية على الشمال هم الذين يريدون الإنفصال ولايريدون التعايش مع الشماليين هم الذى اشعلوا الحرب فى السابق بسبب عنصريتهم ضد الشمال ويشعهلونها الآن لذات السبب ، يا إخواننا الجنوبيون أخذتم ماتريدون والشمال أعطاكم حقكم وزياده بل منحكم الجنوب بكامله خالص لكم وأشرككم فى جميع حكم السودان بالولاة والترشيح لرئيس الجمهورية ورفضمتم ذلك كله بسبب عنصريتكم ضد الشمال الشمال لم يفعل لكم شيئاً بل أنتم دائماً ترفضون كل أشكال الوحده والأخوه والتعايش مع إخوانكم فى الشمال وكله بسبب عنصريتكم الصارخة ضد الشمال .. بكينا لوداعكم و لإنفصالكم عنا ولكن أنتم الجنوبيون لاضمير لكم لا مشاعر لكم تريدون فقط أن تكيدوا للشمال بسسب كراهيتكم وعنصريتكم للعنصر الشمالى بشكل عام حتى لو كان فى الغرب أو الشرق وظللتم تتدعون أن الشمال يمارس ضدكم العنصرية والتهميش دائماً لتستدروا عطف الناس .. أيوماً أحدكم زار الشمالية وقرى الشمالية أيوماً أحدكم زار قرى الجزيره أنها ترزح فى الفقر والتهميش منذ عهود مرت عليها وحتى الآن وهم صامتون لأنهم مؤمنون ليست مثلكم ..و تشاهدون ديارهم ليل صباح من بيوت الطين والجدران المكسره والعيش الضنك والجوه ( الغبشاء) ذلك تشاهدونه فى جميع قرى السودان وإنتم تدعون التهميش وأن بقية الشمال يعيش فى عز ورخاء وللأسف كثير من الناس صدق أنكم مظلومين حتى مغفلين السودان .. ونحن إخوانكم فى عامة الشعب تغاضينا عن ذلك كله عسى أن ترضوا وتعيشوا بسلام ولكن الظاهر أن بعد السلام لاتريدون السلام إنكم هواة حرب ومناكفات .. ماذا نسمى ذلك حقد كراهية عداء مطلق بدون أسباب أعطونى سبب واحد حتى أفهم أنكم ليس عنصريين كل ماحولكم يشير لعنصريتكم ضد الشمال .. وأعتذر للتعميم مازال هناك إخوه جنوبيين يحبون كل السودان تربوا وتعلموا فيه مثل بقية أهلهم فى السودان الجعلين والنوبيين والنوبه والزغاوه والقمز والبرتا وبنى عامر والهدندوه هذا هو السودان .. والجنوبيين إذا أرادوا إكمال الرحيل فاليرحلوا .. كما يقولوها .. باى باى إلى يوم يبعثون ..
إلي متي يظل المواطن والشعب السوداني بين هذه الأتهامات التي لم يجد دليل علي إثباتها وبنفس القدر لم يجد دليل علي نفيها ؟
كل طرف من المتصارعين يدعي ولا نصل لنهاية مقنغة . وفي الآخر يطوي الموضوع وكأن شيئا لم يكن .
نحن نطالب الطرف الصادق فيهما والذي يخشي الله والذي يحافظ علي شرفه أن لا يتنازل عن حقه بل حق الشعب . ولو تمت تسوية هذا الموضوع فهذا دليل آخر علي كذب الطرفين يضاف إلي كثير من الكذب الذي تعودنا عليه .
إذآ فلننتظر ونتمني أن لا يطول إنتظارنا.
«هناك أموات منذ سنوات ذكرت أسماؤهم في الوثائق المنشورة»
وهذا اكبر دليل على صحة الوثائق لان الوثائق المنشورة فيها ما يشير الى تواريخ
قديمة منذ اعوام .. واذا كانت الحركة تود التزوير لما فات عليها امر الاموت ..
ثم ثاني من الذي لديه المصالح في الزعزة وعدم الاستقرار المعترك العفني صاحب
اكبر دولة فاشلة مزعزعة ومزعزعة _ بضم الميم _ ام دولة الجنوب الوليدة التي
تسعى للاستقرار وبناء دولة من الزيرو ..
وبعدين خلينا من الكلام ده انت مش عبد الرحيم الهبول صاحب الخطة باء ..وفي
مواطنيين قالو شافو طيارة جاية من هنا …. وصاحب عمارات جامعة الرباط المنهارة …
ووزير الدفاع الوحيد في تاريخ البلاد الذي دخلت في عهده قوات مدججة بالاسلحة
والعتاد الى قلب الخرطوم على بعد كيلومترات قليلة من القصر الجمهوري ..
طيب مالك ومال التزوير والتلفيق والكلام ده
أخخخخخخخخخخخخخخخ
WE dont need proof from els …..we saw every thing sudan noww is open book … ABDEL RAHEEM MOHMED HUSSAIN … HE IS A stupid and ….. CANCER KOOOZ…..
لاتصدقوا هذا الوزير ابورياله فهو من الخبثين جدا فى الطغمة الحاكمة فكل المستندات التى ابرزها باقان تثبت تورطكم فكيف بالله عليك تنفى يا ………………………….
المدعو حافظ احمد انت كفيلك منو في السعودية ؟ الظاهر الشغلة ما ماشى معاك باسطة عشان كده بقيت ( تحضرب سااااااكت ) في تعليقاتك انت العنصرية موجودة حتي في سعودية خلي الجنوب في حالو . وشوف مشكلتك مع ( كفيلك ):mad: :mad: :mad: :mad: :mad:
والله ياالدلدول باقان اموم عندي اصدق وأنزه منك يابتاع عمارة الرياض والإسمنت المغشوش ، والله الواحد كان بتمني يكون حاكمه سلفاكير وباقان افضلمن العواليق الزي البشير والاهبل وزير الدفاع والأعور الدجال قوش ولا ابوالعفين لانهم أنزه واشرف منكم ويعملوا بصدق عشان شعبهم مش زيكم شغالين لبع واختلاس ومابتشبعوا ولابتخافوا ربكم ، والله بالشعب السوداني لو خليت الزباله دي تكون حاكماك كان مالقيت الجنوب بقي دوله افضل منكم وأنهو لسع مع المشروع الحضاري كهربا مافي ومويه مافي وعلاج مافي وبنزين مافي وزراعه مافي
قصة زعزعة استقرار حكومة الجنوب خلوها نحن لدينا ما يثبت ان نظام الجبهة المباد حتما لدية تخطيط حتى لزعزعة الاسرة الواحدة والكلام دا حاصل فى دارفور ويا ناس الاعلام والمهتمين تابعوا الفتنة فى دارفور التى بداها وكلاء عصابات الجبهة من لدن على الحاج وحتى هذه اللحظة سوف يتضح جليا عشقهم للفتن والمحن وعن قريب سوف نكشف الكتير وخاصة ملف دار فور وحتى الاقتتال الداير بين القبائل العربية فى دارفور صنيعة نظام بالادلة القاطعة والبراهين
صفية .. شرف بلد !!
بقلم / نادية عثمان مختار
[email protected]
شن نقول !!
يأخي نحنا فترنا قول !!
جد شن نقول ؟!!
دايرة أصرخ وأبكي وجعاً
دايرة أكورك أوووووب عليا !!
عاوزة أضمك خايفة يُمّة
شن بزيح عن صدري غُمّة ؟
وكيف نجيب تار البنية ؟!!
هتكوا عرضك ياعرضنا
يا الأميرة وست أرضنا
وعكّروا الموية النقية !!
نحن وين في ياتو غابة ؟!
وين بلدنا .. ووين شبابها ؟!!
وين بلد سمح السجية ؟!
يا شماتة الدنيا فينا !
تاني عاد شن باقي لينا !!
نبقى شعب أولاد لذينا ؟!
والأمان عند عُصبجية ؟!!
بتي تصرخ كُر عليّا !
أختي تصرخ أوب عليّا !
أمي تصرخ حي عليّا !
الأمان بقى ليه شوية ؟!!
بت جميلة شديد نقية
بت عفيفة وجد ذكية
رفعوا ( إسكيرتيها) عنوة
وعاثوا صلفاً وعنجهية !!
غالية بت الناس حلاتها
شابة سمحة ومرمرية
مابتخاف من ذئب جائع
بت شجاعة وجد قوية !
ورغم حزننا يا صفية
إنتِ معنى العزّة فينا
وإنتِ نار الثورجية !!
إنتِ رمز العفة دائماً
مريم القديسة طاهرة
هزّي جزعنا يا آبية !!
أمسحي الدمع المدفّق
طهّري الجُرح المنوسر
ورُشي فوقنا الصندلية !
نحن ليك دفقت دموعنا
نزفنا وإتوجعت قلوبنا
وبيك فتحنا ملف قضية !!
كيف يجوز يعني السُكات ؟
كيف نقول الفات ده مات ؟
ومات شرف (طب) وعسكرية !!
لا لا يا بتي الجميلة
لا لا يا أختي العزيزة
لا لا يا أمي البهية
لا لا ما بنسكت وحاتك
وبيك بنقوى وبي ثباتك
بكرة تشرق بيك شمسنا
ومابكسّروا رأس وليِّة !!
لمِّي ( إسكيرتيك) وقومي
قُشي دمّك في وشوشهم
وأوعي تقبلي بالأذية !!
غطي ( عورة) إتناوبوها !!
إنتِ مستورة وشريفة
هم جناة وإنتِ الضحية !
رأسك المرفوع هو تاجنا
سنك الفيل إنتِ عاجنا
ونحنا بيك مليون وماية !
أوعي تجفلي يا بنية
بكرة جاي عشانك إنتِ
وتتفتح مليون قضية !!
ديلا هتكوا ( الأمن) فينا
وقدّوا قمصان الصبية !!
ده إغتصاب للأمن ( يخسي) !!
عشة ، مريومة وهدية !!
نحن بندور فجر أخضر
ومعنى أكبر
للوطن والمواطنة والهوية !!
نحنا حقنا يأخي نقدل في بلدنا
ومافي زول يقبض صفية !!
كل زول حُر لو مؤيد
وكل زول حُر لو معارض
والحوار ما بندقية !!
حقي أطلع زي صفية
وزي عشوشة وزي علية
حقي أرفض .. حقي أصرخ
في الصباح أو في العشية !
حقي أرجع بيتي ( آمنة)
دون مساس من ( بلطجية) !!
جيبي حقنا يا صفية
حق بلد حُرّة وآبية
ويلا نرفض يا بنية
إغتصاب شرف المعاني
وإنتهاك نبض الأغاني
من عصابة وأمنجية !!
الله عادل ما بيقبل
ظلم أو فعل الأذية !
القصاص حُكم الله عادل
وأي بت في الكون صفية !!
تستحق فتح القضية
وينتصر شرف البنية !!
ينتصر شرف البنية !!
نادية عثمان مختار
عبد الرحيم محمد حسين – معروف لنا بانه لا يهش ولا ينش – ويوم قدم استقالته من وزارة الداخلية بسبب تقصيره – قلنا ما شاء الله – تراه فيه الخير – ثم اتلفت البشير ما لقا اهبل منو – فجاء به وزيرا للدفاع – وعندما جاء خليل ابراهيم داخل ام درمان – كان وزير الدفاع بتفرج في صلاح قوش وهو يدفع بضباط في الجمارك لحماية حرائر بقعة المهدي وعاصمة السودان الحقيقية – السؤال هل عبدالرحيم قادر يتشبه بالرجال – وينحاز الى الشعب – وينفذ حتى لو انقلاب ابيض على البشير ..فالله يضع سره في اضعف خلقه
طيب كويس، رد في النهاية المعني بالأمر وزير الدفاع عبد الرحيم أحمد حسين بدلا من حاج نور سوار وزير الثقافة ولكن من يصدقك يا سعادة الوزير. إذا صدقناك نكون نسينا فضيحة عمارات جامعة الرباط التي بدلا من أن يحاسبك فيها رفيقك البشير أعطاك ترقية أعلى وعينك وزير دفاع بدلا من وزير داخلية. كيف نصدقك وأنت الذي حولت وزارة الداخلية إلى محفظة استثمارية بدلا من تدريب عناصرها لحماية أمن شعبنا وحولت القوات المسلحة لنفس الشيء فبرطع شبان حركة العدل والمساواة في فيافي السودان حتى وصلوا لعاصمتنا الوطنية أم درمان فاختفيتم جميعا عن الساحة بما في ذلك نافعكم وأسد الخشش الضريا الذي نزل في كنانة بدلا من مطار الخرطوم.
أنت وغيرك مسئولون من كل ما حدث ويحدث للبلاد والعباد ومسئولون عن تمزيق شعبنا ولن تتمتع بما نهبته من أموال. لا تعتقد أن إشعالك للحرب في الجنوب ستشغلنا عن الطريق الذي نسير فيه، فهذه المرة لن تجدوا من تقدمونه محرقة لهذه النيران التي تشعلونها في بلادنا وستلتهمكم أنتم أولا.
هنت ياسودان وزير دفاعك الاهطل ابو ريالة عليكم الله الشعب السودانى دا عمل شنو فى الدنيا دى جابوه يوم ضرب مصنع الشفا كل ماقدر اقولو الغفير دا زنبو شنو قال دا زمن المهازل حقيقة المال عند بخيله والسيف عند جبانه البلد دى ياجماعة بتديرها شلة باخوى واخوك صاحبى وصاحبك و تبت ايادى الظلم وتب
عليكم الله الناس البيطبلوا للطغمة الفاشية باسم كراهية الجنوبيين وباقان وما أدرك ما باقان قلنا ليكم الناس ديل انفصلوا خلاص برنامجكم شنوا يا كيزان الهناء للشمال عشان ما ينفصل جغرافيا الى اربعة دويلات زي ما صرح بذلك بشيركم — والكوز المسمي نفسه –سوداني ابوعازة احسن ليك ما تلعب بالنار لانه ابو عازة الاصلي لا يؤيد مغتصبي حرائر السودان ولا تشوش على المعلقين ولا اعتقد ان اندساسك وسطنا بضائرنا ولكننا سوف نعريكم انت وامثالك
ألا تعلم يا شماسي أن المدعو عبدالرحيم محمد جسين صديق الروح للراقص عمر البشير وأظن بلعبوا بورقه واحده ولو مكضبني لاحظ زيارات عمر البشير خارجيا أو داخليا لو ما وجدت معه تومه عبدالرحيم 0 :crazy: :lool: ;) :cool:
اليكم واحدة من الرسائل الخاصة بالمؤتمر الوطني التي تعكس نظرة التعالي تجاه الاخوة الجنوبين والتي كانت بتاريخ 9 سبتمبر 2009 ………
الوثائق جد خطيرة ومصور بالاختام والتواقيع والتعليقات والاسماء ……….اكتبوا في محرك البحث ( وثائق باقان اموم ) وسوف تجدونها كاملة …
السيد/ كل رؤساء المؤتمر الوطني بالولايات
لعلكم تعلمون وحسب متابعتكم ، بانه يوجد اتهام للمؤتمر الوطني بتسليح القبائل بالجنوب والشمال ، هذا محض افتراء، يصرح بذلك مرارا باقان اموم امين عام الحركة الشعبية وكذلك الناطق الرسمي باسمها ين ماثيو .
هذه مجرد تكهنات تفتقد للاثبات ، وسوف نطالبهمبالادلة حتى يثبت هذا الاتهام .
كثرت علينا الاتهامات من قبل شريكنا في الحكم ، ولكن من الان سوف لن نسمح باي اتهام يمر عفوا حتى نقف على حيثياته ، لاننا كمؤتمر وطني ، دولة لنا الحق في التحقيق في اي اتهام .
مثل هؤلاء لا يثنون على المؤتمر الوطني ولا يحمدون له بانه ملكهم الحكم والسيطرة على ارض الجنوب . بل يؤلبون الجهات المعادية للضغط علينا لتمرير اجندتهم ، بل وازالتنا من السلطة ليسهل لهم البقاء في السودان .ويوجهونه كما يشاؤون ، ولكن ما يرونه حلم يصعب تحقيقة
ولكم الشكر
محمد المهدي مندور
امين الشؤون السياسية
لعنه الله تخشاك يابقان نحنا سودانين الشمال وماعندنا كبير غرض مع الحاكومه ولامعاك انت لكن نؤيد الحكومه في الزي فعلتو لانكم انتو مانافعين ومفروض تتخارجو من هسي ماتنتظرو يوم 9 امشو سويسرا بتاعتكم دي وانتو مابتريحونا لكن بنعرف نقلقلكم ومابنحاربكم نحن بنجعل كيدكم في نحركم براكم شفتو الفن دا انتو خبيثين وماينفع معاكم الاخباثه الكيزان
:lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: :lool: