المكتب القيادي لحزب البشير يدعو مجلس الامن لالغاء قرار إحالة قضية رئيسه الى المحكمة الجنائية
الخرطوم ( سونا ) – دعا المكتب القيادى للمؤتمر الوطنى فى اجتماعه الذى انتهى فى الساعات الاولى من صباح اليوم مجلس الامن الدولى للعمل على الغاء قرار الاحالة الذى كان قد اصدره وقضى باحالة قضية دارفور الى المحكمة الجنائية الدولية ابتداءا وقد عادت اليه بعد تقرير مدعية المحكمة الاخير حول السودان ، وطالب بان يعود الامر الى القضاء السودانى الذى اكد انه يمارس الان ولايته على كل الجرائم التى جرت فى دارفور او فى اى مكان اخر من السودان .
وكان المكتب القيادى الذى تراس اجتماعه المشير عمر البشير رئيس الحزب رئيس الجمهورية قد استمع وفقا للبروفسير ابراهيم غندور نائب رئيس المؤتمر الوطنى للشئون الحزبية لتقرير من وزير الخارجية الاستاذ على كرتى حول مادار من تقرير للمدعى العام للمحكمة الجنائية الدولية حول السودان وتقريرها الاخير لمجلس الامن ، واكد المكتب القيادى ان هذه المحكمة ماهى الا محكمة سياسية ، داعيا مجلس الامن لان يحكم المعايير فى قرار الغاء الاحالة السابق وان يعود الامر الى القضاء السودانى .
على صعيد أخر جدد المكتب القيادى للمؤتمر الوطنى تاكيده على اقامة الانتخابات الرئاسية والبرلمانية فى موعدها الذى حددته المفوضية القومية للانتخابات ، وقال بروفسير غندور فى هذا الصدد ( المكتب القيادى وقف فى اجتماعه على ترتيبات الانتخابات ونظر فى الحوار السياسي الذى يدور حول هذه القضية واكد على اقامة الانتخابات الرئاسية والبرلمانية فى موعدها الذى حددته المفوضية القومية للانتخابات ) الى ذلك وجه المكتب القيادى للحزب الحاكم بعد الوقوف على اجراءات الموازنة التى ستعرض على مجلس الوزراء والبرلمان لاجازتها ، وجه وزارة المالية بالعمل على مزيد من الاحكام والضبط لقضية المال والموارد ، وقال نائب رئيس الحزب ان المكتب اشاد بالجهد الذى بذل فى ادارة الاقتصاد خلال الفترة الماضية برغم كل الظروف التى مر بها السودان واعطى بالتالى بعض التوجيهات لوزارة المالية لكنه اكد على ان هناك جهود كبيرة قد بذلت فى هذا الامر .
على صعيد اخر ابان بروفسير غندور ان المكتب اكد كذلك على الشراكة السياسية مع حركة العدل والمساواة السودانية ، واشار الى صدور توجيهات باجراء الترتيبات بشأن توقيع هذه الشراكة مع الحركة فى مقبل الايام .
واجاز المكتب تكليف الاستاذ قصى محجوب محمد الحسن بتولى مهام الامين لامانة الثقافة والفكر بناء على توصية قطاع الفكر والثقافة .
مجلس الأمن اللي تحت جزمته داك و اللا واحد تاني؟ هذا التهافت يوضح الهلع الذي يعيش فيه مدفع الدلاقين، و كمان عايز يلغوا ليه القرار عشان يقوم يسافر يلف العالم على حسابنا بحثا عن الولادة و الأبوة، لا يا شيخ . اتهامك دا يا دلدول خلاص اتكتب في لوح مجلس الأمن، و مافي طريقة ليك الا الدفاع عن نفسك امام المحكمة، و هي اللي في يدها القلم، و الموضوع ما في يد مكتبك القيادي زي ما فهمك وزير الأسمنت او مساعدك اب جضوما سيراميك ديل.
أولاد الكلب. البشير لازم يتطهر.
على صعيد اخر ابان بروفسير غندور ان المكتب اكد كذلك على الشراكة السياسية مع حركة العدل والمساواة السودانية ، واشار الى صدور توجيهات باجراء الترتيبات بشأن توقيع هذه الشراكة مع الحركة فى مقبل الايام .
****حركة العدل والمساواة الواحدة دي…ولا اسم على اسم؟..الكلام ده ما واقع لي..نورونا يا جماعة..
طيب قبل أيام ههللتم وكبرتم وقلتم أنتصرتم على الجنائية الدولية فالهلع شنو ليكم.مجلس المن يعرف كذبكم فلو كانت لكم محكمة لجرائم دارفور وتحاكم فيها المجرمون علنيا وعلى مرأى من العالم لما ذهبت أوراق هذه الجرائم للمحكمة الجنائية.قدموا البشير ورهطه لمحاكمة علنية وطبقوا فيهم القانون أمكن مجلس الأمن يسحب أوراق القضية وتعتبر منتهية غير كده أنتظروا الأيام القادمات.
يا اخوانا ناس الحيكومة ديل ما فيهم زول فاهم ولا شنو؟. بعد المجلس احال القضية للمحكمة الجنائية كان عندهم 12 شهر عشان يكونوا ليهم محكمة خاصة عشان تنظر في التهم الموجهة للريس وجماعتو قبل الجنائية ما تبدا اجراءتها.
اوكامبو شتمتوه وقلتم بتاع نسوان اه الحاجة بانسودا طبعت لكم صورة عروركم ده فى التى شرت ولبسته واتصورت به مع نشطاء دارفور …ح تقولو عليها شنو…..احتمال تكون مغرمة خااالص به عشان كده ختته فى حنانها…وبعدين الجقلبة لزومها شنو ما العرور انتشى وقال الجنائية سلمت الرايه لمجلس الامن وقالت غلبنى وشعب السودان الزاحم المطارات وعجلات الشاحنات بالهجرة من بلده فشل الشغلة لانه رفض تسليم رئيسه المعين 25 سنة بامر الشيخ الماسونى الى المحاكم الاستعمارية بلاهاى…….ووووو…….طيب بعد ده كله طارت سكرتكم الجهادية وجاءت فكرتكم وبيقيتو تحكو وتستعطفو مجلس الامن عشان يلغى قرار الاحالة للجنائية ويعرض الامر على عدالة التحلل بتاعت غلام الوالى ولجان وكالة سبدرات للسمسرة القانونية….ومع العولمة والواتساب بقى كل شى مفضوح ونظامكم الفاشى دخل نفق الازمة ومخارجة تانى مافى والصين الانتهازية وروسيا المخنوقة اقتصاديا ما بتحل مشكلتكم وديل دايرين تدفعو لهم تمن والتمن تانىالا ببيع اراضى مشروع الجزيرةالعالة على الدولة(لاحظ عم الدلاهة بصراصر بقى من الاعيان وليلة الانقلاب ما كان عنده حمار) ومزارعيه تربية شيوعيين وبترول الجنوبيين بقى فى خبر كان ومع ناس داعش وباعش سعر برميل البترول ضرب الواطه يعنى فيتو …مافى…….والحل امريكا تقرص لكم اضانكم عشان تستمرو فى تفتيت وطن كان اسمه السودان بكل سياسات ومؤامرات ودسائس شيخكم الماسونى ووفق الاراده الصهيونية وشطاركم فاهمين الشغلة عشان كده استمرو فى نهب ثروات البلد وبدون رحمة اما عروركم ورهطه من امثال ابوريالة فديل بصلتهم بيكشنو فيها
شعبنا الطيب الحل …الاصطفاف لاقتلاع جزور العفن
l think ,the system of Omer Bshier is completely paralyzed,,otherwise either they are fools, or ignorant ,,choose….
يا سيد أبو ركب بالله المكتب القيادي ده كلو وديه الحراسة وبعد داك أحكم عليهم بالإعدام عارف ليه لأنهم بغشوك ساكت مجلس الأمن يا مؤمن يا مصدق ما بقدر يعمل الحاجة دي وأوعك تصدق كلام الأدروج العمالي (التعبير لمولانا سيف الدولة)دا والله يوديك ورا السمش دا من شدة قتاتو يا كافي البلا ضرسك ما حشاه ليك خلاه مسوس يقرف فينا ليل ونهار.
ما هذا الغباء !! اذ صرتم كمن يذهب لجحر الدبيب .. و بنسودا تحرض مجلس الأمن لتغيير نهجه باعتقال مجموعة البشير لايقاف مآسي دارفور .. و مسكين البشير و هو يبلع الطعم و يهلل فرحآ بوقف ملف التحقيق مع أن الادانة ما زالت قائمة ما بقيت المحكمة الجنائية .
حزب البشير يدعو مجلس الامن
____
مجلس الامن ما بستجيب لدعوات ومناشدات وبتيخ وخاصة من احزاب عالم ثالثية ضحلة وفاسدة ورديئة قال يدعو التقول فتة صحي فهم كيزان
الدى اكد انه يمارس ولايته على كل الجرائم التى جرت فى دارفور او فى مكان اخر فى السودان ..وهل هدايتضمن جريمة مجزرة بورتسودان وكجبار؟؟؟؟؟؟؟؟
الدخلتو فيكم بنسودة ما حيطلع منكم..ما قتو العالم اجمع..يعنى لا دين ولا شهامة؟؟
لا حاجة للبكاءبعد العصفور أكل الذرة
مجرد فكرة يا السيد الرئيس
سليم نفسك إلى المحكمة الجنائية الدولية
وانتهت المباراة
هههههههههههه