إذا فرض حزب البشير الحرب على الناس ماذا نتوقع ان يكون ردهم ؟..مناوي : أسباب حمل السلاح في دارفور ما زالت موجودة.. هناك تحايلا من جانبهم على استفتاء أهل دارفور حول الاقليم او الولايات.

00000000000000000000000
000000000000000

كلام زي العسل
لكن أعيب عليكم حصر المجموعة في فئات محددة فهناك عواجيز لن تمنعهم السنون من المشاركة .

ونحمد لكم استبعاد الناحية الحزبية في تنظيمكم لنري تفاعل الشارع في غياب الأحزاب وكذلك قول الحكومة .

بالتوفيق إن شاء الله

ياشباب أنتم متعلمون و مثقفون و اذا كان هذا صحيح فالمظاهرات لاتجلب للبلاد سوى الخراب و الدمار , عليه نرحو تنظيم أنفسكم لخوض الانتخابات القادمة .

لماذا لا نعتصم مثلما فعل الشباب في مصر واليمن كفي
ظلما وفسادا ضاق الشعب السوداني من هذه الحكومة اثنين
وعشرون عاما من الظلم والاطهاد والفساد والمحسوبية علي
كل شاب يسطتيع الخروج فليخرج غداًانتهي عهد الخوف والارهاب هل الكيزان
جهازهم وامنهم اقوي من الامن المصري الذي لم يستطيع القضاء
علي الثورة الشبابية ونجح الشباب في مبتغاهم بذهاب مبارك هذه المرحلة مرحلة الشباب نواة التغير المرتجي ؟

ياشباب انتو مابتعرفو سياسه ليه بتحددوا زمن ومكان عشان تضربوا التأميين بتاعكم!!!!!!!!!!!!!!!!!!!!!!!!!

البشير وعصابته ولصوصه الي الجحيم

نتمني لكم التوفيق وسيروا وعين الله ترعاكم لانكم علي حق وكفاية 22 عام عجاف علي السودان وكفاية تقسيم وتشرذم للوطن فلا بد من كنس هذه العصابة الفاسدة ، ونحذر الدلدول البشير من كلمة زنقة زنقة لان الصواريخ الكروز عملها بنشط في الزنقات وان المجتمع الدولي بقي يتبع سياسة البيان بالعمل وليس شجب وادانة فقط
ويلي ياشباب ثورة حتي النصر 0

شدوا الكيزان…شدوا الجرذان
المد الشعبى لن يتوقف…دنت ساعة الخلاص

الى محمد عز الدين وابو احمد لابد من اقتلاع النظام الظالم من جزوره لابد من اقتلاع النظام الشمولي الدكتاتوري ورميه في مزبلة التاريخ هذا النظام الذي تسبب في كل الكوارث التي حلت بالبلاد والآتية في الايام المقبلة ان لم يتم تداركها بثورة شبابية متجاوزة للاحزاب التي سقطت في الاختبارات الاولية الاحزاب التي جعلت من الشعب السوداني مهزلة ومضحكة ومسخرة امام شياطين المؤتمر الوثني لكن فليعلم الجميع ان بالسودان جيل من الشباب امتداد حقيقي للمناضلين الذين حرروا هذا الوطن من براثن الذل والاستعمار والاستعباد 0000 واقول لكل مطبل للنظام هذا ليس مكانك اذهب الى حيث اذيال واتباع هولاكو وغيرهم من فراعنة العصر اذهب الى المواقع التي تمتاز بالتطبيل وتكسير التلج اذهبوا الى حيث اشباهكم فالمكان هنا للثوار فحسب اللهم انصرنا على القوم الظالمين اللهم ارنا في نظام البشير يوما اسودا كيوم عاد وثمود اللهم نصرك المؤزر لشباب الحق اللهم احفظهم من كيد الكائدئن وبطش الظالمين اللهم احفظهم بحفظك وتولهم بعنايتك ورعايتك 0000

وفقكم الله وسدد خطاكم ——الجميع معكم الجميع يرغب في التغير ———-فلنبدأ ومهما كانت البدايه ستنتصروا انشا الله——————————–

يتحدث الكيزان عن خروج الشباب ضد حكومة المؤتمر الوطنى كخروج ضد حكومة منتخبة، الغريب ان الجماعة ديل يكذبوا ويصدقوا كذبتهم، ويسموا الحصل السنة الفاتت انتخابات حرة، وحتى لو مجدى بينتمى لاى حزب هو حر طالما ان هدفنا واحد حبابه الف معانا فشباب الاحزاب ايضا يعانوا من طاغوت هذه الحكومة ، سنخرج ضد فساد الكيزان ولاجل الحرية و العدالة ولاجل الديمقراطية الحقيقية و بالمناسبة انا برضو عندى عربية وشغال و اشتريتها بمجهودى و بالحلال وليس بالخبز وحده يحى الانسان وانا اقف مع الشباب لانى انتمى اليهم واحس بمشاكلهم واعرف مطالبهم المشروعة بحياة افضل وعمل شريف وسيادة القانون
ستكون مظاهرة سلمية وهذا لا يعنى اننا لن ندافع عن انفسنا عند الضرورة وانا شايف البعض يستهزاء بنا ويقلل من شان الشباب فى الظاهر وهو يرتجف خوفا بالباطن لانه لديه مصلحة باستمرار النظام اما خوفا من المساءلة او خوفا من فقدان منصب او وظيفة اخذها بدون حق فاذا كانوا يفتكروا ان ما نقوله جعجعة فارغة ولن يتجاوب معنا احد فلما الخوف ودعونا نقول ما نريد ولكنه صوت الحق عندما يعلوا فانه يرهب كل فاسد حقير

السلام عليكم ورحمة الله وبركاته , نحيكم ياشباب على التظاهرات السلمية ضد الفساد والنفاق ونتمني ان يكون تغير جزري ليس يشمل الاحذاب القديمة نهائي , ونتمني دماء حاره جديدة تكون تغير شامل للسودان وتضع خريطه جميلة بعيد الاحزاب السابقة جميعاً ولانريد اي قيادي قديم او حزب قديم كفايه علينا تعب السنين الراح من كل الاخوة السودانين بالداخل والخارج وسيرو الى الامام دوماً ياشباب , وربنا يعنكم ان شاءالله يعين جميع أهل السودان , عايزين
حرية – ديمقراطية – وبالتوفيق ياشباب

نشر بتاريخ March 19, 2011
(حريات)
نظم شاعر شعبي ? نكتم اسمه حرصا على سلامته ? قصيدة جديدة (زمن الركشة) ، تلخص زمان الانقاذ ، حيث انحطت جميع أوجه الحياة ، السياسية والاقتصادية والاجتماعية والاخلاقية ، وتنتقد القصيدة ذلك بألم وحرقة ، وبشعرية رفيعة عميقة الصور والدلالات .
(القصيدة أدناه) :
زمن الرَّكْشَه!
آه يا زمن الرَّكْشَه
?
زمن الفوضى العَمْيَا و طَرْشَا
و زمن الوَهَم العَسْكَرْ فى البلد الغَشَّه
بلاد الناس الغَبْشَا..
الناس الجاريه الدَّاقشه
شن لاحقين؟ الشُّغُل العاطل وَلا الأمل الطَّشَّ؟َ
و لا سراب المليونات و رهاب العربيات الرَّقشه؟
الموهومين الما شايفين هم وين فى الهَرَم الكَشَّ
الكوم الفوق اتركَّزْ و حَشَّ
و هُمْ أكوام أُمْ فِتْفِتْ وعَفْشَه
ماكلين ألغام و كلام يِنْدَشَّ
مغشوشين فى العيش والفول و التِبْشَه
و مغشوشين بترول إنْقشَّ
و مغشوشين فى حِلْماً راح و انْكَشَّ
و مغشوشين فى المويه الزرقا و غَبْشَا
و حتى كروت الكهربا غَشَّه
بيوت السكن ?الشعبى? العامر غَشَّه
بيوت السكن ?الوطنى? الفاخر غَشَّه
و مغشوشين فى الدِّين البَيِّن كَشَّه
و مغشوشين فى حروب و سلام..
و مغشوشين خِدْمَات إلزام..
و جِهَادُم أكبر غَشَّه
و مغشوشين جامْعَات أوهام..
قارِيْن الطب فى خلوة شيخ
لا معمل لا تشريح
لا مرجع لا تدريب لا دَوْشه
و بكره الواحد دكتور و عياده و نَفْشَه
و أمسك أقطع كبده و كرشه
و فى زمن الركشه
لا شايلين هَمْ لى بلد إتفرتق
لا شايفين بترول بتدفق
لا حاسِّين بالنار بِتْبُق
لا هم ضايقين التَّشه
مشغولين ?رَكْشَات? و ?التِيشَيْرْتات? و ?الدِيجِيْتالات?
و مَلْهِيين ?برصيد? و ?شرايح? و ?موبايلات? و ?المِسْكولات?
و ?بالتشكسات? و ?الكافيتيريات? و ?المُنْتجَعَات?
و?النِسْكَافَيْه? و ?النَتْ كَافَيْه?
و ?مسلسلات? و ?باشا? و ?بيه?
و مكتولات و مكتولين
و هم ساكتين تمكين و شريعه و هَرْشَه
و الناس الفوق بانين أدوار..
عاملين أسوار..
طالعين أحرار..نازلين أحرار..
لامعين أنوار خَاتِيْن الخَرْشَه
خَالِّين الشارع للفايرين ذى نمل السُّكَّر..
للحايمين ذى كلب الحَر..
و للطايرين ودَّ ابْرق و عَشَّه
لو ماشين كدارى تقول ما راكب زول
كل الدنيا كُرَاعَيْن مَاشَّه
و لو راكبين بتشوف الشارع وَرْشه
?الأمجاد? تتراجف ذى القشّه
و ?الحافلات? فى حُفر المويه قِرِنتى و قِرْشَه
و تلقى ?جياد? تِتَّنَّى و ناسْيَه قروض البنك الغَشَّه
و الطيبين راكبين خازوق
لا هم لاحقين الناس الفوق
لا هم بالدخل الشهرى الممحوق
تامِّين أقساط البنك الدُّقْشَه
و منهوكين بي ?ربا إسلامى حلال?
و بنوك الناس الفوق راسمال
بفتاوى شيوخ السوق يتوَشَّى
مُضاربه مَرَّه و مَرَّه مُشاركه
والشيكات تتطاير طاشَّه
و مافيا السوق تِتْمَكَّن سرقه و لَطْشَه
آه يا زمن الركشه
و ما أدراكْ ما الركشه
الركشه كُدُنْدَاره و عَمْشَا
تطير و ترِك محل ما تدور
فى راس البيت..
فى أقرب خور..
أو فى راس الزول كان قال يِتْمَشَّى
سايطه الشارع ذى الكَمْشه
بتطلع داقشه و تنزل داقشه
و السَّوَّاق بس كابتن طياره..
مَهَنْدَم و آخر حَشَّه
و الطبلون مرصوص بالنَّدْ و فتايل ريحه و فُرشه
و مَكَوَّم ?سِيْدِيهات? بالدُّقشه
الغُنا مصرى و سورى و ?زَفَّه? و ?دَبْشه?
?نانسى العجرم? و ?سَيِّد طُلْبه القفْشه?
?حماده البت!? يا حليل ?الكاشف? و ?عَشَّه?
و ال?رَيْقِى? و ال?راب? ضاربين الدَّوْشه
و العجلات تتراقش رقشه
و كرسى الركاب بس أودة نوم فى أحسن فَرْشه
و تنزل ?فاطنه? و تركب ?عشّه?
و ماشين وين..اللهُ عليم
و قروش من وين..اللهُ كريم
لا زول سائل..لا زول مسئول.. لا دَهْشَه
و رِكيشة الهنا ? يا كافى البلا- لا نور قِدَّام
لا وَرا خَطَرَات..لا فيها مَنَشَّه
بالليل وطواط سرحان عميان
فى المطره قَعُوْنْجَه تنَطِط رَوْشَا
ترُش بالطين و باللعنات..
و بالبُنْيات بتْتِم الرَّشَّه
و الشارع مُوْلِد و غايب سِيْدُو
لا قانون لمرور
لا عمود نور
لا عبد الظنبور
الفالح ياخد حقو و حق الناس الهَشَّه
و المسكين العُر خليهو تجيهو الكِشَّه
الراكب يلعن أم الماشِّى و يوم الماشَّه
و الماشِّين قادْلِين و أضان الحامل طَرْشا
و البوليس بس دَايْر يِتْعَشَّى
بى عَصْرَه يخلى الترخيص فى رَمْشَه
و بى ربع المبلغ يخَلِّى الدَّقشه
?الإيصالات? حركات فَنِّيَّه
و الشِّفِت الفاهم يِنْقُشَا نَقْشَه
و الناس العَرْضِ و طول
كان كتلو الزول
مارقين بى بطاقه و خُمْشه
و لو ضابط عَنْقَد ياها الطَّفشَه
و لو واحد خَرْخَرْ آخرو الطَّشه
و لو أهل الميت طلبوا الدم ما بيلقوا النّتْشَه
لا تار لا دِيَّه..لا الواحد قِدِر يتفَشَّى
آه يا زمن الركشه..
و زمن ?البيت السورى? و ?مصرى?
مَالا ?بيوت السودان? اتمسخت قِبْلى و بحرى..عَمَاره و عُشَّه؟
خلينا ?الكِسره? بناكل ?بيتزا? و ?كُشرى? و ?طَقْشَه?
وين ?الشرموط? و ?الوَيْكَه? .. وين ?الكَرْشه?؟
آه يا زمن الركشه
و زمن ?الدُّكَّان? الأصبح ?سنتر?
ولبقى ?للعنوان? إسماً أشتر
و اليافطات بالصِّينى و باللاتينى
فى بلداً ما فكَّ حروف العربى الطَّرْشَا
?عَوْلَمَه? دى؟ أم عالَم خلوهو قُعاد على هَبْشه؟
لا معصوم من ?الديجيتال?
لا هُوْ حصين من ?سوداتل?
لا عندو وجيع لا حارس باب
لا معروف المارق من الخشَّ
آه يا زمن الركشه..
و زمن ?السوق الليبى? و ?سوق الناقه?
و زمن الفاقه..زمان الفاقه
و ?حمَّام السوق? الدَّهْشه
ياللعار!
فيك الإبريق بإيجار
و جُمَار الناس أسعار
و حكومتك تجبى ضريبة الظرطه
و تجبى ضريبة اللقمه ورَىَّ العَطْشه
و تفتح دفتر للبِتْجَشَّا
آه يا زمن الركشه..
و زمن ال?موبيتل? و ال?سوداتل? و ?أريبا?
خاتياك الرِّيبه.. و تخْتاك الهَبْشَه
شركاتك كِتْرَتْ و ?موبايلاتك? مَلَتْ الشارع
َخَلَتْ جوَّه المدرسه..جوَّه الجامع
ناس تتكلم فى المليان و الفارغ
و ناساً تملا جيوبا و بالمسكين تتعشَّى
و الموبايل يكُورِكْ شوفونى
محجَّبه شاقه الحِسْ
و منقَّبه ما بتدِسْ
و مكَهْرَبه لابسه الجينز
و الموبايل آخر لقطه ورقشه
آه يا زمن الركشه..
و زمن العِرِس ?العُرفى?
و عِرْس ?المتعه?
و ?راجل المَرَه دَه? و ?بِتْ القلعه?
و زمن الشِّقَق الفَرْشَه
و ألف لقيط فى الشهر الواحد
و ألف فضيحه و كَشَّه
آه يا زمن الركشه
و زمن ?المُوْل? الأجنبى و ?الأوزون?
زمن ?الأفيون?
أولادك فى ?عفراء? حايمين
و بناتك لا فى المدرسه لا فى البيت قاعدين
يا ترى هم وين.. بل وين اليَد الحِمْشَه ؟
آه يا زمن الركشه
و زمن البلد الصَّبْحتْ سِتَّه جيوشا
?القومى? ده واحد
و ?دفاعنا الشعبى? اتنين
و تلاته ?القوات الخاصه?
و الرابعه ?الشرطه?
و خمسه ?الحركه?
و من دارفور السَّاتَّه
و لِسَّه ?القوات الدوليه?
ده غير الميليشيات المِيَّه
حكوميه و شعبيه
و ?شعوب? مَنسِيَّه ?مَهَمَّشَه? نارا تولِّع
و ألفين قنبله موقوته وجاهزه تفرقع
و مليون بُعْبُع
و مليون غشَّه
و آآآه يا زمن الركشه
الفيك الشَّعْبِ انغشَّ..انكشَّ..انقشَّ
و ساكت هَرْشَه!!!!!

يلا يا جماعة عشان نقش العفن ونخلي البلد نضيفة :mad: :mad: :mad: :mad: :mad:

ضيف صباحاليوم وشوهد قرابة الستة الف مره حتي الان الساعه12 ظهرا ده مخيف جدا للعصابه الحاكمه والله يزيل الغمه

الله معاكم يا شباب 21 مارس ، وينصركم على الظلم والعدوان ، وتسقطوا راية المؤتمر الوطني ، والله الواحد بصراحة قرف من حاجة إسمها كيزان ومؤتمر وطني ، أنا أول كنت موالي للمؤتمر الوطني وبصراحة الواحد ندم على موالاته لهم ، ولكنني الآن أنضم إلى شباب من أجل التغير .
الله أكبر والعزة للسودان
الله أكبر والعزة للشباب التغير

وليسقط الطغاة والمأجورين والفاسقين كلاب المؤتمر الوطني .

الان حانت لحظة التغير كفانا سكوت كفانا خنوع البشير دمر السودان لاجديد لديه يجب ان يتنحى الان الكيزان خايفين جدا جدا زى الحرامى الزنقو اولاد الحلة جوة اوضة فالننقض عليهم فهم اجبن خلق الله مافيش خوف تانى

يا هؤلاء الحقوق تنتذع ولا تستجدى

ما للكم ولتحضر اجهزة الامن فالنساء خرجن دون سابق اذن او استجداء بالتحضر فحدث ما حدث

وهل بعد صفيه تستجدون حريتكم

ومن حفرة حفرة لاخيه فوقع فيه فمن المعسف جدا ان يقوم شخصا يدعى انه ولي امرك بتحريض ضد ابنائها كما فعل وزارة الخارية السودانية ضد السودانين فى الجماهرية الليبية والزج باسمهم منما ادى الى قتل عدد منهم وفرار العشرات ولم يسلم حتى القنصلية السودانية نفسه حيث قام الشباب الليبيون بمحاصرة القنصلية حتى وصل الامر بانزال العلم السودانى من القنصلية افلا يعرف النظام السودانى ان انهيار حكم القذافى يعنى محاصرة الخرطوم وانهياره فالوجود الكثيف للمجتمع الدولى فى الاراضى الليبية سيشكل خطرا حقيقيا لطغاط الخرطوم وغدا ستخرج الاف السودانين مطالبين باسقاط نظام الابادة الجماعية المسلط من على ارقاب الشعب السودانى

ماشين فى الخطوه نمــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــد

يا شباب بلادى ياحكام بلادى ياشعب بلادى .. سمعنا كثيراً أن السودان يختلف عن مصر وتونس وليبيا هل هذا صحيصح .. ؟ أنا سأدرس معكم منحاً آخر لم يتطرق إليه أحد فى إعتقادى فى هذا الإختلاف أرجو أن لاتنساقوا وراء أحلام الثورة وأنا معكم دون دراسة والسيناريوهات مابعد نجاح الثوره .. بلدنا السودان يا أخوان طرائق قددا .. هل تعلموا أن فى السودان أكثر من 74 ثقاقة و أكثر من 90 لغة ولهجة ورطانه .. وكم تعلمون أن هنالك دعوات إنفصال فى بعض مناطق السودان .. نسلم جدلاً أن ثورتنا نجحت سيصبح جميع أهل السودان شركاء فى نجاح هذه الثوره لافضل لأحد على أحد والكل لديه مطالب تختلف عن الآخر .. من يتحمل مسئولية تقسيم السودان بعد نجاح ثورتنا أنلجأ للقمع من جديد ؟ إذن نحقق شيئاً وقد يصل الأمر إلى التناحر بين أبناء الشعب الواحد ذا الأصول والثقافات المتعدده .. أن أقترح قبل قيام ثورتنا هذه لابد من إجراء تشاور عريض بين جميع ثقافات ومكونات المجتمع السودانى فى الغرب والشرق والشمال ونصف الجنوب والشرق ونتفق على مبادىءكقاسم مشترك بيننا لايتجاوزه منا أحد وأول هذه المبادىء نتفق على وحدة البلد أرضاً وشعباً .. وإن لم نفعل ذلك ستكون ثورتنا هذه وبالاً علينا.. ياشباب هنا يكمن إختلاف السودان عن مصر وتونس وليبيا .. مصر شعب واحد وإن إختلفت الأديان ويكادون على قلب رجل واحد كما شاهدتكم ثورتهم وتلاحمهم .. وتونس يكاد ينعدم فيها أى نوع من الإختلاف لا دينى ولا عرقى .. أما ليبيا .. صحيح أنها قبائل ولكن من أصل ودين واحد وإن إختلفت الأصول بعض الشىء. ( والعقلوا فى راسو يميز ) اللهم هل بلغت ..

الثورات يصنعها الرجال والسودان مصنع الرجال

شدوا الجرذان الكيزان شداهم بلاء!

يا سيبويه يا العامل فيها استاذ و (منقطها) دي الحاجة الوحيدة القدرت عليها؟؟؟ يا أرزقي يا انصرافي!!!!

مساماتك بتشقق عشان تشرق صباحاتك
صباحاتك بتتعانق مع الفكرة
وتاخد من جراحاتك
نضيف إحساسنا بى بكرة
يا بكرة الغصن ناشف
ويا بكرة الفرح يوماتى ..
بيكاتل حزن أطفال
بتتشابى عشان تعرف
شنو الفى إيدنا لى بكرة
شنو الداخرنـّوا لى الكسرة
عشان تشرق صباحاتك
عشان تقصر مسافاتك
عشان تبرق غماماتك
عشان تخضر مساحاتك
عشان بكرة
وبعد بكرة

هذا والله مبشر ومفرح ومثلج للصدر …. أخوكم جيل ثورة أبريل 1985 …. نحن معاكم في كل ماتخطونه من أجل إسقاط هذا النظام الغاشم , وإن لم تفعلوا سوف يمحونكم من وجه الأرض كجيل للساعة… لكن لا ثقتنا وأملنا فيكم كبير وسوف لن تخذلوا الوطن بإذن الله , فنحن نعرفكم وأنتم أبناءنا ولا تخشون في الحق لومة لائم… الله الله علي طغاة …

يا دكتور صفوت فانوس وانت استاذ العلوم السياسيه بجامعة الخرطوم الم تدرس ثورة اكتوبر 1964؟؟ وثورة ابريل 1985؟؟ الم تبدأ شرارتهما فى الخرطوم وانتظمت كل المدن السودانيه؟؟ بمعزل عن الانتماء القبلى والدينى والحزبى؟؟ من اين اتيت بنظرية القبليه والجهويه هذه؟؟
اليس الان هناك الملايين من السودانيين من غير سكان دارفور يؤيدون الان حركات دارفور التى تحمل السلاح ضد الحكومه؟؟
اليس هناك الملايين من الشماليين اللذين انضموا للحركه الشعبيه بعد عودة جون قرنق؟؟والكثيرين اللذين انضموا للحركه فى مراحلها المختلفه من الشماليين؟؟
قبل الانقاذ هل كانت هناك اى حركات تحرر جهويه فى السودان بخلاف التمرد الجنوبى والذى بدأ قبل استقلال السودان؟؟
الانفاذ هى التى تعاملت بقبليه وجهويه ولذا الثوره عليها لن توقفها القبليه والجهويه بل بالعكس تماما فالقبليه والحهويه ستكون وقود للثوره ضد نظام الانقاذ
الشعب السودانى ينتظر البدايه فقط ولن يخيفه المؤتمر الوطنى ولا اجهزته القمعيه وكما قال الامام الصادق المهدى فان الثوره القادمه ستكون محروسه بالسلاح وما اكثر السلاح الان عند المدافعين عن المؤتمر الوطنى( المصلحينجيه) وعند المناوين لهم.

ما تخافوا ديل كلاب ظلام بس الكاميرات وناس حقوق الانسان معاكم جوه الدايرة وبرصدوا وبحكموا كوييسسسس والعايز يصل لناس الامن في مصر يورينا وشه الا تلبسوا اكياس اسمنت او خيش يا ناس ابو الشمطاء واخوانهم الحاجات كلها مرصودة وقناة الجزيرة في بدلة مليون ;) ;) ;) ;)

المجد لكم أيها الشباب السودني العظيم !!

المجد للسودان في الأعالي …!

المجد لأحفاد شهداء كرري الذين قال عنهم ونستون شرشل السياسي والكاتب البريطاني المعروف وهو قد شهد المعركة … قال عنهم باعجاب نادر "دمرناهم ولم نهزمهم"

المجد لأول شعب صنع ثورة ضد نظام عسكري أمني قابض
المجد للشهداء
المجد للطلاب

المجد للشمال .. المجد للجنوب
المجد لدارفور الجريحة …
المجد للشرق الحبيب

المجد للشعب الأصيل .. المجد للكرامة
المجد لصفية اسحق!!!

الطوفان قادم!!!

ان الله وعد عباده بالنصر ان هم حققوا الاسباب .. فمن كان يصدق ان يسقط بن علي ذلك الرجل الذي ترك كل السياسات الخارجية وانكفاء على الجام شعبه !! ومن كان يصدق ان يسقط مبارك الذي جند اكثر من مليون وخمسمائة عنصر في جهاز امنه الذي عرف عنه ابشع انواع التعذيب والتنكيل !! ومن كان يصدق ان يخرج الشعب الليبي على فرعون افريقيا ذلك المعتوه الذي كان اسمه فقط يسبب للمواطن الليبي الفزع والخوف !! وهاهو الشعب اليمني يحرج رصاص المجرم علي صالح المدجج بولاء القبائل وهاهو الشعب السوري يسقط اسطورة الاسد ورجال امنه . فياشعب السودان ان حال هذه الشعوب افضل من حالنا بالآف المرات وان كان قدرنا ان نكون اخر الشعوب تحركآ فخير من ان نستكين ونصمت .. ان هولاء المجرمين كانوا اشد فتكآ وتدميرآ وتمزيقآ للسودان من المستعمر الاجنبي .. سرقوا شرعية الشعب ونهبوا خيرات الوطن وشردوا الشرفاء من وظائفهم واوطانهم وابادوا اهلنا في دارفور وباعوا ثلث السودان مقابل البقاء على الكرسي اكتنزوا المال والعقارات وجوعوا الشعب واغتصبوا فتياتنا وتحدوا رجولتنا ووووووو ابعد هذه كله الايجب ان تتوقف هذه الكوارث ؟؟ ابعد هذا كله الايجب ان نغسل بدماءنا هذا العار الذي لازمنا لاكثر من 21 عام ؟؟ الاجابة اتركها لكل شريف مل هذا الذل والاحتقار .

We the Sudanese who live in Barcelona;we stand with the Youth of Sudan
21.3.2011 is the day

انتو ماعارفين البلد كانت كيف قبل الانقاذ كانت البلد خراب ودمار وحرب وان كان علي الفساد والبطالة موجودة اتظاهرو ضدها مش ضد النظام اي واحد ماقادر ياكل او يشتغل او يعرس قال السبب الحكومة خافو اللة شوية دة ماكلام حساب نفسك قبل ماتحاسب غيرك اللة بيسأل حرام تدمر بلدك وتخربة عشان نفسك (مجموعة اغبياء)