تدشين القصر الجديد.. والبشير يتعمّد تغبيش الوعي بمحاكاة الازهري (شاهد صور)
في محاولة غبية، لمحاكاة سيناريو رفع العلم على سارية القصر، في يوم انعتاق السودان من ربقة المستعمر، بواسطة الزعيم اسماعيل الازهري وصنوه محمد احمد المحجوب، تعمّد الهارب من العدالة الدولية، والمتهم بارتكاب جرائم حرب وجرائم ضد الانسانية المشير عمر البشير، على ان يصنع لنفسه مجدا زائفا، من خلال اعادة تمثيل مشهد رفع العلم على سارية القصر الجمهوري الجديد. لكن البشير، لا يدري انه قام بانزال علم استقلال السودان، تأكيدا على ان البلاد مغتصبة بواسطة مستعمر داخلي.
وفي ما يُشبه التأكيد على العقدة والاحساس بالدونية الذي يلازم نظام البشير، على اعتبار ان حزبه لم يكن له دورا معلوما في استقلال السودان، حاول تغبيش الوعي للاجيال القادمة من خلال، المباهاة بانه رفع العلم على سارية القصر، بذات الطريقة التي قام بها الزعيم الخالد اسماعيل الازهري، كاميرات التلفزة والتوثيق نُصبت بعناية فائقة، لتبقى هذه اللقطة مثل تلك التي يظهر فيها الازهري وهو ينزل علم المستعمر ويرفع علم السودان.
الشاهد ان هذا القصر تم تشييده بينما يتضوّر اطفال السودان جوعا، وبعضهم يموت لان اهله لا يجدون ثمن العلاج، الذي يحقنونه به، وبينما احكمت الضائقة المعيشية خناقها على الشعب السوداني، وامسكت بتلابيب المواطن. صحيح ان القصر تم تشييده بمنحة من الصين، وهذه ليست مبرأة للنظام، بل دامغة له، وهي أم المصيبة، على اعتبار أنه كان بمقدوره ان يطالب بتحويل المنحة الى بناء مشفى او مصنع ينتفع منه الناس، بدلا من هذه البوبار السياسي خصوصا اذا علمنا ان القصر يعد الاكبر في افريقيا كلها. وهذه مسبة اذ ان الحكم الرشيد لا يتطلب سوى قصر متوضع، وارادة حقيقية.
وليس هناك اصدق من قول الشاعر الراحل محمد الحسن سالم حميد:-
العندو دين.. ما بسرق البلد العبادو موحدين
والعندو دين.. ما ببني قصرو العالي فوق جوع الغلابة المسلمين
وتبلغ المساحة الكلية لمنطقة الرئاسة 150 الف متر مربع والمشيدة 25 الف متر مربع، ويقع القصر الراسي في ثلاثة طوابق، ويضم ثلاثة اجنحة رئاسية، بجانب 10 قاعات وعدد من المكاتب الادارية، وبدروم لموقف السيارات, وعدد 14 مصعد.
وتم عزف السلام الجمهوري، وقام الحرس الجمهوري بتنفيذ طابور استعراض لمحاكاة لحظات الاستقلال في العام 1956، قبل ان يتم انزال علم السودان من سارية القصر الجمهوري القديم، في طابور عرض من قوات الحرس الجمهوري ورفع العلم في سارية القصر الجديد.
وقال وزير رئاسة الجمهورية صلاح ونسي في الاحتفال أنهم ماضون في تعزيز أداء الدولة بالتنسيق بين كافة مؤسساتها وتحقيق التمنية رغم الأزمات، وأشار إلى أن القصر يعد الأكبر في أفريقيا ويعبر عن رسوخ العلاقة مع دولة الصين الصين الصديقة مشيداً بالخبرات الصينية في تنفيذ القصر الجديد.
ووصف وزير رئاسة الجمهورية القصر الرئاسي الجديد بانه الاكبر والاشمخ في افريقيا ويمثل انتقال جغرافي فريد وانجاز حضاري معماري مزج بين الحاضر والمستقبل ويعبر عن هوية وعزة وثقافة الشعب السوداني.
[CENTER]
[/CENTER]
بئر معطله وقصر مشيد
حكومة الإنجاز لا كهربا لا غاز،،،الله اكبر
الزول ده سكن واتحكر عديييل كده.. يعني كسر ركبة بحق وحقيقة خالدين فيها إلى ما شاء الله!!!!!..
وكمان بقى يوجّه احكموا على عقار وعرمان بالإعدام!.. واربطوا الحلو كتفوهو جيبوهو لي هنا!.. واقبضوا الصادق بالإنتربول!..
واااااااااااا مصارينى نحن جوعى وااااااااااا قلوبنا المرتجفة من البرد نحن عراة لابسى اثمال واااااااا جنيات حشانا مطرودين من المدارس عشان ما دافعين الرسوم وااااااااااااا مرضنا نحن ما لاقين حق الدوا والدوا الموجود مضرووووب وااااااااا ظلمنا يا عمر البشير ربنا يهد بك القصر ده ويجعله نهاية حكمك وعمرك صاروخ وااااحد يخليه حلاوة هريسة معجونة بكم
سؤال هو القصر دة وين اى مكان فى الخرطوم ؟؟؟؟؟؟؟؟؟؟
نبارك للشعب السوداني البطل على القصر الجمهوري الأنيق مثل أناقته رغم أن فكرة تشييد هذا القصر قد تأخرت كثيرا لأن الشعب السوداني الشامخ كان يستحق صرحا شامخا يليق به .. شكرا للرئيس الغيور عمر البشير .. القصر القديم العجوز بسنين عمره ال 190 سنة بالفعل كان لا يليق بجيل البطولات والتضحيات .. شكرا لكل شخص سهر الليالي حتى أصبح الحلم حقيقة … وبالطبع سوف يخرج علينا أناس بالسب والقذف لأنهم لا يميزون بين الصالح والطالح ويفتكرون بأن هذا القصر للرئيس عمر البشير ومسجل باسمه .. هذا القصر هو عنوانك ورمزا للكبرياء والشموخ ونتمنى من العلي القدير أن يكون دائما وأبدا قبلة لكبرياء الشعب السوداني البطل
و هكذا وضع الرئيس لنفسه أنفاق و ممرات لكنها لا تجدي ولا تحمي من الجنائية و الشعب .. و القذافي دليلك
How many billions have been paid to the executing company, how many for the subcontractors, and how many for the officials from ElBashir himself and his assistants and the security guards and the furnitures. Are we really in need of that new building? and for how long is ElBashir intending to stay in his new fort? These billions are supposed to be paid for the hungry and sick poor people of the Sudan rather than this lexury buildings. What about the complexes being under construction near Jihaz ElMogtaribeen and they said till now the cost is one hundred million US Dollars and under ElBashir Name! Tabni Taali Tamoot Takhali in sha Allah Ya Omer!
تم افتتاح القصر الملكي الجديد …
لخادم اخوان الشياطين النيلين صاحب الجلالة
الملك / عمر حسن ال البشير – ابو المتاعب
((( وقال ان الصين تدعم السودان في سعيه لحفظ وحدة ترابه وسيادته علي اراضيه مشيدا بالدور الكبير الذي لعبه رئيس الجمهورية المشير عمر البشير في تحقيق السلام والاستقرار عبر مبادرة الحوار الوطني والمجتمعي .)))
يا راااااااجل …..
وأكيد كل شيء بتمنه التمن حتدفعه غالي
الصينين معروفين ما بفكروا إلا في مصلحتهم ومصلحتهم وبس
me,myself and I
دة الشغل ماشاء الله قصر جميل وفخر للسودان
سير سير سير يا بشير نحن جنودك للتعمير
بإذن واحد احد تكون دي خاتمتك ونظامك وتكون اخر عسكري يدخلو حاكم
البيت الابيض بدأ العمل فيه 1792 ولازال قابعا فى مكانه…وبنك السودان بتاعنا حجمه اكبر من الفيدرل ريزرف (بنك السودان الامريكى) بثلاث مرات أى والله…وبرضو تقولوا لى امريكا ما دنا عذابها…وخليهم يجربونا لو رجال…وهشتكنا وبشتكنا يا ريس انت رئيس والنعمه كويس يا مخشلعنا يا مدلعنا قول لعدوك روح إتليس.
حكومة الإنقاذ لا كهربا ولا غاز،،
خادم الفرجين ده عايز يحكم لمتين
الاشمخ في افريقيا
يعبر عن هوية وعزة وثقافة الشعب السوداني
الصين تدعم السودان في سعيه لحفظ وحدة ترابه وسيادته
شعب بتاع شنو و وين الرئيس الشامخ و وين السودان
حتي في البوبار فاشلين *****
حكم بالغة وما تغني النذر
[url=http://www.gulfup.com/?l2PQFS][img]http://im70.gulfup.com/wiQTEN.jpg[/img][/url]
قال ابن المقري:
سبحان من قسم الحظوظ *** فلا عتاب ولا ملامة
أعمى وأعشى ثم ذو *** بصر وزرقاء اليمامة
ومسدد أو جائر *** أو حائر يشكو ظلامه
فالعيش في الدنيا الدنيـ *** ـة غير مرجو الإدامة
من أرضعته ثٌدَيَّها *** في سرعة تبدأ فطامه
ومن الذي وهبته وصـ *** ـلاً ثم لم يخش انصرامه
ومن الذي مدت له *** حبلاً فلم يخف انفصامه
أين الذين تفيأوا *** ظل السيادة والزعامة
بل أين أرباب العلوم *** أولو التصدر والإمامة
وذوو الوزارة والحجابة *** والكتابة والعلامة
والعمر مثل الضيف أو *** كالطيف ليس له إقامة
والموت حتم ثم بعد *** الموت أهوال القيامة
من قصيدة رائعة للمقري التلمساني في مقدمة كتابه: نفح الطيب
الملك بشه ملك الكيزان المقدقدة
لابس كرفته و تحت عريان
لماذا لا يذكرون تكلفة القصر ، حتى وإن كان منحة ؟؟؟
احتفال الهمبول خادم النيلين ، أبو المتاعب ، ذكرني بافتتاح مسجد النيلين أيام النميري الأخيرة ، حيث أقيم احتفال كبير في الباحة الخارجية للمسجد بالغناء والرقص ، وعلى ما أظن كانت المغنية سمية حسن ضمن من شارك ، كل ذلك تحت أئمة الضلال والنفاق من إسلاميي السودان عندما بايعوا نميري وشاركوه في الحكم مع الشيطان الأكبر الترابي ، وها هم يعيدون المشهد نفسه تحت إمرة الرئيس المعتوه عمر البشير في أيامه الأخيرة ، وأقول ذلك لمعطيات كثيرة ليس أقلها الحالة المحتقنة التي وصلت إليها البلاد في ظل أزمات متلاحقة وحروب متواصلة وحالة اقتصادية متردية وساسة متعجرفون أغبياء تحركهم أحقاد عنصرية ورئيس غبي متعجرف فاسد ، وقادة منافقون أغبياء وآخرها حرب يصارع نفسه بنفسه ويتآمر بعضه على بعض ، كل ذلك يشي بأن جولة اللصوص انتهت
قال الشاعر:
عُمر الرجال يُقاس بالمجد الذي شادوه
لا بتطاول البنيان
لدينا علم واحد فقط وهو الذي أنزلته يا رقاص في الجنوب، يجب عليك أعادة رفعه ، إنشاء الله يرفك واحد ضاربو ايدز .
باب العزيزية،قصر قرطاج، قصر عابدين،قصر الأعظمية في بغداد، وقصر الرئاسة فس صنعاء تهاوت أمام زحف الجماهير، وأحدهم فرّ وآخر قتل في أنبوب تصريف مياه وآخر أخرج من حفرة تحت الأرض، ترى أي مصير ينتظر هذا الرعديد الفار من العدالة؟
سواء كان الحاكم البشير، أو أي حاكم آخر يأتي بعده بعد حين من الدهر، فحن بحاجة إلى هكذا قصر. بيت الضيافة عبارة عن بيت بالمعني الحرفي لكلمة بيت فهو عبارة عن صالة ضيقة لا تصلح لاستقبال ضيوف البلاد من الأجانب. القصر الجديد ممتاز ومفخرة وسيظل ملكاً للشعب السوداني ولم يحمل البشير مفاتحه معه عندما يرحل.
كنا مجموعة نشاهد افتتاح القصر الجديد .والله كلنا تملكنا الغضب والحزن . وانهالت اللعنات علي البشير اقلها انشاء الله ماتنفعك وربنا يورينا غرفتك في لاهاي. اعلام غبي وحكومة بليدة.لا تراعي ظروف البلد وناسها.انا متاكد ان 90% مما شاهدوا الافتتاح لعنوا البشير ودعوا الله عليه.حكومة نص شعبها في المعسكرات والروكيب ووسط الجبال .تعرض عليه هذا البزخ التى تعيش وسطه .وهى لله.ولاحول ولا قوة الابالله
عاوزين نعرف القصر القديم اصبح تبع منو والباعو منو وسعر كان كم …!؟
البشير شكله بيدل على انه حيموت قريب، الموت ملامحه بدت تظهر عليه.
ما مشكلة, بناهو للدي ياتي من بعده ويستحقه
*بشة شكلوا مااااااا عندوا نية يسيب السلطة بتاتا !!!!
….. وهذه مشكلة كبيرة جدا …..
*بشة بنى القصر بالديون يعني زاد ديون السودان !!!
…. وهذه مشكلة أأأأأكبر ….
*بشة *يابشة *يابشة *يابشة .. خلي عندك دم؟؟؟؟؟
اين موقع القصر الجديد فى الخرطوم بالضبط لو سمحتو
هكذا هى الانظمة الشمولية والعسكرية تبنى القصور الرئاسية والفلل الرئاسية والكبارى والطرق اى البناء المادى مع اهميته ولا غبار عليه لكن قبل البناء المادى هذا الناس العندها رؤية وبعد نظر بتبنى البناء الدستورى والمؤسسات وهم الهيكل الاساسى لاى دولة تريد التطور والتقدم والاستقرار والامن والتنمية المستدامة لكن نقول شنو اهو ده فكرهم ومقدرتهم الفكرية والله يكون فى عون السودان الذى مزقوه شر تمزيق بالانفصال والحروب التى لا تزال مشتعلة وبعد اكثر من 25 سنة من حكمهم الفاشل!!!!!
العسكر لمن يتدخلوا فى السياسة والحكم لا بيحلوا مشكلة الحكم والاستقرار ولا بيحافظوا على تراب الوطن بل يكون همهم كله المحافظة على حكمهم من المعارضة مسالمة او مسلحة والدليل اهو قدامكم الجيش والمليشيات النابعة للنظام تحارب المعارضة وليس من احتلوا او استغلوا اراضى الوطن او اعتدوا عليه من الاجانب او دول الجوار!!!!!!!!!
كسرة: نقول للدلاهات والاغبياء والجهلة والفاقد التربوى ان البناء الدستورى والحرية والديمقراطية ودولة القانون والمؤسسات وفصل السلطات هو الاهم وهو البيجيب التنمية المادية والبشرية المستدامتين!!!
ماقالوا خلاص السنة ديه آخر سنة
القصر دا ماليهو داعي
القصر رمز للمستعمر …الاول بناه الإنجليز والثانى بناه الكيزان .. هذا مبلغ علمهم لبناء الدول قصور جمهورية وقصور امنية وكرملن ملىء بمن لا دين لهم
يا جماعة ما سمعتوا السفير الصيني قال ويعتبر هذا القصر مثله كقاعة الصداقة يعني بالواضح الرقاص ما خسر فيهو ولا جنيه ( ملح ساي)
مساحة القصر الإجمالية 18 ألف متر
المشيد منها 3000
ما عارف من وين جبت 150 ألف دي .. هو شارع النيل لحدي الجامعة ما بتم 150 ألف
انتقل ‘ ابو متعب’ خادم الحرمين الشريفين الى الرفيق الأعلى تبعته الدعوات الصالحات..
بينما انتقل ‘ ابو متاعب’ خادم المجرمين المفسدين الى القصر الرئاسي الجديد تبعته السخطات واللعنات..
شغلانة ماليها اي لزوم مأكلة في مأكلة
والقصر القديم يهدوهو ويبنوا محلو مول او دار للمؤتمر الوطني يكون احسن
هانت الزلابية
باللهى الناس جعانة وغلبانة, فقط نقول “الناس فى شنو, وعرب الحسانية فى شنو” وانت القصر دة بنيتو لخير خلف لاسواء سلف. بلى يخمكم لمزبلة التاريخ وجماعتك.
اقترح على المواطنين كلهم حمل اسطوانات الغاز ورصها كل شركة من مكتب .بداية من الرئيس ونوابه ثم مساعديه
كتشنر ,ونجت , لي ستاك , وايسي شتيري , جيفري ارثر , جون مفي , سايمز , هدلستون , روبرت هاو و أخيرا نوكس هيلم فطاحلة سكنوا القصر القديم و كانت لهم اليد الطولى في تقدم السودان من الهمجية الى الدولة الحديثة
المهم القصر القديم حيتباع ؟؟ ولاحيكسرو والارض تمشى للآل البشير ؟؟
بعدين الراجل أعطاكم إشاره بأنه سوف يطوووول ,, يعنى ما بقت على ال5 سنوات الجايه ,, يعنى أمكن يبقى ملك زى ما قال بله الغائب ,, لان قصر زى ده ما السهوله الواحد يتخارج منه , ولاشنو ياناس؟
وقد قسم الصحابة رضى الله تعالى عنهم القلوب إلى أربعة، كما صح عن حذيفة بن اليمان:
“الْقلُوبُ أَرْبَعَةٌ: قَلْبٌ أَجْرَدُ، فِيهِ سِرَاجٌ يُزْهِرُ، فَذَلِكَ قَلْبُ المُؤْمِنِ، وَقَلْبٌ أَغْلفُ، فَذلِكَ قَلْبُ الكَافِرِ، وَقَلْبٌ مَنْكُوسٌ، فَذلِكَ قَلْبُ المُنافِقِ، عَرَفَ ثمَّ أَنْكَرَ، وَأبْصَرَ ثُمَّ عَمِىَ، وَقَلْبُ تَمُدُّهُ مَادَّتَانِ: مَادَّةُ إِيمَانٍ، وَمَادَّةُ نِفَاقٍ، وَهُوَ لما غَلَبَ عَلَيْهِ مِنْهُمَا
خاف الله يا البشير تبني قصر وشعبك يتضور جوعا والكثير لا يجدون الماوى ويفترشون الارض والبرد ياكل اجسامهم النحيلة ومعظمهم يموتون جوعا ويفتك بهم المرض ثم تاتي وتقول ليس من هناك من هو اصلح منكم لحكم البلاد وانكم قدمتم الكثير للبلاد والعباد نعم قدمتم الموت والدمار وهل تستحقون الا الهلاك والفناء وهذا مصيركم وان تاخر يوم او ليلة فهو اتي لا محال
ما قلنا ليكم ياجماعة رئيس السودان ده غبي وبليد أنت شعبك جعان ومنتهي تبني قصر عشان تحكمو تاني بعد ده ؟ ربنا يسلط عليك غضب من عنده ويسلط عليك ضربة تهد هذا القصر الذي كملت فيه أموال البلد يا حرامي يارقاص يا ما شبه الرؤساء !! أين أنت من الملك عبد الله الذي أحبه الجميع ؟ أين أنت من الرؤساء الذين لايكذبون اهلهم ؟ أنت منافق وكاذب وشد حيلك مصيرك حيكون مصير مبارك وزين العابدين والقذافي ومصير عبد ربه منصور الذي جري بعد تقديم استقالته وما بنفعوك حراسك المجرمين السمان مثل القطط حتجري وجيجروا منك .. اين حراس القذافي يوم وقعت الحارة كل الحراس من اللجيش بتاعو وعسكرياتو بقوا أطفال صغار اتجرسوا والحيوانات الحارسنك ديل قول ليهم بعد كده ربنا حيخسف بيكم الأرض ان شاء الله ايضا قريبك المهتم بيك المجرم مدير المراسم بالقصر الكديس عماد يشد حيلو المانافع كل مرة معاك زي القرادة وكل القراد المعاك بكرة حبجري منك وارجي الراجيك
الزول ده شكلو عندو النية يقعد تاني
ايها المعلقون
لو كان “ود الهديه” يفكر كما تفكرون
و يحسبها كما انتم تحسبون
لما كنا اليوم في عداد المعدمين
و لما نقصت مساحة عشقنا عن المليون
** ** **
هذا المسترجل يخاف علي نفسه حتي من ظله المأفون
و ها أنتم هؤلاء للوقت تضيعون
علي رجل فرائصه اوهن من بيت العنكبوت الموهون
و لسوف تعضون علي اصابع الندم حين تدركون
كم اضعتم من وقت ثمين مطرقين فيم ستفعلون
في محنة اوصالها اهون مما كنتم تتصورون
ليس بالقصور تحكم الشعوب
تبنون ما لا تسكنون ..اليوم قصور وغدا قبور… بئر معطلة وقصر مشيد ..ويا بخت الرئيس القادم …يلا يا ثورية يلا يا عبد الرحمن الصادق يلا يا جعفر الميرغني يلا يا حسن اسماعيل …تاني منو؟ يلا يا لؤي مادبو …يلا يا ..اي واحد والسلام قرفنا والله من هذه الشخصيات الباهتة الكذوبة .
سمّيت المُدن النايمة
المُدن التصحى في حين
صلوات الغُبُش ..
القائمة في الدُغُش ..
آمين يا (أمين)
الناس أُم عرقاً يجهر
والسِرّها يوم حيبين
الناس التنضّحْ سُكّرْ ..
وتتجرّعْ مُرْ سنين
الناس التبني (قصور للقيصر)..
وتِتقاسم (حوش الطين)!!
و ……
باكر جايين الكادين
لدكْ وهدُ قصر تاجر الدين
وسحل السفاح السمين.
بئر معطلة وقصر مشيد
السودانيين في شنو
وهؤلاء في شنو
اما كان من الاولى بناء مستشفي بدلا من هذه الفخفخة الكذابة وبناء قصر في بلد يعاني فيه شعبه الجوع والمرض
بعد الاتفاضة يجب تحويل هذا القصر الى مستشفى
السودان في حاجة الى قصر انما نحن في حاجة الى مستشفى
القصر القديم لفاطمة والجديد لوداد كان ماعاجبكم . الله يرحم الخليفة عمر بن عبد العزيز حكم عامين وبضعة اشهر وبسط العدل وعمر البشير حكم ستة وعشرون عاما وبسط الفقر والظلم
لاحظت ان الكيزان و الدجاج الاليكترونى يحاولون اقناع الناس بان القصر منحة من الصين وهي بالقطع ليست كذلك بل مستقطعة من ارباح عائدات النفط ومنذ ان كان هناك نفط 000
يا جماعه انتو زعلانين على شنو … خلاص بعد النظام يسقط خلو الرئيس الديمقراطى الانسانى الجديد احولو فندق ودخل الفندق ادعم بى الأسر الفقيره .
دى احداثيات القصر للعايز اقصفو /
N – 128773777.235
E – 521116587.235
غصبا عنكم…
موتوا بغيظكم…
انزلناهو ورفعناهو…
ولو عاوزين نرميه في النيل بنرميهو…
البلد بلدنا ونحنا اسياده…
الماعاجبو يدخل راكوبتو ويشرب من موية طينو…
يلا قوموا يرحمكم ويرحمنا الله…
وليس هناك اصدق من قول الشاعر الراحل محمد الحسن سالم حميد:-
العندو دين.. ما بسرق البلد العبادو موحدين
والعندو دين.. ما ببني قصرو العالي فوق جوع الغلابة المسلمين
حسبنا الله ونعم الوكيل فيك ياالبشير
يا الباني قصرك وناسي قبرك
اقرأ سيرة الكانوا قبلك .. يمكن إغشاك اليقين
وين معمر وين مبارك ! وينو زين العابدين !!؟
إن قلت ديل ما بشبهوك …
وينو خادم الحرمين !!
القصر ماااا ببني مجدك
أحكم أعدل .. ونوم تحت شجرة إستكين
اول خطوات تحقيق نبوءة بلة الغايب بتحول السودان للنظام الملكي… مبروك القصر الجديد يا جلالة الملك
عندما أتى وفد الى سيدنا عمر بن الخطاب طالبين منه بكسوة الكعبة بمبالغ طائلة ,,,,رد عليهم وقال عمر الفاروق بطون الفقراء اولى بذلك ,,اين عمر البشكير هذا اللص والقاتل الهارب من العدالة من هذا الكلام ,,,,,ان شاء الله ماتتهنئوو يالصوص ياقتلة
الغريب معظم المشاريع نسمع بيها سمع وما بنشوفها ومنها المطار الجديد إشمعنى ده نفذوه هوا ولا ده عشان خاطر السنيورة وداد .. والأسرة الملكية ؟؟
يا راجل إختشي وإنت بلدك مافيها طيران وطني وبتسافر بخطوط إيجار وكل عام بتشحتوا أيام السيول والحالة ضنك لكن نقول إيه أقرع ونزهي !
سنبني قصرا جديدا سيدي الرئيس وسنرفع نفس العلم الذي رفعه السيد اسماعيل الازهري
http://www.m5zn.com/newuploads/2015/01/27/jpg//f61285a88bc20e2.jpg
قصر جميل وعاجبنا…
والبشير لن يخلد فيها…
بكره يا بني علمان بنشوفكم تبرطعوا فيهو…
ولمن يقول رائحة الكيزان…
اذا كانت رائحة الكيزان عفنه…
ماذا نقول لمن أدمنوا سب ولعن الآخرين بالسنتهم
المتعفنه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وهم يقولون ما لا يعرفون لأنهم ببساطه في سكرهم
وعربدتهم يهيمون…
وانا لست كوزا وهذا شرف اذا اصبحت يوما كوزا…
ولمن يقول اكتب اسمك…لم نسمع بان هنالك عائله
في السودان اسمها (العلماني)لتسمي نفسك(محمد البدوي العلماني)…
السودان لا توجد به عائله اسمها عائلة العلماني…فتش على بلدك…
احي البشير ارجل رئيس ف يالعالم
مبرووووك القصر
عقبال ولي العهد .
آخر عمل قام به النميري وبعده انتهى حكمه هو تشييده لمسجد النيلين .. وآخر أيام عمر البشير في الحكم في اعتقادي هو تشييد هذا القصر .
إقتباس: “وقال وزير رئاسة الجمهورية صلاح ونسي في الاحتفال أنهم ماضون في تعزيز أداء الدولة بالتنسيق بين كافة مؤسساتها وتحقيق التمنية رغم الأزمات”
“ووصف وزير رئاسة الجمهورية القصر الرئاسي الجديد بانه الاكبر والاشمخ في افريقيا ويمثل انتقال جغرافي فريد وانجاز حضاري معماري مزج بين الحاضر والمستقبل ويعبر عن هوية وعزة وثقافة الشعب السوداني.”
عن أى تنمية (تمنية) تتحدث ايها الأرعن، تنمية القصور ام تنمية الانسان والخدمات؟؟؟
وهل تعزيز اداء الدولة “رغم الازمات” يتم بالحكم الرشيد والعدل وإيفاء الحقوق لاهلها، ام عن طريق بناء الشامخات من القصور والعمارات والصرف البذخى؟؟؟
وماذا يفيدنا ان يكون القصر الرئاسى الأكبر والأفخم والأشمخ فى افريقيا (المريضة) او حتى فى كل العالم، بعد ان كنا من افضل الدول فى افريقيا ذات نفسها من ناحية التعليم والزراعة والخدمة المدنية إضافة لعفة النفس والكرامة !!!
سؤال اخير: كيف يعبر مجرد “بنيان زائل” عن هوية وعزة وثقافة هذا الشعب، علماً بأن من قام بتصميمه وتشييده ومن ثم تمويله جهة أجنبية – ما لكم كيف تحكمون؟؟؟
حليلك ياحميد..
فرتقوها..نهبوها..
وبنوا قصرإستعمارهم الجديد..
وطنى ولا ملى بطنى..
سكاتى ولاالكلام النى..
بليلتى ولاضبايح طى..
قليلتى ولاكتر سمى..
سلام يمى.. سلام يمى..
لك كل المجد حميد شاعرالوطن.
انشاءالله ما تعمر فيهو يا مقطوع الطاري(القشير) لانو من عرق السودانيين الغلابة.
..واما هذا اللون الابيض الجميل الذي ترونه اعزائي زوار متحف التاريخ المعاصر فهو من الملايين الذين سحقوا وطحنت عظامهم ليبنى الطاغية البائس المهزوم مجده الزائف
هذا القصر واجهة للسودان ياوهم انتو البشير كان مشى حايشيلو معاهو اختشو ياجبناء انتم لا تعرفون اسد افريقيا
الخازوق البشير تبني في القصور وكان الدنيا دايمه و الله العظيم يجي يوم تتبهدل بهدلت القذافي
يحكى أن( بهلول) كان رجل
مجنونا فى عهد الخليفة
العباسي هارون الرشيد .. وفي يوم من الأيام
مر عليه هارون الرشيد
وهو جالس على إحدى
المقابر .. فقال له هارون معنفا :
يا بهلول يا مجنون… متى تعقل ؟ فركض بهلول وصعد إلى
أعلى شجرة ثم نادى على
هارون بأعلى صوته :
ياهارون يا مجنون…. متى تعقل ؟ فأتى هارون تحت الشجرة
وهو على صهوة حصانه … وقال له :
أنا المجنون أم أنت الذي
يجلس على المقابر ؟
فقال له بهلول :
بل أنا عاقل !! قال هارون : وكيف ذلك ؟
قال بهلول : “لأني عرفت أن هذا زائل ،، (وأشار إلى قصر هارون)
وأن هذا باقِ ،،، (وأشار إلى القبر)
فعمرت هذا قبل هذا ،،، وأما أنت فإنك قد عمرت هذا (يقصد قصره)
وخربت هذا (يعنى القبر) .. فتكره أن تنتقل من العمران
إلى الخراب مع أنك تعلم أنه
مصيرك لامحال ” …. وأردف قائلا : فقلّ لي // أيّنا المجنون ؟؟ فرجف قلب هارون الرشيد
وبكى حتى بلل لحيته … وقال : “والله إنك لصادق ..” ثم قال هارون :
زدني يا بهلول… فقال بهلول : “يكفيك كتاب الله فالزمه” قال هارون : ” ألك حاجة فأقضيها ” قال بهلول :
نعم ثلاث حاجات ،،، إن قضيتها شكرتك .. قال : فاطلب ،،، قال :
أن تزيد في عمري !! قال : “لا أقدر ” قال :
أن تحميني من
ملك الموت!! قال : لا أقدر .. قال :
أن تدخلني الجنة
وتبعدني عن النار !! قال : لا أقدر .. قال :
فاعلم انك مملوك
ولست ملك ،، ” ولاحاجة لي عندك” ….. (كتاب عُقلاء
راااائعه اتمنى الكل القروبعسيتهدي
قصرا مشيد و بئر معطلة لقد بنى اكبر قصر ظلم فى العالم و سينهار عليه كجرف هار باذن الله الظلم لا يدوم و ان دام دمر و ان الليل فلا بد من طلوع الفجر و ان طال العمر فلا بد من دخول القبر