فتوى “مظبوطة” من فضلك..!ا

فتوى لله يامحسنين
والله داير منكم واحدة بس
( إذا واحد سرق إعملوا ليه شنو؟ )
حتقولو……. ونقطع إيده
طيب عمى كباسة دا جاكم متين؟

السلام عليكم ما طلبنا منك أنه تفضح لينا بتاع الأنتباهة الشغال يبيع النغمات للموبايلات شركة كاتيا ديجيتال.

اظرف مافي موضوع فتوى تحريم المواقع الاباحيه دي انو ديل ناس ماعندهم شغل وموضوع المواقع الاباحيه دي حاجه عارفا اي زول واي شافع فحقو انهم يشوفو ليهم حاجه احسن ولا يقفلو وماف داعى عشان هيبة الدين برضو ياخوانا ولا شنو

عزيزى ود عووضه لماذا أسقطت كلمة (صلحووو!!)من جملة (واحد فتوى مظبوطه )؟ وكلمة (مظبوطه00) لا (تجب) كلمة (صلحووو) وخاصة كلنا يعلم من هم المقصودين الذين يرددون هذه الجمله ومتى يقولونها ومعلوم أن النتيجه تكون عادة واحده إذا قالها او لم يقلها طالب الخدمه مع إحترامنا الشديد لهم !! ويبدو أن بعض المفتيون كانوا قد إمتهنوا تلك المهنه فغلبة الطبيعه على التطبع فى افعالهم واقوالهم ولا عجب!! وانت ماشى بعيد ليه ياودعووضه ما نلفت عنايه أهل الفتوى ونسألهم وارجو أن يجدوا الشجاعه الكافيه ويجيبوا عليه !! والسؤال الذى لم يخطر ببال أحد حسب إعتقادى وسيبك من السرقات والفساد والرشاوى وخاصة ان الرئيس طلب مستندات وبداء الطلب مقبولا ومنطقيا!! والى أن يمن الله علينا بالوثائق والمستندات !!فأسمح لى أن اوجه السؤال التالى لحضرات الساده المفتيين (إذا كان الاسلام وأقصد الاسلام الحقيقى وليس الاسلام الاشبه بورق البفره !! قد حرم إحتكار السلع وهذا ثابت بالقرآن الكريم والسنه الشريفه ؟ فما قولهم فى من يحتكرون الفكر والعلم والحريات ممثله فى أجهزة الاعلام التى هى ملك خالص لجميع افراد الشعب الذى صرف ويصرف عليها دم قلبه؟ ألا يعتبر هذا إحتكارا محرما بالقياس لحرمانية إحتكار السلع ؟ ونذكرهم أن ابليس جادل ربه والرسل والانبياء وأتباعهم طلبوا البرهان من ربهم وهم يعلمون أنه سبحانه وتعالى هو ربهم وخالقهم ؟ وهذا الفعل الذى يمارسه النظام وعلمائناوهم جزء لا يتجزاء منه قد لايؤمنون بقول الله تعالى (من يتق الله يجعل له مخرجا) وهل فكر احدهم أى مخرج قصده الرحمن ؟!!فد يقول قائل أن الايه اوردتها ناقصه (ويرزقه من حيث لايحتسب) والرد بسيط أنه سبحانه وتعالى هو القادر على إخراج أى كائن من كان من أى ضيق وهو القادر أيضا أن يأمنا من الخوف ويطعمنا عند الجوع ، ومن ينصر الله ينصره ونصر الله يأتى يصدق المخلوق ويؤمن بوجوده وأنه خالقه وربه ثم الاعتماد عليه فى كل حركاته وسكناته وخصوصا اولئك الذين ولاهم سبحانه وتعالى على أمر كافة المخلوقات وليس البشر وحدهم وإذا كانوا على ثقه بالله او هدى من ربهم لما أظهروا كل هذا الخوف والارتعاش فيحسبون كل صيحة عليهم وصاروا يتربصون بأكثر من ما يتربص بهم ما يظنزنهم أنهم أعداء لهم00والله غالب على أمره 0

تعرف يا عوووضه انا يا دوب قريت مقالك ، وطبعا طوالى مخى نط لى حلقة امبارح فى برنامج بلا حدود مع النائب العام بدولة قطر الذى اجاب على احد الاسئلة عن استقلالية القضاء بقطر فرد بان راسة وراس الامير القطرى طبعا سوا سوا لانه مستمد سلطته من سلطة الامير نفسة وانه مافى حصانه فى قطر الا للسيد الامير و السيد سمو ولى العهد فقط بحكم مواقعهم السيادية والباقى كلو شعب الله فى بلاد الله وكمان اتحدى بالفم المليان وعلى الهواء مباشرة وقال انا مسؤول عن كل الكلام البقلوا هنا دة اتحدى اى زول قطرى او خلافو يبلغ عن قضية ضد ايا من كان فتح فيها بلاغ فساد او خلافو ولم يجرى فيها تحقيق ويقدم صاحبها للعدالة اذا ثبت ما يستوجب ذلك وقال نحن لما يجينا بلاغ ضد الجماعة الكبار بنخت استكير على الاسم ونتعامل معه كاى مواطن عادى امام القضاء الطبيعى ( شفتو الرجالة دى كيف ? مش زى ناس دوسة الداسين روسينهم تحت التراب ) . عارف كمان قال شنو قال انو من سنة 1995 قطر الغت تبعية القضاء لوزارة العدل والغت نظام الرقابة على الصحف والغت وزارة الاعلام بالمرة يعنى بالعربى كدة مافيش منصب وزير الاعلام والناطق الرسمى باسم الحكومة يعنى زى ناس عمنا مسار بتاع الشمار ديل هناك بره الدنيا خالص . وازيد ليك شوية قال النائب العام القطرى ان نظام دولتهم قائم على ثلاثة ركائز هى: العدل ومحاربة الفساد والشفافية فاذا اختل هذا التوازن الثالوثى لا يتحقق الامن والامان للمواطن والمقيم ولسرت حمى الربيع العربى اليهم ? وفى معرض الاجابة على احتمال سريان الربيع العربى الى الخليج قال ان قطر قد بدأت ربيعها عام 1995 بما ذكر من اصلاحات سياسية واستقلال القضاء والشفافية والمحاسبية فى نظام الحكم ، فعلق مقدم البرنامج احمد نصر ساخرا ضاحكا مستهزءا بان السودان بدا ربيعه عام 1989 ( والشاطر يفهم)
تعرف القصة الطويلة دى عشان شنو !!!!! عشان بس اقول ليك انت كان راجى ناس مجمع ( الفته ) اقصد الفقه يشوفو ليك عوجة رقبتهم ورقبة نظامهم واطاتنا اصبحت وبقت ضحى . يا اخى ديل هلال رمضان بقى الا يشوفو ناس السعودية ( وطبعا قطر بعد الفكة والدولارات وكدة ) حتى بعد داك يقولو ليك نما الى علمنا ده اذا كان اصلا عندهم علم عشان ينمو ليهم شى من الدنيا . علماء البرادو ديل شكيناهم لى الله يورينا فيهم يوم احمر من عيال التنضب ( شجرة شوكية شبه صحراوية ثمارها حمراء قانية تؤكل ذات مذاق لازع – تنمو بكثرة فى دارفور وكردفان).
معليش طولت عليك لكن موضوع المواقع الاباحية الشافها الطيب مصطفى دى ما جديدة يعنى الخال الرئاسى بسلامتو ما شاف و لا ما عارف استديوهات الجماعة على الطبيعة للحد الذى تصدر فيه قرارات سياسية بتزويج بطلىّ الفليم ( فليم السياسى والسكرتيرة ده حاحكى ليكم تفاصيلو لاحقا ? لانى بعرف البطل السياسى المتنفذ بلدياتنا وكده يعنى والبطلة السكرتيرة الدلوعة الجميلة المزواجة ? تصورو صحبنا السياسى كان الزوج رقم 5 وكان عندها 8 اطفال من ثلاثة ازواج سابيقين – بس تتخيلو !!!!!!!! ) وبعدة ده كلو تطلب فتوى مظبوط وصلححححووو على قول عبد الواحد المستغرب .

بدور اسعل خال الريّس
لما لقى الفديو الاباحى حضرو كلو ولا قطع الفليم ؟