الحسن الميرغني يغادر البلاد على نحو مفاجئ
الخرطوم: علي الدالي
على نحو مفاجئ، غادر رئيس قطاع التنظيم بالحزب الاتحادي الديمقراطي الأصل محمد الحسن الميرغني البلاد إلى القاهرة ليلة أمس الأول، ولم تكشف المصادر عن أسباب المغادرة المفاجئة. في سياق منفصل رفض الحزب الاتحادي الأصل تمديد أيام الاقتراع التي أعلنت عنها مفوضية الانتخابات، واتهم أسامة حسونة المفوضية بالتنصل عن التزاماتها واعتمدها أسلوب التسويف والمراوغة وقال : إن الحزب رفض التمديد حتى لا يصبح مداعة لأية تجاوزات محتملة من منافسهم حزب المؤتمر الوطني.
الجريدة
و دا كمان مالو رجع؟ يكون قبض الفيها النصيب مكافأة له و لأبيه على مشاركتهم فى المهزلة المسماة انتخابات و اتخارج؟ و لا يكون الكيزان كعهدهم ما وفوا بالعهد و لم يتنازلوا له عن الدوائر الانتخابية المتفق عليها مع المؤتمر الوطنى و الشافع زعل و لحق بأبيه و أخيه؟
انتو صحيح الجماعة ديل من اسرة الرسول صلي الله عليه زسلم
ارى ان حال السودان موعود بكثير من التغيرات الاستراتيجية فى الاعوام القادمة وثورة لم تشهدها الدول سابقا كطوفان يوم الحشر
سياتى اناس اذا سمعوا من الحاكم كلمة تطبيع الاسلام او اسلام سيقتلعون عنقه عن جسده لانه سيزكرهم عهد الكيزان المتاسلمون و الزائل لغير رجعة
الدين لله والوطن للجميع
فقط انا سودانى
الله يكضب الشينة
نفس حركات ابوه لما تحصل الزنقه شووووو تلقاهو اتخارج منطق بالفان يا مان
باع الجماعة…شال دولارتو وهرب وباع المؤتمر الوطنى…قبض الثمن ولم يؤدى العمل…كدى تعال تانى قول داير قروش
يبدو ان (الفتة) التي كان يعتقد -CD – الحسن انها باااارده… فقد بدأ يتصاعد منها (.بوخ-دخان..)…لذا كان لابد من الهرولة لزوم الكر والفر حتى يستبين الامر ..؟؟!
ظللنا في الحزب الاتحادي دما نعيش علي نسق المفاجأت
دا تكون تأشيرتو انتهت ماشى يجدد ويجىء راجع
فرتق الحزب ورجع الى قواعده سالما !!!! ياخيبة عشم الجماعة فيك !!!!!
شكلك ابو دمعة بتتكلم عن الفتة الباردة
يعني رجع لمقر اقامة الاسرة الدائم..
قطر ودعجيب يودي ما يجيب..
بلاء ياخد عصمان الميرغني واولاده..
السودان ما ضيعة ابوكم.. روحوا شوفوا اصلكم وين..
سياتي الى جناحة الفاخر بمبني الفور سيزون علي شاطي البحر الابيض ب الاسكندرية المصرية
غلام الميرغني نفذ توصية المؤتمر الوطنب لحرق الحزب التاجر حريص علي علي امواله يفكردائما كيف ينميها ف البقال الكبير الميرغني لم يتعظ بخسارة تجارتة عام 2010م واعاد فتح دكانة من جديد بعد ان سلمة للوريث الذي يدري او لا يدري لخبط الزيت مع الجاز والطحينية مع الفحم
متعودة دائماً
الحزب الاتحادي اصبح من دون مبادي بل دميه في يد الانقلابيين…سبحانك يا رب العباد،والله السياسة اقزر من النخزير
ماهم وصوهم قالوا ليهم ماتدخيلوا ايدكم في العصيدة الحارة! بعد ماتبرد بيرجعوا الاتنين،هكذا هم
انا حقيقه مبسوط من زوال الاتحادي من العمل السياسي في السودان لان وجوده بعبر عن اننا لازلنا نحترم الاستعمار وادواته حزب موسس ضابط اجنبي جاء مستعمرا للبلاد وثانيا حتي الان اسمه الاتحادي اي داير اتحد السودان مع مصر وخروجه من العمل السياسي وانشاء الانقاذ يتكتب ليها في ميزان حسناتها اذا حرقت هذا الحزب
طريق السلامة .
من هو محمد الحسن الميرغني!!!!!!!!!!؟؟!!؟؟؟؟؟؟
ماهو ماشى الحج ويلحق بالصادق عشان يشوفوا التعليمات الجديدة لاتنسوا حلايب سودانية رغم انف الذاهبين لزيارة الاهرامات
الأخوه الاشقاء ،ألقوه الاتحاديه الحقيقيه الصابرون والقابضين علي الجمر تحيه لكم واليكم اخر المهازل
في فجر اليوم الثاني من الانتخابات المزعومه وعند الرابعه فجرا هرب الحسن المرغني بالطائرة المصريه
المتجه الي القاهره ،هرب رئيس الحزب بالانابة ويقول بعض العارفين او المغرضين والله اعلم معه حقيبه
مليئة بالدولار وتم ذلك بدون معرفة اقرب المقربين اليه ،لقد فوجئ الجميع بسفره الذي تم وبالتاكيد بعلم
ناس الموتمر الوطني ،لقد اختفي الرجل ومعه أموال الحزب التي جمعت،هذا الحسن هو رئيس لجنة
الانتخابات بالحزب ،واستلم تبرعات من رجال الحزب قد بلغت الخمسه مليار بالقديم و يكون قد صرف
منها حوالي المليار دون رقيب او حسيب ،،وذلك للعلم حتي تعرفون حجم الكارثه والي اي درجه قد
انحدرنا مع هذا الشخص العجيب وتلك الأفعال الدنيه وحب المال بشراهة بدون مراعاة لتاريخ ومكانة
حزب الوطنيه حزب السودان وصمام امانه وما خفي اعظم ولنا عوده للعلاقة المالية المشبوهه مع شياطين
الموتمر الوطني (لعن الله السفه والحوجه والطمع)..
هههههههههههههههههههههه قبض حقو وزاغ ما اصلها عايره وما خده سوط
ياجماعة ماتتهمو الراجل ظلما وبهتانا نحن مانرضى هذا الكلام في الرجل الذي نراه نظيفا ولم يتلوث بحقوق الناس اتقوا الله ياجماعة وتتفوهو بهذا الكلام علما بان هذا الرجل من الاشراف ومامحتاج ياكل من الحكومة او غيرها