بعـيداً عن أي تعـاطف ٍ مريـض أذكـــروا مســـاوئ أعدائكم!!!!!

هذا المقطع أدناها من قصيدة ( أم زين ..كلام في الزّمة علي لسان السّرة بت محمود وحامد ود الطّفّح)1999
يبين ما فعله حسن الترابي بالإنقضاض علي الديمقراطية 1989وتحويل السودان إلي ماسي وكوارث وإنحطاط علي كل المستويات يشهد علي ذلك ما وصل إليه السودان الأن من خراب ودماربفعل هذا الحسن الترابي ..
……………………………
بعد الرّوح في الجتّه اتردت
قلنا نعدي الشاطي اللاخر
زي ما الناس سبقتنا وعدّت
قلنا نعدي الشاطي اللاخر
جبنا المركب !!
دِرنا الدّفة !!
يا حسن اركب !!؟
يا حسن اركب !!؟
يا سجم اركب !!؟
يا سجم اركب !!؟
سجم الخاين صرّ وجيهو ونفّ
سجم الخاين جقلب وشكنب
مدَ لسانو فرق اسنانو
سجم الخاين قدّ المركب
سجم الخاين قدّ المركب
؟؟؟؟؟؟؟؟؟؟؟؟؟؟؟؟؟؟؟
تاني وقعنا علي دابرنا
وقعنا غرقنا
غرقنا حتلنا
يا بو مروّه… ؟؟؟
يا بو مروّه…. ؟؟؟
منو البنشلنا .؟؟؟
كان .. وكنّا
قال …وقلنّا
فقدنا ضماير
بقينا عشايردمها فاير
كتل الرّوح بيناتنا شعاير
زرعوا الحال بيناتنا خساسه
ناس للشر واللّوم عوّاسه
كتل الروح سموهو سياسه
غدر الزّول سموهو فراسه
فن الزّيف سموهو كياسه
من ملاكي وخونة كاكي
قرود بتحاكي
ديوك بتكاكي
تجّار نخّاسه
وجهلة ساسه
بسم الدّين
باعونا بخاسه.

[email][email protected][/email]