وزير المالية : مؤسسات إتحادية تزور أرانيك مالية وتستخدمها فى تحصيل إيرادات غير قانونية

الليله جاي من مكتب الضرائب ,,,
لاول مرة احس انو البلد دي ماشه لقدام ,,,

يا سلام اي زول عارف ان كان كل لف ودوران تجي انت كنت في الحكومة وتقول اول مرة تعرف كده وبعدينك ناس البدقوا الأبواب ما كأنو بمرو عليك زي ما قال والي الخرطوم عبدالرحمن الخضر ما كنت عارف في رسوم نفايات في حين ان كان في نيابات لرسوم النفايات تسجن وتغرم قوله أدب فارغة حسه ده كل كوم هل سوف تفتح بلاغات في الجماعة ديل وترجعوا القروش للناس ام هنالك خطة جديدة لتقنين الفساد لانالشعب بدفع وخلاص اذا دعتك قدرتك علي ظلم الناس فلا تنسي قدرة الله وبلاش نبش الماضي وبلاش فضايح في بعض

خلاص شبعتوا دايرين تضيقوها على اكلى فتاتكم نحن حدنا معاكم ترجعو لاصلكم جالوص
و عنقريب حبل عشان نغفر ليكم حق جلدنا و زلتنا

“”وأعلن زيادة نسبة الايرادات خلال الـ٦ اشهر الماضية إلى ٢٠٪ ، وأكد ان عرض الكتلة النقدية فى السوق لم يزيد عن ١٤٪ مما أدى إلى هبوط معدل التضخم في يوليو الماضي من ٣٩٪ الى ١٨٪
وأعلن عن زيادة ملحوظة فى الايرادات الضريبية بلغت ١٠٤٪ ، ولفت إلى ان الصرف على التنمية وصل الى ٢ مليار جنيه توقع ان ترتفع الى ٥.٧ مليار جنيه، وأكد التزام وزارة المالية بالتحويلات الجارية للولايات بنسبة ١٠٠٪.
وأشار إلى ان الصرف علي تنمية الولايات بلغ ٩٢٪ وحزم الدعم الاجتماعي ١٠٠٪ .
“”

سمعنا و سنظل نسمع مثل هذا الحكي . سؤالي لأهل السودان ( عدا المتحكمين فوق اعناقنا من الكيزان واشباههم وما ملكت ايديهم) هل منكم من انصلح حاله او بقي كما هو عليه؟ من منكم يَشهَد علي ذلك، و يُشهِد الله والله خير الشاهدين.

مابحلكم الكلام ده والله يابدر الدين
الناس العلمتوهم على السرقة والنهب ولمدى سنين طويلة لن ينفطموا كده بي اخوي واخوك لانهده شطر بيرضعو فيهو ليهم سنين
جاي هسه تقول ليهم بكل بساطة ( تك )
ده فساد لن يستطيع احد أن يقف في وجههة لاوزير مالية ولاغيرو
ده فساد حكومة بي حالهاولن ينتهي الا بذهاب هذه الحكومةالى مزبلة التاريخ وتحطم ترسها
قال داير يوقف الفساد قال ده كلام مضحك والله عاين زي الجاي امبارح ده بالله
انت مسكين ولا شنو يمين رئيسك ذاتو مايقدر يوقف الفساد الشغال في البلد ده
والمسالة مسالة وقت ياقلعوك ورموك في الشارع ياوقفوا ليك اورنيك 15 الالكتروني العاجبك ده ياكمان لقوا ليهو ثغرة بي طريق تاني يحلبوا وبالزيادة كمان
لازم يلقوا ليهم طريقة يلقفوا بيها قروش لانهم اتعودوا على كده وعمرك ياوزير مالية او غيره ماتتخيلوا ان توقفواالفساد المستشري في هذا البلد المغلوب على امره
لانه كما قلنا ده فساااااااد حكووومة وليس فساد مسؤولين لتاتي سعادتك وتوقفه
حررررررم ده شطر لن ينفطم راضعوه كان نططت ههههههههههه

طيب دا إعتراف رسمي بالسرقة وين المتحصلين ديل قومو وحاكموهم أو على الأقل الشعب السوداني يعرف أن هناك حرامية في حكومتكم

الاخ الوزير لايعرف ياترى الفرق بين الرسم والنشاط الاقتصادى ؟ لان المجالس التشريعية الولائيه هى التى تجيز المفروضات الماليه للمحليات,فمجلس تشرعى ولاية الخرطوم اجاز وفى عدد 20 جدول 164 رسم,مثلا,رسم الرخصه التجاريه,هذا الرسم وحسب قاعددةبيانات الانشطه الاقتصاديه لاحد محليات ولاية الخرطوم مفروض على عدد 30200 نشاط تجارى.يبدو لى ان الرسم عند الاخ الوزير قد تحول الى نشاط!! اذ لايعقل ان تكون بالمحليات 176000 رسم!!ولماذا لايرد اعضاءالمجالس التشريعيه الولائيه وهم القائمون قانوناوفى ظل غياب الجالس التشريعيه للمحليات على مثل هذه (الترهات)…المعمول به الان من تطبيق لسياسات جديده(تحصيل الكترونى) ان لم يحكم بقاعدة بيانات+خرط رقميه+كادر تحصيل مدرب بشكل جيد سيكون المهدر من اموال الرسوم المقرره على الانشطه الاقتصاديه كبيرا ونضيف متمنيا الاستفاده من التجربه الاثيوبيه والتى نجحت بعد11عام من التجريب والتطبيق فى الوصول الى الاهداف المقرره استراتجيا لتنمية الموارد الماليه وتحصيلهانضيف ان الاجهزه الحموله للتحصيل ولاستخراج الايصال البديل ل(15)دون المواصفات المطلوبه…اضف اليها عوامل لايد لادارات الايرادات والتحصيل فيهاكقطوعات الكهرباء المتكرره+(طفشان)شبكة النت . ارجو من الاخ الوزير وقبل اطلاق التصريحات (اقتراح)الاجتماع بمدراء ادارات التحصيل بمحليات امدرمان الكبرى لمناقشةالاداءالتحصيلى لشهر يوليو2015!!!

ومازال بشبش ينكر ويتحرى النكران!!
يعني كل وزراؤه حتى نائبه يتحدث عن انتشار الفساد علنا وكل مرة الخايب يغيب ويجي ينكر؟؟؟ قال مافي فساد قال وكمان عاوز دليل!! والله عصابات المافيا مالحقتكم
وبقانونه القال ما مدغمس مفروض كلكم تصلبوا من خلاف من بشة الى اصغر مرتشي في دولة الفساد دي

وجاي يعني داير تشتكي للشعب؟ ديل ما ناسكم البعوسوا في الاقتصاد!!

” ماكنت قايل فى ٤٠ اورنيك وما كنت قايل فى ٣٦ الف رسم”
بالله ده وزير مالية ده ؟!!
مهزلة والله ,, مهازل بالاحرى .. مؤسسات حكومية تمارس التزوير ؟!!
والذي لا اله الا هو لا يوجد نموذج للفشل الاداري والحكومي أسوأ من النموذج الذي قدمتوه خلال ربع قرن من الزمان .. مجموعة لصوص ومرابين لا يتمعون بادنى قدر من النزاهة والاستقامة والكفاءة والوازع الوطني البسيط ..

(تطبيق النظام الالكتروني كشف عن جيوش جرارة من المتحصلين تتجاوز ١٧ ألف متحصل بعض منهم قام بانشاء شركات خاصة وأضاف ” ماكنت قايل فى ٤٠ اورنيك وما كنت قايل فى ٣٦ الف رسم”)
قطعتوا قلوب الشعب المسكين وقصمتم ظهورهم 26 سنة والليلة جايين تقولوا ما كنا عارفين كل هذه الجبايات وغير قانونية؟ عجبا للحرامية الشعب فعلا مساكين

يا سيد الوزير اي واحد يعرقل او يرفض او يشكك او يستعمل الاورنيك الورقي حتى لو كان في وزارة المالية شوتو بره او دخلو كوبر وكل الشعب معاك ..

الترابى هو المسؤول عن كل مليم أو جنيه تمت سرقته لانه هو الذى افتى لهم بذلك . حسبنا الله ونعم الوكيل منك يا شيخ يا ضلالى يا فاسد .

الخبوب …….. السؤال الوجيه ….. بعد حبي هذه الايرادات … اين ستصرف ….. طبعا في الصرف البذخي …. زي ما قال ….. نائب الرقاص …. المحزون اليائس ………. بظلم ذوي قرباه ………..

الوزير يستغرب ” ماكنت قايل فى ٤٠ اورنيك وما كنت قايل فى ٣٦ الف رسم”). عامل مخلوع، بس على مين. نحن فهمناكم كويس. جدلاً صدقناك يا وزير الغفلة،
طيب وبعدين. ويش سويت يا الوزير الهمام. اتهام وجريمة جاهزه، سرقة وتزوير اوراق رسمية
ولا أكيد ستضاف إلى سابقاتها من قضايا الفساد. حتى التحلل لن يطبق عليها.

يا حليلك يا بدر الدين،

الليلة جاي بتعتذر وترجع أيامنا الزمان. مين وين أجيب ليك العمر.

عووووووووووووووووووووووووووووووووووووووووووووووووك ما بخلوكككككككككككككككككككككك