أخبار السودان
أرقام قياسية للدولار والريال السعودي مقابل الجنيه
سجلت أسعار العملات الأجنبية اليوم أرقام قياسية جديدة أمام الجنيه السوداني الذي يواصل الإنهيار رغم تكثيف الأخبار المفبركة بوصول ودائع خليجية أو القبض على شبكة تزوير عملات أجنبية بالدويم أو سنار ، كل ذلك لم يجدي نفعاً ولم يوقف إنهيار العملة السودانية ، وفي جولة للراكوبة عصر اليوم وسط عدد من تجار العملة بالخرطوم ، قالوا أنهم يبيعون الدولار اليوم بسعر يتراوح بين 10200 و10300 جنيه وسعر الريال السعودي يتراوح بين 2675 و2750 وذلك حسب الكمية والتاجر.
نحن لو ما جينا كان الدولار وصل 20
نحن لو ما جينا الخطوط البحرية كانت اتباعت
بس احببت ان اذكركم بوعود هؤلاء الكذابين
وعلى السودان السلام
هل السودان دولة فقيرة لهذه الدرجة
كلا والف كلا فالسودان غني بثرواته فالتعدين الاهلي والرسمي
والثروة الحيوانية والبترول المنهوب وغيره من الموارد كلها نهبت
اذا كان وزارة كالمعادن اختلس فيها 40 مليار ومكتب الوالي مليارات وما الي ذلك من المخالفات والسرقات المعلنة فاذن هذه باد منهوبة والان الجبهجية كوادرهم شدت الرحيل وخصوصا بعدما ازاحهم الكذاب الكضاب
.
الدولار اليوم الساعة 5 مساء وصل الى 10.400
حسبي الله و نعم الوكيل
قد انصح نفسي بالادخار، ليس بالدولار و لا بالعقار، ولكن بما يمكن حفظه مما ياكل الناس و الانعام حَباً و فولا و عدسا و زيتاََ تمراً، اذ تتقافذ امام نظري اشباحاَ لا جلود لها~~~~!!!!؟؟؟؟
حسبي الله و نعم الوكيل
قد انصح نفسي بالادخار، ليس بالدولار و لا بالعقار، ولكن بما يمكن حفظه مما ياكل الناس و الانعام حَباً و فولا و عدسا و زيتاََ تمراً، اذ تتقافذ امام نظري اشباح لا جلود لها~~~~!!!!؟؟؟؟
نتوقع زيارة قريبة لشيخ الطريقة الشحادية
العارف بالرقيص عمر البشير لقطر او السعودية
تتبعها عملية تحويل الحبة قبة من قبل
ابواق النظام من صحفيين ومتنفذين
بادعاءات واكاذيب بوصول دعومات مليارية.
وتستمر عملية احتجاز الشعب في غرفة الانعاش.
و كل شحدة والدولار طالع.
يعني فاكر وديعة المليار دي ح تمشي لأقتصاد البلد وهي زاتها تكفي منو ولا منو
الحيوان حميدتي بهرشهم بدو جهاز الحراميه الذي لا علاقة به بالامن بيأخذ حقو
الوزراء الفاسدين وحاشيتهم تقبض تماسيح المجلس الوطني يقبضوا ثمن ولائهم للبصمة
اما كبير الجرامية الفاسد والفاشل الاكبر لوما كان الارنب فطوره والحمار قدائه
والغزال عشائه ممكن الآخرين زاتهم ما يلقوا ( عضه )
الـصـافـى دهـــب الـخـزانـة
والدولة ام فوت سيد بكانـة
بـريـدو ودشـيـوخ البـطـانـة
****
شدّوا ليهو البمغى الرسانة
ومرق المـا بدورلـو اعانـة
بـقــيــم الـلــيــل بـالـديــانــة
ويـحـل مفـصـول الضمـانـة
بـــــــــــــــــريــــــــــــــــــدو
****
مـرق ود كرسـى الحكومـة
وقـشّـاش دمـــع الظـلـومـة
الضـايـقـة بـفــرّج هـمـومـا
والواجـبـة بيـعـرف لـزومـا
بـــــــــــــــــريــــــــــــــــــدو
****
شــــدّوا قــارحــو الـمـقـلّــد
نــهـــم تــيـــلادو الــمــوّلــد
نـسـف الكـيـس ليـنـا جـــرّد
وشيشـك للـى الدمعـو بــرّد
بـــــــــــــــــريــــــــــــــــــدو
****
مـــرق ود بـيــت الفـضـالـة
تـيـتــب للهاكــعـــة شـــــالا
عظيـم بالحـيـل يــا ابـقـدارة
مِتـل قريـش فــى الشـطـارة
بـــــــــــــــــريــــــــــــــــــدو
****
مـــرق ود بـيــت الـدراســة
الطـاهـر خـاتــى النـجـاسـة
شـــدّوا لـيـهـو ام جـراســة
ودخـــل الـبـرطــن نـحـاســا
بـــــــــــــــــريــــــــــــــــــدو
****
مــــرق اب زيــنــا مـكـمّــل
لـــو مـسـفـوه لـــو مـهـمّـل
درعـو البـى الجـوخ منـمّـر
ولبسو البى الخـوخ مسمّـر
بـــــــــــــــــريــــــــــــــــــدو
****
قـاضـى اوكـاتـو وفـروضـو
ومرق السابـلات عروضـو
بـــــــــــــــــريــــــــــــــــــدو
****
عــــــوق الآلاف بـــقــــودو
وحـرسـو وصنـعـة حــدودو
عـبــدالاه يـبـلــغ قــصــودو
ومتـل حـاتـم يحـكـو جــودو
بـــــــــــــــــريــــــــــــــــــدو
****
عــبــدلله دقــــر الـحــرايــق
ونـاقــى الـعـيـب والتـقـايـق
بـالأقــراب مـاهــو عــايــق
كريـم اخـلاق طبـعـو رايــق
بـــــــــــــــــريــــــــــــــــــدو
****
دارس سـايــس الـطـرايــق
وفـــارس جـــاب الحـقـايـق
بـحـل المسـجـون وضـايــق
بـــــــــــــــــريــــــــــــــــــدو
****
شـدوّا ليهـو لقـارح جـوادو
ووافــــــر لـلــعــامّــة زادو
عــبـــدلله يـبــلــغ مـــــرادو
على الهايكوت ظعنـو قـادو
بـــــــــــــــــريــــــــــــــــــدو
عبـدلله الفـرسـان صميـمـن
يـشـلّـع عـيـقــان زحـيـمــن
جـــدّو البـهـيـات عـظـيـمـن
مـلــك ذاوات مـــو نـديـمـن
بـــــــــــــــــريــــــــــــــــــدو
شــدّوا قـارحــو اب فـرايــة
وســلّ اب جـدلـة وسـقـايـة
عـبـدلـلـة كــــاب الــولايـــة
جـلـيـس سـتــات الـسـرايـة
بـــــــــــــــــريــــــــــــــــــدو
****
شدّوا ليهو البنسـف سبيبـو
ومـرق الـمـا بعـيـق قريـبـو
آمــن الـجــار يـــا حسـيـبـو
جليـس للبارعـيـن وضيـبـو
بـــــــــــــــــريــــــــــــــــــدو
****
غــلّــق زاد مــــو مــخـــادة
ومـــرق الـخـاتـى الــبــلادة
النصـر والفـال هيلـو عـادة
وبجبـد نـاس فــى الشـهـادة
بـــــــــــــــــريــــــــــــــــــدو
الحكاية وما فيها ان كبار البرجوازية المتأسلمة وتجار المؤتمر الوطني والحزب الحاكم والوزراء الجدد يقومون بعمليات شراء الدولار والريال والعملات الصعبة ويحولون مدخراتهم الى العملات الصعبة كما انه في ظل انهيار العمل فأن كل من لديه نقود بالجنيه السوداني يقوم اما بتحويلها الى عقار او حديد او شراء العملات الصعبة من السوق..
لذلك يتوقع المزيد من انهيار الجنيه السوداني لأن حاميها حراميها اضف الى ذلك عمليات الشراء المحمومة التي يقوم بها الـ سوبر حجاج..
الاخوان المسلمين حرامية ، واللا موش يا عثمان ميرغني ؟؟؟؟؟؟
ابشروا يا مغتربين بعد ما قال علي ربيب الحركة الاسلامية قريبي للاسف الزبير احمد الحسن عندما كان وزير مالية وقت شبعة البترول انو المغتربين ديل ناس مساكين وشاين السعودية وابامارات عشان يجيبو صابون اللوكص ومعجون السقنال هسي حقو يجو راجعين الصابون والمعجون راقد طبطرش قلت لو لنن تمشو انتو نحنا بنجي راجعين صاحبك زعل مني ومد شلوفتو مترين دحين يا اخوي الزبير نحن الحمد للله ما سمعنا كبام السجمان قاعدين نتفرج علي نهايتكم الحتمية والدولار دا هو.البيجيب خبركم مش المعارضة وبعدين اسمعو كلامي دا كويس يا المغتربين سعر الدولار متوقع نعاية العام دا يصل 12000 ج عشان كدي العندو والمعيشة والدراسة بس قروش ما يحولها الا مصاريف الاكل
قبل شهورعندما حصل سعر الدولار 7 جنيه قلت لواحد و الله دي مصيبة و انا خايف لو الدولار حصل 10 جنيه 99% من الشعب السوداني حيجوع. صحبي ضحك شديد و قال لي هو الشعب لسا ما جاع؟؟
حسبنا الله ونعم الوكيل.ضيعوا السودان الله يضيعهم الله يبتليهم بالامراض والمصائب.
روح من الإحباط والانهزامية وكأن الدنيا انتهت….لماذا على السودان السلام؟ ألم تلد حواء غير هذه الشخصيات التي يدور السودان في فلكها منذ عقود؟ هل حكم الانقاذ نهاية المطاف؟ لا بد من شحذ الهمم والنهوض…. والتخلي عن اللامبالاة….وإلا ضاعت البلد وضعنا…ولن ينفع البكاء والنحيب يومئذ….
سوف يظل يرتفع ويرتفع ……..ويرتفع ويرتفع…. ويرتفع
لامخرج لحالة البلد الا بقيام انتفاضة شعبية لتغيير هذا النظام الجاسم علي انفاس الشعب .ومحاسبة كل مسؤل مختلس وحرامي
زار وزير المالية وكورجة من الوزراء قطر لتسويق مايمكن تسويقه مما بقى من السودان …قطر ما اشترت اى حاجة…هو فى حاجة تانى يشتروها ما بلد واتشلعت…. اها الوزير رجع بخفى حنين…علما ان الودائع القطرية هى جهاز اكسجين الجنيه السودانى…الجنيه السودانى يحتضر…العارف ليه اكسجين للجنيه اليقولو لينا
أنا كنت عايش في أثيوبيا … الدولار في سنة 2010 كان بيعمل 14 بر … هسي بعد خمسة سنوات الدولار بيعمل 19 بر … في نفس الفترة الجنيه الدلاور كان ما بين 1.5 و 1.7 جنيه سنة 2010 … هسي الدولار عامل 10 جنيه … وأحسبوها براكم … السودان بلد عايشة على الهبشة وكل شيئ فيها بينهار بمتوالية هندسية … الأسوء هو إنهيار أخلاق الناس نفسها … الإنقاذ أفسد الإقتصاد والعباد … ومصير البلد شكلوا ماشي على درب الصومال … البشير ربط مصير السودان بيهو … بقت مافي دولة … كل شيئ تابع للبشير .. الجيش والشرطة ومؤسسات الدولة .. حتى الشركات الخاصة شغالة لحساب البشير وأتباعه … حاجة أسوء من اللي سواها سياد بري في الصومال … أول ما سياد بري إنهار … الصومال إنهار وراهو … وكل الحكومات الصومالية ما عندها حتى القدرة إنها تحمي مكاتبها طول ربع قرن … ومافي أي أفق واضح للحل في البلد … وليبيا نفس الشيئ … مليشيات حميدتي بتسرح في وسط العاصمة … وأهالي النيل الأزرق عندهم مجاعة وهم في أخصب أراضي العالم وبجوار أكبر نهر في العالم … شوفوا البؤس في جبال النوبة ودارفور … أهالي شرق السودان بيموتوا بأمراض ما قبل التاريخ … وكل يوم الأزمات بتقترب من العاصمة كل شيئ بيقرب من للخرطوم … يوم من الأيام الحرب والمجاعة بتوصل الخرطوم والقروش زاتها ما بيكون عندها قيمة ما يجي الوقت داك … لا دولار .. ولا جنيه .. والقوي يأكل الضعيف على زي العصر الحجري.
يا شباب القطط السمان والحراميه الكبار اكلى المليارات من اموال الفقراء كبسو السوق عشان يحولو ما تبقى عندهم من عمله سودانيه الى عملات حره وتهريبها للخارج لاحساسهم بان انهيار الاتحاد الاشتراكى اقصد المؤتمر اللا وطنى قد اوشك
سدو المنافذ واشعلو الثوره وزروا الكلاب فى طاحونه.
انى اشتم رياح الثوره. نداء لكل الشرفاء من لبناء القوات المسلحه للانحياز للثوره
حتى أمس تضاعف الدولار 867 مرة منذ مجئ هذه الطغمة
لا يزال الرجل يكذب ويتحرى الكذب حتى يكتب عند الله كذابا
الوضع سوف يستمر من سيء الي أسواء والحياة سوف لن تحتمل وهم سوف يظلوا جاثمين علي صدور الشعب السوداني لايحسون بي أوجاعه لذلك علي الشعب أذا أراد الحياة أن يفعل ماهو مناسب السودان بلد غنية بثرواتها وأمكانياتها المشكلة في الحكومة لعدة أسباب :
1- الفساد المستشري في جسد جميع أجزاء الدولة
2- سياسة التمكين التي أفرغت جميع دواوين الحكومة من الكفاءات وأتت بمزوري الشهادات
3- عدم أستخدام الموارد بالطريقة المثلي
4- عدم تحديد الأولويات والتخبط العشوائي
5- الأسترتجيات التي توضع عبارة عن رزق اليوم باليوم وليست ذات أهداف محددة
6- أستمرار البشر رئيساً للبلد لفترة طويلة تجعل من يعمل معه يغطي علي جميع الأخطاء
7- السياسة الخارجية لا تقوم علي موازنات واضحة ومن يكلف بأدارتها لا يحمل من الأمكانيات مايؤهله الي لعب دور بارز لان السياسة الخارجية تحتاج الي حنكة ودهاء وليس الي خبث وهذا غيض من فيض والله من وراء القصد
انتو مسعولين من الخير .. دحين وزير الماليه اخدلو خفسة لقطر قبل أيام .. ماجابلو شىء معاهو ولا جاء مدلدل ايداتو.. الظاهر القرعه عادت خاويه ..!!
البلد اصبحت تسير علي عجل الحيد ..لايوجد انتاج نهائي حتي الثوم والبرتقال ياتي من الخارج .نتوقع صعود الدولار الي 13 جنية بحلول ديسمبر ليصبح الجنية ورقة لا قيمة لها وبدون اي تغطية .رائحة التغيير فاحت فاحت وفي انتظار ساعة ال0 .
الحقوا الدولار بذهب شركةسيبرين الروسية عووووووووووك
أخر احبار العمله الان بالسوق الاسود – انخفض وبشكل مفاجئ سعر الدولار الامريكي مقابل الريال – فقد اصبح الدولار الامريكي بالسوق العربي الان 9500 جنيه سوداني – والريال السعودي يساوي 2450 جنيه .
عليكم الان التحويل بأسرع فرصه ممكنه .
كتمت كتمت
غدا ينط لكم واحد من السمجين ح يقول ليكم السبب موسم الحج
سقطت سقطت
أسعار الجنيه السوداني مقابل الدولار منذ 1989 حتی الآن
1989 = 12
1990 = 20
1991 = 75
1992 = 132
1993 = 216
1994 = 400
1995 = 578
1996 = 1246
1997 = 1576
1998 = 1994
1999 = 2516
2000 = 2571
2001 = 2587
2002 = 2633
2003 = 2608
2004 = 2582
2005 = 2435
2006 = 2171
2007 = 2015
2008 = 2057
2009 = 2390
2010 = 2900
2011 = 3700
2012 = 5500
2013 = 7200
2014 = 8900
2015 = 10000
اريد ان اتعلم كيف يبنى الهرم مقلوبا…………….